حد يشور علينا

[زوجة طبيب]

السلام عليكم جميعا اخواني و اخواتي

أكتب من دبي مدينة الأحلام زي ما بيسموها و انا انظر لها بكل الحيرة : يا ترى ايه اللي هيحصل و ايه الصح نسيبها و نودعها و لا نرتمي في حضنها الى ما شاء الله

انا يا جماعة مرات طبيب مصري و مدرس في كلية الطب جامعة عين شمس..كنا عايشين في مصر تعبانين صحيح لكن مستحملين ضغوط الشغل و النباطشيات و الدراسة و امتحانات الدكتوراة العصيبة اللي هلكت اعصابنا الى ان نالها زوجي العزيز و هو عنده خمسة و تلاتين سنة و لسة ما حاولش ياخد فرصته في السفر زي كل الاطباء المصريين المتميزين ما بيعملوا ، و لكن حسينا ان الأوان آن للبحث عن فرصة شغل احسن عشان نكون ةنفسنا ماديا لان ميخفاش عليكم الجامعة مرتبها اساسا ميفتحش بيت و لولا الشغل في المستشفيات الخاصة بعض الايام ما كناش قدرنا نعيش... و جت الفرصة في دبي و خد اجازة سنة من الجامعة و راح هو الاول سبقنا و بعدين استقدمنا بعد شهر و نص و رغم كل المتاعب اللي عانيناها عشان نستقر في بيت مكتمل و ناخد رخصة السواقة و نجيب عربية بالقسط و ندور على مدرسة لعيالنا الا اننا بصراحة كنا سعداء اوي و مبهورين بالنظافة و الحياة الرغدة و التحضر و كنا مبسوطين و بنقول دايما ربنا يديم النعمة... لكن كثيرا ما تأتي الرياح بما لا تشتهي السفن فبعد ما عدت السنة خدنا اجازة كمان عشر شهور بالعافية و بعدين بسسسس ...جااااالك الموت يا تارك الجامعة! جاء احمد زكي بدر رئيس جامعة عين شمس و قفل حنفية الاجازات اللي كانت مفتوحة على البحري طول عمرها ، قفلها جامد على الكل :اللي بقاله خمستاشر سنة و اللي بقاله سنة واحدة كله زي بعض.. حط شوط تعجيزية ومستحيلة و و قفت كل الاجازات و بقى لازم نرجع عشان ما يتفصلش زوجي العزيز من جامعته اللي كان فخور بالانتماء ليها و اللي وصل لها بجهده و تفوقه .. بس احنا لسة ما لحقناش نحوش حاجة.. و اتعودنا على مستوس معيشة مش هنعرف نوصل لنصه لو رجعنا و خاصة انه مش ضامن يلاقي شغل خاص تاني جنب شغل الجامعة فالللي بيسيب مكانه بيروح لغيره.. يا جماعة مرتب مدرس الجامعة ألف و ميتين جنيه فقط لا غير !!!

بقينا بين نارين:

-نرجع بخيبتنا مش محوشين لسة المبلغ اللي نقدر نتسند عليه و نرجع لمصر بكل سلبياتها اللي كلكم عارفينها و نودع عيشة العز و نحرم عيالنا من الرفاهية و النظافة و التعليم الراقي و التكيف و الفسح و الابهار اللي في دبي.. بس عشان نحافظ على وظيفة الجامعة ؟

- و لا يستقيل زوجي من الجامعة اللي المفروض انه هيوصل عن طريقها للقب استاز في يوم من الايام و اللي كمان بتعتبر مكام مضمون له يحميه من انه يبقى دكتور عاطل او صايع لا قدرالله لو شغله في الخليج انتهى لأي سبب؟ويعيش هنا الى ما شاء الله أخصائي و بس صحيحن ، لكن باكتر من عشر امثال مرتبه في مصر؟؟

و لو رجعنا مصر الى ان تعدي ازمة الجامعة مع رئيسها الهمام و الى ان تزول الغمة او الى ان تحق له الاعارة بعد سنتين و نص... هل تتوقعوا اننا نقدر نلاقي عقد تاني و فرصة تانية بسهوله في نفس البلد؟

انا خايفة اوي من الرجوع لمصر.. انا زيكم كلكم بنزل الاجازة في الصيف ما ببقاش طايقة نفسي و لولا وحشة الاهل لكنت طفشت منها تاني يوم..معلش دي الحقيقة صعب اوي الواحد يعيش في العز و الراحة و النظافة و ينزل يشوف الحر و التراب و الحشرات و الزحمة و المطبات و الألعن طريقة معاملة الناس لبعض..

عاوزة رأيكم أرجوكم و ربنا يستر.....

[dongol]

انا تقريبا في نفس ظروف زوجك بس انا مهندس و اخر سنه لاجازتي هي السنة دي او اللي بعدها بالكتير و انا واخد قرار ان الاستقالة هي الحل الامثل لان بصراحة صعب الواحد يرجع يعيش في مصر بالف و نص (راتب الحكومة) لاني الواحد رتب اموره علي الراتب اللي بياخده في الامارات و لو حسبتيها الفلوس اللي الواحد ممكن يحوشها في سنه في الامارات هي تقريبا اللي ممكن يحوشها في عشر سنين في مصر

يعني حتي لو بعد خمس سنين (مثلا) شغل في الامارات قرر انه ينزل مصر هيكون تقريبا حوش المبلغ اللي ممكن يحوشه في مصر طول عمره

اما بالنسبه لمسألة المركز الجامعي فدي مسأله شخصيه بحته و جوزك الوحيد اللي ممكن يحكم عليها

تحياتي دنجل

[osmel33]

الأخت الفاضلة زوجة طبيب والله مش عارف أقولك أيه ولا أيه بس تعالى نحسبها بالعقل ونفاضل:

1- فى حالة الإستمرار فى دبي :

المميزات:

- هاتعيشوا حياة كريمة

- ماعلشى اسمحيلى هاتعيشى انت وزوجك العزيز حياة زوجية سعيدة (أن حاسيت بالفارق ده لما جيت على الدوحة أن ارتباطي بزوجتى وأولادى زاد وبالزات ارتباطى بزوجتى)

- الأولاد هايكونوا مبسوطين

- ممكن تحوشوا لو مش عارفين دلوقت

العيوب:

- ممكن زوجك يسيب الشغل وهى دى الكارثة الحقيقية فى دول الخليج بس مش مشكلة لو كان ممكن ينقل كفالته وممكن يكون على أفضل

2- فى حالة العودة إلى مصر

المميزات:

- القرب من الأهل

العيوب:

- هايرجع الجامعة تانى ولقرف العمل فى مصر من زحمة سير وخناقات مع سواقين التاكسى أو المخالفات التافهة والسرقة العلنية

- الحياة الزوجية السعيدة أدعيلكم من كل قلبى والله أن تستمر

- مسألة التحويش ده الكلام مفروغ منها

أخيراً الكلام ده من واحد كان بيدرس فى الجامعة واشتغل فى أماكن مرموقة جداً فى مصر منها المعونة الأمريكية فى مصر ودى مفروغ كمان الكلام فى رواتبها رواتبها كبيرة فعلاً وعلى الرغم من كده سافرت وحالياً مقدم لى ولمراتى على لوتارى الهجة لأمريكا من أول ما جينا قطر ونتمنى من الله أن يوفقنا فى الهجرة وماتتصدميش كتير فى اللى بيفكروا فى الهجرة على الرغم من أوضاعهم المريحة لأن الموضوع مش بس فلوس، نصيحة أخيرة أن حبيت بس من ذكر المميزات والعيوب أنى أخليكى تعملى الموضوع ده أنك تجيبى ورقة وقلم وتكتبى مميزات وعيوب كل الخيارين ويا ريت انك تحطى لكل نقطة مجموعة نقاط بحسب أهمية الأمر ليكى زى مثلاً الراحة النفسية نقول 10/10 الفلوس 7/10 وهكذا وأجمعى النقاط دى وأولاً وأخيراً أستخيرى أنت وزوجك

[zoghaeb]

و الله شايف ان ماشاء الله الدكتور مش صعب يلاقى شغل فى المستشفيات الخاصة فى مصر و العمل الحكومى مات و بيموت اللى شغال فية يستخير ربنا و يقدم استقالتة و يقعد فى دبى لحد ما يعملة مبلغ محترم و بعدين ينزل مصر يفتح عيادة او يشتغل فى مستشفى خاص و الدكتور مطلوب جدا فى دول الخليج لو نزل من دبى لاى سبب سهل جدا يجى السعودية بعقد محترم انتو اللى فى ايدكم القرار هل تحافظ على الوظيفة و المركز الاجتماعى ولا الفلوس و العيشة المحترمة و انا اعتقد الفلوس هى كل حاجة دلوقتى و بتعمل كل حاجة خاصة فى مصر و انت عارفين كويس اه اللى فى مصر

محمد من السعودية

[iloveegypt]

اول حاجة حضرتك الاستخارة

ثانيا بلاش حضرتك تاثرى على قرار زوجك يعنى هو لو ميال للجامعة والوضع العلمى بلاش تحسيسيه ان ديى جنة وكذلك العكس خليه هو اللى ياخد القرار

ثالثا حاولوا فى مصر تجيبوا استثناء حتى لو تروحوا لوزير التعليم العالى

رابعا دبى او غيرها تقدرى تسافروا فى او قت السفر ما بيخلص بس الجامعة مستحيل الرجوع اليها

خامسا تجربة شخصية لجارى فى مصر كا ن دكتور فى جامعة القاهرة ونفس الموقف كا زملائه رجعوا وهو استقال كام سنة ومشوا من الغربة ورجع مصر حب يرجع الجامعة معرفش وكان اولاده كبروا وقعد فترة بدون شغل الى ان قر السفر مرة اخرى بدون الاولاد وكان فى اشد الندم

واخيرا القرارلكم وبرضه للامانة الفلوس اللى هتعملوها فى سنة فى الخليج = مرتب 3 سنيين فى مصر ده من نا حية الفلوس

[دكتور مصري]

السلام عليكم جميعا اخواني و اخواتي

أكتب من دبي مدينة الأحلام زي ما بيسموها و انا انظر لها بكل الحيرة : يا ترى ايه اللي هيحصل و ايه الصح نسيبها و نودعها و لا نرتمي في حضنها الى ما شاء الله

انا يا جماعة مرات طبيب مصري و مدرس في كلية الطب جامعة عين شمس..كنا عايشين في مصر تعبانين صحيح لكن مستحملين ضغوط الشغل و النباطشيات و الدراسة و امتحانات الدكتوراة العصيبة اللي هلكت اعصابنا الى ان نالها زوجي العزيز و هو عنده خمسة و تلاتين سنة و لسة ما حاولش ياخد فرصته في السفر زي كل الاطباء المصريين المتميزين ما بيعملوا ، و لكن حسينا ان الأوان آن للبحث عن فرصة شغل احسن عشان نكون ةنفسنا ماديا لان ميخفاش عليكم الجامعة مرتبها اساسا ميفتحش بيت و لولا الشغل في المستشفيات الخاصة بعض الايام ما كناش قدرنا نعيش... و جت الفرصة في دبي و خد اجازة سنة من الجامعة و راح هو الاول سبقنا و بعدين استقدمنا بعد شهر و نص و رغم كل المتاعب اللي عانيناها عشان نستقر في بيت مكتمل و ناخد رخصة السواقة و نجيب عربية بالقسط و ندور على مدرسة لعيالنا الا اننا بصراحة كنا سعداء اوي و مبهورين بالنظافة و الحياة الرغدة و التحضر و كنا مبسوطين و بنقول دايما ربنا يديم النعمة... لكن كثيرا ما تأتي الرياح بما لا تشتهي السفن فبعد ما عدت السنة خدنا اجازة كمان عشر شهور بالعافية و بعدين بسسسس ...جااااالك الموت يا تارك الجامعة! جاء احمد زكي بدر رئيس جامعة عين شمس و قفل حنفية الاجازات اللي كانت مفتوحة على البحري طول عمرها ، قفلها جامد على الكل :اللي بقاله خمستاشر سنة و اللي بقاله سنة واحدة كله زي بعض.. حط شوط تعجيزية ومستحيلة و و قفت كل الاجازات و بقى لازم نرجع عشان ما يتفصلش زوجي العزيز من جامعته اللي كان فخور بالانتماء ليها و اللي وصل لها بجهده و تفوقه .. بس احنا لسة ما لحقناش نحوش حاجة.. و اتعودنا على مستوس معيشة مش هنعرف نوصل لنصه لو رجعنا و خاصة انه مش ضامن يلاقي شغل خاص تاني جنب شغل الجامعة فالللي بيسيب مكانه بيروح لغيره.. يا جماعة مرتب مدرس الجامعة ألف و ميتين جنيه فقط لا غير !!!

بقينا بين نارين:

-نرجع بخيبتنا مش محوشين لسة المبلغ اللي نقدر نتسند عليه و نرجع لمصر بكل سلبياتها اللي كلكم عارفينها و نودع عيشة العز و نحرم عيالنا من الرفاهية و النظافة و التعليم الراقي و التكيف و الفسح و الابهار اللي في دبي.. بس عشان نحافظ على وظيفة الجامعة ؟

- و لا يستقيل زوجي من الجامعة اللي المفروض انه هيوصل عن طريقها للقب استاز في يوم من الايام و اللي كمان بتعتبر مكام مضمون له يحميه من انه يبقى دكتور عاطل او صايع لا قدرالله لو شغله في الخليج انتهى لأي سبب؟ويعيش هنا الى ما شاء الله أخصائي و بس صحيحن ، لكن باكتر من عشر امثال مرتبه في مصر؟؟

و لو رجعنا مصر الى ان تعدي ازمة الجامعة مع رئيسها الهمام و الى ان تزول الغمة او الى ان تحق له الاعارة بعد سنتين و نص... هل تتوقعوا اننا نقدر نلاقي عقد تاني و فرصة تانية بسهوله في نفس البلد؟

انا خايفة اوي من الرجوع لمصر.. انا زيكم كلكم بنزل الاجازة في الصيف ما ببقاش طايقة نفسي و لولا وحشة الاهل لكنت طفشت منها تاني يوم..معلش دي الحقيقة صعب اوي الواحد يعيش في العز و الراحة و النظافة و ينزل يشوف الحر و التراب و الحشرات و الزحمة و المطبات و الألعن طريقة معاملة الناس لبعض..

عاوزة رأيكم أرجوكم و ربنا يستر.....

اولا :راتب الجامعة بالنسبة للمدرس على درجة زوج حضرتك اصبحت 4000 جنيها بعد الزيادات الاخيرة -انا دكتور جامعي و في نفس عمر زوجك على فكرة

ثلنيا: فرص زيادة الدخل في مصر موجودة لمضاعفة راتبة من خلال العمل الاضافي و زملائي كثيرون في اطباء و مدرسون في جامعة عين شمس و يعيشون حياة كريمة جدا بل انهم يرفضون السفر الى الخارج احيانا

ثالثا: اذا استقال زوجك من الوظيفة و خلال عام او اثنين فصلوه من عمله في دبي او لم يجددو عقده ما العمل عندها؟ سيتمنى العوده لعمله و لن يستطيع

4- زوجك سافر بشكل غير قانوني و في الغالب كمرافق لك و بعقد وهمي و هذا ايضا شئ ضد الدين و فيه حرمانية شديده و لذا لا تزعلى من رئيس الجامعة ال1ى يحاول تطبيق القانون.انا اعرف اي واحد يجيب عقد مضروب لزوجته و يسافر كمرافق و يترك الجامعة التى انفقت عليه الالاف في سبيل حصوله على الدكتوراه.والجامعة تطلب فقط منه ان يخدمها 3 سنوات و من ثم يسافر و لكن الجميع يحاول ان يسلك اي طريق للالتفاف على القانون.لكى تكون اموالكم حلال يجب ان يعود و يستلم عمله و يقضي العامين المتبقيين و تاكدى ان عندها الفرصة ستاتي مرة ثانية و ثالثة ان شاء الله

5- انا رحت دبي اكثر من مرة و اصبحت اكثر ابهارا ببلدي لان مصر فعلا بلد غنيه جدا بدفئها و تاريحها و خصوصيتها. دبي بلد بلا روح عبارة عن مجموعة من المباني العالية لا تستطيع ان تسكنها او تدخلها و كل من يعمل فيها يسكن خارجها.لم انبهر مطلقا بدبي فهي مدينة بلا شخصية.

6- كما قال الزميل سابقا لا تتدخلى في قرار زوجك حيث لن تشعرى بصعوبة القرار الا اذا كنت استاذه جامعية مثله.

[aimen]

اللهم يسر لكم امركم واسعدكم يارب واجمعكم معا

من حقك تحلمى وتتمنى وان شاء الله احلامكم حتتحقق بإ‘ذن الله

ارجوكى فقط - لا تحاولى ان تضغطى على زوجك ..كونى داعمة له ( انا واثق من كلامك انك كده ) ...حتى يختار هو ما يريده ان شاء الله ..وثقى ان كل الأمور خير بإذن الله ...

وزى ما الزملاء اضافوا احسبى الميزات والعيوب واحسبى قبل كل حاجه راحتكم النفسية ( انتى واولادك )

مرة اخرك اللهم يسر لكم امركم ان شاء الله

وارضكم بإختياركم مهما كان

تم تعديل 23 أكتوبر 2008 بواسطة aimen

[almasry]

الموضوع فعلا محيير ...

أنا حاليا في نفس الموقف تقريبا ، أعمل بمكان مرموق جدا ... المرتب يكفي لحياة مستريحة بكل رفاهيتها ومميزات عينية كثيرة (بس بدون توفير)

لاتوجد أجازات بدون مرتب ... الاستقالة فقط ...

عرض عمل مغري بالسعودية ...

أولادي في جميع مراحل التعليم ... وهم مابين مؤيد ومعارض ... ( مميزات وعيوب )

أنا وزوجتي لأول مرة لانستطيع إتخاذ قرار ... بالقبول أو بالرفض ... لنفس المميزات والعيوب

حاولت استشير اصدقاء واقارب ممن لهم باع طويل في السفر لدول الخليج ... انقسموا مابين مؤيد ومعارض ... لنفس المميزات والعيوب

اشار عليً احدهم بهذا المنتدى الرائع ... فدخلت لعلي أجد ضالتي ... قرأت آراء كثيرة من أعضاء أفاضل لم يبخلوا بأي معلومة أو تجربة ... فوجدتهم انقسموا مابين مؤيد ومعارض ... لنفس المميزات والعيوب .

عيوب السفر :

البعد عن الأهل والاحباب والوطن وحط تحتها 100 خط .

لمن لديه عمل مستقر ومميز ... انه لن يرجع الى عمله .

عندما يعود سيكون فقد كثير من علاقته الاجتماعية أو على الأقل ستكون سطحية .

أضافة الى كل ما ذكره الاخوة الافاضل أعضاء المنتدى .

مميزات السفر :

الوضع المادي ... الحج والعمرة ... حياة هادئة وسهلة ... تعليم ... الأكل والشرب غير ملوثين ... هواء نقي غير ملوث ... تعامل محترم

قوة الروابط الاسرية ...

أضافة الى كل ما ذكره الاخوة الافاضل أعضاء المنتدى .

الخلاصة

أنه لا يعلم الغيب الا الله سبحانه وتعالى ... فعليك بالاستخارة والدعاء .

أن الأنسان لم ولن يدرك كل ما يتمناه ... انما هي اختيارات وأولويات وتنازلات وتوفيق من الله عز وجل ...

وفي النهاية الرؤية والهدف كما قال الدكتور ابراهيم الفقي ... فاذا حددت هدفك سوف تحدد طريقك بسهولة ...

وأخيرا أوجه لكم سؤال ... من هو الغني ؟ أهو من يملك أكثر ؟ .. أمن هو يحتاج ألأقل ؟

تحياتي لكم جميعا .. راجيا من الله أن يمن علينا وعلى الأخت زوجة الطبيب بالقرار الصائب .

[اليوم السابع]

رايى الشخصي العمل الجامعي والبحث العلمي له لذة حتى لو كان ببلاش- كلام مثالي صح- خاصة مع التقدم فى العمر ثم ان اوضاع اعضاء هيئة التدريس فى تحسن والفلوس رزق ولن ياخذ رزقك غيرك

استخيروا وربنا يكتب لكم الخير

[tasamy]

4- زوجك سافر بشكل غير قانوني و في الغالب كمرافق لك و بعقد وهمي و هذا ايضا شئ ضد الدين و فيه حرمانية شديده و لذا لا تزعلى من رئيس الجامعة ال1ى يحاول تطبيق القانون.انا اعرف اي واحد يجيب عقد مضروب لزوجته و يسافر كمرافق و يترك الجامعة التى انفقت عليه الالاف في سبيل حصوله على الدكتوراه.والجامعة تطلب فقط منه ان يخدمها 3 سنوات و من ثم يسافر و لكن الجميع يحاول ان يسلك اي طريق للالتفاف على القانون.لكى تكون اموالكم حلال يجب ان يعود و يستلم عمله و يقضي العامين المتبقيين و تاكدى ان عندها الفرصة ستاتي مرة ثانية و ثالثة ان شاء الله

5

هل الحلال ان دكتور من بره يرجع يدخل سكاشن او يدرس مكان استاذه و استاذه يقبض المرتب من غير عمل ... هل الحلال انه يعالج المرضى فى المستشفيات الخاصه بتاعة الاساتذه و ياخد 400 مصرى ... ما الفائده لرجوعه اذا كانت الجامعه تهين دكاترتها الجدد... ماعدا ابناء الاساتذه ... الذين كانوا يدخلون معاهم امتحانات العملى و اخر العام ... الفرصه مبتجيش غير مره واحده... هل ان الاستاذ يقبض من غير عمل مش حرام

هل ان الدكتور الجديد يعلم ماده لم يدرسها مش حرام

هل ان الدكتور الجديد يكتب ابحاث لاستاذه واسمه حتى لايوضع فى البحث مش حرام ... ولنبتعد عن الجامعه ...

هل هذه مياه للشرب ... هل هناك اكل ...

واخيرا تطبيق روح القانون اهم ... الفلوس اللى الناس دى حتجيبها مش حتفيد مصر كدخل ... مبانى ....وظائف ...عماله

ما فائدة واحد تانى شحات فى الطابور ...

[tasamy]

اولا :راتب الجامعة بالنسبة للمدرس على درجة زوج حضرتك اصبحت 4000 جنيها بعد الزيادات الاخيرة -انا دكتور جامعي و في نفس عمر زوجك على فكرة

انا دكتور جامعي و راتب الجامعة بالنسبة للمدرس على درجة زوج حضرتك اصبح 1500 جنيها بعد الزيادات الاخيرة -

4000 :lol: :P

[دكتور مصري]

اولا :راتب الجامعة بالنسبة للمدرس على درجة زوج حضرتك اصبحت 4000 جنيها بعد الزيادات الاخيرة -انا دكتور جامعي و في نفس عمر زوجك على فكرة

انا دكتور جامعي و راتب الجامعة بالنسبة للمدرس على درجة زوج حضرتك اصبح 1500 جنيها بعد الزيادات الاخيرة -

4000 :lol: :P

هل انت تضحك لجهلك بالموضوع ام لاستغرابك للرقم ؟&

عموما ساشرح لك الامر علك تفهم

هناك زياده مؤخرا تم تطيقها بالفعل لاعضاء هيئة التدريس بالجامعات مقدارها 25000 خمس و عشرون الف جنيها يتم صرفها بواقع على اربع دفعات خلال العام الدراسي بواقع دفعتين كل تيرم و هذا يرفع راتب المدرس الجامعي بمعدل الفي جنيه تقريبا بالاضافة الى ان متوسط راتبه اصلا 1700-2000 و بذا يصبح المتوسط الاجمالي 4000 جنيها(هذا هو الراتب الاساسي الذى يتقاضاه المدرس الجامعي الشاب عن عمله في الجامعة و الذى عادة لا يتعدي يومين في الاسبوع)

انا اعمل مدرس بالجامعة و عمري 35 عاما و لا احتاج الى المبالغة

بالاضافة الى ان كل اساتذة الجامعات بما فيهم كلية الطب لديهم دخل اضافي مرتفع جدا من العمل الاضافي و الاستشارات

و طبعا متوسط الرواتب بالخارج عالى جدا فالراتب في الامارات يتعدي 25 الف درهم شهريا بالاضافة الى البدلات الاضافية واللجان و الساعات الاضافية و التى تعادل تقريبا راتب اخر ولكن انا اؤكد ان الاستاذ المصري وضعه في مصر جيد جدا و انا شخصيا لم اري زميل لى يعاني

بل اننى عندما فكرت شخصيا في السفر للعمل في الخليج نصحونى بالبقاء و استغربوا سفرى لاننا يمكن ان نحقق بمصر دخل مرتفع جدا

انا هنا لم اتحدث عن الكتب و الملازم التى يمكن ان تجلب للمدرس الجامعي عشرات بل مئات الالاف

و لكنى شخصيا لا احب ان اقرر كتبا على طلابي

المهم ان استاذ الجامعة في مصر هو اخر من له حق في الشكوى

[دكتور مصري]

هل الحلال ان دكتور من بره يرجع يدخل سكاشن او يدرس مكان استاذه و استاذه يقبض المرتب من غير عمل ... هل الحلال انه يعالج المرضى فى المستشفيات الخاصه بتاعة الاساتذه و ياخد 400 مصرى ... ما الفائده لرجوعه اذا كانت الجامعه تهين دكاترتها الجدد... ماعدا ابناء الاساتذه ... الذين كانوا يدخلون معاهم امتحانات العملى و اخر العام ... الفرصه مبتجيش غير مره واحده... هل ان الاستاذ يقبض من غير عمل مش حرام

هل ان الدكتور الجديد يعلم ماده لم يدرسها مش حرام

هل ان الدكتور الجديد يكتب ابحاث لاستاذه واسمه حتى لايوضع فى البحث مش حرام ... ولنبتعد عن الجامعه ...

هل هذه مياه للشرب ... هل هناك اكل ...

واخيرا تطبيق روح القانون اهم ... الفلوس اللى الناس دى حتجيبها مش حتفيد مصر كدخل ... مبانى ....وظائف ...عماله

ما فائدة واحد تانى شحات فى الطابور ...

الخطأ لا يبرر الخطأ كلا ما ذكرت خطأ و حرام

و لكن ليس جميع الاساتذة في الجامعة يجبرون من هم اقل منهم على ذلك

و لست مضطرا للعمل في عيادة استاذك او تدريس المحاضرات بدلا منه -يجب ان تكون لديك شخصية و كرامة و لا تكن عبدا له من اجل ان يمنحك درجه علمية او يدعمك

انا ايضا اعمل في الجامعة و اعترف بان اساتذتى كانوا لى عونا و لم يقم احدهم يوما ما بايذائي او تكليفي بعمل يقوم به هو

و قد ترقيت في الجامعة و حصلت على درجة استاذ مساعد و انا في سن 34 و على الدكتوراه في سن 29

استاذ الجامعة لا يجب ان يكون باحثا عن المال فقط لا سيما و ان دخله مرتفع جدا و راتبه ليس قليلا - زملائي في الجامعه من مدرسي الطب جميعهم لديهم سيارات جديده و شقق فاخره فاين هي المعاناه.

و انا استطعت من خلال عملى بالجامعة من بناء نفسي و اعيش حياه مرفهه و الحمد لله رغم اننى بدات من الصفر و لم يترك لى والداي شئ.و اكسب في مصر من خلال عملي ضعف ما يكسبه المعارون زملائي. و معظم من يدرس في الجامعة مثلي و من يدعي غير ذلك فهو لا يقدر ما هو فيه من نعمه.

و يعرض علينا السفر سنويا الى الخليج فالدجامعات الخليجية تتخطف اعضاء هيئة التدريس المصريين بل ان الاقسام اصبحت تعاني في مصر من نقص الاساتذه - و لكنى ارفض رغم ان الراتب بعشرات الالاف.

وانا اسافر لجميع الدول لتقديم استشاراتي مقابل مبالغ خيالية و لكن لمدة لا تتعدي اسبوع او اثنين فقط .و زرت ابو ظبى و دبي عشرات المرات و كذا السعودية و البحرين و لم انبهر ابدا بما رايت -رغم اننى كنت احصل في الاسبوع على 15 الف درهم او يزيد

انا فخور بعملى استاذا جامعيا في مصر و لست على استعداد لللتحول الى موظف بجامعة اجنبية قيمتى و كرامتى ادنى من قيمة اي طالب فيها.

فهمت؟

[tasamy]

]

هل انت تضحك لجهلك بالموضوع ام لاستغرابك للرقم ؟&

عموما ساشرح لك الامر علك تفهم

هناك زياده مؤخرا تم تطيقها بالفعل لاعضاء هيئة التدريس بالجامعات مقدارها 25000 خمس و عشرون الف جنيها يتم صرفها بواقع على اربع دفعات خلال العام الدراسي بواقع دفعتين كل تيرم و هذا يرفع راتب المدرس الجامعي بمعدل الفي جنيه تقريبا بالاضافة الى ان متوسط راتبه اصلا 1700-2000 و بذا يصبح المتوسط الاجمالي 4000 جنيها(هذا هو الراتب الاساسي الذى يتقاضاه المدرس الجامعي الشاب عن عمله في الجامعة و الذى عادة لا يتعدي يومين في الاسبوع)

انا اعمل مدرس بالجامعة و عمري 35 عاما و لا احتاج الى المبالغة

انا اعمل مدرس بالجامعة و عمري 33 عاما ... لا احصل الا على ١٥٠٠ جنيه مصرى و ٥٠٠ جنيه تدريس ولا قرش زياده الا مراقبه وكنترول وامتحانات ... المتوسط طول السنه2000 جنيه مصرى ... ادخل سكاشن للاساتذه و انا رقمى 9 فى تخصصى فى القسم وقبلت انى ادرس ماده بعيده عن تخصصى علشان يبقى اسمى معايا ماده بتاعتى مع رؤيتى ان ده ظلم للطلبه ... ادرس مكان استاذى 4 سنين وهو يقبض لكن علشان مانساش تخصصى ... يتم تعليم الامتحانات بواسطة الدكاتره الصغار ماعدا طبعا اولاد الدكاتره ... ده مش فى قسمى بس ده فى كل الكليه ... بالرغم من مرور تلات سنين على المده لكن القسم موقف الاجازات للكل ماعدا طبعا اولاد الدكاتره ... وحجته حاجة القسم .... انهى حاجة دى???

المهم ان استاذ الجامعة في مصر هو اخر من له حق في الشكوى

تسمح لى اعدل جملتك المهم ان استاذ الطب في كلية الطب بجامعة عين شمس بمصر هو اخر من له حق في الشكوى مع اعتذارنا للاخت صاحبة المقال اللى زوجها برضه من كلية الطب بجامعة عين شمس

تم تعديل 23 أكتوبر 2008 بواسطة tasamy

[tasamy]

بل ان الاقسام اصبحت تعاني في مصر من نقص الاساتذه - و لكنى ارفض رغم ان الراتب بعشرات الالاف.

لم ترد على هذه النقطه:

واخيرا تطبيق روح القانون اهم ... الفلوس اللى الناس دى حتجيبها مش حتفيد مصر كدخل ... مبانى ....وظائف ...عماله

ما فائدة واحد تانى فى الطابور ... يكلف الجامعة ٥ الاف جنيه شهريا علشان حبة سكاشن ممكن اى معيد يدرسها

انا حستخدم كلمتك لدعم وجهة نظرى " الاقسام اصبحت تعاني في مصر من نقص الاساتذه" لو كان المكان اللى انت سعيد به كويس ماكنشى حدث هذا النقص ... يا دكتور فيه ناس بتاخد دكتوراه من مصر ... مصر اللى مافيهاش معمل مطابق للمواصفات يطلع دكتوراهات ... انا فى الماجستير اضطررت لعمل تجاربى فى جامعة القاهره حيث لم يكن هناك معمل واحد او جهاز شغال فى جامعتى ... عندما قمت بالدكتوراه فى الخارج فى جامعه حقيقيه عرفت ان جامعة القاهره هى اخرها معهد ... عندما رايت التقدم

والله 500 ده مركز متقدم عليها ... لكن منكرش فضل جامعة القاهرة عليه بس قول الحقيقه واجب

انا فخور بعملى استاذا جامعيا في مصر و لست على استعداد لللتحول الى موظف بجامعة اجنبية قيمتى و كرامتى ادنى من قيمة اي طالب فيها.

فهمت؟

يا دكتور "موظف بجامعة اجنبية" "كرامتى" "ادنى من قيمة اي طالب فيها" ... مصر اصبحت واحة العدل ... والجامعات الاجنبيه هى اللى ارض الظلم ... لا يا سيدى ... هذه انظمه عادله وياريت يبقى عندنا واحد فى الميه من عدلهم ... لم ارى اب فى هذه الجامعات يعطى الامتحان لابنه وشلته ... ولازم اجاوب احسن من معه الامتحان???

[زوجة طبيب]

[عصام أبوالفتح]

من الأشياء الجميلة اللى اتعلمتها ان الالكترون عندما يكتسب طاقة الكوانتم ينتقل لمدار أوسع وأعلى وعندما يفقد طاقة ينتقل للمدار الأضيق والأدنى .. وبدون اكتساب طافة .. يبقى كما هو .. محلك در .

طبعا ده فى الفيزياء او الطبيعة .

تعملوا ايه لو شفتوا الكترون يصر على التذبذب بين مدارين يدور فى الاخر وحاجز مكانه فى التانى .. شئ شاذ كونيا وغير طبيعى ؟!

ليه بقى كل اللى يسافر بره يحجز مكان المفروض غيره بقى أولى بيه ؟

مش برضو ده شئ غير طبيعى .

أنا وغيرى لم يتم تعيننا بالجامعة لعدم الاحتياج لمعيدين .. رغم انه مكنش فيه معيدين الا واحده والباقى دكاترة واساتذه

المأساه ان تتحول سنين الاجازات لسنوات خبرة محتسبة لصاحبها فيتولى مناصب قيادية بدون اى خبرة ولا دراية فيصبح الوضع كما نرى الان فى مصر .. مسخرة

اختارى مدار يا مدام .. واستخيرى الله مع زوجك اذا احترتى فيه .

واخيرا ومتزعليش منى تحية لدكتور احمد بدر على هذا القرار وعقبال كل مصالحنا الحكومية .

تم تعديل 24 أكتوبر 2008 بواسطة عصام أبوالفتح

[osmel33]

معلش يا أختى الفاضلة الموضوع تحول لحرب حامية الوطيس بين الدكاترة ومعاكى كمان وبعد اللى شوفته بحمد ربنا أنى طلعت مهندس وبرضه درست فى الجامعة لمدة 6 سنوات (وحسبى الله) المهم يا حضرات الأفاضل ممكن تلفولكو لفة على المنتدى وبالراحة كده تقولولى كل الناس اللى بتدور على هجرة لدولة تانية غير مصر بتدور ليه ده كمان أيه هما مش بيدوروا وهما فى مصر لالالالالالالا دول كمان بيشتغلوا مؤقتاً فى الخليج يعنى المسألة مش بس يا سادة فلوس أنا وأنا فى مصر ما حسيتش أنى باشتغل بجد وشغل منظم إلا للأسف الشديد لما اشتغلت فى المعونة الأمريكية وكنا بنبنى أنظمة للوزارات والهيئات الحكومية فى مصر اللى مش منها للأسف الجامعة وده طبعاً كان مع أمريكان وحسينا قد أيه الفارق بين الشغل بينا والشغل مع الأجانب (مع تحفظى عموماً مع التعامل مع الأمريكان) تقدر تقولولى يا دكاترة يا محترمين أيه اللى يخلى بقى واحد مبسوط وبياخد راتب وأعذرنى يا "دكتور مصرى" أنا معروض على حالياً أنى أرجع مصر وأخد تقريباً ضعف الرقم اللى انت قولته اللى هو 4000 جنيه ومابفكرش أبداً أنى أنزل تعرف تحلهالى دى السفر يا سادة مابقاش بس فلوس الكلام ده على أيام أهالينا السفر بداية راحة نفسية وبالذات مع الزوجة والأولاد وطول ماهما مبسوطين المفروض احنا كمان نكون زيهم ، معلش يا سادة طولت عليكم بس يا ريت اللى ماجربش السفر ما يحكمش لأن الخبر مش زى المعاينة ، أخيراً أختى الكريمة زى ما أخونا المصرى قالك أستخيرى وأن شاء الله ربنا هاييسر لكم الصالح وخليكى معلش مع المهندسين يمكن المهندسين الغلابة تقدرى تكسبى من كلامهم أعملى اللى أن قولتلك عليه قبل كده من حساب للمميزات والعيوب وشوفى

[iloveegypt]

معلش يا أختى الفاضلة الموضوع تحول لحرب حامية الوطيس بين الدكاترة ومعاكى كمان وبعد اللى شوفته بحمد ربنا أنى طلعت مهندس وبرضه درست فى الجامعة لمدة 6 سنوات (وحسبى الله) المهم يا حضرات الأفاضل ممكن تلفولكو لفة على المنتدى وبالراحة كده تقولولى كل الناس اللى بتدور على هجرة لدولة تانية غير مصر بتدور ليه ده كمان أيه هما مش بيدوروا وهما فى مصر لالالالالالالا دول كمان بيشتغلوا مؤقتاً فى الخليج يعنى المسألة مش بس يا سادة فلوس أنا وأنا فى مصر ما حسيتش أنى باشتغل بجد وشغل منظم إلا للأسف الشديد لما اشتغلت فى المعونة الأمريكية وكنا بنبنى أنظمة للوزارات والهيئات الحكومية فى مصر اللى مش منها للأسف الجامعة وده طبعاً كان مع أمريكان وحسينا قد أيه الفارق بين الشغل بينا والشغل مع الأجانب (مع تحفظى عموماً مع التعامل مع الأمريكان) تقدر تقولولى يا دكاترة يا محترمين أيه اللى يخلى بقى واحد مبسوط وبياخد راتب وأعذرنى يا "دكتور مصرى" أنا معروض على حالياً أنى أرجع مصر وأخد تقريباً ضعف الرقم اللى انت قولته اللى هو 4000 جنيه ومابفكرش أبداً أنى أنزل تعرف تحلهالى دى السفر يا سادة مابقاش بس فلوس الكلام ده على أيام أهالينا السفر بداية راحة نفسية وبالذات مع الزوجة والأولاد وطول ماهما مبسوطين المفروض احنا كمان نكون زيهم ، معلش يا سادة طولت عليكم بس يا ريت اللى ماجربش السفر ما يحكمش لأن الخبر مش زى المعاينة ، أخيراً أختى الكريمة زى ما أخونا المصرى قالك أستخيرى وأن شاء الله ربنا هاييسر لكم الصالح وخليكى معلش مع المهندسين يمكن المهندسين الغلابة تقدرى تكسبى من كلامهم أعملى اللى أن قولتلك عليه قبل كده من حساب للمميزات والعيوب وشوفى

مع احترامى لوجهة نظر حضرتك انا برضه مهندس وعايش فىالغرية

اخى الفاضل ليس الخليج واوربا هى الجنة

ومصر هى الجحيم

كل واحدة ليه وجهة تظر انا اختلف معاك مثلا بالنسبة لى مصر هى الافضل بس اللى مخلى الواحد فى الغربة الفلوس لا اكتر ولا اقل

زطبع دى وجهة نظرى الشخصية واحترم ايضا وجهة نظرك

وبالمناسبة انا معايا اكثر من 60 مصرى فى مكان شغلى يفضل اكثر من 55 واحد منهم العيشة فى مصر لو لاقى فرصة ماديا احسن

وتقبل تحياتى

[iloveegypt]

من الأشياء الجميلة اللى اتعلمتها ان الالكترون عندما يكتسب طاقة الكوانتم ينتقل لمدار أوسع وأعلى وعندما يفقد طاقة ينتقل للمدار الأضيق والأدنى .. وبدون اكتساب طافة .. يبقى كما هو .. محلك در .

طبعا ده فى الفيزياء او الطبيعة .

تعملوا ايه لو شفتوا الكترون يصر على التذبذب بين مدارين يدور فى الاخر وحاجز مكانه فى التانى .. شئ شاذ كونيا وغير طبيعى ؟!

ليه بقى كل اللى يسافر بره يحجز مكان المفروض غيره بقى أولى بيه ؟

مش برضو ده شئ غير طبيعى .

أنا وغيرى لم يتم تعيننا بالجامعة لعدم الاحتياج لمعيدين .. رغم انه مكنش فيه معيدين الا واحده والباقى دكاترة واساتذه

المأساه ان تتحول سنين الاجازات لسنوات خبرة محتسبة لصاحبها فيتولى مناصب قيادية بدون اى خبرة ولا دراية فيصبح الوضع كما نرى الان فى مصر .. مسخرة

اختارى مدار يا مدام .. واستخيرى الله مع زوجك اذا احترتى فيه .

واخيرا ومتزعليش منى تحية لدكتور احمد بدر على هذا القرار وعقبال كل مصالحنا الحكومية .

وجهة نظرك احترمها اخى العزيز م عصام بس معلومة للتوضيح

المغتربين اللى شغالنين ففى الحكومة مش حجزين مكا ن حد لسبب بسيط

اللى مسافر بيدفع فلوس سنوية للحكومة المصريةتعادل تقريبا مرتبه فى 6-8 شهور وبالتالى بالفلوس دى ممكن يوظفوه واخد مكانه وبفلو ساللى مسافر

وتقبل تحياتى