كوكتيل نحس !؟!

[egyptien]

السلام عليكم ...

ارجوكم متستغربوش من العنوان فلم اجد خيرا من هذا ليمثل ما ستخطه يداى فيما هو أتى ...

مصر فعلا منحوسه بشكل غير طبيعى هتقولى نصيب قدر حظ وزه شيطان معلش موش كل مره هناكل من الكلام ده اديهالى وش على طول وقولى انت بلد نحس ..

والله قالولى قبل كده البلد ايه هى يعنى شويه اراضى وطوب وحجاره وميه وتراب النحس فى الشعب نفسه المشكله فيكم قولتلهم لا منتوا حتى لو جيتوا وشفتوا هتلاقوا ان التراب ده اجدادنا والحجاره دى احنا اللى نحتناها والميه دى احنا اللى عملنا فيها البلهاريسيا المخصصه للمصريين فقط يعنى متحولش تقنعنى ان الشعب من يوم قوم عاد لدلوقتى هو اللى نحس ومجاش واحد بركه فى وسط الملاين المملينه " على وزن القناطير المقنطره " يفك الموضوع شويه ...

مصر ملطوطه ياولاد من ايام الحانوتى ابو دماغ زرى اللى قتل الملك وخد عرشه وسما نفسه فرعون بعد زوال عمالقه قوم عاد اللى قعدوا على قلب مصر سنين وكانوا ظالمين واتروا وكمل المسيره فرعون سرق ممتلكتهم وكل ميلاقى هرم حلو كده تمثال جميل اى حاجه يقوم بسرعه ناقش عليها اسمه ويقول دى بتاعتى نا اللى لقيتها الأول مليش دعوه وتتوالى الفراعنه من خلف بعض على قفى بعض رغما عن انف اى من الشعب اللذيذ الرايق المحشش " اه اكتشفوا ان كان فيه ماده شبه الحشيش توزع على المصرى القديم فى التموين " ان عيله الحانوتى ده تمسكهم وتتخالف عليهم معندهمش مشكله خالص وكل واحد من أل فرعون يجى يروح بسرعه ماسح اسم الملك اللى قابله من على المبانى والأثار الى هى موش بتاعتهم اصلا ويكتب اسمه ولاكن ولله الحمد فلت من تحت ايدهم ابو الهول ولذلك احتار العلماء فيه لماذا هذا الأثر الوحيد الذى لا يوجد عليه اى نقوش والسبب ببساطه انه كان مردوم تحت الرمل الكثيف ومشفهوش الفراعنه وإلا كان سجله امنمحتب فى الهر العقارى بوضع اليد .

ده مثال صغير منذ بدايه الشعب والبلد عشان تعرف هى اد ايه منحوسه نيجى بعد كده لللسيد محمد على افندى واسرته الكريمه موش مصريين برضه بس دكره والدكر اللى يصحى الصبح قبل التانى يمسك الحكم اصلها بلد سيبه مفيهاش شعب طبيعى يتنحس يوم ويم يبقى عادى زى بقيت خلق الله لا نحن نلتزم وننفرد المهم اتهبل وعمل اللى عمله واتشقلط وجه الدلاديل الصغننين واحد وررا واحد لحد مشقلطهم الأهطل المصرى العظيم الناصرى وشركاه نهب وسرق وقتل والراجل برضه عمل الواجب وزار الناس بالليل دا حتى عمل جهاز مخصوص لكده شوفوا برضه المصرى الأصيل لما يحب يخدم بيخدم ودخلنا فى حروب ملناش فيها واتحد شويه وبقى سمنه على عسل مع ده واجرى يابت اتجوزى منهم واجرى ياولا وروح عنهم والصبح لا دول وحشين يايى نفك الأتحاد واتلطمى يامره انتى ووولادك وقول بايباى لولادك ومراتك يامعلم والزغلوله بقى اتجسسى ياماما على بابا وانت ياواد اتجسس على ماما واتشقلط عبد الناصر ومسك السادات الراجل ده مظلوم ياجدعان بصراحه فى التاريخ ...

ونكتفى بهذا القدر ...ونكمل بعد الفاصل