ليا جيش ولا لا

[xman]

بسم الله الرحمن الرحيم

السلام عليكم ورحمه الله وبركاته

كان ليا كام سؤال كده بخصوص الجيش ...

اولا :- انا والدى الله يرحمه متوفى من 4 سنين وكان طالع معاش قبل الوفاه بسنتين(( طلع معاش بعد ال 60 )) وليا اخين واخت واحد دخل الجيش والتانى خد تاجيل 3 سنين وبعد كده 3 سنين زيهم وكمان معدين سن ال30 وكلهم متجوزين

واحد منهم مسافر بره مصر والتانى فى مصر

اللى فى مصر مش عايش معانا ولكن فى مكان تانى فى القاهره بعيد عننا

بس هما معدين ال30 وكمان مخلصين موضوع التجنيد ده

هل انا بقى كده اعتبر العائل لوالدتى الارمله ((58 سنه ولا تعمل )) بما انى والدى متوفى وكان طالع معاش و معدى ال 60 سنه واخواتى مش عايشين معانا للاسباب اللى ذكرتها فوق (( اعمل كشف العيله ))

وهاخد اعفاء مؤقت ولا ايه بالظبط

ثانيا :- لو لقدر الله وماخدتش اعفاء مؤقت

انا عندى فى ايديا الاتنين فى صوابعى الصغيرين فيهم تانيه يعنى مش مفرودين زى بقيه الصوابع

ياريت تردوا عليا بسرعه بالله عليكم

وجزاكم الله خير مقدما

تم تعديل 5 أكتوبر 2008 بواسطة xman

[قاهرى]

بص يا سيدى انا صحيح مش رجل جيش ولا محامى بس عندى خبرة كويسة بقوانين الجيش وخصوصا انى اتعمل معايا كل الى تتخيلة فى الجيش

بالنسبة لموضوع الوالد المتوفى مدام عندك اخين سواء جوة مصر او برة مصر ولو حتى اخواتك معاقين هتدخل الجيش بردوا ..لان مدام فى اخوات ولاد يبقى الغى موضوع العائل للام . الا حاجة باء ان كان اخواتك من ام تانية ووالدك متوفى فا فى الحالة دى تعتبر انت العائل بس طبعا مظنش انهم من ام تانية

يبقى اولا دى سيبلك منها ملهاش لازمة

بالنسبة لموضوع الصباع الى انت بتقول علية دى يتم تحديدة فى الكشف الطبى اذا كان الموضوع دة يخرجك ولا مش عائق يعوق دخلوك الجيش ... وغالبا هما ميهمهمش الصوباع دة اوى هما يهمهم الصباع الى بتستخدمو فى اطلاق النار ولكن يبقى الرد لرد الدكتور الى هيكشف عليك بس لو الصوباع بيتحرك عادى يبقى دة مش هيكون عائق ابدا

ونصيحة اخيرة من اخ لاخوة سيب الموضوع على ربنا تماما وعادى اعمل الفيش العادى والثلاثى وروح الكشف الطبى بتاعك وقول على كل الى بتشتكى منو

نفع نفع منفعش خلاص هيطلعلك 110 جند واستنا يوم الارجاء وانشاء الله هتاخد تاجيل

متخفش

بس انت توكل على الله