رحلة اللاندنج

[hosiny]

السلام عليكم،

انا اول مرة اقرأ موضوع دكتور تهامي امبارح، و اسجل اعجابي بموضوعه، و الحقيقة لو كنت قرأته قبل مكتب ما كنت كتبت، لكن الفترة ديه كنت في مصر ، و لما رجعت طبعا حاولت اقرا ما فاتني لكن موصلتش لحد موضوع دكتور تهامي.

أموت و اعرف مين اللي زقني، بس البركة في باشمهندس حسيني و الجنرال علاء و الاستاذ دركولا، اقعدوا يقولوا ممتاز يا مدام كوين، استمري استمري، و ادي النتيجة احراج ما بعده احراج، طب حد يبعت مشيز يحذرني.

المهم اللي حصل حصل

انا حضحك على نفسي و أقول ان انا بعبر عن وجهة النظر النسائية، و البنت زي الولد ماهيش كمالة عدد، و كمان انا اسلوبي يتميز بالكروته يعني للي مش عنده وقت يقرا كتير.

السلام عليكم

ايه بس اللي بتقوليه ده يا كوين؟؟.........بالعكس احنا كلنا هنا كنا مستمتعين باسلوبك و رؤيتك و مفيش حد اسلوبه يخلي الناس التانية تبطل كتابه و الا كان زمان المنتدي ده قفل من زمان...

كل واحد ليه رؤيته و اكيد اكتسبنا منك معلومات مشفنهاش في مواضيع الدكتور تهامي و الدكتور شامي

مستنيين مواضيعك و رؤيتك الخاصة لكندا

[himmler]

السلام عليكم،

اخي himmler ، انا لا اعرف شئ عن كيبك، و لكن اعتقد ان موضوع اعانة البطالة حيكون واحد في كل كندا، الاعانة بتكون في حدود 900 دولار للأسرة من اربعة افراد و المعلومات دي سماعية يعني معنديش تأكيد عليها، و الحصول على الاعانة مش بيكون سهل، لازم تقدم اوراق تثبت ان كل اموالك خلصت، و يبدأوا يطلبوا منك انك تاخد كورسات انجليزي و غيرها تؤهلك للحصول على عمل، يعني بيكون ليها اشتراطات.

اما بالنسبة لكام تاخده معاك ده موضوع نسبي اعتقد ممكن تحدده على ضوء المعلومات اللي قام الاخوه في المنتدى بالكتابة عنها، زي مصروف البيت الشهري، ايجارات البيوت، مواقع الاثاث المستعمل مثلا، و بكده تقدر تحط ميزانية تقديرية.

احنا عاجزين عن الشكر يا مدام كويين

[sadany]

الكشف الطبي الأول:

كان في نوفمبر 2006، عملناه في مصر في مستشفى الانجلو امريكن وكان سهل للغاية مخدش ساعة. و طلبوا مع الكشف الطبي اللاندنج فيز 980 دولار كندي.

اختي العزيزه كوين ممكن اعرف منك اللاندنج فيز 980 دولار لكل فرد وللا بسبور وللا adult وهل طلبو منكم فصل الباسبورات وللالا؟وشكرا

[arora]

الكشف الطبي الأول:

كان في نوفمبر 2006، عملناه في مصر في مستشفى الانجلو امريكن وكان سهل للغاية مخدش ساعة. و طلبوا مع الكشف الطبي اللاندنج فيز 980 دولار كندي.

اختي العزيزه كوين ممكن اعرف منك اللاندنج فيز 980 دولار لكل فرد وللا بسبور وللا adult وهل طلبو منكم فصل الباسبورات وللالا؟وشكرا

sadany

انتى قافلة استقبال الرسايل منى

[medopharm]

فصة الهجرة:

منشأ الفكرة:

في اغسطس 2003 و اول ما جينا السعودية قرر زوجي البدء في مشوار الهجرة و انا في الحقيقة كنت معارضة لان الموضوع مكلف و مش مضمون المهم كلم زوجي محامي هجرة و اتفق معاه ، المحامي الله يسامحه قعد تقريبا سنه يحضر في الملف، جالنا الفايل نمبر في اغسطس 2004.

قدمنا فدرالي علشان احنا معندناش فكرة عن الفرنساوي.

الايلتس:

لم يطلب مننا لان زوجي حاصل على الماجستير من امريكا و انا تجارة انجليزي و كل مراحل دراستنا كانت باللغة الانجليزية.

الكشف الطبي الأول:

كان في نوفمبر 2006، عملناه في مصر في مستشفى الانجلو امريكن وكان سهل للغاية مخدش ساعة. و طلبوا مع الكشف الطبي اللاندنج فيز 980 دولار كندي.

المقابلة الشخصية:

تم اعفائنا من المقابلة الشخصية

انجاب الطفل الثاني:

هنا دخلنا في الغلاسة، كان لازم نضيف بنتنا للملف و الموضوع ده كان سبب في التأخير اللي ادى الي عمل كل الفيش التشبيه لكل من مصر السعودية و امريكا تاني علشان عدى اكثر من سنة عليهم و كمان طلبوا كشف طبي جديد علشان الاول سيكون منتهي الصلاحية قبل دخولنا كندا لاول مرة. و الكشف الطبي التاني ده قصة لوحده عشان كده حنكمل بكرة.

ماشاء الله

لا فعلا اسلوبك جميل جدااااااا

ومتابع موضوعك من البدايه

وربنا يجازيكى خير

واسمحيلى استفسر عن شئ

بالنسبه للأيليت

انا مقدم فيدرال من شهر اكتوبر 2005 من القاهره

والمحامى اللى قدمت معاه طلب منى شهاده من الكليه ( كلية الصيدله ) تثبت انى دراستى كانت باللغه الانجليزيه

وكمان شهاده من الثانويه والاعداديه تثبت انى كنت بدرس لغه انجليزيه

بالفعل جهزت الاوراق دى وقدمها لى مع الملف بتاعى

وحتى الآن لم يطلب منى ايليت

هل ده معناه انهم ممكن يعفونى من الايليت

وشكرااااااااااااااااااااااا

[Queen]

السلام عليكم،

ساداني، اللاندنج فيز 980 دولار كندي للأسرة كلها (اب، ام ، طفلين) بس مش فاكرة التقسييمه بتاعتها الحقيقة. لم يطلب مني فصل الباسبورات، و باسبوري حاليا عليه تأشيرتي و تاشيرات اولادي، بس في ناس بتقول انه من الافضل الفصل.

دكتور ميدوفارم، احتمال كبير يتم اعفائك ان شاء الله، بس الحقيقة مفيش قاعدة لأي حاجة في موضوع الهجرة و طلباتهم، بتختلف من شخص لاخر ومن سنة للتانية، ربنا الموفق. بس ده اللي حصل معانا، شهادتنا كانت كلها بتقول ان دراستنا كلها بالانجليزية و اعتقد لذلك تم الاعفاء.

[somayasaleh]

الاخت الفاضله مدام كوين

شكرا علي المعلومات المفيده

ايه اخر اخباركم.....؟

ناويين علي السفر امتي ان شاء الله

موضوع مفيد ومختصر..... للي ماعندوش وقت يقرأ كتير

والافضل كمان النصائح الموجوده فيه

شكرا لحضرتك مرة اخري