من أول عضو رد عليك فى المنتدى؟

[الطفشان]

عايزين نضيف سؤال تاني .... إزاي سمعت عن المنتدي ....

يستاهل موضوع لوحدة بنفس العنوان اللي ذكرته

[Set_Amina]

على قد ما ذاكرتي أسعفتني واتمنى ان الاسعاف ده يكون صح، ان اول موضوع كتبت فيه كان عن كيفية عمل مشروع صغير وانا حكيت عن خيبتي اللي مش على حد في هذا المضمار ورد عليا أخي واستاذي فيري فيري بكلمة مواساة رقيقة ودعاء بالعوض.. ومن ساعتها حسيت ان لسه الدنيا فيها خير رغم ما حدث لي..

لو العلم والتكنولوجيا في المنتدى اثبتوا ان ذاكرتي خربانة فسأكون للمكتشف شاكرة وفي نفس الوقت مكسوفة انكم اكتشفتوا أهم مميزاتي ألا وهي النسيان.

[nora]

انا اول موضوع كتبته كان في باب المغتربين وكان عن المعاملة الوحشة

!!!!مصر طلبت من الكويت إيجاد الحلول - !!!!!!!ولسة

( كنت فضيه لسة بقري جرايد) بس بعد كده اول من رد عليا كان الاستاذ خالد احمد ومتسائل وفري وبايتي ورجب

والموضوع اكتشفت انه اتفتح تاني الايام دي هروح اشوف فيه اية

[optimistic]

أنا بقى لسة عضو جديد مبقاليش اسبوع

أول من رد عليا كان مصري ثم الطفشان و كليهما رحب بي و هنا انتهز الفرصة و أشكرهم

ثم توالت الردود

شيء جميل فيكم الترحيب بالاعضاء الجدد...

و كنوع من الدعاية لنفسي أعلن أن كل من يرد عليا له اشتراك في النادي العالمي للجولف اللي انشأته في نصبستان الشرقية

و ذلك برسوم مخفضة 20000يورو او دولار... الجنيه لا و النبي (وش نصاب)

بالمناسبة ما رأي سيادتكم في اقتراح الدعوة للتجمع لكل الاعضاء للدخول اونلاين سوا في يوم معين و نعمل مناقشة كبيرة ربما نجد حلولا افضل لما نعاني منه .... و يمكن لهشام ان يستخدم الايميل المسجل لاعلامهم بيوم نتفق عليه..

تحياتي و حبي

[BenNeal]

... اول موضوع كتبت فيه كان عن كيفية عمل مشروع صغير .......

..... سأكون للمكتشف شاكرة ..........

اول موضوع حضرتك كتبت فيه هو "العراك بين الزوجين" انا لقيته صدفة و انا بابحث عن موضوع "مشروع صغير" اللى حضرتك اشرت اليه.

اما تانى موضوع حضرتك كتبت فيه فهو: "مواقف و طرائف-لكل منا مواقف لا ينساها". مداخلاتك were so funny.

اما اول واحد رد عليك فهو الأستاذmnman ب: "10 علي 10 ياست أمينة.. " و ذلك على ثالث مداخلة لك فى موضوع ضرب الزوجات و "العراك بين الزوجين".

[abofasad]

أول مداخلة كانت عن طريقة عمل "ام علي"

ولم يرحب بي أحد

الأخ الافوكاتو قال : الحمد لله ان اسمي ابو فصاد وليس "ابو فساد"

الأخ الفارو - الله يعمر بيته- وصفلي عنوان ام علي ورحت زرتها وعملنا صينية عجبت كل أهل اسبانيا وكان طعمها احلي بكتير من حلوى

TOCINO DEL CIELO الاسبانية المشهورة

سعادتي لا توصف منذ أن اشتركت في هذا المنتدي

أشعر وانا اتصفح المنتدى اني في مصر اعظم بلد الدنيا

كتاباتكم ذكريات جميلة لفترة معيشتي في مصر

مهاجر من 23 سنة

ازور مصر باستمرار

اتمني ان يتزوج اولادي من مصريين ومصريات ، ولكن .. وأه من لكن

تحياتي لكم جميعا

HASTA LUEGO