تشاركنى على جاموسة ؟؟؟

[إبن مصر]

عقلى الباطن 

مشروع متاز بس خطر لوانتشر اللحمه هاترخص واستيراد اللحمه هايقل واقتصاد اوروبا وامريكا والهند هايتاثر يبقى لازم نسيطر عليه (وش خبيث )وياحبذا لو دبسناهم فى مرض غباء البقر بس عموما نتظر 

ونشوف

عميل امريكانى واصل قوى

[صعيدي]

حقك محفوظ ياباشا...كل طلعة نهار حيوصلك ******** رطلين جلة علشان تشق ريقك

من بعض ما عندكم ....

احنا مش بتوع الحاجات دى.(وش واحد عامل شريف)

يا حشيش ما فيش فايده يوسف والى اللى انت بتتكلم عليه ده بيشتغل عند الباشا و انت شفت حصلك ايه فى السوق (المرة دى جات سليمة) و على فكرة الثور اللى كان متنكر فى شكل جاموسه ده من رجالتنا مخابرات يعنى و لعلمك 90% من البهايم اللى فى السوق مخابرات

وبعدين انت عقيد سابق فى المخابرات و عارف احنا ممكن نعمل إيه

(وش واحد بيرفع سماعة التليفون ويكلم الباشا الكبير)

[الطفشان]

و لعلمك 90% من البهايم اللى فى السوق مخابرات

قصدك 100% من المخبرين بهايم

(وش واحد بيكركر)

[DARWEEN]

عرفت من سياق الأحداث أنها ليست جاموسة كما قال لى البائع الملعون وإنما هى فى واقع الأمر ثور

لأ الله ينور بصحيح ....

نازل تشتري ومش عارف الجاموسة من الثور ؟؟؟؟

(وش واحد عامل فيها فتك وهو ميعرفش الفرق بين الحمار والكلب)

على فكرة يا أخ حشيش ....

أنا جاي من طرف الباشا الكبير قوي اللي أكبر من الباشا بتاع الصعيدي وهو بيقولك أنه شريك بالنص قبل أي حد تاني

(وش واحد راسم نفسه على الآخر وبيتكلم دكاكيني من تحت لتحت)

[ابو حلاوه]

عزيزي حشيش انا لقيت علي الايميل بتاعي الرسالة دي الظاهر انها كانت متوجهالك اعمل معروف انا ماليش دعوة بالكلام ده

Mr Hashish

We received recently information suggesting that your project seems to be geared towards the production of weapons of mass destruction. Our sources confirm that the gellah of your buffalo is highly enriched with nitrogenous substances capable of yielding huge quantities of biological and chemical materials. We aim through this message to assume our responsibilities in the war against terror. Our WMD experts in Iraq will visit your buffalo to verify the credibility of the information. Until then your are urged to preserve all the products and the byproducts of your buffalo ( eshtah , milk, welazy menoh). Other wise you may face the grave consequences of your deeds

Hashish for the sake of peace disarm

Dick Chiney

On behalf of his Excellency Georges W Bush

President of the United States of America

[amir]

Dick Chiney  

On behalf of his Excellency Georges W Bush  

President of the United States of America

و ديـك ده ايه علاقته بالجاموسه ؟؟

[DARWEEN]

و ديـك ده ايه علاقته بالجاموسه ؟؟

كله من زريبه واحده

[crossfield]

قرار مجلس الأمن رقم 490000 لعام 2003يطالب حشيش بسرعة نزع الجلة و وضع حد للأزمة الراهنة و التحفظ على كل منتجات أم الخير لحين ثبوت عدم علاقتها باسامة بن لادن و عدم تورطها فى أحداث سبتمبر.

[mnman]

وقد ثبت ان السبب الحقيقي وراء تربية البقر و الجاموس هو انتاج اسلحة الدمار الشامل...وفي التقرير المقدم من حشيش وفي الصفحة 30567 كتب أولاد الجاموسة (العجول) وبنات الجاموسة (البقر) بالتساوى.... ومن ثم فقد اكتشفت المخابرات المركزية ان حشيش علي غير دراية بتربية الجاموس والبقر و الغرض من استخدامة كان انتاج اسلحة الدار الشامل... وقد اعلن مصدر رفيع المستوي رفض حشيش بالسماح لمفتشي الامم المتحدة وتوعد انة سوف يحبسهم في الزريبة مع العلوج اسف العجول.......

وعلية فقد دعت جامعة الدول البقرية الي مؤتمر قمة لشجب قرار الامم المتحدة بخصوص ارسال مفتشين لحشيش... و تأزم الموقف خاصة بعد تصريح رئيس الجامعة بأن علي حشيش تقديم الجاموسة للفحص و للتأكد انها غير مستخدمة لانتاج اسلحة الدمار الشامل.......

ونوعدكم بلقاء خاص نجوب خلالة الشارع المصري لمعرفة ردود الافعال........ استنونا بعد الفاصل....

[صعيدي]

نداء الى المعلم حشيش

الباشا الكبير بيقولك تعالى و متخافش اظهر و بان و عليك الامان احنا برضه يهمنا نشجع المستثمريين الشبان.

و صدقنى يا حشيش لما هتكون فى حماية الباشا الكبير مفيش جنس مخلوق هيعرف يمسك بسوء لا الامريكان و لا الامم المتحدة و لا حتى كوندوليزا رايس.

و بعدين احنا وصلتلنا معلومات انك بتفكر تهاجر على بوركينا فاسوا أو جنوب أفريقيا..... بلاش الكلام الفارغ ده و خليك هنا

و بعدين كلمة فى ودنك (وش بيبص حواليه) انت دخلت دماغ الباشا و هو بيقرأ مداخلاتك كلها فى المنتدى وساعات أدخل عليه المكتب الاقيه ميت من الضحك ومستلقى على ظهره و عمال يرفس برجليه من كتر الضحك, علشان كده الباشا بقاله كذا يوم متضايق علشان انت بطلت تكتب.

المهم ان الباشا بلغنى أقولك لانك دخلت دماغه فهو ناوى يشاركك حتى لو رحت المريخ

[حشيش]

و صدقنى يا حشيش لما هتكون فى حماية الباشا الكبير مفيش جنس مخلوق هيعرف يمسك بسوء لا الامريكان و لا الامم المتحدة و لا حتى كوندوليزا رايس.

صعيدى باشا...مساء الرضا

إحنا على فكرة حلوين قوى وجدعان قوى والباشا بتاعك ده لا مؤاخذة ما يهزش شعرة من راسى....أنا عملت ترتيباتى وكلمت واحد قريبى حيعمل له طلب إحاطة فى مجلس الشعب وحيخلى اللى ما يشترى يتفرج عليه....ومعنديش أكتر من الحليب والجلة لو كان عاجبه...وعندك صورة قريبى أهيه...الأستاذ/ السيد الدكر المحامى....إحنا ما بنخافش من حد......

[حشيش]

################

الاخ حشيش

رجاء بلاش تخطي الخط الاحمر

فكر في منعطف آخر للقصة

الادارة

الطفشان

[صعيدي]

رجاء بلاش تخطي الخط الاحمر

وكما تخطيت الخط الاحمر ده انت هتروح فى داهية

و ضاعت الجاموسة و مافضلكش غير الجلة

(وش ميت من الضحك) (وش ميت من الضحك) (وش ميت من الضحك) (وش ميت من الضحك)

[عادل أبوزيد]

الآن بعد مرور أربع سنوات على هذا الموضوع أتحداك لو إستطعت أن تشترى الجاموسة !!!

و قتها كان يمكنك أن تتقاسم العائد من لبن و قشدة و "جلة" أما الآن فستكون محظوظا لو أبقيت لنفسك فقط "جزء من الجلة"

ليتك تكمل القصة و ليتك تتحايل على الخطوط الحمراء

[miramar]

انا بجد تعجبت من تاريخ الموضوع

بس لما شفت رد الاستاذ عادل راح تعجبي

مرمر

[م.سامح المصرى]

وهل يا ترا يا استاذ حشيش

جيبت الجاموسة ولا لاء

دا الموضوع طلع اديم اوى

على فكرة انا ممكن احطهالك في مكان اية اوعى ولا انا ولا انتا ولا هيا هاتعرف مكانه

اكيد خمنته

[doha]

طب والحل يعني للناس الي زي حالاتي مكانوش موجودين في تلك الحقبة الزمنية عشان يلحقوا يقروا الي انكتب قبل ماينمسح. ..

اهو البلد فضيت لا عاد فيها لحمة ولا لبن ولا جلة .. ولا حشيش ..