إرحمونا من فنكم شوية ....

[Lancelot]

قلب (غير القناة يعني) في قنوات التليفزيون المصري في أي وقت .... علي أي قناة فيهم ... أكيد و لازم هتلاقي برنامج مستضيف ممثل أو مغني أو مخرج أو كاتب أو أي حاجة .... عمال يحكي لنا عن فنه العظيم و عن فيلمه الأخير أو فيلمه اللي جاي أو اللي مش جاي ... عن مشاكله أو همومه أو رأيه في أي حاجة من أول حرب العراق إلي شركات النظافة الجديدة .... منهم الممثلين الكبار اللي الزمن عفا عليهم من زمان ... و منهم نجوم الهوجة .... و منهم ناس عمرنا ما سمعنا عنهم لكنهم نجوم لأنهم ظهروا في مشهد بجوار النجم الشهير فلان الفلاني ...

و تلاقي المذيع و لا المذيعة مهتم أوي و هو بيأخد رأي الفنان الجبار و النجم اللامع .... و الضيف قاعد عمال يتكلم في كلام فاضي مالوش أي لازمة ... رأي سيادته في أزمة السينما ... و رأي حضرتها في أزمة البطولة المطلقة للممثلات .... أي حاجة في أي حاجة .... و كلهم رأيهم زي بعض ... و كله كلام فاضي محدش بيلتزم بيه ....

ما علينا .... لحد إمتي هنفضل نلف في دايرة التفاهة ديه ... إمتي هنعمل برنامج محترم فعلا يحترم عقل المشاهد و يقدم له ما يفيده بطريقة ظريفة و لطيفة حتى لا يمل من البرنامج ... و نبعد بقي عن القرف اليومي ده ....

يا أهل الفن إرحمونا من فنكم شوية .....

طب سؤال بسيط .... علي القناة التالتة دلوقتي حالا ... رسالة عن مؤتمر لمكافحة التدخين بمناسبة اليوم العالمي لمكافحة التدخين ... في رسالة زي ديه المفروض نستضيف دكاترة يشرحوا لنا أضرار التدخين .... إيه لازمة إنهم يستضيفوا فنانين .... مش فاهم ... "وش مفروس أوي و هيقطع نفسه من الفرسة"

[Proud Muslim]

يا أهل الفن إرحمونا من فنكم شوية .....

لأ لأ .. ارحمونا منكم خالص أحسن .. فهؤلاء لا أهل فن و لا أهل علم و لا أهل حاجة ..بل هم أهل لأن يجلسوا في بيوتهم فقط !!

أنا بس باستغرب .. تلاقي مذيع مستضيف فنان (مع التجاوز في اللفظ ) في برنامج حواري ساخن .. و عمال يسأله .. انت قلت كذا في مجلة كذا .. و سنة كذا انت رحت المكان الفلاني و قلت فيه كذا .. و شفناك في كذا .. و عملت فيلم كان رأيك فيه كذا .. و فلان شتمك و قال عليك كذا .. ايه ده ؟؟

من انتم أصلا لكي ينشغل بكم بال الشعب ؟؟

ماذاذ يهمنا نحن في أنك شتمت فلان أو فلان شتمك .. يعني انتم أشخاص غير مهذبين .. يبقى اقعدوا في بيوتكم !!

يسأله عن رأيه في الحرب و و و وو .........الخ

يعني هو أصلا بيعرف يقرأ جريدة علشان يقول رأيه ؟؟

حاجة تفقع المرارة و الله العظيم ..

يعني واحد بيسكر و بيعمل بلاوي في حياته و فضائح منيلة .. يبقى آخذ رأيه في قضايا أكبر منه و من عقله الضحل ؟؟

العيب مش عليهم .. العيب على اللي طلعهم على الشاشة أصلا .

[Satire]

عن أبي هريرة رضي الله عنه قال : قال رسول الله صلى الله عليه وسلم ( يتقارب الزمان ، ويقبض العلم ، وتظهر الفتن ، ويلقى الشح ، ويكثر الهرج) رواه مسلم

روى مسلم في صحيحه أن رسول الله صلى الله عليه وسلم قال ( إن من اشراط الساعة ثلاثا : إحداهن أن يلتمس العلم عند الأصاغر ..... )ا

وسئل عبدالله بن المبارك عن الأصاغر ؟ فقال : ( الذين يقولون برأيهم ، فأما صغير يروي عنه كبير فليس بصغير )ا

وعن ابن مسعود رضي الله عنه قال ( لا يزال الناس بخير ما أتاهم العلم من أصحاب محمد صلى الله عليه وسلم ومن أكابرهم ، فإذا أتاهم العلم من قبل أصاغرهم ، وتفرقت أهواؤهم ، هلكوا )

صدق رسول الله صلى الله عليه و سلم

[optimistic]

البرامج الهادفة مطلوبة و كلمة السر هي الاعداد الجيد

فهؤلاء لا أهل فن و لا أهل علم و لا أهل حاجة ..بل هم أهل لأن يجلسوا في بيوتهم فقط !!

التعميم على كل الفنانين أمر غريب حبتين .. طيب مين الفنانين الجيدين اذا كنت و ضعتهم في سلة واحدة

المهم

نرجع للموضوع

أما البرامج التليفزيونية فهي ككل شيء تخضع لمعايير الكفاءات المتوسطة و الكوسة بالحمص و قلب رزقك

قد تجد بعض البرامج الجيدة لكنها على الفضائيات فقط حيث تشاهد برغبتك اما تلفزيون مصر و خصوصا القنوات الارضية .. فبالاجبار و تتفرج بمزاجهم .. و تبوس ايدك وش و ظهر