Scorpion بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 وبالمناسبة هوة فين عمنا سكوب؟كتب الموضوع ونزع الفتيل واختفى ماشى يا عم سكوب معلهش يا حسام .. معكوك شوية في الشغل و أول ما دخلت عالموضوع اتخضيت ... لكن قبل أي حاجة قلت أعزم الباشمهندس ياسر علي كوباية لمون متلجة الأول و نرجع نكمل مع بعض ... :wub: :blink: بس علي فكرة الموضوع بقي كبير كبير و شكله حد من المشرفين حيروح البنك يفكه بموضوعين موضوعين او حينقله لباب تاني ... و انا اهه و بكره تقولوا سكوب قال .... :blink: كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 اوقااااااااات كتير يا اخوانا يا بتوع الهجره بحس ان مش كل الكلام يستاهل يترد عليه الازمة بقى يا معلمىن لما تعرف ان حد من اخواتك الصغيرين ممكن يدخل ويقرا الكلام اللى كاتبنه اخواتهم الكبااااااااااار ايه اللى انتوا كاتبينه ده يا راجاله دانتوا شركتوا البلد تماما وطلعتها بتموت او خلاص هتموت قريب .......... لا والاكاده ايه انكوا ياعينى تعبتوا اوى اوى و خلاص هريتوا اكبادكم من كتر ما قعدتوا تقول حاص يا ولاد و عودوا الى وطنكم يا جماعه والحقوا البلد اللى بتغرق يا رجاله... بالراحه شوية يا عم طلعت حرب على عثمان احمد عثمان على الرافعى على التابعى مش كده فيه ناس وبتعرف تقرأ وبتعرف تشوف بكره فيه ايه . . نسيتوا بكره اللى انتوا مش شايفين بلدكم فيه اساسا بمناسبة بكره يعنى بعد خمستاشر عشرين سنة كده و طبعا بعد الشر عنكم علشان محدش من اللى بيفهموا اوى يفهم غلط لما تلاقى الامورة التى كانت طفلتك يوما ما جايبه البوى فريند اى والله البوى فريند واد حليوه كده شعره اصفر وعنيه خضره ابقى ورينى يا عم الشاطر انت و هوا يا اللى عجبك التلج لدرجة واضحة جدا جدا فى كلامكم هتعمل ايه و لما تتصل بنتك بالبوليس نفس البوليس اللى هتتصلوا بيه تقولوله كلب الجيران عملى ازعاج و تقوله بابى مش سايبنى اتصرف بحريتى فى حدود القانون ... ابقوا قولولى هتحلوها ازاى و كفاية دى ولا ازيدكم من الشعر بيتّ!!!!!!!!!!!؟؟؟ نخلى بقيت القصيدة لما يجى ميعادها .. انما نغير الاسطوانه شوية ع البلد قولولى يا باشاوات شكلها حلو اوى الشوارع و الحوارى اللى هناك و الناس شكلها لسه مستحمين من شوية طب جميل اخبار القلوب ايه ... شكل النفوس من جوه ازاى لما يموت واحد جارك و ميتعرفش غير من الريحة الحلوة( طبعا ماهو كندى بقى ) اللى هتطلع لما يرم هتبقى تعرف قيمة الشوارع الوحشة بتاعتنا لما تقع من طولك بعد الشر عن كل النااااااااااس و انت ماشى فى الشارع و محدش يبص ولا يتدخل ويبقى كل املك ان عربية الشرطة تعدى او ربنا يقدرك وتطلب 911 ساعتها بس هتعرف قيمة الناس اللى مش لاقية تمن الصابونة و اخيرا علشاااااان يبقى الموضوع مرتااااااااااح و من الاخر الحالة اللى البلد فيها مش هتفضل على طوووووووول و هتطلع رجاله هتغيرها ... و هتروق و تحلى بس الصبر و كل واحد يعمل اللى عليه و ربنا عليه الباقى و حسنى مبارك وزمرته مش هتخلد طول الدهر هيموتوا و هيتوهوا فى طياااااات التاريخ و البلد هتفضل و هتعيش و هترجع احسن من الاول الفكرة كلها يا معلمىن ان ربك هو اللى بيختااااااار فلان يبقى من الناس اللى اشتغلت وعملت اللى عليها وتقابل ربها بقلب سليم وفلان يبقى من الناس اللى ضربت كرسى فى الكلوب و قالت وانا مالى و ياريت كده و بس لا وكمان سلب الدين من عياله مع سبق الاصرار والترصد و اخيرا بعيد الشر عن كل اخواننا و حبايبنا و ربنا يسلمها علينا كلنا و يا عم سكوب ماتزعلش مننا بس مينفعش نسكت خالص انما قهوتكم مشروبة و لمونكم كماااااااااااااان و نردهالك فى الافراح تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 حتى موضوع الالفة والعشرة المصرية قرب يختفى ياباشمهندس ياسر وموضوع ان واحد بيموت والناس بتعرفة من ريحتة الحلوة بيحصل فى مصر برضة أنا شايفك متحمس قوى ياباشمهندس كل واحد لية وجهة نظرة ومفروض نحترم وجهات النظر التى تختلف معانا ومفيش أى مشكلة يا عم سكوب انا كنت بهزر وماشفتكش من فترة وانت عارف انى بعزك فكنت بس بدور عليك تقبل تحياتى رابط هذا التعليق شارك المزيد من خيارات المشاركة
Scorpion بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 و يا عم سكوب ماتزعلش مننا بس مينفعش نسكت خالص انما قهوتكم مشروبة و لمونكم كماااااااااااااانو نردهالك فى الافراح ما هو لو انت ابتديت باللمون قبل القهوة يا باشمهندس كان الكلام اتقال بهدؤ و بقي فيه أخد و عطا ... لكن كده مافيش فرق كبير ... لأن كده الموضوع حضرتك حولته لخلاف بين اللي هاجر و اللي قاعد ... و مين أحسن من التاني .. و مين اللي أكثر إيمان ... و بصراحة عمر النقاش بالطريقة دي بيجيب فايدة .... بالعكس ... حضرتك ما اديتليش امكانية عالرد بصفتي مهاجر علي اللي كتبته سواء بالرفض او بالأيجاب ... لأني لقيت نفسي من زمرة المتريقين عليهم من عينة طلعت حرب على عثمان احمد عثمان على الرافعى على التابعى ...و ابني او بنتي حتوريني القطط الفاطسة و حشوفهم بينحرفوا قدام عيني من غير ما حقدر اقول بم لا الشاويش الخواجة ييجي يحطللي الكلابشات... فما بقاش له لازمة الرد من أساسه .. و ان كنت في نفس الوقت أحترم رأيك حتي لو كان غلط بالنسبة ليا .... تحياتي .... و مش حستني أفراح علشان تردلي اللمون .. لما حنزل مصر ان شاء الله ليا عزومة في اي قهوة تختارها ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 و اخير االلي يقدر يسافر مثلا الى كندا و ما يعملهاش و يعيش في دور الاصلاح هيلاقي نفسه شحات و مقبوض عليه في امن الدوله بتهمه اثاره الفتن و اعمال الشغب و تكدير الراي العام ينفع يا عمنا جوست اختلف معاك ولا تزعل منى انا يهمنى ماتزعلش منى و برده عايز اختلف معاك و اقولم انا مش هسافر كندا غير على شغل اه على شغل يعنى اروح اشتغل ماشى اروح ادرس مفيش مشاكل انما اروح اخد جنسيه مش هيحصل رغم انى وانا فى اعدادى هندسة رحت مكتب محامى و كان السبب الرئيسى انى اشوف سكة اكمل بيها الدراسة بره انما جنسية لا و عيالى تعيش بره برده لا و مع ذلك فانا مش شحاااااااااااات بل بفضل الله متوسط دخلى اكثر من رائع و علشان محدش يخمن فابويا كان اخره معايا البكالوريوس و بعد كده شكرا عيش حياتك و اما عن امن الدولة فاسمحلى اسالك هما الجماعه بتوع امن الدولة مبيفهموش؟؟؟ يا اخى انا كنت طالب فى هندسة اسيوط و ما ادراك ما هى اسيوط و مشاكل التيار الاسلامى والجهاد و ميراث الجماعه الاسلامية الا انى مزرتش امن الدولة ولا مرة رغم انهم كانوا بيعملوا تفتيشات كل حين والتانى و بعدين هو الواحد ميبقاش مواطن الا اذا كسر فى الشوارع وولع فى العربيات يعنى غريب كلامك يا جوست ومتعودتش على كده منك تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 اوقااااااااات كتير يا اخوانا يا بتوع الهجرهبحس ان مش كل الكلام يستاهل يترد عليه الازمة بقى يا معلمىن لما تعرف ان حد من اخواتك الصغيرين ممكن يدخل ويقرا الكلام اللى كاتبنه اخواتهم الكبااااااااااار ايه اللى انتوا كاتبينه ده يا راجاله دانتوا شركتوا البلد تماما وطلعتها بتموت او خلاص هتموت قريب .......... لا والاكاده ايه انكوا ياعينى تعبتوا اوى اوى و خلاص هريتوا اكبادكم من كتر ما قعدتوا تقول حاص يا ولاد و عودوا الى وطنكم يا جماعه والحقوا البلد اللى بتغرق يا رجاله... بالراحه شوية يا عم طلعت حرب على عثمان احمد عثمان على الرافعى على التابعى مش كده فيه ناس وبتعرف تقرأ وبتعرف تشوف بكره فيه ايه . . نسيتوا بكره اللى انتوا مش شايفين بلدكم فيه اساسا بمناسبة بكره يعنى بعد خمستاشر عشرين سنة كده و طبعا بعد الشر عنكم علشان محدش من اللى بيفهموا اوى يفهم غلط لما تلاقى الامورة التى كانت طفلتك يوما ما جايبه البوى فريند اى والله البوى فريند واد حليوه كده شعره اصفر وعنيه خضره ابقى ورينى يا عم الشاطر انت و هوا يا اللى عجبك التلج لدرجة واضحة جدا جدا فى كلامكم هتعمل ايه و لما تتصل بنتك بالبوليس نفس البوليس اللى هتتصلوا بيه تقولوله كلب الجيران عملى ازعاج و تقوله بابى مش سايبنى اتصرف بحريتى فى حدود القانون ... ابقوا قولولى هتحلوها ازاى و كفاية دى ولا ازيدكم من الشعر بيتّ!!!!!!!!!!!؟؟؟ نخلى بقيت القصيدة لما يجى ميعادها .. انما نغير الاسطوانه شوية ع البلد قولولى يا باشاوات شكلها حلو اوى الشوارع و الحوارى اللى هناك و الناس شكلها لسه مستحمين من شوية طب جميل اخبار القلوب ايه ... شكل النفوس من جوه ازاى لما يموت واحد جارك و ميتعرفش غير من الريحة الحلوة( طبعا ماهو كندى بقى ) اللى هتطلع لما يرم هتبقى تعرف قيمة الشوارع الوحشة بتاعتنا لما تقع من طولك بعد الشر عن كل النااااااااااس و انت ماشى فى الشارع و محدش يبص ولا يتدخل ويبقى كل املك ان عربية الشرطة تعدى او ربنا يقدرك وتطلب 911 ساعتها بس هتعرف قيمة الناس اللى مش لاقية تمن الصابونة و اخيرا علشاااااان يبقى الموضوع مرتااااااااااح و من الاخر الحالة اللى البلد فيها مش هتفضل على طوووووووول و هتطلع رجاله هتغيرها ... و هتروق و تحلى بس الصبر و كل واحد يعمل اللى عليه و ربنا عليه الباقى و حسنى مبارك وزمرته مش هتخلد طول الدهر هيموتوا و هيتوهوا فى طياااااات التاريخ و البلد هتفضل و هتعيش و هترجع احسن من الاول الفكرة كلها يا معلمىن ان ربك هو اللى بيختااااااار فلان يبقى من الناس اللى اشتغلت وعملت اللى عليها وتقابل ربها بقلب سليم وفلان يبقى من الناس اللى ضربت كرسى فى الكلوب و قالت وانا مالى و ياريت كده و بس لا وكمان سلب الدين من عياله مع سبق الاصرار والترصد و اخيرا بعيد الشر عن كل اخواننا و حبايبنا و ربنا يسلمها علينا كلنا و يا عم سكوب ماتزعلش مننا بس مينفعش نسكت خالص انما قهوتكم مشروبة و لمونكم كماااااااااااااان و نردهالك فى الافراح الفاضل ياسر.. لنقل ان مضمون ما فهمته من كلامك ينحصر فى عدة نقاط . الأولى : بعض السلبيات فى بلدان المهجر من اختلاف جذرى من حيث الثقافة الدينية والعادات التى تربينا عليها والتى قد تمثل خطر على الأبناء . اضافة لأن الحياة العمليه هناك تجعل العلاقات تخلو من العواطف فلا أحد يعرف عن جاره لو غاب على سبيل المثال كما قلت حتى لو توفى فى منزله. عموما اميل معك لوجود سلبيات ، لا يمكن ان يخلو شيئ فى الوجود ابدا من السلبيات ولا يمكن ان نقول ان نفس السلبيات هذه لا تخلو منها تماما تماما مجتمعاتنا. ولكن نحن نحاول قدر الإمكان ان نملأ الحياة حولنا بالدفئ ونترابط مع الأهل والأحباء.. وما اظنه ان المهاجر و المغترب يتحول بعد فتره معينه من مجرد فرد منفصل عن المجتمع الى فرد مندمج معه ويكون صداقات هناك وعلاقات اؤمن انها تكون قويه فى ظل الغربة وافتقاد كل ما هو مصرى مما يجعل الجاليات هناك تترابط وتنشئ علاقات قويه تكاد تكون فى قوة العلاقات العائليه. مسألة تربية البنات ، لا احب ان اتحدث فيها بدون خبرة ، واجد ان نسبة لا بأس بها تعود فى فترة ما خوفا على بناتها، والآخرى تعتمد على حسن التربيه لمواجهه الإنفتاح واختلاف العادات بخوص مسائل العلاقات بين الأولاد والبنات. احب ان اقول فقط مما اعرفة انا وما عشته فى الجامعة ان العلاقات بين الجنسين موجوده فى مصر بشكل لا يتصوره احد.. هى ضمن بعض الحدود وتختلف طبعا عن شكل العلاقات فى الغرب ولكنها موجوده وهذا امر اعرفه حق المعرفة. اما مسأله ان كلاب الرئاسه( ولا اجد لهم تسميه اخرى) سينزاحون يوما من على صدر الوطن فيتنفس فأقول نعم..نعم يا ياسر ذلك سيحدث اؤمن بشدة انه سيحدث..واؤمن ان فى مصر من الشرفاء والنزهاء من سيكون منظم لهذه الثورة والإنقلاب وقائد له كما فعل محمد نجيب فى ثورة يوليو مصر دائما وابدا ستكون منجبه للثوار ولن يدوم الحال للأبد لأن دوامه من المحال. وحتى يشاء الله وحتى تعود مصر كما كانت لا اظن من الصحيح اتهام من يقرر العيش فى خيمة اكسجين بعد ان اختنق من انعدامة فى مصر ..لا اظن انه يستحق الهجوم ولا التقليل من مصريته . كلنا مصريين.. تختلف فقط احلامنا وتطلعاتنا وافكارنا وثقافتنا.. تختلف من شخص لآخر. ولكن ... نتفق كلنا على نفس الحلم . لأننا مجروحين جميعا نفس الجرح وبنفس العمق. لنتحاور بهدوء فقط يا عزيزى.. حتما سنفهم بعضنا بعضا ويكفى ان نتفق على اننا مختلفون فى شيئ. فقط لنتفق على ان نختلف. لا داعى ان نختلف على الإختلاف. تحياتى لك. طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 و يا عم سكوب ماتزعلش مننا بس مينفعش نسكت خالص انما قهوتكم مشروبة و لمونكم كماااااااااااااانو نردهالك فى الافراح ما هو لو انت ابتديت باللمون قبل القهوة يا باشمهندس كان الكلام اتقال بهدؤ و بقي فيه أخد و عطا ... لكن كده مافيش فرق كبير ... لأن كده الموضوع حضرتك حولته لخلاف بين اللي هاجر و اللي قاعد ... و مين أحسن من التاني .. و مين اللي أكثر إيمان ... و بصراحة عمر النقاش بالطريقة دي بيجيب فايدة .... بالعكس ... حضرتك ما اديتليش امكانية عالرد بصفتي مهاجر علي اللي كتبته سواء بالرفض او بالأيجاب ... لأني لقيت نفسي من زمرة المتريقين عليهم من عينة طلعت حرب على عثمان احمد عثمان على الرافعى على التابعى ...و ابني او بنتي حتوريني القطط الفاطسة و حشوفهم بينحرفوا قدام عيني من غير ما حقدر اقول بم لا الشاويش الخواجة ييجي يحطللي الكلابشات... فما بقاش له لازمة الرد من أساسه .. و ان كنت في نفس الوقت أحترم رأيك حتي لو كان غلط بالنسبة ليا .... تحياتي .... و مش حستني أفراح علشان تردلي اللمون .. لما حنزل مصر ان شاء الله ليا عزومة في اي قهوة تختارها ... مبدئيا كده انت تؤمر وعنينا ليك و مرحبتين بيك فى مصر و بالنسبة لمسألة التريقة فده مش قصدى انما انا قصدى ان فيه رجاله عملت وغيرت ليه منبقاش منهم انما من غير زعل يا سكوب انا جيبت مجموعة نقاط انا شايفها تخضنى من الهجرة و ده من الزاوية اللى دماغى شايفه الموضوع منها انت شايف زاوية تانية اهلا وسهلا ونتناقش معنديش مشكلة و بعدين انا من حقى ازعل على بلادى و على نفسى وعلى تاريخى و على بكره بتاعى و من حقى ادافع عنه و من حقى احاول اقنعكم بوجهة نظرى و بالندية من حقكوا تدافعوا عن وجهة نظركم و عن قراركم و عن الزاوية اللى انتوا بتبصوا منها انما مفيش حد من حقه يغلط على الوطن يا اخى الراجل العربى اللى اهله بهدلوه اخر بهدلة قال بلدى وان جارت على عزيزة ... اهلى وان ضنوا على كرام وانا معنديش مانع ان اراجع و لو انا غلط فى نقطة فانا عندى من المرجلة ما يكفى انى اقول انى غلطااااااااان تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 الفاضل ياسر..لنقل ان مضمون ما فهمته من كلامك ينحصر فى عدة نقاط . الأولى : بعض السلبيات فى بلدان المهجر من اختلاف جذرى من حيث الثقافة الدينية والعادات التى تربينا عليها والتى قد تمثل خطر على الأبناء . اضافة لأن الحياة العمليه هناك تجعل العلاقات تخلو من العواطف فلا أحد يعرف عن جاره لو غاب على سبيل المثال كما قلت حتى لو توفى فى منزله. عموما اميل معك لوجود سلبيات ، لا يمكن ان يخلو شيئ فى الوجود ابدا من السلبيات ولا يمكن ان نقول ان نفس السلبيات هذه لا تخلو منها تماما تماما مجتمعاتنا. ولكن نحن نحاول قدر الإمكان ان نملأ الحياة حولنا بالدفئ ونترابط مع الأهل والأحباء.. وما اظنه ان المهاجر و المغترب يتحول بعد فتره معينه من مجرد فرد منفصل عن المجتمع الى فرد مندمج معه ويكون صداقات هناك وعلاقات اؤمن انها تكون قويه فى ظل الغربة وافتقاد كل ما هو مصرى مما يجعل الجاليات هناك تترابط وتنشئ علاقات قويه تكاد تكون فى قوة العلاقات العائليه. مسألة تربية البنات ، لا احب ان اتحدث فيها بدون خبرة ، واجد ان نسبة لا بأس بها تعود فى فترة ما خوفا على بناتها، والآخرى تعتمد على حسن التربيه لمواجهه الإنفتاح واختلاف العادات بخوص مسائل العلاقات بين الأولاد والبنات. احب ان اقول فقط مما اعرفة انا وما عشته فى الجامعة ان العلاقات بين الجنسين موجوده فى مصر بشكل لا يتصوره احد.. هى ضمن بعض الحدود وتختلف طبعا عن شكل العلاقات فى الغرب ولكنها موجوده وهذا امر اعرفه حق المعرفة. اما مسأله ان كلاب الرئاسه( ولا اجد لهم تسميه اخرى) سينزاحون يوما من على صدر الوطن فيتنفس فأقول نعم..نعم يا ياسر ذلك سيحدث اؤمن بشدة انه سيحدث..واؤمن ان فى مصر من الشرفاء والنزهاء من سيكون منظم لهذه الثورة والإنقلاب وقائد له كما فعل محمد نجيب فى ثورة يوليو مصر دائما وابدا ستكون منجبه للثوار ولن يدوم الحال للأبد لأن دوامه من المحال. وحتى يشاء الله وحتى تعود مصر كما كانت لا اظن من الصحيح اتهام من يقرر العيش فى خيمة اكسجين بعد ان اختنق من انعدامة فى مصر ..لا اظن انه يستحق الهجوم ولا التقليل من مصريته . كلنا مصريين.. تختلف فقط احلامنا وتطلعاتنا وافكارنا وثقافتنا.. تختلف من شخص لآخر. ولكن ... نتفق كلنا على نفس الحلم . لأننا مجروحين جميعا نفس الجرح وبنفس العمق. لنتحاور بهدوء فقط يا عزيزى.. حتما سنفهم بعضنا بعضا ويكفى ان نتفق على اننا مختلفون فى شيئ. فقط لنتفق على ان نختلف. لا داعى ان نختلف على الإختلاف. تحياتى لك. الاستاذه لولا قرأت كلامك مرة واخرى وثالثة فلم اجد ما يتعارض مع كلامى الا نقطة التاكيد على وطنية من يهاجر ويتركنا انا لم اشكك فى وطنية احد و هذا ليس من حقى او حق غيرى انما انا اسال اخواننا ممن هاجر هل وعيت السلبيات ام رايتها كلها من الايجابيات و عموما انا لم اختلف ولم اتدخل الا لما رايت ان السيمفونية اكتملت و كل العازفين اتفقوا على ان يمتعوا اذانهم بسب الوطن بل ومما زاد الطين بلة ان انضم اليهم فريق الكورال ليسمعوا نشاذا تاما فى اسهل الطرق لنكران الجمييييييييل اختاه اعذرينى على ما سأقول اقسم بالله و يجوز القسم على غلبة الظن ان اولئك القوم اللذين هاجروا او بصدد الهجرة لم يتعرضوا الى واحد من الالف مما تعرض له المصرى الدكتور نجيب سرور و هو درة فى تخصصه و لكن الكهنه اللذين صنهم عتريس فعلوا به الافاعيل حتى كتب خالدته التى يعلمها الماخصصون من كل الاطراف و رغم ما بها من ماسى يندى لها الجبين الا انه اصر على حب هذا الوطن و قد وصفت حاله قائلا هذا هو منتهى البغض حتى الذوبان فى العشق اختى لن نحتلف مع اشخاص انما نختلف مع مناهج و اخيرا دمتى بخير تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 حسنا يا ياسر .. جميل هو الإتفاق على بعض الإختلاف. واهمس لك فقط قائله: الناس فى تحملها درجات يا ياسر. صدقنى من المستحيل ان تضع نموذج معين لبطل ما وتطلب من شعب ما ان يكون مثله. انت تدرك ان اصابع نفسها تختلف فى الطول. الم تكن ارض الله واسعة لتهاجرو فيها..من يرى صحة ذلك لأنه اختنق وفقه الله. فقط هذا ما اقوله. القضية لم تعد ان هجرة هؤلاء تعطل البناء ولا التقدم ولا الإصلاح ابدا مصر 85 مليون بها رجال لا حصر لهم ولا عدد. ومن هاجر فله ظروفه صدقنى مسألة التقييم لظروف الناس ودواخلهم اجدها غير منطقيه .امر آخر بالنسبة للجنسيه الأجنبية هى شكل يسمح للمهاجر بالتمتع بحقوق عده فى بلد المهجر لا تعنى انه باع جنسيته ووطنه ابدا. ولكنها شكل من اشكال الحياه ..كرت اخضر تسهل به المعيشه. وعندما تسأل احدهم من أنت سيجب : انا مصرى حسنا تحياتى للمرة الثانيه لك. اردت فعلا التحاور معك بهدوء وطرح اى افكار والرد عليها بهدوء اكثر واشكرك فعلا على الشكل الذى نتحاور فيه وعلى الشكل حتى الذى قد نختلف فيه. طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 [اقسم بالله و يجوز القسم على غلبة الظن ان اولئك القوم اللذين هاجروا او بصدد الهجرة لم يتعرضوا الى واحد من الالف مما تعرض له المصرى الدكتور نجيب سرورو هو درة فى تخصصه و لكن الكهنه اللذين صنهم عتريس فعلوا به الافاعيل حتى كتب خالدته التى يعلمها الماخصصون من كل الاطراف و رغم ما بها من ماسى يندى لها الجبين الا انه اصر على حب هذا الوطن على فكرة موضوع عتريس هناااااااااك فى مستغرب..واتهمنى البعض فيه بالشطح :wub: استغرب ان تشتهد بأفكار تشبيهيه عتريسيه شاااااااااااااااطحة :blink: طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 ازاى ده اول لما الاستاذ محمد كتب عتريس و فؤاده وصلت طوالى من غير تفكير حتى حد يجيب سيرة بلادى و ملقطهاااااااااش ...!!!!!!!! :wub: ده يبقى عيب فى حقى حتى ( برده) اسمحلى استغرب هنا يا حساااااااام تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
iloveegypt بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 و اخير االلي يقدر يسافر مثلا الى كندا و ما يعملهاش و يعيش في دور الاصلاح هيلاقي نفسه شحات و مقبوض عليه في امن الدوله بتهمه اثاره الفتن و اعمال الشغب و تكدير الراي العام ينفع يا عمنا جوست اختلف معاك ولا تزعل منى انا يهمنى ماتزعلش منى و برده عايز اختلف معاك و اقولم انا مش هسافر كندا غير على شغل اه على شغل يعنى اروح اشتغل ماشى اروح ادرس مفيش مشاكل انما اروح اخد جنسيه مش هيحصل رغم انى وانا فى اعدادى هندسة رحت مكتب محامى و كان السبب الرئيسى انى اشوف سكة اكمل بيها الدراسة بره انما جنسية لا و عيالى تعيش بره برده لا و مع ذلك فانا مش شحاااااااااااات بل بفضل الله متوسط دخلى اكثر من رائع و علشان محدش يخمن فابويا كان اخره معايا البكالوريوس و بعد كده شكرا عيش حياتك و اما عن امن الدولة فاسمحلى اسالك هما الجماعه بتوع امن الدولة مبيفهموش؟؟؟ يا اخى انا كنت طالب فى هندسة اسيوط و ما ادراك ما هى اسيوط و مشاكل التيار الاسلامى والجهاد و ميراث الجماعه الاسلامية الا انى مزرتش امن الدولة ولا مرة رغم انهم كانوا بيعملوا تفتيشات كل حين والتانى و بعدين هو الواحد ميبقاش مواطن الا اذا كسر فى الشوارع وولع فى العربيات يعنى غريب كلامك يا جوست ومتعودتش على كده منك مهندس ياسر احييك على حسك الوطنى :wub: انا ساعات بسمع كلام فى المنتدى بحس ان كل المصريين فى السجون والمعتقلات والناس ماشية تضرب بعضها فى الشارع وان البلد خربت وانهارت الصورة مش بالسواد ده نعم فى فساد فى مصر بس فى حركات اصلاح وتغييير قوية زى كفاية وشباب 6 ابريل والاخوان وغيرهم كتير الخير فى مصر ليوم الدين انا عن نفسى مش ضد الهجرة ولا العمل فى اوروبا بس ميكونش على حساب دينى واولادى لو ضمنت الاتنين دول اهاجر حالا واكيد فى مصريين مهاجرين برة مظبطين النقطتتين دول رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 (معدل) باشمهندس ياسر سؤال بسيط انت لية مش بترجع مصر؟ وتشرب من نيلها تم تعديل 13 سبتمبر 2008 بواسطة Scorpion رابط هذا التعليق شارك المزيد من خيارات المشاركة
Ghost بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 ينفع يا عمنا جوست اختلف معاك ولا تزعل منى انا يهمنى ماتزعلش منى يا راجل و مين قالك ان في اي زعل دا احنا بنتكلم على رأي اللي بيقولوا و بعدين الاختلاف مش معناه اي زعل ابدا و يدل على افق واسع لكل المتحاورين و اما عن امن الدولة فاسمحلى اسالكهما الجماعه بتوع امن الدولة مبيفهموش؟؟؟ لا السؤال كده واسع جدا لكن بالمختصر المفيد دول شويه بقر بيحكموهم ثعالب يعني لما الموضوع بيكون على هدف صغير زي و زيك كده او زي سوزان تميم بيكونوا بهايم على الاخر المهم يا ريس يكون فيه شغل و الشغل يدل ان فيه ناس سهرانه بتكتب ملفات و مذكرات و بتعلق و بتعذب و مش مهم يكون الفريسه بريئه او كانت ماشيه جنب المظاهره دي في ناس يا راجل لهم ملف بس علشان محترمين في حياتهم و قاموا قالوا كلمه و لا درس في مدينه جامعيه او مسجد مش مصدق و الله يا باشمهندس يعني صدق اللي قال بيخدوا الباطل على العاطل الا انى مزرتش امن الدولة ولا مرة رغم انهم كانوا بيعملوا تفتيشات كل حين والتانى الناس ديه جايه باخباريه من مرشد يا معلم اسال مجرب بقى زميل محترم معاك في الدراسه و راح قبض و قال الكلمتين اللي فيهم النصيب ممكن يكون الامر فعلا جدي جدا متفجرات او منشورات من اللي هي او تنظيم سري ...ماشي لكن ممكن يكون السبب حاجة اهون مما تتخيل و الله في ناس و الله ما دخلوا الامتحان و لا شافوا الكليه علشان كان ماشي تلقائي في مظاهره الجامعة و زميله هو اللي بلغ فيه علشان الزميل يقبض المعلوم و يقول ان في شغل و بعدين امن الدوله يقول ان احنا بنقبض و بنعتقل و بنعلق يا ريسسسسسسسسسس اي حد يقول كلمه وحشه في حقك و حق البلد انا اعرف واحده من جامعة الازهر متفوقة و لها حق ان تكون معيده و تم رفضها امنيا لانها مشتركه في جمعيه اسلاميه في الكليه و بعدين هو الواحد ميبقاش مواطن الا اذا كسر فى الشوارع وولع فى العربيات يعنى دي ما عندكش حق فيها يا باشمهندس ما فيش في كلامي ابدا من اول ما دخلت المنتدي ما يدل على ذلك فضلا عن هذا الموضوع و بعدين انا اصلا لا اويد المظاهرات و الشعارات الرنانه و الهتاف انا مواطن مصري عاوز اعيش محترم و بس عاوز طرق مرصوفه و قانون مرور محترم و ناس متعلمه القياده تاخد الرخصة علشان ما اندهس انا و اولادي على رصيف الموت عاوز عيش ادمي اروح اجيبه من الماركت مش من الطابونه(الاختراع المصري الذي اظن ان ليس له مكان الا في مصر ) اللي عليها طابور طوييييييييييل عاوز مرتب محترم و حياه كريمه عاوز عدل و شفافيه و مساواه عاوز احس ان مصر ديه بلدي مش غريب فيها اظن الرساله كده وصلت يا باشمهندس ياسر و اشرب كوب الليمون بقى و روق دمك يا راجل الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
Ghost بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 هو ان النظرة تختلف تماما تجاه من يسافر لكندا او امريكا عن من يهاجرويقضى عمره كله فى الخليج للعمل. الفئة الأولى ينظر لها على اساس انها باعت البلد وتقاعست عن واجبها!! والثانيه ينظر لها انها ذهبت بحثا عن اكل العيش وتربيه الأولاد!! وفى النهايه كله خارج مصر..كله يرسل تحويلات ماليه لمصر..كله يزور مصر شهر فى السنه ..كله يعشق مصر رغم كل ما فيها ولا ينكر مصريته ابدا ويفخر بوطنه امام الجميع. ولكن لا اعرف سبب النظرة الظالمة جدا لكل من يختار الإغتراب فى الغرب عن الخليج ؟ الحديث يحتاج حقا الا تفهم اعمق واشمل للصورة ككل وحياديه وعدل فى الكلام والحكم على الأمور.. يحتاج للفهم العملى وليس النظرى لحال البلد. اسجل متابعتي و اعجابي بالملاجظه ديه يا لولا باين عليك من المغضوب عليهم من المهاجرين لبلاد الافرنجه :wub: الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 استاذى جوست اولا هذه اول مرة نتحادث وبناء عليه اعزمك على كوب شاى معتبر على قهوة حسام باشا لتهدئة النفوس. حسنا اخى الفاضل. حقيقة لست مع هذا التقسيم من أساسة لأن فيه نوع من المغالطة المردود عليها هذا رغم انى مغتربة فى الخليج . فقط أجد ان الحديث هنا يستدعى الأمانة والصدق مع الذات عندما نتحدث لماذا يظن البعض انه بغربته فى الخليج اعلى درجة من نظيره المغترب فى دولة أجنبية ؟؟!! مسألة الجنسية حقا اراه مجرد كرت أخضر لتيسير أمور الحياة فى المهجر ولا يحمل معانى الخروج من اى إنتماء مصرى وتنكر للجنسية المصريه وهذا ما اعرفة عن كثيرين يعيشون فى الخارج. أعتقد أن دول الخليج نفسها لو فتحت باب الجنسيات الخليجيه سيسعى حتما البعض للحصول عليها لتساعده فى الحصول على الكثير من المميزات فى الدولة التى يعيش فيها ، وللتخلص من الكثير من القيود. مسألة إختلاف العادات والتقاليد وتربية الأبناء أجد من الصعوبة أن أتقبل فكرة - وهذا رايى شخصى - ان شاب فى مقتبل حياته يسعى لبناء نفسه بطريقة معينه يفترض ان يفكر انه ذات يوم بعد 15-18 سنه سيتعرض اولاده للخطر فى المهجر فما اعرفه ان الحياة لا تعاش بهذه الطريقة اصلا، الإنسان يسعى فى الأرض يبنى نفسه كما يرى فى بلاد الله الواسعة بما يراه ويقدر عليه وبناء على ظروف كثيره تحدد له طريقه وهى ظروف لا يعرفها الا صاحبها عندما يصل الأبناء لسن المراهقة يستطيع ان يعود، يستطيع ان يعتمد على تربيته الجيده لهم..الخيارات عديده. ومصر ذاتها بعد 15-18 سنة الله اعلم بما ستكون عليه وما ستكون عليه المجتمات العربية عامة من تقبل لعلاقات الجنسين طبعا بشكل له حدود ولكن مبدأ صداقة الشاب بالفتاة ذاتها موجودة حاليا فى مصر وانا هنا اتحدث عن القاهرة وعن اعداد كبيرة جدا اعرفها من الشباب والبنات على علاقات حب يأملون مجرد أمل أن تنتهى بالزواج ولا اجد مبرر لنكران ازدياد هذا الشكل من العلاقات فى المجتمع، وعلى فكرة انا تربيت ونشأت فى السعوديه نفس هذه العلاقات موجوده هنا فى السعوديه حب بين طرفين الغرض منه الوصول للزواج الذى قد يحدث او لا الله أعلم ، المجتمعات العربية كلها تغيرت تغير جذرى.ماكان مرفوض قبل عشر سنوات أصبح امر مقبول حاليا. والتغيير مستمر حتما لا أظن أحد من ضيق الأفق بحيث ينكر ذلك. السنيدة الأساسية هى التربية الصالحة وزرع القيم فى داخل الشاب والفتاة ليراعى حق الله فى تصرفاته ، أظن المسلسلات المصريه لم تبخل علينا ابداً بمئات الحكايات عن الزواج العرفى بين شباب وبنات ينتمون لأسر كريمة بمعنى الكلمة ومجتمعات محافظة ورغم ذلك حدث وانساق الطرفان الى علاقة اجدها انا غير مقبولة باى شكل تحت دعوى انها شرعيه. البعض حقا يعانى جدا فى مصر، البعض يعانى ماديا ويظهر له طريق يسمح له بان يعيش انسان كما يفترض له بالشكل الذى كرمه الله به سواء هناك او هناك او هاهنا..فى مكان من ارض الله الواسعه..الم تكن ارض الله واسعة فتهاجرو؟! الناس طاقات وظروف اكررها مليون مره، فقط اتمنى ان يتم استيعابها بالشكل الصحيح. لا داعى لتحويل كل النقاشات لساحات قضاء ومحاكمة وتصنيف الناس دوما الى صنفين . تقول انى من فئة المغضوب عليهم، وراى آخر هنا قال انى فئة المعارضة للهجرة وقد يقول البعض الآخر عنى مئات الآراء ، وهذه حقا ليست قضيتى ان اقف فى دائرة تصنيف معينة بناء على حكم من أحدهم لأننى أصلا أقول لنتوقف عن اصدار الأحكام . لنتفق على الإختلاف ، لاداعى لنتختلف على الإختلاف حتى. الوطن كلمة لا تقبل الزج بها فى كل محفل بشكل يستدعى فقط اسقاط حق البعض به واظهار انهم من تخلو عن بناءه . الوطن لنا جميعا ، عشنا على ارضة او بعيدا عنه ملايين الكيلومترات. الوطن حق لا يملك احد ان يسلبه من الآخر ولا ان يقرر ان كان الآخر يستحقه من عدمه لأنه ترك أرضه لأسباب هو أكثر من يعرف فيها ويقرر مايريد وما يستطيع ومالا يستطيع. اتمنى فقط ان نحترم بعضنا جميعا.. ونتعامل بحب ونحتوى بعضنا.. نحن حتى على صفحات محاورات نتراشق الإتهامات !! ثم نقول لنبدأ الإصلاح!! فعلا لنبدأ الإصلاح..كل يصلح نفسه اولا..كل يفعل ما عليه وما يستطيعه لا داعى للتوقف واضاعة الوقت فى مجرد الخلاف. الكل يعمل.. الكل يعمل ويفيد الوطن بشكل ما. عندما تكون عندك غرفة بها عشرة أشخاص واكسجين يكفى لخمسة ويخرج خمسة من الغرفة فى اول فرصة تسمح لهم للخروج هل نعتبرهم خونه لأنهم لم ينتظرو فى الغرفة حتى يموتو جميعا؟ على الأقل من تبقى يكفيه انه محجوز فى غرفة بعد ان كان محجوز فى غرفة ويتقاسم الأكسجين من احد آخر وينتظر الجميع اللحظة التى ينتهى فيها الأكسجين . هل جرب احد دعاة ان الجلوس فى الوطن واجب وفرض عين معنى ان يتخرج الشاب فلا يجد وظيفة محترمة براتب محترم ليعيش بنى آدم! هل جرب هؤلاء ان يكون احدهم مسؤول عن أسرة يعجز عن توفير احتياجاتهم والأسعار فى ازدياد كل يوم ؟؟!! هذا بخلاف اعتبارات اخرى غير ماديه لا تخفى على احد..هل يجب ان اتحدث عنها ايضا؟ اتعرفون الأمر المضحك ؟؟؟ ان كل من يتحدثون هنا ماعدا حسام مغتربين !!! طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 13 سبتمبر 2008 تقديم بلاغ مشاركة بتاريخ: 13 سبتمبر 2008 مهندس ياسر احييك على حسك الوطنى :wub: انا ساعات بسمع كلام فى المنتدى بحس ان كل المصريين فى السجون والمعتقلات والناس ماشية تضرب بعضها فى الشارع وان البلد خربت وانهارت الصورة مش بالسواد ده نعم فى فساد فى مصر بس فى حركات اصلاح وتغييير قوية زى كفاية وشباب 6 ابريل والاخوان وغيرهم كتير الخير فى مصر ليوم الدين انا عن نفسى مش ضد الهجرة ولا العمل فى اوروبا بس ميكونش على حساب دينى واولادى لو ضمنت الاتنين دول اهاجر حالا واكيد فى مصريين مهاجرين برة مظبطين النقطتتين دول و الله يا هندسة انا مش عارف اقولك ايه بصرااااااااحة ربنا يزيدنا ولاء ووفاء للبلد يا راجل ده اللى كان بيحب واحده ايام الكلية بيفضل وفى ليها و فاكرها لغاية ما يموت و بلدنا فيها كل حاجة الشىء وضده و اهى ازمة وتاخد وقتها وتعدى مائة سنة مش شىء فى عمر الزمااااااااان انما عن الهجرة فيا سيدى ربنا يوفق كل الناس و يصلح حالى و حال كل الناس تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
الباشمهندس ياسر بتاريخ: 13 سبتمبر 2008 تقديم بلاغ مشاركة بتاريخ: 13 سبتمبر 2008 (معدل) باشمهندس ياسرسؤال بسيط انت لية مش بترجع مصر؟ وتشرب من نيلها يا دكتور حسااااااااام يوسفنى انى اقولك ان كلامك مش فى مكانه لانى بكلمك دلوقتى من مصر و شغال شهر بره مصر و شهر جوه مصر معلش طلعت اوت يا دكتره و بالمناسبة لو راجعت كلامى انا قلت معنديش مانع اشتغل فى كندا او اى حتة و دى كمان اوف سايد يا دكتره و عقبال اللى بره يرجعوا بالسلامة ويجوا يتمشوا شوية ع النيل تم تعديل 13 سبتمبر 2008 بواسطة Scorpion تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
الباشمهندس ياسر بتاريخ: 13 سبتمبر 2008 تقديم بلاغ مشاركة بتاريخ: 13 سبتمبر 2008 لا السؤال كده واسع جدا لكن بالمختصر المفيد دول شويه بقر بيحكموهم ثعالب بصراحة يا جوست انا شايف ان الناس دى عملت شوية شغل تمام اوى مع العيال بتوع التكفير والهجرة و كمان مع العيال بتاعة التشيع والروافض لو سمعت عنهم و كمان عملوا شوية شغل تمام مع العيال الملاحدة او اللادينين زى ما بيسموا نفسهم و رغم ده انا لا انكر ان الهدف الاساسى هو تثبيت دعائم النظام دي ما عندكش حق فيها يا باشمهندس ما فيش في كلامي ابدا من اول ما دخلت المنتدي ما يدل على ذلك فضلا عن هذا الموضوع و بعدين انا اصلا لا اويد المظاهرات و الشعارات الرنانه و الهتاف انا مواطن مصري عاوز اعيش محترم و بس عاوز طرق مرصوفه و قانون مرور محترم و ناس متعلمه القياده تاخد الرخصة علشان ما اندهس انا و اولادي على رصيف الموت عاوز عيش ادمي اروح اجيبه من الماركت مش من الطابونه(الاختراع المصري الذي اظن ان ليس له مكان الا في مصر ) اللي عليها طابور طوييييييييييل عاوز مرتب محترم و حياه كريمه عاوز عدل و شفافيه و مساواه عاوز احس ان مصر ديه بلدي مش غريب فيها اظن الرساله كده وصلت يا باشمهندس ياسر و اشرب كوب الليمون بقى و روق دمك يا راجل انا مقلتش انك بتدعو للتخريب يا جااااااااامد انما انا مش متخيل انى يتقبض عليا كده وخلاص مانت لازم تخرب علشان تتحاسب مش هتتحاسب كده وخلاص و بالنسبة للى انت عايزه فكلنا عايزينه مش انت لوحدك و ربك كريم يقرب البعيد و اما عن الليمون فانا ممكن اشربه معاااااااااك فى الافراح ان شاء الله تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
الباشمهندس ياسر بتاريخ: 13 سبتمبر 2008 تقديم بلاغ مشاركة بتاريخ: 13 سبتمبر 2008 رغم ان هذه المداخلة كانت موجهة للفاضل جوست الا انى طمعت فى سعة صدر الفاضلة لولا فسمحت لنفسى ان اتناولها بشىء من التعليق لانى لقيت شوية كلام يخصونى فيها انا لم اشكك فى وطنية احد و هذا ليس من حقى او حق غيرىانما انا اسال اخواننا ممن هاجر هل وعيت السلبيات ام رايتها كلها من الايجابيات ده كان كلامى عن مسألة الوطنية والتشكيك فيها و ملقتش غيره ارد بيه على كلامك يا لولا عن اسقاط الوطنية .أجد من الصعوبة أن أتقبل فكرة - وهذا رايى شخصى - ان شاب فى مقتبل حياته يسعى لبناء نفسه بطريقة معينه يفترض ان يفكر انه ذات يوم بعد 15-18 سنه سيتعرض اولاده للخطر فى المهجر فما اعرفه ان الحياة لا تعاش بهذه الطريقة اصلا، يعنى يا لولا ان الواحد يفكر فى الشغل و هجيب كام وهوفر كام وهعمل كام وهبدأ البيزنس الخاص بتاعى امتى وهوسع امتى و ازود عماله امتى و اشترى معدات جديده امتى يبقى صح وواجب وفرض عين طبعا مش فرض كفاية انما بالنسبة لاولاده او بناءا على كلامك برضه ميفكرش فى اولاده علشان لسه 15 او 20 سنة على ما يجى ميعاد الكلام ده .. ومش محتاج انى اتكلم عن الاولاد وفلذات الاكباد .. ونقلبها درس فى الابوة و دورها بصراحة يا لولا كلام مش منطقى و لكن انا معنديش مانع افهم منك و هكون شاكر جدا ... كيف تعاش الحياة اصلا الإنسان يسعى فى الأرضيبنى نفسه كما يرى فى بلاد الله الواسعة بما يراه ويقدر عليه وبناء على ظروف كثيره تحدد له طريقه وهى ظروف لا يعرفها الا صاحبها عندما يصل الأبناء لسن المراهقة يستطيع ان يعود، يستطيع ان يعتمد على تربيته الجيده لهم. .الخيارات عديده. خيارات متعدده و الواقع اللى شفناه امممممم طب نعمل ايه اذا كان اللى اخوانا اللى راحوا و رجعوا مقدروش و راحوا تانى بلا نية فى الرجوع و نعمل ايه اذا كانوا اللى رجعوا جابوا معاهم السيرة العطره و ابسط مثال دكتور جورج مساه الله بالخير ومصر ذاتها بعد 15-18 سنة الله اعلم بما ستكونعليه وما ستكون عليه المجتمات العربية عامة من تقبل لعلاقات الجنسين طبعا بشكل له حدود ولكن مبدأ صداقة الشاب بالفتاة ذاتها موجودة حاليا فى مصر وانا هنا اتحدث عن القاهرة وعن اعداد كبيرة جدا اعرفها من الشباب والبنات على علاقات حب يأملون مجرد أمل أن تنتهى بالزواج ولا اجد مبرر لنكران ازدياد هذا الشكل من العلاقات فى المجتمع، وعلى فكرة انا تربيت ونشأت فى السعوديه نفس هذه العلاقات موجوده هنا فى السعوديه حب بين طرفين الغرض منه الوصول للزواج الذى قد يحدث او لا الله أعلم ، المجتمعات العربية كلها تغيرت تغير جذرى.ماكان مرفوض قبل عشر سنوات أصبح امر مقبول حاليا. والتغيير مستمر حتما لا أظن أحد من ضيق الأفق بحيث ينكر ذلك. السنيدة الأساسية هى التربية الصالحة وزرع القيم فى داخل الشاب والفتاة ليراعى حق الله فى تصرفاته ، أظن المسلسلات المصريه لم تبخل علينا ابداً بمئات الحكايات عن الزواج العرفى بين شباب وبنات ينتمون لأسر كريمة بمعنى الكلمة ومجتمعات محافظة ورغم ذلك حدث وانساق الطرفان الى علاقة اجدها انا غير مقبولة باى شكل تحت دعوى انها شرعيه كلمة بشكل له حدود مع اضافة لفظ الطبع كفاية عليا منك مش لاقى حاجة ازودها الصراااااااحة انما مسألة الزواج العرفى و الاسر الكريمة محتاجة شوية توضيح اكتر على شوية دراسة و صدقينى يا لولا ... لولا ان الحياء يمنع لتحدثت فيه بالكفاية و لكن ان شاء احدكم فتح لهذا الامر موضوعا مستقلا لنناقشه فيه البعض حقا يعانى جدا فى مصر، البعض يعانى ماديا ويظهر له طريق يسمحله بان يعيش انسان كما يفترض له بالشكل الذى كرمه الله به سواء هناك او هناك او هاهنا..فى مكان من ارض الله الواسعه..الم تكن ارض الله واسعة فتهاجرو؟! الناس طاقات وظروف اكررها مليون مره، فقط اتمنى ان يتم استيعابها بالشكل الصحيح. لا داعى لتحويل كل النقاشات لساحات قضاء ومحاكمة وتصنيف الناس دوما الى صنفين يا اختى ومن انكر حق الناس فى الضرب فى الارض للبحث عن الارزاق فليضرب اينا كيف شاء فى ارض الله الواسعة الناس طاقات كلام جميل مقدرش اقول حاجة عنه وربنا يوفقنى واعرف استوعبه ان شاء الله :lol: الوطن كلمة لا تقبل الزج بها فى كل محفل بشكل يستدعى فقطاسقاط حق البعض به واظهار انهم من تخلو عن بناءه . الوطن لنا جميعا ، عشنا على ارضة او بعيدا عنه ملايين الكيلومترات. الوطن حق لا يملك احد ان يسلبه من الآخر ولا ان يقرر ان كان الآخر يستحقه من عدمه لأنه ترك أرضه لأسباب هو أكثر من يعرف فيها ويقرر مايريد وما يستطيع ومالا يستطيع. اتمنى فقط ان نحترم بعضنا جميعا.. ونتعامل بحب ونحتوى بعضنا.. نحن حتى على صفحات محاورات نتراشق الإتهامات !! ثم نقول لنبدأ الإصلاح!! فعلا لنبدأ الإصلاح..كل يصلح نفسه اولا..كل يفعل ما عليه وما يستطيعه لا داعى للتوقف واضاعة الوقت فى مجرد الخلاف. الكل يعمل.. الكل يعمل ويفيد الوطن بشكل ما. عندما تكون عندك غرفة بها عشرة أشخاص واكسجين يكفى لخمسة ويخرج خمسة من الغرفة فى اول فرصة تسمح لهم للخروج هل نعتبرهم خونه لأنهم لم ينتظرو فى الغرفة حتى يموتو جميعا؟ على الأقل من تبقى يكفيه انه محجوز فى غرفة بعد ان كان محجوز فى غرفة ويتقاسم الأكسجين من احد آخر وينتظر الجميع اللحظة التى ينتهى فيها الأكسجين الوطن من ذا الذى اعتبر الخارجون فى سبيل ارزاقهم خونه ومن اعطاه هذا الحق!!!!!!!!!!!!!!! ليت شعرى و يا ريت العشرة اللى فى الغرفة يطلع منهم سبعة ويسيبوا تلاته بس يطلعوا يشتغلوا يجيبوا العلم والمال والخبرات و يجيوا لبلادهم اللى عملت منهم بنى ادمين يا لولا يؤسفنى جدا انى اقول ان كل الجماعه بتوع الدعاااااايه للهجرة اتعلموا على حساب البلد و بقوا دكاتره ومهندسين على حساب البلد مش على حساب اهاليهم مش هتلاقى واحد من ولاد الباشوات والبهاوات القدام او الجداد بس عندهم شوية اصل ماشى يقول البلد فيها وفيها و متستهلش و متستحقش و اخيرا يا لولا ممكن سؤال يعنى لما الناس تتهجم على الوطن و يتقال بالمعنى اشبعوا بيه ولما ربنا يوفقكم وتفلحوا متبقوش تفتكرونا و هذا ابسط ما يقال عنه انه استهتار بالوطن لم نجد اعتراضا من احد و كأن هذا الوطن ليس لاحد منا!!!!!!!! :blink: :blink: :blink: و يا اختى انا هنتظر اجاباتك على تساؤلاتى لنصل معا الى مناقشة بناءة لعلى اكون الطرف المستفيد فيها تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان