ما الحل عندما ترتفع درجة حرارة السيارة مع المكيف؟

[زقلط]

ترتفع الحرارة بشكل ملحوظ وقت الظهيرة مع تشغيل المكيف الي الثلاث ارباع. قالولي شيل بلف الماكينة والحرارة تخف، وبعدين غيرهم قالولي لا تشيل بلف الماكينة لانه ينظم الحرارة ويحافظ على درجة حرارة الزيت.

اكيد هنا من جرب حرارة الرياض والخليج.. السيارة امريكي 8 سلندر - مواصفات امريكية ليست خليجية ---- قديمة ام سعر رخيص

[الباشمهندس ياسر]

لو انت فى مصر كنت هقولك اوعى تكون بسترخص وتحط بنزين 80 لانه سبب رئيسى فى الاعراض اللى انت شرحتها

و لو مكنتش بتحط 80 كنت هقولك روح شيك على العمة بتاعت الموتور وبص بصة كده بالمرة على شوية الفلاتر..

. لانى هعتبرك بتغير زيت فى ميعادك

لكن بما انك مش فى مصر و انا معرفش النوع اللى انت بتتكلم عنه .. مشفتش منه غير زيرو الصراحة

فتقدر تعتبر نفسك مقرتش حاجة

و مكتبتش الموضوع من اساسه

[محمد عيسى]

ممكن تكون مروحة المكيف عطلانه او ثرموستات مروحة الرادياتير .. شيك عليهم الأول

[HDarwish]

غطا الرادياتير

أمبير الحرارة وصل معايا لآخره .. رحت للميكانيكي .. مسك الغطا بص فيه قاللي روح غيره

غيرته وقلت بالمرة أشيش الرادياتير ... والحمد لله من ساعتها والسيارة مع إنها ياباني وموديل قديم وفي عز الحر تشغل التكييف وأمبير الحرارة عمره ما يعدي النص

طبعا لازم تتأكد من إن مروحة التكييف شغالة ومش مفصولة أو عطلانه

ربنا معاك .. والحديث مفيش احسن منه .. اسألني انا كنت راكب موديل 2003 ونزلت ل 1996

[قديم]

بعض العربيات معروف عنها الحراره وما لها حل مثل سيارات الجي ام سي صالون في بعض الموديلات . كثير ناس تشتكي منها

ايه نوع السياره اللي معاك والموديل .

[Advisor]

الترموستات هو جزء يتابع درجة و يقوم بتشغيل دورة التبريد الوصول لدرجة معينة بمعنى دورة تبريد المياه و مروحة التبريد الخاصة بالردياتير.

ما سبق كان إستهلالا لابد منه

بعض الميكانيكية يقومون من عندياتهم بفصل الترموستات بالكامل و بالتالى دورة التبريد تعمل طول الوقت و هذا الحل يتبعه كثير من الميكانيكية المصريين الذين يتصورون أنهم يفهمون أكثر من المصنع الذى صمم و صنع السيارة.

مدى علمى - على الأقل بالنسبة للمرسيدس - أن هناك نوعين من الترموستات حسب درجة الحرارة (بالبلدى نوع يصلح للبلاد الباردة و الآخر للبلاد الحارة" أنصحك بالتأكد أن الترموستات أولا يناسب الجو ثانيا أنه يعمل أى ليس تالفا.

قبل ذلك تأكد أنك لا تفقد الماء من الردياتير.

مجرد إجتهاد منى

[محمد عيسى]

ممكن تكون مروحة المكيف عطلانه او ثرموستات مروحة الرادياتير .. شيك عليهم الأول

الترموستات هو جزء يتابع درجة و يقوم بتشغيل دورة التبريد الوصول لدرجة معينة بمعنى دورة تبريد المياه و مروحة التبريد الخاصة بالردياتير.

ما سبق كان إستهلالا لابد منه

بعض الميكانيكية يقومون من عندياتهم بفصل الترموستات بالكامل و بالتالى دورة التبريد تعمل طول الوقت و هذا الحل يتبعه كثير من الميكانيكية المصريين الذين يتصورون أنهم يفهمون أكثر من المصنع الذى صمم و صنع السيارة.

مدى علمى - على الأقل بالنسبة للمرسيدس - أن هناك نوعين من الترموستات حسب درجة الحرارة (بالبلدى نوع يصلح للبلاد الباردة و الآخر للبلاد الحارة" أنصحك بالتأكد أن الترموستات أولا يناسب الجو ثانيا أنه يعمل أى ليس تالفا.

قبل ذلك تأكد أنك لا تفقد الماء من الردياتير.

مجرد إجتهاد منى

اتفقنا انه يشيك على الثرموستات، اما بالنسبة لتسريب الميه من الرادياتير لا اعتقد انها تحدث لان سبب المشكلة كما ذكر الأخ في رسالته الأصلية مرتبطة بتشغيل المكيف على تلات ارباع

تم تعديل 10 سبتمبر 2008 بواسطة محمد عيسى

[زقلط]

وجد ان ماسورة التكييف البارد تحت محرك السيارة بها ثقب كبير - الثقب كان في ازدياد - اصبح يسرب كمية كبيرة من الماء مع تشغيل المكيف على العالي، وغيّرت اوتوماتيك المروحة .

السيارة يا اخ قديم فورد 96، درجة الحرارة الطبيعية للفورد عامةً في المنتصف حتى بعد تشغيل المحرك بدقائق.

وشكرا لكم

[nizza la bella]

احسن حاجة تشوف متخصص تكيف علشان ممتعبش

[kemoid]

سبحان الله .. نفس المشكلة كانت عندى هوندا سيفيك 2000 فى الرياض و عندى نفس الاعراض ... و كان فى خرم فى ياى المية اللى داخلة الموتور و كمان كانو المروحتين موش شغالين .. و بعد الاصلاح اصبح كله تمام.