أسوأ عشرة مذيعين مصريين

[Sherief AbdelWahab]

المذيع...شخص تتواصل معه أثناء مشاهدة التليفزيون...اما أن يكون ضيفا خفيفا أو ثقيلا...

تعالوا نختار أسوأ عشرة مذيعين و مذيعات مصريين على مستوى القنوات الفضائية العربية كلها...

هذه هي اختياراتي:

10-منى الشاذلي-الايه آر تي

"حقنة"..سيدة الاصطناع بلا منازع...أسلوبها خليط من الأداء التمثيلي الفاشل و الاصطناع..

9-إيمان جمعة-الايه آر تي أيضا

تلميذة في مدرسة التشليق لصاحبتها هالة سرحان!

8-داليا ناصر-التليفزيون المحلي المصري

لا حضور ...لا ثقافة...فقط واسطة و دعاية صحفيين !

7-بسمة وهبة-الايه آر تي

خليط من كل ما سبق

6-عبد المجيد خضر-التليفزيون المحلي المصري

لا تعليق

5-تامر عبد المنعم-دريم

الطفل المعجزة...ممثل فاشل و مذيع أفشل...شاهدوا حلقة من على الهوا سوا و ستدركون ما أقول!

4-هالة سرحان-دريم

3-حياة عبدون-التليفزيون المحلي المصري

2-حسن حامد-التليفزيون المحلي المصري

1-ساندرا-دريم

لا تعليق...لأني لو علقت قد أستخدم لوصف اسلوبها ألفاظا يعاقب عليها القانون.

خلص الكلام

[crossfield]

و أضيف الجماعة اللى أكل عليهم الدهر و شرب و مع ذلك لا أمل فى تغيير أسلوبهم الفاشل:

سهير شلبى- مستهلكة للأعصاب

فريدة الزمر صاحبة برنامج كلمة حق يراد بها باطل

والدة الانسة داليا ناصر: مهرة راشد

معندهاش حضور خالص

...

[ragab2]

ومن

أحسن عشرة مذيعين ومذيعات

هالة سرحان .. محاورة لبقة ومجددة فى مواضيعها ومثقفة تتقن اللغات وتحاور بثقة وتطرح مشاكل حية وواقعية وتتنوع برامجها ولقاءاتها من سياسية الى اجتماععية الى فنية وكل برامجها جذابة ومشوقة ومسلية

ايمان بنورة ..مذيعة محترمة فى زيها وجذابة فى تقديمها النشرة وهادئة ولها وجه بيبى فيس ترتاح لمشاهدتها وسماعها

فيصل القاسم .. مذيع جريئ وله حضور ويطرح مواضيع واقعية

نهلة سلامة .. مذيعة مصرية محترمة

ابراهيم عيسى ..مقدم برامج ناجحة وجريئة ويتكلم على لساننا ومهموم بمشاكل الوطن العربى

حمدى قنديل ..مقدم برامج ناجح وصريح ويطرح مشاكل الشارع المصرى والعربى

حسن حامد ..

يقدم برامج ناجحة وخصبة وبها فكر

سناء منصور ..

لها برنامج ممتاز وتطرح فيه تحليلات سياسية وغيرها وتستضيف فيه رجال الفكر والعلم

[Sherief AbdelWahab]

كنت أتحدث عن أسوأ عشرة مذيعين يحملون الجنسية المصرية...معلش يا دكتور رجب...

خلص الكلام

[ragab2]

معلش

ياعم شريف

لم أشأ فتح موضوع جديد لأحسن عشر مذيعين توفيرا للورق

سامحنى

[Lancelot]

هم في الحقيقة كتير لكن أنا هأقول واحدة منهم دلوقتي بسرعة كده .....

فاطمة الكسباني ...

هي مذيعة ربط في القناة التانية ...

الست ديه مش ممكن مملة بشكل فظيع ....

و عندها رخصة إنها تتكلم براحتها في فترات الربط عند تقديم البرامج ...

تبدأ في الكلام بنفس الكلمة "لاشك إن الحضارة الإنسانية ...." و تصل بك إلي الفقرة اللي جاية ... ماتش .. مسلسل ... فيلم ... أي حاجة ... طب يا ستي ده كله إيه علاقته بالحضارة ... و إحنا مالنا بالكلام ده .... ست مملة فعلا ...

more to come after the break

[kokowawa1979]

بصراحة كلهم أسوأ من بعض باستثناء حمدي قنديل

[Satire]

اضم للقائمة مذيعة شاهدتها على الفضائية اسمها اميرة حاجة مش فاكرها . كانت مستضيفة فنان من الكبار اياهم .طبعا البرنامج نموذج لبرامج الفضائية ضحالة موضوع تفاهة اسئلة تكلف استظراف شعر اصفر واضح جدا انه مسبوغ , مكياج بفظاعة ملابس استعراضية و بوت بكعب عشرة متر. بس الغريب فى الموضوع واللى امتازت بيه المذيعة ديه صوت الشخلللة!! فى الاول افتكرت فيه مشكلة فى التليفزيون عندى رحت قالب القناة الصوت راح. قلبت تانى الصوت رجع!! اكتشفت بعد كده ان صوت الشخللة ده جاى من الحاجات الدهب اللى الهانم لابساه فى دراعها و كل شوية تحرك اديها يقوم الدهب يشخلل بصوت واضح جدا وسط الحوار!! معقولة ده؟؟ هل وصل حب المنطرة والاستهزاء بالمشاهدين لهذا الحد؟؟

حسبي الله و نعم الوكيل

[حمزاوى]

في واحدة ما اعرفش اسمها بتدعو جميع أفراد الأسرة كي يلتفوا حول شاشة القناة الثانية وبتدعوا عزيزها المشاهد[واحد] كي يلتف حول الشاشة بردو .

وواحدة بتعد المشاهدين أنهم لن يغيروا مؤشر القنوات عن القناة التانية .

وواحدة مش عرف إذا كانت هي هي ولا لأ بتقول:فابكوا معنا.

[Lancelot]

أميرة عبد العظيم .... و حياة عابدون ....

من أجل التدوين في سجل القرف .....

[optimistic]

اويد اختيارات مثل حياة عبدون و سهير شلبي

و استكمالا لسلسلة القرف

سوزان حسن و هناء السمري و اتنين مذيعات عالنيل للاخبار تم استيرادهم من تنجانيقا رأسا

و تامر أمين النيل للاخبار برضو

خيري حسن .. بيجيبلي زهايمر لحد ما يغور

حسن حامد مش مذيع خالص

جلال علام .. الشهير بمواقف و طرائف و قفف ومقاطف

مذيعة برامج رياضية عالتانية او التالتة .. اخرها تروح تموت نفسها

بس

[Lancelot]

طيب إختصارا للوقت و الورق و الحبر و كل حاجة ...

أنا رأيي نقول مين كويس و نخلص .... لأنهم أقل ...

[الطفشان]

وواحدة مش عرف إذا كانت هي هي ولا لأ بتقول:فابكوا معنا.

حلوة قوي!

في الجون!

[optimistic]

الكويسين في رأيي

أحمد أنور ... النيل للاخبار

ابراهيم عيسى .. غني عن التعريف

نهال سعد .. النيل الدولية

ريهام السهلى .. النيل الدولية

حمدي قنديل

البنت بتاعة بدون مونتاج اسمها ايه مش فاكر

مش فاكر حد تاني

[Lancelot]

و أضيف شريف عامر .. من النيل للأخبار ...

و هالة السعدني ... قارئة أخبار كويسة أوي ... محترمة و جادة ....

[farasha79]

حد منكم شاف مذيعه دريم نهى عبدالعزيز و رقتها المصطنعه؟؟؟

محدش شافها ايام الاعلانات زمااااااااااااااااااااااان تغيظظظظظظظ

[Lancelot]

البنت بتاعة بدون مونتاج اسمها ايه مش فاكر

دينا رامز ..... إفتكرتها ....