للاطباء ..كيف تقدم لامتحان MCCEE بالنظام الجديد

[طبيبة مصرية]

الف الف شكر دكتور اسكندرية تانى

جارى التحميل يا فندم...........

وحضرتك دخلت ال MCCEEولا لسه؟؟

ربنا يوفقك فى كل خطواتك..........

[ehabtaher]

تحياتى لجميع الاطباء والصيادله والمهندسين وجميع المهن التى تذهب الى كندا وتكافح الكفاح المر حتى تثبت نفسها فى خضم غابه البشر والكفاءات الهنديه والصينيه والكنديه وغيرهم

وربنا يعيننا على ما ابتلانا به

وربنا يحرمنا من اللى كان السبب فى اللى احنا فيه

[ehabtaher]

الى الاخ اسكندريه تانى ارجوا رفع الاسئله مره اخرى فى موقع mediafire.com او

لانهم مواقع محترمه وتسمح بمتابعه التحميل لو قطع فى النص

ايهاب

ولك تحياتى على الرغم من اننى دكتور وعايز اشتغل فى مجال الكمبيوتر بس خايف المهندسين يقوموا عليا ويضحضحونى وانا بقيت عضمه كبيره

[ehabtaher]

شكرا يا دكتور الروابط شغاة وتمام وبدات في التنزيل

متاكد يا عمده قنا

انا مش عارف انزلهم

بصراحه ان بدأت اشك فى نفسى

شكلى كده طلعت فشنك فى الانترنت والكمبيوتر والطب كمان

[ehabtaher]

انا نزلت الاسئله فى الموقع اللى انا شخصيا باستريح له لانه ممكن يقبل استكمال التحميل لو انقطع من المنتصف ولا يبدأ من الاول تانى

http:///5dyic60/MCQ.rar

[دكتور هيما]

متشكر جدا انا نزلت الاسئلة و ياريت لو حد ناوي يمتحن قريبا او امتحن مؤخرا نتواصل للتشجيع و تبادل الخبرة لاني اعتقد ان ال MCCEE اهم خطوة للاطباء قبل السفر

[surgeon]

والله يا جماعة كان نفسى افتح موضوع علشان مذاكرة المعادلة, بس الموضوع ده يكفى للغرض

انا عندى امتحان فى يناير القادم MCCEE ,

انطباعى ان تورونتو نوتس " زبالة" لامؤاخذة. انا بذاكر من USMLE step 2 بصراحة كويس قوى + حل اسئلة كتييييييييرررررررررر والرجوع لتورونتو من وقت للاخر.

من زمايل لى نجحوا, نصيحتهم حل اسئلة كثير والتركيز على الحاجات اللى ماكناش بنيجى جنبها زى" psychiatry ,public health, ethics.

انا جراح , معايا الدكتوراة والزمالة البريطانية .. المذاكرة قريبة من الزمالة مع بعض الزيادات..

الواحد لازم يعرف يخصص وقت كويس قبل الامتحان للمراجعة وبرضة تورونتو نوتس محتاج وقت مش قليل للمراجعة.

ربنا يوفق الجميع

[safaalabana]

والله يا جماعة كان نفسى افتح موضوع علشان مذاكرة المعادلة, بس الموضوع ده يكفى للغرض

انا عندى امتحان فى يناير القادم MCCEE ,

انطباعى ان تورونتو نوتس " زبالة" لامؤاخذة. انا بذاكر من USMLE step 2 بصراحة كويس قوى + حل اسئلة كتييييييييرررررررررر والرجوع لتورونتو من وقت للاخر.

من زمايل لى نجحوا, نصيحتهم حل اسئلة كثير والتركيز على الحاجات اللى ماكناش بنيجى جنبها زى" psychiatry ,public health, ethics.

انا جراح , معايا الدكتوراة والزمالة البريطانية .. المذاكرة قريبة من الزمالة مع بعض الزيادات..

الواحد لازم يعرف يخصص وقت كويس قبل الامتحان للمراجعة وبرضة تورونتو نوتس محتاج وقت مش قليل للمراجعة.

ربنا يوفق الجميع

الافاضل دsurgeon , ود هيما ياريت ياجماعه نساعد بعض فى موضوع المعادله ...بالنسبه لكتاب تورنتو نوتس فعلاوحش جدا فى ناس نجحوا فى الامتحان وقالوا ممكن نستعيض عنه بكتاب FIRST AID وفعلا هوكتاب ممتع ومنظم ومش كبير قوى

تمنياتنا بالتوفيق للجميع

[د هشام ابراهيم]

يا دكتور هشام

يبدو ان تجربة حضرتك ثرية وبصراحة كلنا طمع في كرم حضرتك تحكيها لنا

يعني انا لقيت تورنتو نوتس 1350 صفحة وبصراحة انا استقليتهم اي نعم انا لسة ما بداتش اذاكر ولكن هل توجد مصادر افضل

ثانيا انا ناوي ابتدي المعادلة من مصر حيث انا موجود الان لغاية ما طلب الهجرة ان شاء الله يتقبل ام نصبر افضل لما نهاجر

تحياتي

انت بس فضي نفسك ساعة لنا كده الوقت الي يناسبك وستجدنا اذانا صاغية

أهلا و سهلا بالاخوة الأفاضل

إسمحولي أرد على السؤال ده الأول

Toronto Notes هي أفضل ما موجود .... فيها غلطات و مش منظمة و كبيرة على الفاضي ....انما أحسن الموجود ..... أهم الأجزاء على الأطلاق

Psychiatry

Pediatrics

Family Medicine

Obstetrics & Gynecology

General Surgery

Ethics & Legal issues

Emergency

طبعا الباقي مهم بس مش زي دول

الأهم من ده كله لازم تحل اسئلة ... ملهاش حل تاني مهما ذاكرت من غير حل اسئلة ما ينفعش

الأسئلة موجودة على الشبكة العنكبوتية و في موقع ال-MCC كمان

و طبعا كل ما ابتديت بدري يبقى أحسن

مشاركة قديمة شوية بس احتمال تكون مفيدة ...بالتوفيق يا دكاترة باذن الله .....و ألف شكر لدكتور اسكندرية تاني

الموضوع ده مفروض يتثبت (كلاكيت مش عارف كام مرة )

[اسكندرية تانى]

الاخوة الافاضل

الدكاترة : ايهاب طاهر و surgeon ,صفاء , د هيما

الف شكر على مشاركاتكم الجميلة و ربنا يوفقكم فى  المذاكرة و الامتحانات

الاخ الكريم : د هشام ابراهيم

مشاركتك بتنور التوبيك كله و لها قيمة بتفيدنا كلنا 

ادعى لنا ان ربنا يسهل لنا فى الامتحانات

[ehabtaher]

ممكن بقى حد ينزل رابط usmle step 2 best books

والا اشوف اللى عندى ونشوف مين اللى ينفع فيهم

انا على فكره لسه مقدمتش على الامتحان لانى ماشى فى سكه تانيه مختلفه شويه ابقى اتكلم عنها لما تنجح الاول

وهى مشابهه للسكه اللى قالها د تهامى ولو نفعت ابقى اقول لكم عليه انشاء الله

[اسكندرية تانى]

أخى دكتور طاهر

لو دخلت برجلك اليمين على منتدى dvd4arab

المنتديات العلمية > المنتدى الطبي > المكتبة الطبية

قسم المعادلات و الشهادات الاجنبية 

ستجدكل  ما يمكن ان تحلم به

تحياتى

:lol:

تم تعديل 3 ديسمبر 2009 بواسطة اسكندرية تانى

[ehabtaher]

http://BLOCKED2/files/104694170/_www...RONTO_NOTES.rar

وده رابط 83 ميجا ل تورونتو نوتس شفته وانا بادعبس

[ehabtaher]

متعب انت يا اسكندريه تالت

يعنى اخش من منتدى لمنتدى علشان ادور فى 400 صفحه فى المنتدى التانى عينيه حاتوجعنى ومش حالاقى وقت اذاكر وحاروح انام بعد مالاقى الكتاب اللى انا عايزه

امال فايده اسكندريه تانى ايه ربنا يخليهولنا ويخلي لنا خبراته

يعنى ادينا شويه خبره فى الوريد بدل مانقعد ندور عليها فى منتدى تانى

تعمل ايه بقى ناس كسلانه

[اسكندرية تانى]

اخى الفاضل د.ايهاب

معلش استحملنى انت اليوم دول لانى مزنزق فى المذاكرة و النبطشيات شوية

و بعدين باقول لك ايه  .... اطلع من دول

شكلك عفريت فى النت  و استاذ فى استخراج الكنوز من أعماق النت

دا انا شكلى حابقى تلميذك 

و بعدين ما تقول لنا انت بتعمل ايه من ورانا

مش يمكن تبقى حاجة مفيدة ;) :lol: :amb:

تحياتى

تم تعديل 4 ديسمبر 2009 بواسطة اسكندرية تانى

[ehabtaher]

هو انا صحيح باعرف ادور كويس فى النت بس انت عندك خبره فى اسامى الكتب اللى احسن من غيرها

يعنى قول على اسم الكتاب وبعدين ارمينا البحر ندور عليه

لكن من غير اسامى كده صعب شويه انى اشوف انه كتاب احسن من انهه

انا طبيب اشعه زى د الشامى

بس باشوف ازاى الواحد يعرف يشتغل فى مجاله هناك

ولسه باراسل طوب الارض

ولما الاقى حاجه ينفع الواحد يشبك فيه ومعترف بيها فى كندا اكيد حاقول لكل زمايلى اطباء الاشعه وطبعا مع استشاره د الشامى فى السكه دى

ده مايمنعش ان الواحد برضه ماشى فى سكه المعادله بس المعادله عايزه واحد بيشتغل ويجيب فلوس ويذاكر

الدور والباقى دلوقت على حته يشتغل دى هى اللى بندور عليها ولو مانفعتش يبقى يدرس من البدايه وامرنا لله واهو كله بينفع .

[tofaha]

احيك اخي الفاضل على هذه المعلومات القيمة التي قد افادتني كثيرا,ولي سؤال: اناطبيبة حديثةالتخرج وفي انتظار توزيعي لاداءفترة الامتيازهل بامكان التسجيل لامتحان المعادلة ام يجب علي قضاءفترة الامتياز كاملة,هل حصولي على التوفل اساسي لاداءالمعادلة ام يكفي حصولي على الايلتس سواء اكاديمك او جنرال,ولك جزيل الشكر انت وباقي الزملاء الافاضل

[اسكندرية تانى]

احيك اخي الفاضل على هذه المعلومات القيمة التي قد افادتني كثيرا,ولي سؤال: اناطبيبة حديثةالتخرج وفي انتظار توزيعي لاداءفترة الامتيازهل بامكان التسجيل لامتحان المعادلة ام يجب علي قضاءفترة الامتياز كاملة,هل حصولي على التوفل اساسي لاداءالمعادلة ام يكفي حصولي على الايلتس سواء اكاديمك او جنرال,ولك جزيل الشكر انت وباقي الزملاء الافاضل

اختى الفاضلة:

بصى معايا كدا على الرابط دا

http://www.mcc.ca/en/exams/ee/apply.shtml

اقرأى اخر فقرة دى:

Medical Council of Canada Evaluating Examination Eligibility Criteria

To be eligible for the MCCEE, you must be :................................, then 

*International medical students must be in the final clinical year of their medical school program.

or 

* International medical graduates whose final medical diploma is not yet available for administrative reasons may be granted admission to the MCCEE based on alternate to medical degree documents that are acceptable to the MCC Executive Director and that confirm completion of all degree requirements and the expected date of issuance of the final medical diploma.

اعتقد من فهمى لما كتب انك ممكن تقدمى للامتحان

ثانيا:  ielts  / toefel   ليست من شروط الامتحان

تحياتى

[اسكندرية تانى]

اخى الفاضل د. ايهاب

اتمنى من أحد الاخوة اللى ذاكروا او بيذاكروا امتحانات usmle

انه يدلك على احسن مصادر للمذاكرة و ساعتها نقدر نجيبها على طول

تحياتى

[tofaha]

[size="4"]شكرا اخى الفاضل على سرعه الرد جزاك الله خير على جهدك انت وباقى الزملاء