للاطباء ..كيف تقدم لامتحان MCCEE بالنظام الجديد

[اسكندرية تانى]

الاخت ناوية على الهجرة

عذرا لم اشاهد مداخلتك الا الان و شكرا على كلماتك الرقيقة

الاخ ابو الخير

لا اعرف اماكن الامتحان فى القاهرة و لكن يمكنك الحصول على المعلومات من الموقع الرسمى

http://www.mcc.ca/en/exams/ee/

بالنسبة لامتحانك قبل انهاء فترة الامتياز اعتقد ان كل المعلومات موجودة فى help file

الموجود فى الموقع ايضا بخصوص التقديم للامتحان

و ربنا يسهل لك و يكرمنا جميعا و شكرا

[شاب مصري]

يا رجالة الدكاترة يخلصوا مع معادلة أمريكا

وعلى الولايات المتحدة علطول

بلا كندا بلا وجع قلب .

[اسكندرية تانى]

يا رجالة الدكاترة يخلصوا مع معادلة أمريكا

وعلى الولايات المتحدة علطول

بلا كندا بلا وجع قلب .

ولو اني شايف انك تطنشيهم وتقدموا على نيوزيلاندا

ربنا يوفقكم .

؟؟؟؟؟؟!!!!!!!!!!!!!!!!!!!!!!!!!!! clp::

[اسكندرية تانى]

يا رجالة الدكاترة يخلصوا مع معادلة أمريكا

وعلى الولايات المتحدة علطول

بلا كندا بلا وجع قلب .

ولو اني شايف انك تطنشيهم وتقدموا على نيوزيلاندا

ربنا يوفقكم .

؟؟؟؟؟؟!!!!!!!!!!!!!!!!!!!!!!!!!!! clp::

تم تعديل 12 نوفمبر 2008 بواسطة اسكندرية تانى

[شاب مصري]

انت عارف ان فرص العمل للدكاترة صعبة في كندا

وأمريكا أسهل وأحسن lo::

تم تعديل 13 نوفمبر 2008 بواسطة شاب مصري

[ترنيم]

الأخ الفاضل الباشدكتور جزاكم الله خيرا على هذه المعلومات

ممكن استفسار

لو طبيب معاده دكتوراة فى التخدير بينطبق عليه نفس ترتيب الامتحانات دى ولا ايه الى فهمته ان

الامتحانات دى بتعادل البكالوريوس والواحد يطلع بعدها جى بى ولا ايه؟؟؟؟؟؟؟؟؟

وبالنسبة لماجستير الpublic health أخباره ايه مفهمتش ؟؟؟؟!

يعنى الى معاه ماجستير صحة عامة من مصر له قيمة ولا لأ؟؟؟؟؟؟؟

وسؤال تانى مهم رواتب الأطباء فى كندا تقريبا قد إيه ؟ وبعد خصم الضرائب الى أعرف إنها كبيرة قوى

بيفضل كام

معذرة على الإطالة وجزاكم الله خيرا مقدما :roseop:

[ترنيم]

ايه ياشباب انتوا فين محدش رد على ليههههههههههه؟؟

[qenawy]

الاخت الفاضلة ام هاجر

يبدو وهذه حقيقة

هم لا يعترفوا باي شهادة تبعنا

يعني المعادلة هيعادلوا البكالوريوس وبعد ذلك تدخلي في طريق التخصص عن طريقهم لذا كل شهادتنا عديمة القيمة بعد البكالوريوس للاسف

[qenawy]

الاخ الفاضل دكتور اسكندرية تاني

سامحني علي سؤالي هذا

ولكن الشهادات االي بنبعتها اكيد صورها المترجمة ام الاصول (سؤال غبي صح)

ثانيا خايف من الجامعة بتاعتي لانهم هما اللي اخترعوا الطناش

ازاي اضمن انهم ردوا علي الكنادوة

ثالثا

ما قلتلناش علي تفادي النصب والنصابين وشكرا

[اسكندرية تانى]

الاخت الفاضلة أم هاجر

لو لاحظتى انتى لم توجهى لى أى سؤال و لكنك وجهتى السؤال الى اخى الفاضل

الباشدكتور و لذا لم اتدخل .

دكتوراه التخدير لا تساوى شىء فى كندا و لكن كما قلت يمكن الحصول على وظيفة

fellowship لمدة سنة و بحد أقصى ثلاث سنوات.

بالنسبة ل public health :

سمعت من احد الاصدقاء انه فى بعض الاحيان يمكن العمل بدون معادلات فى وظائف

research , اما عن التفاصيل فلا أعرف

أما عن المرتبات فليس عندى فكرة أكيدة لذا أتركها لاحد الزملاء الافاضل

و تقبلى تحياتى :closedeyes: :blink:

[اسكندرية تانى]

أخى العزيز الدكتور قناوى حفظه الله

بالنسبة للترجمة:

تترجم الاصول و توضع الاختام على صورة الترجمة

كما قال لى مكتب الترجمة بالنص : ختم المترجم على الصورة

يعنى بيدبس لك صورة الشهادة مع ورقة الترجمة و بيختم لك الورقتين معا

أما بالنسبة لرد الجامعة على الكنادوة فدا قصة لوحدها لاننى حتى الان منتظر ان الرد يوصل لكندا

تخيل انى مقدم على الطلب فى كندا يوم 19 اغسطس و كندا بعتوا الجواب الى الجامعة يوم

5 سبتمبر و حتى الان لم يصل الرد الى كندا!!!!!

طبعا لابد من ان تتابع الطلب انه وصل للجامعة فى شئون الخريجين و فى شئون الاطباء و تتأكد انه تم الرد عليهم و تم ارسال الرد فى المظروف الخاص بذلك المرسل من كندا على عنوان مطبوع مسبقا على الظرف

على فكرة انا كلفت شخص بمتابعة ذلك

الاكثر من ذلك ان بعض الزملاء يأخذ الخطابات و يرسلها بنفسه بعد اقناع موظفى الكليه و يرسل الردود بالبريد السريع على حسابه الخاص

الموضوع كبير و بياخد وقت طويل و حتى الان انا لم احصل على ردود من الجامعة لكندا

دعواتك ان ربنا يسهل الحال

تم تعديل 23 نوفمبر 2008 بواسطة اسكندرية تانى

[qenawy]

شكرا يا دكتور ربنا يوفقك

انا خريج طب عين شمس وحضرتك ؟ لو ما فيهاش غلاسة

وايه موضوع النصابين

[اسكندرية تانى]

اخى الدكتور قناوى

انا خريج اسكندرية طبعا :blink:

و عين شمس احسن ناس :closedeyes: :blink:

بالنسبة لموضوع النصابين فأقصد به مكاتب الترجمة:

لا تتعامل الا مع المكاتب الكبرى للترجمة كل فى محافظته و اذا لم تجد اذهب الى القاهرة او غيرها

انا تورطت مع مكتب لواحدة حاجة جنب البيت عجبنى انها قريبة من البيت و انا فى اجازة و مش عايز اضيع وقتى!!!

بس و الله العظيم شفت اللى مش ممكن اتخيله ابدا فهذه المترجمة المعتمدة اكيد ما عدتش على اعدادية مش ثانوية عامة

حاله لا يمكن تخيلها و لطشت منى اصول الورق و مش عايزة ترجعهم لى

و تماطلنى فى اعطائى الورق بحجة ان موتور المياه عندها فى شقتها ضرب

طيب انا مالى يا حاجة و حياة ابوكى انا فى اجازة و عايز الحق وقتى

و مطارادات فى البيوت و بلطجي و قعدت احلف لها انى مش عايز مقدم الفلوس

اللى كنت دفعته 200 جنيه بس الله يخليكى ادينى اصول الشهادات بتاعتى

و فين و فين لما جبت واحد صاحبى لبسته نظارة شمس و عنده شنب محترم

:) و عمل نفسه ظابط و اخيرا اخدت الورق

يا ساترررررررررررررررررررررر

ليه بس كدا يا دكتور قناوى تفكرنى بالاجازة و اللى حصل فيها

تحياتى :wub:

[hany edward]

Mr alex thanks for your great help

But u should not wait your paper to be verified to aplly for mccee exam u can apply now and save your time

http://mcc.ca/en/exams/ee/source_verification.shtml

from the site u can read this

Although the source verification process does not need to be completed for eligibility for the MCCEE, , a candidate’s credential and identity documents must have been reviewed and approved before the candidate can be deemed eligible.

[dr marmar]

يااخواننا انا جالي احباط فظيع من كلام اخونا الباشدكتور

وعايزه اعرف طالما الحكايه كدا يبقي بلاش بهدله ونوقف والفلوس اللي دفعناها في الهجره وتقديم للامتحان راحت علي الارض

بالمناسبه انا زوجي ستاف جامعه ومعاه دكتوراه في الاورام بس احنا زهقنا من البوظان اللي في البلد وقلنا نجرب حظنا في الهجره

كان قرار غلط ولا ايه؟؟؟؟؟؟؟؟؟؟؟؟؟؟؟؟؟ظظ

[ترنيم]

جزاكم الله جميعا كل خير على ردكم على استفسارات الجميع

وفعلا dr marmar معك حق حاجة تجيب احباط يعنى بعد كل التعب ده فى الماجستير والدكتوراة ودخول امتحانات ورسايل كله فى الزبالة ...............دى فضيحة رسمى

[ترنيم]

الأخ الفاضل إسكندرية تانى طبعا لك كل الشكر والامتنان فأنت صاحب الموضوع الأصلى

جزاكم الله كل الخير

[Paradox]

اشكرك كثيرا على هذا الموضوع الرائع

وربنا يوفقك :rolleyes:

[اسكندرية تانى]

اخوانى الكرام

أثار الدكتور هشام ابراهيم امس فى مشاركته مشكلة واجهها

و هى عدم توافر اسئلة امتحان المعادلة سواء EE أو Q1

و حرصا منى على توفيرها لكم فقد رفعت لكم كمية هائلة من الاسئلة بالالاف

كنت قد جمعتها خلال السنة الماضية

يمكن تحميل الملفات المضغوطة من هذه الروابط:

الملف الاول حجمه 9 mb

http://uploads.bizhat.com/file/363456

و ايضا ملف اخر من هنا حجمه 26 mb:

http://uploads.bizhat.com/file/363457

و هذا ملف اخر 48 mb

و رابط تحميل الملف من هنا

http://uploads.bizhat.com/file/363465

و اسألكم الدعاء و تقبلوا خالص تحياتى

:blush2: :lol:

تم تعديل 28 نوفمبر 2008 بواسطة اسكندرية تانى

[qenawy]

دعواتي لن تكفكيك

شكرا لك يا دكتور