أكبر مشكلة في الهجرة الى كندا

[jundi]

أظن أن أكبر مشكلة تواجه المهاجرين الجدد الى كندا (أصدي اللي ناويين الاستقرار مش بس اللاندينج) هي الحصول على عمل كريم يضمن له و لأولاده عيشة كريمة,

أنا متأكد ان الناس اللي بيقدمو أوراقهم للهجرة لكندا هم من النخبة اللي موجودة بعالمنا العربي, و كلهم بيحملو شهادات محترمة, بس كلهم هلشان يشتغلو بالشهادات بتاعتهم محتاجين يعادلو الشهادة و دي أصعب خطوة و بتاخد وقت طويل .

السؤال المهم إيه الشغل اللي ممكن الواحد يشتغله في الفترة قبل ما يخلص المعادلة و تكون شغلانة كريمة و يعيش هو و أولاده نفس العيشة الكريمة اللي كان عايشها قبل ما يهاجر.

عايزين من اللي مررو بالتجربة دي ينورونا بالشغل و بالمصرووف حسب عدد الاولاد علشان الواحد يحسب حساباته صح.........

[حسام يوسف]

تحياتى على الموضوع

وكثيرا ما يقلقنى هذا الموضوع

احنا اغلبنا اطباء وصيادلة ومهندسين

ومهن اخرى لها احترامها

ماذا سنفعل ونحن ذاهبون لمجتمعات لا تعترف بشهاداتنا؟

تحياتى لصاحب الموضوع

[jundi]

أنا عارف ان الاخوة اللي عندهم الجواب مش حيبخلو علينا بس عايزين شوية تفاصيل لو سمحتو

[Muhammad Zidan]

الحبايب فين

تورنتو

وجدي

التهامي

بينك فلويد

الشامي

[jundi]

يا جماعة أنا عارف ان جواب هذا السؤال هو أهم حاجه بتشغل عقول أغلب اللي مخططين لمشروع الهجرة........

[Horus]

يا جماعة أنا عارف ان جواب هذا السؤال هو أهم حاجه بتشغل عقول أغلب اللي مخططين لمشروع الهجرة........

اتفضل يا دكتور

إنت بس تؤمر

http://www.egyptiantalks.org/invb/index.ph...st&p=384259

[moheltohamy]

نقولها تاني ولاّ تالت يا سادة...

بص يا سامح...

ف البداية هتضطر تقبل أي عمل (زي مندوب دعاية ، كاشيير ، ديليفري ، سواق تاكسي ، حارس أمن ، خدمة عملاء ع التليفون ، ... إلخ) ، إلى أن تكتسب الخبرة الكندية (كانيديان إكبيريانص) ، ودي مهمة عندهم بشكل مبالغ فيه!

ومشوارك هيطول لو كان تخصصك في الحاجات اللي محتاجة معادلة (محامي ، طبيب ، صيدلي ، مهندس). ساعتها ممكن ترجع تاني ، عشان ما تخسرش شغلك المضمون دخله ، مؤقتاً على ما تحضر نفسك لامتحان المعادلة لتخصصك.

أما لو كان ف الحاجات المعترف بيها عالمياً (الاستيراد والتصدير ، البترول ، تكنولوجيا المعلومات ، ... إلخ) ، فمن الممكن إن مشوارك ما يطولش أوي.

ولو فكرت تروح ألبرتا ؛ هناك فيه نقص ف العمالة عن أونتاريو ، وفرص الشغل أكتر.

ومن حيث المبدأ... أي شغلانة محترمة ، وهتكفي مصاريفك وحياتك هناك.

ومش محتاج تشغل نفسك بأساسيات الحياة هناك (سكن - أكل - شرب - مواصلات - لبس). وعلى رأي واحد صاحبي دكتور هناك ، بس بيقوللي اشتغل كل حاجة ، وبيذاكر في الجزء التاني م المعادلة MCCQE 2 ، وشغال حالياً في Sear's Outlet ، حاجة كده زي كارفور ، بس على أكبر شوية. صاحبي ده قاللي محدش في كندا بيبات من غير عشا :lol:

فلو ما عندكش مشكلة تشتغل أي حاجة (كبداية) ، ولا تستكبر تشتغل في أي بوزيشن... يبقى توكّل على الله ، واللي فيه الخير يقدمه ربنا.

[jundi]

أنا شاكر لكل المشاركين بس.......

أنا باسأل على مصاريف و حياة عيلة من 4 أفراد

أنا متأكد ان الواحد لو رايح لوحده مش حيكون عندو مشكلة يشتغل أي شغلانة و يرضى بأي دخل لغاية ما يعمل المعادلة أو الكناديان اكسبيرينس و يوصل للي هو عايزه ...بس الاولاد و مصاريفهم ........

الشغلانات البسيطة دي حتكفي مصاريف البيت و الاولاد و حيعيشو عيشة كريمة ولا بهدله في بهدله.....؟؟؟؟؟ هو دا اللي عايز اسمع جوابه من حد مجرب

[حسام يوسف]

وانا منتظر معاك الجواب يا عم جوندى

[kaza]

سؤال ما هي فرص العمل لفني أغذية ( تخصصه الدراسي دبلوم علوم أغذية ) وشغله هو سوبر فايزر وهل شهادته تحتاج الى معادلة؟

[نصر]

أنا شاكر لكل المشاركين بس.......

أنا باسأل على مصاريف و حياة عيلة من 4 أفراد

أنا متأكد ان الواحد لو رايح لوحده مش حيكون عندو مشكلة يشتغل أي شغلانة و يرضى بأي دخل لغاية ما يعمل المعادلة أو الكناديان اكسبيرينس و يوصل للي هو عايزه ...بس الاولاد و مصاريفهم ........

الشغلانات البسيطة دي حتكفي مصاريف البيت و الاولاد و حيعيشو عيشة كريمة ولا بهدله في بهدله.....؟؟؟؟؟ هو دا اللي عايز اسمع جوابه من حد مجرب

من غير دخول فى تفاصيل محتاج على الأقل تعمل فوق الألفين دولار/شهر بالأضافه الى CTB(حوالى 600 دولار فى حالة وجود طفلين)

شغل الدليفرى ممكن يوفر المبلغ بس محتاج رخصه G

تم تعديل 26 أغسطس 2008 بواسطة نصر

[nona alawaal]

نقولها تاني ولاّ تالت يا سادة...

بص يا سامح...

ف البداية هتضطر تقبل أي عمل (زي مندوب دعاية ، كاشيير ، ديليفري ، سواق تاكسي ، حارس أمن ، خدمة عملاء ع التليفون ، ... إلخ) ، إلى أن تكتسب الخبرة الكندية (كانيديان إكبيريانص) ، ودي مهمة عندهم بشكل مبالغ فيه!

ومشوارك هيطول لو كان تخصصك في الحاجات اللي محتاجة معادلة (محامي ، طبيب ، صيدلي ، مهندس). ساعتها ممكن ترجع تاني ، عشان ما تخسرش شغلك المضمون دخله ، مؤقتاً على ما تحضر نفسك لامتحان المعادلة لتخصصك.

أما لو كان ف الحاجات المعترف بيها عالمياً (الاستيراد والتصدير ، البترول ، تكنولوجيا المعلومات ، ... إلخ) ، فمن الممكن إن مشوارك ما يطولش أوي.

ولو فكرت تروح ألبرتا ؛ هناك فيه نقص ف العمالة عن أونتاريو ، وفرص الشغل أكتر.

ومن حيث المبدأ... أي شغلانة محترمة ، وهتكفي مصاريفك وحياتك هناك.

ومش محتاج تشغل نفسك بأساسيات الحياة هناك (سكن - أكل - شرب - مواصلات - لبس). وعلى رأي واحد صاحبي دكتور هناك ، بس بيقوللي اشتغل كل حاجة ، وبيذاكر في الجزء التاني م المعادلة MCCQE 2 ، وشغال حالياً في Sear's Outlet ، حاجة كده زي كارفور ، بس على أكبر شوية. صاحبي ده قاللي محدش في كندا بيبات من غير عشا :happy:

فلو ما عندكش مشكلة تشتغل أي حاجة (كبداية) ، ولا تستكبر تشتغل في أي بوزيشن... يبقى توكّل على الله ، واللي فيه الخير يقدمه ربنا.

يعنى حضرتك بكالوريوس علوم قسم كمياء لا تتطلب معادلة؟؟؟؟؟؟؟؟؟؟؟؟

[jundi]

يا جماعة التخصص مش هو المشكلة لأن محدش حيلائي شغل بالتخصص اللي هو بيشتغل بيه قبل الهجرة.......

السؤال هو: الشوغلانات التانيه بتكفي الواحد علشان يعيش هو و عيلته ولا لأ؟ و كم المبلغ اللي حيحتاج ياخده معاه في البداية علشان المصروف لغايت ما يلاقي الشغل الكريم؟