الحب وجنونه!؟!

[بنت شعنونة]

كلنا بنسمع كتييييير عن قيس وليلي وروميو وجوليت وانتحارهم

والحاجات الفظيييييعه دي

وفان جوخ لما قطع ودنه عشان يهديها لحبيبته...

لكن

الظاهر ان جنون الحب بداء يزحف رويدا رويدا على عصرنا دا..!!؟

فتلاقي الناس شباب او بنات تتفنن في اظهار الحب للطرف الأخر

سواء بعقلانية او جنون؟؟

ليه

مش عارفا!!؟

يعني مثلا

تلاقي الشاب واخد كام شعرة من حبيبته وعاينهم في مكتبه او لازقهم في مديليته عشان يبقوا معاه طول العمر

او تلاقي البنت تكتب للولد جواب حب بدمها!؟

او الولد يكتب اسم حبيبته بالموس على دراعه او ايده اثباتا لها على حبه وهيامه

او البنت واخدا فانلة بتاعت الولد عشان فيها ريحته

او ورقة فيها ريحة بارفانها

وغيره وغيره وغيره

صحيح حاجات من دي تندرج تحت الرومانسية الخيالية

وحاجات منها تحت الرومانسية القاتلة

الا انني لن انكر ان لها تاثير السحر على الطرف التاني

خوصا لما يحس انه حد ضحى بحاجا عشانه

بس ليه الظواهر دا

هل لآننا عاوزين نقنع نفسنا بالحب الصافي؟

ام اننا نريد ان نقع في الرومانسية للقاع ومش قادرين

ام تعذيب للذات

والا ايه بالضبط؟؟؟

دا غير طبعا كلمات الغرام اللي موجودة في كللللللل حيطة مترو او ترام وشوية هنلاقيها ع العربيااااااااات ؟؟؟؟!!!!!

[Masrawy Abroad]

أعتقد الأمور دي لا توجد إلا في مرحلة المراهقة حيث الحب الجارف الجنوني والمشاعر الانسانية التي لم تنضج في فترة ثانوي...لكن لا أتوقع انتشار هذه المظاهر بين الشباب الجامعي وتنعدم نهائياً بعد فترة التخرج...حيث تتغير نظرتنا للحياة ونصبح عمليين أوي....

[بنت شعنونة]

تصدق وتامن بالله يا مصراوي

كل الحالات االي ذكرتها انا دي

شفتها في ناس بين 24 و 25 سنة

ايه رايك بقى؟؟

[Masrawy Abroad]

الحقيقة انتي فاجأتيني ان الشريحة العمرية بالشكل ده!!!

لأن الأمور دي تكون بين فترة المراهقة فعلا وأيام سماع أغاني عبد الحليم 24 ساعة في اليوم والبكاء عليها. بس عايزة الصراحة أنا لي أصدقاء كتير في نفس السن ولم أر أو أسمع شيء زي كده

أنا تشخيصي لموضوع زي ده:

- شباب يعاني من مراهقة متأخرة (المراهقة قد تمتد للعشرينات)

- إغراق في الرومانسية وهروب من الواقع الذي نعيشه

- قلة تدين

- فراغ

[الطفشان]

او تلاقي البنت تكتب للولد جواب حب بدمها!؟

او الولد يكتب اسم حبيبته بالموس على دراعه او ايده اثباتا لها على حبه  وهيامه

ايييييييييييييييييييه داااااااااااااااااااا يا شعنونة!

الامثلة دي من ناس عادية يعني و الا من المدبح!

حب ايه دة!

مش غريبة بقى لما يبقى اخرتها ساطور و كياس بلاستيك

يا شعنونة

بلاش الاستثناء اللي بنبني منه قاعدة، او ظاهرة!

تصدق وتامن بالله يا مصراوي 

كل الحالات االي ذكرتها انا دي 

شفتها في ناس بين 24 و 25 سنة 

ايه رايك بقى؟؟

دة سببه ان النضوج العاطفي و الفكري عندنا في مصر متأخر عن العادي

[بنت شعنونة]

"وش مبتسم"

ومين قال ان دا استثناااااء بس يا استاذ طفشان

طب مثالا

دفعتنا كان فيها 400 نفر

طبعا انا ما اعرفهومش كلهم

لكن نقول اعرف مثلا 50 من المحبين

وصدقنييييييييي

من ال 50 دول على الأقل 25 كوبل عملوا حاجات من اللي انا قلتها

انا شخصيا حصل معايا 3 نماذج من دي في حياتي

"وش محرج خااااالص"

"وش بيستعيد ذكريات الايام الخوالي وبيضحك"

ف النسبة مش بسيطة فعلا

دلوقتي كل واحد بيحاول يعمل معجزات عشان يثبت للطرف التاني مدى حبة!!

[goold]

[quote=بنت شعنونة

انا شخصيا حصل معايا 3 نماذج من دي في حياتي

"وش محرج خااااالص"

"وش بيستعيد ذكريات الايام الخوالي وبيضحك"

ف النسبة مش بسيطة فعلا

دلوقتي كل واحد بيحاول يعمل معجزات عشان يثبت للطرف التاني مدى حبة!!

ها ياد. شانا يعنى كان فى حالة حب فى حياتك طب راحت فين بس ..

ده مفيش احسن منه

[crossfield]

يعني مثلا 

تلاقي الشاب واخد كام شعرة من حبيبته وعاينهم في مكتبه او لازقهم في مديليته عشان يبقوا معاه طول العمر 

او تلاقي البنت تكتب للولد جواب حب بدمها!؟ 

او الولد يكتب اسم حبيبته بالموس على دراعه او ايده اثباتا لها على حبه وهيامه

مشهد من فيلم غرام الأفاعى ده يا شنشن؟ :D

او البنت واخدا فانلة بتاعت الولد عشان فيها ريحته 

او ورقة فيها ريحة بارفانها 

وغيره وغيره وغيره

حب مقرف صحيييييييييح :s: :s: :s:

صحيح حاجات من دي تندرج تحت الرومانسية الخيالية 

وحاجات منها تحت الرومانسية القاتلة 

الا انني لن انكر ان لها تاثير السحر على الطرف التاني 

خوصا لما يحس انه حد ضحى بحاجا عشانه

بتأثر بس على اللى عنه استعداد أو اللى عايز ده

حالات متطرفة جداً بصراحة عمرى ما شفتها و لا حتى فى المراهقة

يمكن حشيش يقدر يفيدنا فى الموضوع ده :wink:

[DARWEEN]

يمكن حشيش يقدر يفيدنا فى الموضوع ده

يعني ممكن مثلا تلاقي حشيش معلق شجرة أرز في ميدالية المفاتيح ؟؟؟؟؟؟؟؟

على فكرة المواضيع من هذه النوعية أنا أعتبرها حاجة من أتنين ... يامراهقة عبيطة مهما كان سن اللي عاملها ... ياوواحد بيضحك على عقل بنت بشوية حاجات زي الأفلام

بالمناسبة يادكتورة .. كام حالة من حالات الغرام في الدفعه أنتهت بخطوبة وزواج ؟؟؟

أتحدى أن النسبة لايمكن تتجاوز 2 أو 3 % بالكتير

[الطفشان]

انا اؤيدك يا ابو الدراوين

الحاجات اما مراهقة او حبكة للدور

و حتى على أيامي، ناس اتجوزوا من زمايل في الكلية

و بعدين لقيت اللي اتجوز على مراته اللي حبها في الجامعة

و اللي طلق مراته

و اللي و اللي

لان الشباب في سن الجامعة مش بيكون ناضج عاطفيا و فكريا

و بيندفع ورا عواطفه

و بعدين يحصل الملل او الندم على التسرع

و خلاص

[Cleo]

او الولد يكتب اسم حبيبته بالموس على دراعه او ايده اثباتا لها على حبه وهيامه

فرتونى بفيلم تمر حنة لما رشدى أباظة كان راسم صورة حبيبته بالوشم على صدره... وبعدين لما عرف إنها خانته قام راح لواحد يشيل الصورة من على جسمه بمية النار...!!!!!!

لا عجب إنه قتلها فى أخر الفيلم....!!!!

أنا شخصيا لو عرفت إن واحد عمل كدة عشانى خصوصا لو إنه تعدى سن المراهقة أنا أخاف ارتبط بيه لأن ده معناه إنه إنسان مختل نفسيا...

(مش كدة يا أبو حلاوة؟؟؟؟؟) :)))))

[بنت شعنونة]

اوقات الواحد من كتر حبه للغير يحب يعبر عنه بطريقة مختلفة جدا ومميزة

وكل واحد واسلوبة...

لكن انا مع المقولة ان اليومين دول بقى الكلام دا لزوم الحبكة بس

اتذكر في مرة من كذااااا سنة

كان ساكن جنبنا عريس وعروسة جداد

وكانوا في شهر العسل

وكان جايبلها هدية

عبارة عن اييييه بقىىىىى

عربية موديل السنة مربوطة كلللللللها بدانتيل كدا ومعمول فيونكة ع السقف وعلى الفيونكة بوكيه ورد

وحظيييي السعيييييييد

اني كنت راجعا وهيا بتشوف الهدية

وشفت الفرررررح والمافاجاة والتنطيييييييط اللي عملته :)

"اوعدناااااااا ياربببببببببببببب"

"وش حد بيشششششششششحت"

مرة تانية...

كان عيد ميلاد اعز صاحباتي

وكانت نزلت في الأمتحانات وعندها دور تاني

المهم رحت لميت العيال صحاباتي

واتفقت انا ومامتها واخوها

وخرجوها برا البيت لمدة ساعتين

وضبنا الشقة وعملنا بالالييييييين وزييييييينة وحاجات وهم

ولما جت طفينا النور

ولما جت ونورت

جالها هللللللللللع وقعدت تضحك وتدمع يجي نصصصص ساعا

رؤية الشعادة في عيون الغير شيييء رااااااااااائع

وانا واحدا من الناس

ما استخسرش اي شيييييييء مقابل النظرة دي

"وش محرج"

[farasha79]

يعني مثلا

تلاقي الشاب واخد كام شعرة من حبيبته وعاينهم في مكتبه او لازقهم في مديليته عشان يبقوا معاه طول العمر

او البنت واخدا فانلة بتاعت الولد عشان فيها ريحته

او ورقة فيها ريحة بارفانها

هي بتحبه و لا هتعمله عمل( ده كله مش دليل على الحب)

ده اسمه جنون :) :D :D :D :D :D :D :D :D

[se_ Elsyed]

مش بقولكم شعنونة دي طيبة ...

يا شنشن الرومانسية إذا كانت مطلوبة وضرورية فى حياتنا إلا أنها لا بد أن تتسم بالإعتدال لكي تدوم ، والحاجات الى انتي قولتي عليها تعبر شطط ( حلوه شطط دي ) ومش موجودة إلا عند المراهقين ، أما الناس الكُمل ( أحم أحم ) مابيعملوش كده.

والا لو أنا حبيت فى حياتي 5 أو 6 مرات وفضيلت أقطع فى شعري وأدي كا واحده شوية هاجي بعد سنتين ألاقى السطوح أتكشف عندي !!!!!

وبعدين أيه نظام الجوابات اللى بتتكتب بالدم دي ؟!!!! أول مره أسمعه عنها بصراحة وأيش عرفك أساساً إن ده دم .. ما يمكن صلصة أو كتسب من بتاع حشيش .... ( وش بيقهقه )

وأخينا اللى بيجيب عربيات مربوطة بفيونكة قوليله عيب وراعي شعور الأخرين ، لأني متخيل منظر ستات الجيران وهي بتولع فى إزواجهم بعد ما شافوا المنظر ده.

نصيحة ..... أوعي يا شعنونة تتوقعي أن الحياة الزوجية بتكون مليئة بالرومانسية من أى نوع ، لأن الحياه بشكل عام كالبحر المتلاطم الأمواج يمر بأحوال وأجواء متغيرة .. والحياة الزوجية السليمة هي التى تصمد وتتكيف مع مثل هذه الظروف .

وش لابس نضارة كعب كوباية ( لزوم الفلسفة )

س س س ( سي السيد سقراط )

[goold]

مش بقولكم شعنونة دي طيبة ...

نصيحة ..... أوعي يا شعنونة تتوقعي أن الحياة الزوجية بتكون مليئة بالرومانسية من أى نوع ، لأن الحياه بشكل عام كالبحر المتلاطم الأمواج يمر بأحوال وأجواء متغيرة .. والحياة الزوجية السليمة هي التى تصمد وتتكيف مع مثل هذه الظروف .

وش لابس نضارة كعب كوباية ( لزوم الفلسفة ) 

س س س ( سي السيد سقراط )

يعنى شايفها متفائلة اوى

هو ياشانا لو وقعتى فى واحد زى سقراط كده

هتلقيها منيـــ .... قصدى جميلة.. رومانسية ... ده الحياه يعنى

(( وش بيضحححححححك ))

[Lancelot]

بعد الإطلاع علي الظواهر التي تريدين الكلام عنها يا شانا ... أقتراح تغيير إسم الموضوع إلي "الحب و هبله" ....

[mnman]

انا شايف موس ودم و عرق ..... دة فيلم الارض صح........ اية دة يا شانا.... بقي في حد يكتب اسم حبيبتة بالموس او يكتب لها جواب بالدم...... اتفق مع لانسلوت دة الحب و هبلة مش وسنينة...... (وش فكة الاسفل متدلي ببلاهة من الدهشة)

[refii]

انت لو حبيت يومين كان هواك خلاك ملاك

هذا ما قاله الشاعر في الأغنية المعروفة...

و قد صدق في هذه المقولة....فنحن كبشر ليس لنا لغة موحدة بيننا جميعا الا الحب...التراحم...و هذا على الوجه العام و ليس كلام عن الامثلة التي قالتها بنت شعنونة...

و لكن بيني و بينكم..الواحد لما يسمع هذه الامثلة المرفوضة عقلانيا ..يقول لنفسه...يااااه..ايه ده...هل في انسان لسه بيحب انسان لدرجة وصلته للجنون؟؟؟اين قلوبنا من قلوب هذا المحب المجنون...صحيح هو مجنون...بس...بيحب

هل نستطيع ان نحب كدة و ان نصل الى مستوى أرقى و اعلى من الشعور بأن تدمع عيناك اسعادة الآخرين...يا ريت

يا اخ طفشان

انا آسف

[ابو حلاوه]

او الولد يكتب اسم حبيبته بالموس على دراعه او ايده اثباتا لها على حبه وهيامه

في الطفولة المبكرة جدا لو وضعت شخشيخة امام الطفل و اخذتها منه بعدها

لن يبحث الطفل عنها و لكن بالتدريج و في النصف الثاني من السنة الاولي بينضج الطفل نسبيا و يستطيع ان ان يفهم بأنه بالرغم من انه لا يري الشخشيخة لكنها موجودة في مكان ما object permanance

في مرحلة اخري بعد سن سبع سنوات بيستطيع الطفل فهم المعاني و الخروج من ناطق الحقائق الجامدة abstraction

في الفصام بنجد ذلك النوع من السلوك للقدرات المحدودة علي ال abstraction

و ايضا في الشخصيات ال emotionally immature يعني الشخصيات الغير ناضجه عاطفيا

امكانيات التعبير او الشعور في معظم الاحيان بتكون قاصرة و لابد المرور بالجسد و ليس بالافكار و لا الكلمات للتعبير عنها او للشعور بالموقف ..اي ان الوشم او تقطيع اليد بالموس او اي شكل اخر من ايذاءالنفس محاولة للتعبير و في نفس الوقت محاولة للاحساس لدي افراد نضجهم الوجداني قاصر

و الاستاذ الي بيكتب اسم حبيبته بالموس ده بالرغم من المفروض انه شاب ... مثال علي عدم النضج و خلل في ما يتعلق بثبات الاشياء و العلاقات القدرة علي ال abstraction

و بدون تعميم مطلق من الجائز جدا ان تكون هناك جوانب هيستيرية او فصامية في شخصيته و ايضا من غير تعميم الارتباط بتلك النوعية من الشخصيات عواقبها عادة غير مضمونه

ملحوظة : انا لست من الخبراء في مسائل العلاقات الشخصية و لا احب ان اناقشها او اعلق عليها .. انا علقت فقط علي جانب بدا لي الي درجة ما غير طبيعي و من الممكن ان تكون مداخلتي مفيده فيه

[ابو يوسف]

اعتقد ان الحب - و خاصة وقت المراهقة - يخرجنا من عالم المعقول و يدخلنا عالم آخر .. يختلط فيه الصواب بالخطأ ..

نصبح مغيبين العقل ... لا نرى الا الحبيب ...

لا نسمع الا صوته ...

فكل ما يقوله هو الصواب و ما عداه هو الخطأ بعينه ...

حالة من العبودية المطلقة ..

لا حب فى المنطق و لا منطق فى الحب ..

لذلك ما يفعله هؤلاء ليس غريبا...

كم من فتاة حاربت اهلها الذين ربوها و صرفوا عليها و احاطوها بالحب و الحنان طوال عمرها ... و ذلك من اجل فتى قد تكون رأته من ايام !!! ...

و كم من فتى باع كل من حوله و اشترى من يحب...

اى منطق فى هذا !!!..

نحن نرى هذه الامور شاذة لاننا كبرنا و عقلنا و حبينا و اتحبينا ..

ما يدرينا لو كنا مكانهم ماذا كنا سنفعل ؟؟؟؟

(شكل قلب متقطع و عمال يخر دم )