يوم في ضيافه اماني وتيتو........

[galaxy]

قضيت اليوم يوم من اجمل ايام اجازتي بالفعل في ضيافه الغاليه اماني وابنها الغالي تيتو

بجد يا جماعه كان يوم رائع ..........استمتعت فيه بصحبه اماني الرائعه الخجوله التلقائيه الحبوبه :) ...اسكندرانيه جدعه بجد الجد....ست البيت الشاطره جدا جدا .....واللي ما اكلش صينيه السمك السنجاري من ايديها يبقي لسه ما اكلهاش ابدا الواحد ما كانش عايز يقوم من علي الاكل wst::

.بجد استمتعت بكل شيئ .....كرم الضيافه........حلو الحديث والكلام ......البيت المصري الدافي ...حتي اعمالها الفنيه الرائعه اللي ماليه البيت والتفانين اللي مالهاش حل بجد ..........والافكار المدهشه للديكور والبيت من كل وأي شيئ.....الكلام والوصف كتير بجد بس عمره ما يكفي سعادتي باليوم الجميل دا ولا احساسي اللي حسيته بجد وانا معاها وبنتكلم ..... :wub:

ولا تيتو بقي دا حكايه..........خفه دم وجدعنه ونكته حاضرة وتعليقات جامده.........ربنا يخليه لها وتفرح بيه هو اخوة ان شاء الله وعن قريب........... :)

استمتعت جدا باليوم يا احلي اماني ولازم هكرره ان شاء الله تاني ...........وطبعا ما تنسيش صينيه السمك السنجاري تاني يا اماني لو سمحت....... wst::

شكرا كتير يا احلي اماني ...........شكرا كتير ليك يا تيتو

[سهيلة]

صباح الخير يا جلاكسى

انتى تقصدى امانى اللى معانا فالمنتدى

اتقابلتو ؟

وقضيتوا يوم سوااااااااااااااااا كمان :) ؟؟

انا بجد بحقد عليكوا

كان نفسى

اكون معاكوا

وبعدين حكايةصينية السمك بتاعة امانى دى جوعتنى جدا مع انى

لسة فاطرة حالااااااااااا

الاجازة الجاية يا جلاكسى تكون عندى انشاء اللة

[النيل حبيبي]

ربنا يخليكوا لبعض وتجمعوا علي الخير

[ELSHAMY]

طبعا يا جالاكسى ده أقل واجب

أمانى....شرفتى الاسكندرانية....أجدع ناس...

ليه تفكرينى بالسمك السنجارى و الحاجات المؤلمة دى....أنا لسه جاى من اسكندرية و طعم الجمبرى و السبيط و المياس و الدنيس مازال فى خيالى...

قلبتى على المواجع....عموما نورتى أسكندرية اللى منورة بأهلها من أمثال أمانى....

أجازة سعيدة

[~Heba~]

امانى مثال للبنت الاسكندراية الرقيقة المجاملة الذوق لابعد حد :lol:

يا بختيكى و الله يا جلاكسى قضيتى يوم جميل مع انسانة جميلة الروح و الاخلاق و المشاعر

و الله انا دايما بحس بكده من كتابات امانى :blush:

و تيتو الشقى الحبوب wst::

انا عارفة انه هو اقرب واحد فى اخواته لمامته...مش كده يا امانى :ninja:

ربنا يحفظه لكى يا احلى امانى و يحفظ اخواته و والدهم

و يارب جمعك انتى و جلاكسى يتكرر كتير و مسك الختام اللقاء فى الفردوس الاعلى بإذن الله wst::

امانى و جلاكسى و كل الاحبة فى المحاورات

اسأل الله الذى جمعنا فى دنيا فانية ان يجمعنا ثانية فى جنة قطوفها دانية:lol:

[galaxy]

صباح الخير يا جلاكسى

انتى تقصدى امانى اللى معانا فالمنتدى

اتقابلتو ؟

وقضيتوا يوم سوااااااااااااااااا كمان -_- ؟؟

انا بجد بحقد عليكوا

كان نفسى

اكون معاكوا

وبعدين حكايةصينية السمك بتاعة امانى دى جوعتنى جدا مع انى

لسة فاطرة حالااااااااااا

الاجازة الجاية يا جلاكسى تكون عندى انشاء اللة

اهلا اهلا اهلا بأم ملك.......وحشاني اوي بجد.......

ما كانت عندك انتي اللي اتسرعتي وسافرتي. :D ....احنا مش كنا اتفقنا خلاص...ورتبنا كل الامور ...الظروف بتاعه السفر يا سهيله كانت اقوي مننا...........

عموما متعوضه بقي ان شاء الله اول لما اجيلك الامارات ونتقابل علي ارض محايده...........ونشوف بقي ونحكم اكلك ولا اكل اماني.......

[galaxy]

ربنا يخليكوا لبعض وتجمعوا علي الخير

اللهم امين يا رب.........تحياتي -_-

[galaxy]

اليكم بقي الرحله بالتفصيل.............

اول يوم كان يوم الخميس اللي فات وكان اول مرة نتقابل ........انتظرت اماني وتيتو وبعد تبادل السلامات وكدهوت قعدنا في كافيه علي الكورنيش......الملاحظ بقي يا جماعه ان تيتو كان كل شويه يقوم ويتكلم في الموبايل..............يا تري مين يا تيتو؟؟ wst::

انا بقي واينو قعدنا نتكلم وكنا فرحانين اوي ببعض بجد hg):: ....وعملنا اتصال لنوشا عشان نغيظها بقي ونجحنا والحمدلله....تاني يوم استقبلتني اماني في بيتها وقضيت يوم رائع نتكلم ونهذر....وطبعا عملنا كام ميسد لزهرة وبدور وناش عشان نغيظهم برضه -_-

تالت يوم بقي اللي هو السبت كانت قعده تحفه علي الكورنيش.......ومش هقولك بقي يا جماعه عن غزل البنات والترمس والايس كريم والحركات...........

وتيتو برضه يا جماعه بيتكلم في التليفون علي فكرة hypr:

مامتي بقي يا جماعه معجبه باماني جدا جدا........وقعدوا يتكلموا كأني مش موجودة.....اعجبت بروحها ولباقتها وثقافتها ....وقد ايه مريحه في كلامها وحساسه وطيوبه .......من الاخر كدا بقوا اصحاب وسابوني :cry:

انا بجد سعيده يا اماني اني بقيت فرد من اسرتك واتشرف بكدا وربنا يديم المعروف......كل اللي كان في دماغي اتأكد زياده.......قابلت اماني مرحه جدا بشوشه جدا جدا طيوبه موت يا جماعه بجد بتحب الناس وعشريه وجميله بجد قلبا وقالبا.....زي ما تخيلتها وزياده شويه بجد.........ارتحت في الكلام معاها وحكيناا كتير وفتحنا قلوبنا لبعض.....اتمني ربنا يقدرني اكرر الزياره قبل سفري وفعلا هبذل ان شاء الله اقصي جهدي لتكرارها انا وماما اللي حبت اماني كتير جدا وفرحت بمعرفتنا .......شكرا ليكي يا اماني علي الشعور الجميل اللي حسيته معاكي وبصحبتك وربنا يديم المعروف وان شاء الله المرة الجايه كلنا نتجمع علي خير انا وانتي وبدور ونوشا وزهرة وكل حبيباتنا .......اللي غيظناهم بلقاء القمه بتاعنا

شد حيلك بقي ىيا تيتو عشان ماما تجيب الاب توب........احنا خلاص اتفقنا وماما وعدت......بس انت خفف من التليفونات شويه :D

[galaxy]

طبعا يا جالاكسى ده أقل واجب

أمانى....شرفتى الاسكندرانية....أجدع ناس...

ليه تفكرينى بالسمك السنجارى و الحاجات المؤلمة دى....أنا لسه جاى من اسكندرية و طعم الجمبرى و السبيط و المياس و الدنيس مازال فى خيالى...

قلبتى على المواجع....عموما نورتى أسكندرية اللى منورة بأهلها من أمثال أمانى....

أجازة سعيدة

ازيك يا دكتور شامي........... :D

طبعا اسكندريه اجدع ناس ومنورة بكل اهلها ........وبعدين انا بس جبت سيره السمك........امال لو كنت حكيت علي الباقي -_- .........حضرتك يا دكتور اسكندراني وعارف بقي

تحياتي ليك ولكل اهل الاسكندريه .اجدع ناس

[galaxy]

ربنا يخليكي ويديم المعروف يا هبه ان شاء الله ونتجمع كلنا بكل خير علي طول.........تحياتي ليك -_-