بدون كلام ...............

[houssin abo habaga]

بدون كلام

تحادثنى بصمت

وهمس

بدون كلام

من خلف الستار

فى جوف الليل

شاهد علينا

القمر

غطانا سما

ونورنا نجوم

قناديل

كنت بحس

بلمس أيديها

بتلمس أيدى

برغم البعد والمسافات

أنا مش بحلم

ولا حكايه م الحكايات

لما أبص جوه فى عينيها

كنت أشوف دمع عيونها نازل منها

سيل شلال

من أعلى تلال

وأنا ببنى سدود و حدود

تمنع خوفها

فى جوف الليل

علشان تهدا لما تنام

وتبعد كل الفكر بعيد

والأحلام

اصل الموت واليأس

دا كان

ساكن جوفها

وأنا قلقان حيران

كل شويةأنا بألاطفها

خايف أصلا أنا من خوفها

قلبها أبيض

كأنه حليب لسه يدوب محلوب

بس دا كان فكرها يا خسارة

قرينها خيال

شايفاه دايما

ناوى على موتها

وهى يدوب عصفور بيغرد

بين لغصان

وخلف الشجرة تشوف صياد

متربص بيها

مستنى يشوفها

مرة لوحديها

يطلق سهمة يرشقه فى عنيها

علشان ما تشوفشى

سكه توديها

تسكن قلبى

وتوه الشابة

تتوه فى السكة

وتضيع رجليها

يا مين ينصحها

يا ريتنى أنا شمعه

افضل ولعه

تنير فى طريقها

لآجل عيونها

تشوف السكه

وتلف تلف وترجع تانى

من نفس السكه

تسكن قلبى

*************

كتابات / حسن أرابيسك

angl::

:lol: :sad: