التجمع المصرى الكندى الاماراتى السعودى

[qenawy]

- معك عود ثقاب واحد في علبة كبريت ودخلت غرفة مظلمة وباردة تحتوي على مدفئة تعمل بالخشب ولمبة كيروسين وشمعة..ماذا ستشعل أولا؟

شخصيا اللمبة وبعدين اولع الشمعة وبعدين اشغل بالشمعة المدفاه هذا رايي والله اعلم ولي المبررات الكافية لعدم اشعال الشمعه اولا ثم ان الاوضه ضلمة يا اخي

- دخل دب إلى بيت مستطيل الشكل أركانه الأربعة تتجه إلى الجنوب

السؤال : ما لون الدب؟..

الدب يقع في القطب الشمالي اذا هو ابيض

- في طبق 3 تفاحات..أخذت منهم تفاحتين..كم تفاحة معك؟

اثنين

- كم عدد الحيوانات من كل نوع حملها موسى عليه السلام في سفينته؟

برضه اتنين ( كل الاحبة اتنين اتنين وانا لوحدي وماليش حد جوز ولا فرد احمد عدوية)

- أنت سائق لأوتوبيس يحمل 43 شخص من شيكاجو..توقف الأوتوبيس عند بطرسبرج ليحمل 7 ركاب وينزل 5..عند كليفلاند ركب 4 ونزل 8 وبعد 20 ساعة وصل الأوتوبيس إلى فيلاديلفيا

ما اسم السائق؟

اسمه انا قناوي

[qenawy]

علي فكرة هل بطرس برج في امريكا اشاسا ام ان دكهي اسمها سان بطرس برج؟

[AL MUHAGER]

علي فكرة هل بطرس برج في امريكا اشاسا ام ان دكهي اسمها سان بطرس برج؟

يا سلام يا عم قناوي

دكهي ولا دكهاتي

وسلم لي على الفراولة

[alaashabana]

جميل والله الحل بس فية كام سؤال انت قولت عليهم غلط وبكدة هقولك على نتيجتك ونسيب باقى الاذكياء نشوف نتائجهم كام

النتيجة بتاع سيادتك ثمانية من عشرة

[moheltohamy]

- دخل دب إلى بيت مستطيل الشكل أركانه الأربعة تتجه إلى الجنوب

السؤال : ما لون الدب؟..

الدب يقع في القطب الشمالي اذا هو ابيض

معلم معلم معلم ... تصدق أنا ما فهمتش يعني إيه الأربعة بيشاورو نحو الجنوب دي أصلاً؟! بس بجد ، عجبْتِني wst::

- كم عدد الحيوانات من كل نوع حملها موسى عليه السلام في سفينته؟

برضه اتنين ( كل الاحبة اتنين اتنين وانا لوحدي وماليش حد جوز ولا فرد احمد عدوية)

هيه فيها شوية ذكاء منك حكاية (من كل نوع)... لكن مش واخد بالك إن سيدنا موسى ركب السفينة مع الخضر و "أخرقتها لتغرق أهلها" ، ودي كانت كل علاقته بالسفن أساساً؟!

عدّتك دي يا علامتنا :sad:

تم تعديل 6 أغسطس 2008 بواسطة moheltohamy

[capitshino]

طيب خد دى بقى

1+1 يساوى كام؟

ورونا بقى شطارتكم

[alaashabana]

اولا قبل ما اجوبك يا كابتشينو لسة بردو محدش جاوب على كل الاسئلة وجاب الدرجة النهائية وتعليقك يا تهامى على " كلمة من كل نوع " مش دى القضية وللاسف بردو اجابتك غلط ...

اوعلى فكرة انا مش حددت اية هى الاسئلة الغلط والاسئلة الصح اللى جاوب عليها قناوى

يعنى ممكن من الاسئلة اللى هو فاكرها جاوبها صح تتطلع غلط انا بس قولتلة على درجتة النهائية وهى للاسف 8 يعنى معدل ذكاء عادى

ورينا بقى مين اللى هيجيب الدرجة النهائية مع العلم ان كل الاسئلة فيها لعب بلالفاظ يعنى مش مسائل رياضية

[qenawy]

يا حاج ده امتحان سرعة بديهة مش ذكاء

IQ موضوع تاني خالص

واحب اطمنك ان IQ بتاعي 160 مش غرور والله بس ده كان بحث عاملاه دكتورة في رسالة دكتوراه وشاركت فيه والولية اتخضت من النتيجة بتاعتي وهنتني عليها وهي دلوقت استاذ مساعد في طب عين شمس

عموما ما تدقش

ذكاء عادي عادي مش فارقة بين الاصدقاء بس اصلي اتغظت شوية من كلمة للاسف حسيت اني حما...... اكمل النقط

[qenawy]

كم عدد الحيوانات من كل نوع حملها موسى عليه السلام في سفينته؟

عدد الحيوانات صفر ينفع ؟

الغلطة التانية في سؤال رقم 6

ممكن يشعل الدفاية الاول عان بردان البيه وبعد ما يتدفي يشعل الشمعه وبعدها يشعل اللمبة هاه ماشي؟

ثم انا عاوز اعرف الجائزة ايه في الاخر يعني اتعب وفي الاخر السلطانية

برضه ماشي

[qenawy]

يا سلام يا عم قناوي

دكهي ولا دكهاتي

وسلم لي على الفراولة

الفراولة بتسلم عليك ايضا وبتجولك

تعال دوج خدلك صندوج

[Alrefaey]

فعلا كل واحد لية نصيبة ومكتوب كل حاجة عند ربنا

انا المرة دى عندى شوية اسئلة لاقيتها فى منتدى تانى بيقول لو ذكى جاوب بصراحة استفزنى العنوان قولت ما نشوف عم الكتكوت دة جايب اسئلة اية

بس للاسف طلعت الاسئلة صعبة .... انا هحطها هنا واللى يقدر يجاوب يجاوب ونشوف فى الاخر مين اللى هيقدر يجاوب عليهم كلهم ..بالتوفيق

الاسئلة :

1- بعض الشهور فيها 30 يوم.. وبعضها فيها 31 يوم..أي الشهور فيها 28 يوم؟

2- لو الدكتور أعطاك 3 أقراص وقال لك أن تأخذ قرص كل نصف ساعة..ما طول المدة الزمنية بين أخذك لأول ولآخر قرص؟

3- ذهبتُ للنوم في الساعة الثامنة مساءاً لكني قبل ذلك أعددت المنبه الدائري ذو العقارب لأن يوقظني عند الساعة التاسعة صباحاً

كم ساعة سأنام قبل أن يوقظني المنبه؟

4- اقسم 30 على نصف وأضف عشرة..ما هي النتيجة؟

5- مزارع يملك 17 خروف..كلهم ماتوا إلا تسعة..كم خروف تبقى للمزارع؟

6- معك عود ثقاب واحد في علبة كبريت ودخلت غرفة مظلمة وباردة تحتوي على مدفئة تعمل بالخشب ولمبة كيروسين وشمعة..ماذا ستشعل أولا؟

7- دخل دب إلى بيت مستطيل الشكل أركانه الأربعة تتجه إلى الجنوب

السؤال : ما لون الدب؟..

8- في طبق 3 تفاحات..أخذت منهم تفاحتين..كم تفاحة معك؟

9- كم عدد الحيوانات من كل نوع حملها موسى عليه السلام في سفينته؟

10- أنت سائق لأوتوبيس يحمل 43 شخص من شيكاجو..توقف الأوتوبيس عند بطرسبرج ليحمل 7 ركاب وينزل 5..عند كليفلاند ركب 4 ونزل 8 وبعد 20 ساعة وصل الأوتوبيس إلى فيلاديلفيا

ما اسم السائق؟

لكل إجابة صحيحة أعطي لنفسك درجة واجمع الدرجات لتحصل على درجة ذكائك من عشرة

:closedeyes: :blush2: :unsure:

اجابة اسألة علاء باشا شبانة

(1)كل الشهور

(2)ساعة واحده

(3)الله اعلم يمكن اصلا ماتنمشى خالص

(4)70

(5)9 لوتقصد بكلمة تسعه الرقم 9

(6)طبعا عود الثقاب

(7)ابيض

(8) لو انا اللى اخذت تفحتين يبقى معى 2 اما لو تقصد بانك اللى اخذت يبقى انا ما معى شىء لان التفاحه مازالت فى الطبق

(9)صفر لأن اللى حمل نوح وليس موسى

(10) مصطفى

[qenawy]

احتجاج شديد اللهجة

اي واحد هيجاوب بعدي يبقي احتمال اقتبس افكار مني لذا لزم تقسيم الجائزة بيننا وشكرا (نص السلطانية)

[gadolly]

سلام مربع يا بهوات

جادوللي باشا عمدة المصريين في كيبك قرر تشريف هذا التوبك و الدخول فيه, و طبعا انا كل حياتي هنا كوميديا و افيهات, و تخيل انا و الجماعة و بناتي الاثنين عايشين علي منحة طالب واحد و من غير هجرة. تبقي اكيد منتهي الكوميديا

قصة اولية نسلك بها المسائل

طبعا هنا منتهي الارف و مفيش شطافة, احنا بنتشطف بازازة مياة. اوم بقي ايه انا جبت الشفشق بتاع الزرع اللي له بزبوز و عملته شطافة و بقي هو الشطافة الرسمية. و دي مش فكرتي بس لقيت كتير عملين كدة عشان بتعرف تمسكه كويس و بينزل المياة حبة حبة.

المهم مرة كنا في محل انا و الاسرة و البت الكبيرة ام 3 سنين و نص شافت الشفشق ده فباعي صوت و تقوللي,, بابا لقيت شطافات هنا هههه

مرة اتزنقت في الكلية و لقيتهم حاطين الشطافة قصدي الشفشق جنب قصرية زرع, فكرت اخده و استعمله بس خفت تكون في كاميرا و تبقي فضيحة المصريين بجلاجل

[capitshino]

بما ان الاخوة الافاضل حلو بعض الاسئلة

انا ليا اجابتين على سؤالين

بالنسبة لكم ساعة سانام ... انت هتقوم تصلى الفجر وشوفو بقى الفجر بياذن بمصر الساعة كام(بما اننا فى محاورات المصريين)

بالنسبة لموضوع بطرسبرج ... لو تقصد ان بطرسبرج الروسية يبقى الناس كلها هتموت لانها هتغرق

[alaashabana]

استاذنا العظيم كابتشينو تحية كبيرة اوى ،،والاستاذ جادولى بصراحة انا مفهمتش حاجة من كلامك بس ماعلينا شرفتنا والله فى التوبيك بتاعى ويارب تفضل موجود عاى طول .اما استاذنا الرفاعى بجد بحيك على ذكائك بس للاسف انت جاوبت سؤال غلط

وكان الاستاذذ قناوى جاوبة صح على العموم انا مشوفتش حد جاب الدرجة النهائية لان للاسف ناس بتاجوب اسئلة صح وسؤال ولا اتنين غلط فى حين ان ناس تانية بتجاوب الاسئلة اللى ناس حلتها صح هما بقى بيحلوها غلط وبيجابوا على الاسئلة الغلط

المهم وما علينا انا بشكركم على دخولكم وتشرفكم لية فى التوبيك بتاعى وانا هجاوب على الاسئلة ووبكل وضوح

1- بعض الشهور فيها 30 يوم.. وبعضها فيها 31 يوم..أي الشهور فيها 28 يوم؟

2- لو الدكتور أعطاك 3 أقراص وقال لك أن تأخذ قرص كل نصف ساعة..ما طول المدة الزمنية بين أخذك لأول ولآخر قرص؟

3- ذهبتُ للنوم في الساعة الثامنة مساءاً لكني قبل ذلك أعددت المنبه الدائري ذو العقارب لأن يوقظني عند الساعة التاسعة صباحاً

كم ساعة سأنام قبل أن يوقظني المنبه؟

4- اقسم 30 على نصف وأضف عشرة..ما هي النتيجة؟

5- مزارع يملك 17 خروف..كلهم ماتوا إلا تسعة..كم خروف تبقى للمزارع؟

6- معك عود ثقاب واحد في علبة كبريت ودخلت غرفة مظلمة وباردة تحتوي على مدفئة تعمل بالخشب ولمبة كيروسين وشمعة..ماذا ستشعل أولا؟

7- دخل دب إلى بيت مستطيل الشكل أركانه الأربعة تتجه إلى الجنوب

السؤال : ما لون الدب؟..

8- في طبق 3 تفاحات..أخذت منهم تفاحتين..كم تفاحة معك؟

9- كم عدد الحيوانات من كل نوع حملها موسى عليه السلام في سفينته؟

10- أنت سائق لأوتوبيس يحمل 43 شخص من شيكاجو..توقف الأوتوبيس عند بطرسبرج ليحمل 7 ركاب وينزل 5..عند كليفلاند ركب 4 ونزل 8 وبعد 20 ساعة وصل الأوتوبيس إلى فيلاديلفيا

ما اسم السائق؟

الاجابات :

1-كل الشهور فيها 28 يوم

2- ساعة واحدة..لنفرض انك أخذت أول قرص الساعة 1 ستأخذ الثاني الساعة 1 ونصف والثالث في تمام الثانية

3- سأنام لساعة واحدة فقط..الساعة الدائرية ذات العقارب لا يمكنك ان تحدد فيها الصباح او المساء

4- 70

5- كلهم ماتوا إلا تسعة..إذا هناك تسعة خراف على قيد الحياة

6- ستشعل عود الثقاب أولا

7- لون الدب ابيض..المكان الوحيد الذي يمكنك بناء بيت كل أركانه تشير إلى الجنوب هو مركز القطب الجنوبي

8- تفاحتين

9- صفر..السفينة كانت لنوح وليست لموسى عليهما السلام

10- أنت السائق.. ما اسمك؟

وبكدة اكون انا اللى جيبت الدرجة النهائية ...

بس بصراحة كان نفسى الاساتذة الكبار يشاركونا " تهامى بية - الشامى - ايهاب - لولا - وغيرهم .....)

نتقابل فى الحلقة القادمة ان شاء الله

[alaashabana]

">بسم الله و الصلاة و السلام على رسول الله

الحقو شوفوا الكمبيوتر لما بيتقفل بيعمل ايه

إضغط هنا لزيارة موقعي

[Bustami]

صباح الخير يا جماعة ,,,,

انا مقدم على الهجر من شهر 8 2007 في مكتب هجرة في الكويت واستلمت الفايل نمبر في 13/9/2007 ,,, انا عندي ماجستير وزوجتي عندها ماجستير وعندي 10 سنين خبرة وطفلين ,,, فكان مطلوب مني اختبار الايلتس 5 , 5 , 5 , 5 في كل قسم منه واليوم استلمت النتيجة والحمد لله جبت 5 , 6 , 6.5 , 6.5 ,,, الحقيقة ( writing + speaking ) من السهل انك توصل ل 7 لكن القراءة والاستماع صعب توصل 7 ,,,,,,,

على العموم انا عندي سؤال ,,,,,,,, ماهي المبالغ التي يمكن الحصول عليها من الحكومة كمساعدة ومتى ممكن الحصول عليها ولكم سنة

شكرا

[alaashabana]

اعلان عن اسماء الذين ساهموا فى المنتدى بمعلومات مفيدة لكل الاعضاء ونرجوا من سيادتهم التكرم زافدتنا اكثر وعدم مقاطعتنا لاننا اتقعلنا بيهم وبكلامهم

انا هكتب الاسماء اللى بجد بندعيلهم واكيد هنسى اسماء كتير علشان كدة ياريت كل واحد حس ان فية حد قدم افادة او معلومة كويسة يكتب اسمة وبعد كدة نرتبهم وبكدة نكون على الاقل قدمنا حاجة ولو بسيطة للناس دى اللى بجد بيساعدونا من قلوبهم

1- أ/ ايهاب سالم

2- أ/ الشامى

3- د/ تهامى

4- جادولى

5- قناوى

6- مدام نونا

7- هبة

8-كابيتشينو

9- لولا

10- حسنى

11- حسام يوسف

12- منى عبدون

13- علاء شبانه

14- البشمهندس ياسر

15- الباشدكتور

16-سى السيد

دول اللى انا افتكرتهم وطبعا مش بالترتيب ... يعنى انا افتكرت الاسماء دى لانهم اثرو فية ولو حد عندة اسماء تانية نضيفهم وبعد كدة نصنفهم

شكرا جداا

[hosiny]

ياااااااااه انا اسمي وسط الناس العسل دي...ربنا يكرمك يا علاء و ده بجد شرف ليا