استشارة اسرية..

[بنت شعنونة]

لي قريب يسكن خارج مصر هوا وزوجته واولاده الصغار

وزوجته ها تنزل مصر قريب هيا و الولاد

لكن قريبنا دا بقى ها يعمل عملية ومش عاوز يقول لمراته

عاوز يقولها بعد ما ترجع مصر :D :cry: :cry:

على اساس انها وهيا وسط اهلها ارحم من وهيا في الغربة

بيني وبينكم انا لو مكان مراته وعرفت انه جوزي ها يعمل عمليه وهوا في بلد تانية ممكن اطب ساكته :shock: :shock:

وانا قلتله كدا

ف قالي انه خايف عليها من بهدلة الغربة

شوروا عليا؟؟

يقولها وهيا معاه

والا لما تنزل مصر؟؟

مين فينا اللي صح؟؟؟؟ :twisted: :twisted: :twisted:

[مصرى]

هناك عديد من المتغيرات لا يجدى معها كتابة روشتة علاج بدون مناظرة كل هذه المتغيرات وأخذها فى الحسبان

يأتى على رأس هذه المتغيرات .. شخصية الزوجة ومدى قدرتها على مواجهة الأعباء والمتاعب والمسئوليات .. ويندرج تحت ذلك متغيرات فرعية أخرى مثل حالتها الصحية ، وتجاربها الحياتية , وثقافتها .. الخ

وكذلك شخصية الزوج .. ومدى خطورة مرضه ..

وأعتقد أن صاحب الشأن متى كان معروف عنه العقل والرشد يكون هو الأقدر على إتخاذ مثل هذا الموقف على ضوء تقييمه لكامل المتغيرات والعناصر التى تحيط به .. إلا إذا كان غير ذلك وهذا ما لا أتصور حدوثه فى الغالب ..

[maksoof]

الأخ مصرى رأيه سليم. والراجل أعلم بزوجته و ما يمكن و لا يمكن أن تتحمل.

يعنى بالنسبة لى لو أنا فى الوضع ده فلازم أقول لزوجتى إنى حاعمل عملية و إمتى حاعملها لإننا مش بنخبى حاجة عن بعض و لو ما قلتلهاش حاتزعل منى لإنها حتعتبر إنى مش واثق فيها. و بصراحة لو الوضع معكوس و هى ما قالتليش أنا حازعل منها جدا.

[goold]

أزيكم

ازيك ياشانا .. هو فعلاً الصراحة راحه .. بالعكس هو من يحتاج الخوف والاشفاق والحنان وهى ده اللحظة المهمه للوقوف بجواره لانه هو الاضعف الان ..

وبعدين كل حاجه بامر الله .. يعنى عندما اندلعت الحرب وبنتى فى مصر انا قولت ممكن نموت هنا بشوية اندركس وهى لوحدها مخفتش لكن وصتها تكون قوية وتتوكل على الله وعرفتها لما نموت وتبقى لوحدها تواجه الحياة ازاى وقبلها لما روحت الحج كنت حاسة احساس انى مش رجعه لية معرفش وكتبت وصيتى لعيالى وسلمتهم كل حاجه واهى الحياه رجعت واستمرت .. يعنى انا شايفه الصراحه والواقعية اريح الطرق واقصرها

ويمكن الناس طبعا بتختلف فى تقديرتها كلاً حسب طباعه ..

[yasser6666]

مش عارف ليه احنا بطبيعتنا نحب نلف وندور في معظم امور حياتنا ...ونعتقد اننا لو اتكلمنا بصراحة حنعمل مشكلة ..خصوصا في موضوع المرض ..........تلاقي المريض في المستشفي بيطلع في الروح وقدامه يومين تلاتة والدكتور بيبقي عارف ويقوله ده انت زي الحصان وبكرة حاكتبلك خروج بلاش دلع !!!!!!!!!!!!ولو سأل حد من اهله علشان يتأكد يكرروا نفس الاسطوانة بالكذب (هو كذب اكيد)...وكأن المريض حيطب ساكت لو واجهناه بحقيقة مرضه !!!!ا أو ان الزوجة حيجلها شلل عندما تعرف بمرض زوجها أو ابنها مثلأ ...........

في حين انه في الخارج مثلأ مهما كانت حالة المريض سيئة فأن الطبيب اول من يبلغه هو المريض نفسه وفي منتهي الجرأة والصلابة يتحمل المريض الخبر بدون صويت أو عويل فارغ بالرغم من حبهم الزائد للحياة .............احيانأ اتعجب كمسلمين ومؤمنين المفروض اننا نزهد الحياة اكثر منهم طمعأ في الاخرة ولكننا ضعاف جدا امام الموت والمرض.....والعجيب والله انك تجد المريض هنا يعرف كل صغيرة وكبيرة عن مرضه ويبلغ به شخصيأ كل من يزوره ويحرص الاطباء علي اعطاؤه كل المعلومات عن مرضه ومراحل خطورته وليس اخر من يعلم......

اسف ياشعنونة خرجت عن الموضوع شوية ..بس النقطة دي تعباني شوية ....علشان كده لازم قريبك يبلغك اسرته كلها واولاده كمان ...هو فيه اهم من اللحظات دي الانسان يحتاج فيها لمن يحبوه !!!!!!!!!!!!!?????????

[احمد رضوان]

السلام عليكم

يا شانا أجمل وأنبل المواقف فى الدنيا موقف تضحية حتى لو بشئ صغير الإنسان بيعيش وقتها لحظة جميلة ممكن ما ترجعش تانى ... انا رأيي الشخصى بالاش نفسد عليه موقف تضحية ... لحظة جميلة

كم هو جميل الإنسان عندما يجود بما يملك على من يستحق

كم هو أجمل عندما يضحى بكل ما يملك فى سبيل من يحب

كم هو رائع عندما يهب التضحية ... دون أن يراه من حب

كم هو نبيل عندما يهب نفسه من يحب ... فى صمت

احمد

[بنت شعنونة]

استاذ رادوس

انا عارفا كلام حضرتك عن التضحية

بس كدا دي تضحية على حسابهم هما الأتنين

من حقها انها تفضل جنب جوزها لآنها اكيد ها تموووت عليه لما تعرف انه في المستشفى

ومن حقه انه يلاقي ايد بتحبه حضناه لما يفوق من البنج؟؟

بعيد عنكم انا جربت يعني ايه تطلع من اوضة العمليات تقعد في اوضة اربع حيطان لوحدك

صدقني

كنت بموت من الحزن الف مرة

ربنا ما يوريكوا :(

[DARWEEN]

الأخت شعنونه ...

هو حسب رأيي أن الراجل ( الراجل الراجل يعني ) دايما بيكون في وش المدفع بحيث يبعد أسرته كبيرا وصغيرها عن أي مشاكل بحيث يكونوا هما في أمان تام ومش مهم هو .... وطبيعي أن الزوجه والأولاد في الغربه خصوصا أنهم صغار السن مش حيقدروا يعملوا أي حاجه

وبعدين طبيعي انه حيخرج من أودة العمليات يلاقي نفسه برضه لوحده في العناية ( مش أنتي دكتورة برضه وعارفه كده )

يهني وجودهم معاه زي قلته أن لم يزيدوه قلقا

وش متغاظ ومفروس وحيطق