لو ربحت مليون جنيه .. كيف تنفقها؟

[se_ Elsyed]

أمونة كتبت

لو جاني مليون جنيه، اولا هاعمل نشرة وتسجيل في وزارة المالية لحصولي على لقب مليونيرة علشان يحطوني في صف العظام،

صف العظام ده مش جنب صف الباطنة وعلى يمين الأنف والأذن والحنجرة .... أفيدينا يا دكتورة شنشن علشان ماتوهش :lol:

[nora]

ايييييييييييه مسبتليش حاجة :shock: :shock: :shock:

عموما هقول ليكم انا لو كسبت مليون اعمل اية :roll: :roll: :roll:

اول حاجة اعملها :هطلع زكاة المال .

ثاني حاجة: هشطب الشقة بتعتي واشتري الجهاز الي عيزاه و اسافر اي حتى اقضي فيها شهر العسل .

وانا الحمد لله طلعه عمرة فهأجل الحج شوية .

وباقي الفلوس اعملهم وديعه واكتبهم باسم اخويا الصغير داركر و اعمل على الاستثمار بتاع الوديعة استقطاع شهري لصالح اي مركز اورام او جهه خيرية والباقي طبعا يكون داركر حر التصرف فيه علشان يكمل تعليمه لحد ما ياخد البكالريوس وبعد كده يعمل بيهم اي حاجة

هو ده الي عيزاه يعني انا مش هاخد منهم غير 150 الف تقريبا للتشطيب والجهاز ولو حسيت اني هزود الغي شهر العسل مش مهم عليا انا مش عيزة حاجة فوق الخيال انا عيزة بس الستر من ربنا وان اخويا يكمل تعليمة :( :(

بس فين المليون دي يبني انا عرفة حظي :? :?

قليل البخت يلاقي العضم في الكرشة :shock: :shock: :shock:

خلوني اروح اشوف الاشغال الشاقة الي ورايا :mad: :mad: :mad:

[Farah]

تصدقوا ان انا مش عرفه اصرف الفلوس دي ازي

[Lancelot]

إديهاني و أنا أصرفها ...... "وش طماع موووووووت"

[abofasad]

يا فرح اليوم

انا متأكد انك او كسبتي فعلا المليون جنيه

وقبل ما تستلميهم حيكونوا اتصرفوا

وبنا يجعل كل أيامك افراح مش اليوم بس

وانت يا لانسلوت

ليه الطمع ده

بدل ما تقول ربنا يباركلها ويبعتللي زيهم

[nora]

شكل الفلوس طارت( وش واحد بيشحت)

[Farah]

نورا انا عرفت دلوقتي ايه اللي مزعللك المليون طار

ولا يهمك اللي رزق بي المليون الاول يرزق بالمليون الثاني والثالث

(وش واحد رافع يده الي السماء بيقول ياراب بارك فيما اعطيت)