أسامة سيد التخريفي

[Simba]

رز هندي

مرق وبهار

سلطة من غير اي خضار

بس فيها خيار

والشمس معاندني

لسه بتطلع برضه بالنهار

اللحمة أتحرقت

مين نسي اللحمة علي النار

ونساني

راح لأقرب جزار

ياعم يا بتاع اللحمة

عايزين نعمل شوربة عدس

وأكل العدس يحتاج أنفار

ماشي يا عدس

لسه لونك أصفر

زي لون الصبح

يا تري انت لون الصبح

ولا الصبح هو اللي لونك

كان زمان الصبح جميل

كان فيه هنا شجرة

فيها عشة عصافير

صبحت الصبح

لقيتني وحدي عاقل

وكل الناس مساطيل

ناس مش عارفة

وناس فلتت من أيدها الدفة

ومجنونة بتزغرد في الزفة

وواحدة بتعزي في اللي امبارح اتوفي

وناس دماغها لفة

وزبون من ابو كام مليون بيشتري تحفة

شفتوا التحفة

العدس من غير شعرية

صبحت الصبح

لقيتني عاقل والناس مجانين

ناس بالكوم من هناك معدية

وناس من الناحية التانية معدية

ده يعدي وده يعدي

وسواق التاكسي

بيسب وهو بيهدي

الناس دي علاجها عندي

يشربوا شوربة عدس

بس شوربة من بتاعتي

ببص في ساعتي

لقيت دي ساعة تخريفي

بس انا ما بخرفش

ساعة ايدي

هدية من أسامة سيد التخريفي

[bentmasria]

هايل بما انك دخلت دنيا التخاريف يبقى بديت طريق التفوق

هايلة

خفيفة

جميلة بجد

شفتوا التحفة

العدس من غير شعرية

صبحت الصبح

لقيتني عاقل والناس مجانين

ناس بالكوم من هناك معدية

وناس من الناحية التانية معدية

ده يعدي وده يعدي

ما تفكرش تسبقهم لا اللى سبقوا فهموا ولا اللورا خسروا

للاسف

سباق ع الفاضى

والفاضى يعمل قاضى

معليش بجملة التخاريف يا اسامة

ربنا يوفقك

البنت المصرية

[Simba]

شرف لي سيدتي بنت مصرية ان اجد لؤلؤ كلماتك هنا

وفخر لي بانه اعجبك