مغتربين فى الخليج ....مهاجرين فى كندا

[ABO ADAM]

يا سيدي منتظرين على أحر من الجمر...

ما تطولش القعدة بره يا عم إيهاب

والله يا دوك أنا في الشغل حاليا :happy:

وبعد الشغل عندنا حفلة باربكيو مع أصدقاء في Lakefront Promenade Park

بعدها ينتهي الفاصل و لو لسه فاضل وقت في اليوم إبقى قابلني

يا صيفك يا كندا :lol:

بردو هانستناك يا ايهاب بية .....

بس انت ابقى افتكرنا بأى حاجة من الbarbeque party

[moheltohamy]

لما يكون حلمك انك تسعد نفسك وتعيش بجد صح او احسن يبقي كندا اقصر الطرق بس تخطط لها صح فعلا ........يعني مش بس تروح تاخدلك جنسيه ولا اي بتاع لا كمان تثبت نفسك عشان تبقي بجد حاسس ان ليك قيمه ومعني وبتقدم جديد في حياتك وكمان تستحق العيشه الصح بجد :angrycop: .........انا معاكوا في اراءكم كلكم فعلا...وبجد ربنا ينولنا وينولني اللي في بالي :big_boss: ......ونشد الرحال علي هناك بقي brd:: .......تحياتي لكل من شارك :gather:

إلحقوا الحقوا...

هيه جالاكسي يا جماعة مقدمة على كندا برضه؟! ولا هيه تقصد حاجة تانية وانا اللي مش فاهم؟! gra:-

لأ ... محتاجين التفاصيل بسرعة يا جالاكسي!

[الأهلاوي الأصيل]

أنا في الخليج زي حالاتكوا

وتحديداً في الكويت بقالي نحو 6 سنوات

بصراحة مفيش حاجة جديدة أقولها أكتر من اللي اتقال إلا إني أحكي تجربتي الشخصية

أنا جيت الكويت من غير قصد هههههه

يعني مكنتش قاصد أسيب مصر تحديداً إنما كنت عايز أسيب الشغل اللي كنت فيه وجاتلي فرصة الكويت قلت ليه لأ..هوب رحت جاي على هنا

بصراحة أول 3 أو 4 سنوات مادياً ما عملتش حاجة تقريبا، وابتدت أحوالي تتحسن في العامين الأخيرين فقط والحمد لله على كل حال

إنما بقى مساويء الحياة في الخليج أو في الكويت بشكل خاص ، بصراحة انتوا قلتوا كل حاجة

الخليج الميزة الوحيدة فيه الفلوس وبس، حتى الميزة دي بتتآكل مع الزمن في ظل الارتفاع المتزايد للأسعار وتحديداً السكن اللي زاد بشكل فلكي وغير مبرر

إنما لا معاملة طيبة ولا إحساس بالأمان ولا أي حاجة، في الكويت تحديداً عنصرية بغيضة ومقيتة ضد كل من هو غير كويتي كـأنك إنسان من الدرجة العاشرة أو مش إنسان على الإطلاق، لو بتشتغل في قطاع خاص هتتطحن ويطلع عين اللي جابوك ولو بتشتغل في حكومة هتبطرخ وتتعلم منهم الكسل والتنبلة

فكرت من سنتين في حكاية الهجرة إلى كندا وسألت على تفاصيله لكن للأسف مكنش عندي الإرادة الكافية للمضي قدماً في الموضوع

إنما من شهرين بالتحديد بعت الأبليكشن إلى لندن، ومازلت في انتظار الفايل نمبر، طبعاً لسه المشوار طويل قدامه 3 سنوات على الأقل حسب ما قريت في المنتدى بس المهم إني أخدت الخطوة الأولى ومشوار الألف ميل يبدأ بخطوة، آه فيه حاجة كمان مهمة أنا حالياً بصدد مراسلة الجامعات للحصول على منحة دراسية لعمل الدكتوراه في كندا، ومين عارف يمكن في خلال أقل من سنة إن شاء الله أكون هناك وأكمل ملف الهجرة وأنا داخل كندا نفسها.

نسيت أقول حاجة مهمة

لو فكرت بينك وبين نفسك إنت محتاج الفلوس ليه...عشان لو مرضت تتعالج، طيب لو الدولة اللي عايش فيها وفرت العلاج على أعلى مستوى وبالمجان

عشان تعلم أولادك تعليم كويس...الدولة هتوفرلك التعليم الكويس لأولادك

عشان لو تقاعدت أو فصلت من عملك تلاقي مصدر دخل تعيش منه...الدولة متكفلة بده

طيب عايزين إيه تاني أكتر من ده

ليه الواحد ما ينجوش بنفسه بعيد عن العنصرية والقبلية والاستعلاء والكبر اللي الواحد شايفه في الخليج

ويروح مكان يتعامل فيه بنظافة واحترام وآدمية...

الحياة فيها حاجات كتير تانية أهم من الفلوس

[samehelassad]

بص يااهلاوي كلامك عن الخليج كلة صح.

وكلامك عن كندا برضة صح.

بس المشكلة اللي محدش عارف يلاقيلها لسة حل في كندا هو العمل في مجالك لو كان مجالك من ال regulated job.

اما بلنسبة لمراسلة الجامعات والدكتوراة وكدا انا شايف ان الموضوع صعب جدا جدا جدا. انا معايا ماجستير وببحث عن منحة او حتى قبول في جامعة لدراسة الدكتوراة ومش لاقي. كل الجامعات عاوزة قبول من بروفسير فيها ان يكون مشرف عليك وطبعا محدش بيرد او بيردو يقولو ان معندهمش اماكن. انا مبقلش مستحيل ولكن براسل بقالي ثلات سنية ومحدش عبرني الا واحد في استراليا ولما الموضوع خلص معاة ووافق وودى ورقي لل international student coordinator الجامعة هي اللي طنشت تكمل معايا. انا مستني لما يجيلي رد من السفارة واعمل لاندنج انشاء الله ابقى اسئل بنفسي على الموضوع دة face to face فمتتوقعش الموضوع سهل

[عصام أبوالفتح]

رب أخ لك لم تلده أمك

شعور دافئ وجميل وانا اقرا كلماتكم التى احسست انها من قلبى وعقلى فعلاً

نحن المغتربين المصريين كالالكترونات النشطة التى تدور فى مدارها باستقرار وصبر الى ان تكتسب طاقة الكوانتم فتنطلق للمدار الاعلى .. وفى جميع الاحوال تجدها منجذبة بقوة عجيبة الى مركز الذرة لتدور حولها ايضا ولكن فى مدار وبطاقة مختلفة .

[galaxy]

لما يكون حلمك انك تسعد نفسك وتعيش بجد صح او احسن يبقي كندا اقصر الطرق بس تخطط لها صح فعلا ........يعني مش بس تروح تاخدلك جنسيه ولا اي بتاع لا كمان تثبت نفسك عشان تبقي بجد حاسس ان ليك قيمه ومعني وبتقدم جديد في حياتك وكمان تستحق العيشه الصح بجد :lol: .........انا معاكوا في اراءكم كلكم فعلا...وبجد ربنا ينولنا وينولني اللي في بالي smk: ......ونشد الرحال علي هناك بقي :lol: .......تحياتي لكل من شارك :D

إلحقوا الحقوا...

هيه جالاكسي يا جماعة مقدمة على كندا برضه؟! ولا هيه تقصد حاجة تانية وانا اللي مش فاهم؟! B)

لأ ... محتاجين التفاصيل بسرعة يا جالاكسي!

ما تحرجنيش بقي يا دكتور تهامي wst:: ...........الموضوع وما فيه اني بفكر من اكتر من سنه انا واخواتي........بس بالنسبه ليا شخصيا في البيت مش متحمسين اني اتحرك لموضوع زي دا لوحدي يعني...........عشان كدا بقنعهم يعني ان من هنا لوقتها لو فيه نصيب ان شاء الله للهجره تكون الامور اوضح علي الصعيد الشخصي .......وكمان معتمده ان اخواتي هيقدموا هما واسرهم وبيحضروا الاوراق حاليا وبالتالي ممكن الموافقه بتاعه البيت تبقي اسهل لاني مع اخواتي وصعب اكون هناك لوحدي .....عموما الموافقه المبدئيه للبيت موجوده بس خايفين وانا كمان بصراحه :D ........... بس متشجعه بأخواتي بجد bsh:) ..........وان شاء الله بحضر في الورق حاليا حتي اشعار اخر .....وربنا يعمل اللي فيه الخير :P ....بس يا سيدي ادي الحكايه. :P

[moheltohamy]

يا سيدي يا سيدي... هوه ده الكلام :D

وساكتة يا جالاكسي يا سوسة ، كل الزمن ده ، ولا جبتي سيرة؟! smk:

بس والله فرحتيني... كندا هتنور عن قريب بجد ، والقعدة هتحلو هناك.

وساعتها - على رأي اللي قالها - نغير إسم القهوة بتاعتنا دي ، ونخليها محاورات الكنادوة :D

وفعلاً من 4 سنين قلت الكلمة دي: يا جماعة كندا مش مستنية أبو سعد يروح لها! الله أعلم الدنيا هيحصل فيها إيه بعد 4 سنين! ولو حصل والظروف عاكست ، هاروح أعمل تنازل عن الهجرة واسحب الملف من السفارة. أو أروح أعمل لاندنج وارجع تاني ، وأبقى حفظت فرصتي ف الهجرة لــ 3 سنين أدام! الله أعلم إيه اللي ممكن يحصل بعد 3 سنين تانيين! :P

وبعد 4 سنين من الكلام اللي قلته ده... إتضحلي إني كنت على حق.

شدي حيلك ... وبالتوفيق يا رب... وطمنينا على أخبارك. :lol:

[ramiesm]

والله يا جماعة انتو قلتو كل اللي الواحج حاسس بيه سواء عن مصر زي ما دكتور التهامي قال أو عن الخليج زي ماكل اللي هناك قالوا ..وأنا زيكم بقالي أربع سنين في السعودية الواحد حاسس انه جاله تخلف على كل المستويات والله و بقالي سنه اهو بادرس في موضوع الهجرة من كل النواحي و كنت ناوي على استراليا و جهزت ورقي خلاص بعدين لقيت د التهامي و د الشامي رايحين كندا !!! قولت الله طب و انا هاروح استراليا لمين؟ :closedeyes: قولت يللا كندا كندا و أهو نبقى برضو مع الناس الحلوة دي و طالما في اتنين دكاترة رايحين يبقى أكيد هتحتاجو صيدلي :closedeyes: مش كلنا تيم ورك واللا ايه يا رجالة :ninja: :blink: wst:: wst::

المهم انشاء الله 10 أيام بالضبط و الورق يبقى في لندن و نبدأ رحلة المذاكرة من تاني و ربن يسهل.... و ربن يخلليلنا المنتدى ده علشان يجمعنا كدة من الخليج الى كندا

[qenawy]

طالما في اتنين دكاترة رايحين يبقى أكيد هتحتاجو صيدلي whistling.gif مش كلنا تيم ورك

اوانا متبرع ان اكون العيان بتاعكم مع اني دكتور

[moheltohamy]

والله يا جماعة انتو قلتو كل اللي الواحج حاسس بيه سواء عن مصر زي ما دكتور التهامي قال أو عن الخليج زي ماكل اللي هناك قالوا ..وأنا زيكم بقالي أربع سنين في السعودية الواحد حاسس انه جاله تخلف على كل المستويات والله و بقالي سنه اهو بادرس في موضوع الهجرة من كل النواحي و كنت ناوي على استراليا و جهزت ورقي خلاص بعدين لقيت د التهامي و د الشامي رايحين كندا !!! قولت الله طب و انا هاروح استراليا لمين؟ wst:: قولت يللا كندا كندا و أهو نبقى برضو مع الناس الحلوة دي و طالما في اتنين دكاترة رايحين يبقى أكيد هتحتاجو صيدلي wst:: مش كلنا تيم ورك واللا ايه يا رجالة bv:- bv:- bv:- bv:-

المهم انشاء الله 10 أيام بالضبط و الورق يبقى في لندن و نبدأ رحلة المذاكرة من تاني و ربن يسهل.... و ربن يخلليلنا المنتدى ده علشان يجمعنا كدة من الخليج الى كندا

تصدق والله إني ما كنتش متخيل إن الكلام هيجيب على كده؟!

بقى أنا - دانا غلبااان - كنت من ضمن الأسباب اللي هتجيبك من استراليا لكندا؟! I'm flattered :closedeyes:

وكمان أول مشاركة ليك معانا؟! I'm blessed :ninja:

وكمان نبقى تيم ورك مع بعض؟! I'm lucky بقى :blink:

وأحلى كابوتشينو من تيم هورتونز ليك لما تشرفنا هناك بزيارة ، ومش خسارة فيك الدولار و53 سنت :closedeyes: (ممكن نقسم تمنة أنا ود. الشامي)

[شموع]

خدوني معاكم :closedeyes:

انا بفكر عمل زيكم البركه فيكم

بس مش مكملة النقاط :closedeyes:

ممكن حد يسلفني كم نقطة :ninja:

[ABO ADAM]

شوفو بقى يا رجالة (ويا ستات بردو)......

احنا خلينا كدة مع بعض و نعمل فى كندا ان شاء اللة "كفر الكنادوة"

و العمدة يبقى الكبير بتاعنا الدوك التهامى.....عمدة كفر الكنادوة

و اللى يروح الأول يطمنا

وجايالك بقلبى جييييييللك يا كندا(مصر سابقا)...مع الاعتذار للفيلم

[moheltohamy]

شوفو بقى يا رجالة (ويا ستات بردو)......

احنا خلينا كدة مع بعض و نعمل فى كندا ان شاء اللة "كفر الكنادوة"

و العمدة يبقى الكبير بتاعنا الدوك التهامى.....عمدة كفر الكنادوة

و اللى يروح الأول يطمنا

وجايالك بقلبى جييييييللك يا كندا(مصر سابقا)...مع الاعتذار للفيلم

يا سلام يابو آدم ... بتحرجونا يا عم بكلامكم ده!

المشكلة الوحيدة إني ... I don't eat from this :wub:

وأنا من هذا المكان (من فوق كرسي العمودية) ، باتنازل عنها بطيب خاطر لريسنا إيهاب سالم :lol:

واتفضل يا عم إيهاب ... تاااااااااااااج الجزيرة!

ومبروك عليك الكرسي ، ويجعله عامر... تقولشي هتاخد فلوس!

سلامو عليكو wst::

[badroora]

فى مصر كان كل التفكير متمركز على الخروج منها والخليج كان بالنسبة لمعظمنا طوق النجاة :lol:

وبما اننا ناس متطورين ودايما نبحث عن كل ماهو فريد ومفيد فمن الطبيعي تكون الخطوة الاعلى الهجرة

الخليج هتقعد على قد ما تقعد غريب وحتى لو فكرت تاخد جنسية مع انى لا اشجع جمع جنسيتين عربيتين ولكن هتحتاج 15 سنه

فى سبيل انك فى كندا او اى بلد تهاجر لها ممكن خلال 5 سنوات تكون طورت شهادتك وعاليت الخبرات بتاعتك وتعلمت ثقافة جديدة

وفوقهم كمان جنسية ترجع الخليج او مصر زى ما تحب مرتبك بقدرة قادر زاد النص او الدوبل معندكش مشكلة كفيل يتحكم فيك ويبقي ولى نعمتك

تبقي حر وتتنقل بين كندا ومصر والخليج براحتك بقي الفلوس موجودة والباسبور مساعد يبقي ليه لاء

انا جبتلك الخلاصة واعتقد معظمنا وانا منهم بنفكر كدا صدقنى مافيش احسن من الحياة فى الدول العربية سواء مصرية او خليج

يكفى يوم عيدك بتلاقي الناس بتعيد ويوم الجمعة تلاقى ناس بتصلي وتحتفل

انا بيصعب على اوى اخوانا المسيحين لما تلاقيهم يوم عيدهم يوم عادي وحظهم حلو لو اخدوه اوف

الحال دا بقي هيكون كدا لما نهاجر يوم جمعتنا مش هيكون لينا والعيد ممكن تكون بتشتغل ومش بتعيد

لكن مافيهاش حاجة الواحد يستحمل لحد ماياخد الجنسية ويبقي يفرح بالعيد ورمضان بعدين

مع تمنياتى لك وللجميع بالتوفيق للخير ان شاء الله

تم تعديل 22 يوليو 2008 بواسطة Badria Mekkawy

[capitshino]

:blush2:

الخليج هتقعد على قد ما تقعد غريب وحتى لو فكرت تاخد جنسية مع انى لا اشجع جمع جنسيتين عربيتين ولكن هتحتاج 15 سنه

جنسية مين يا حاجة ... فال الله ولا فالك

وبعدين نروح هناك وموضوع الفرح ده بعدين نشوف له حل

[iloveegypt]

بصراحة ومن الاخر السفر لكندا للتعلم ماشى اخد جنسية وارجع مصر او الخليج ممكن بس اعيش انا وولادى فى مجتمع غير مسلم والله يا جماعة دى مصيبة

انا مش عارف الدنيا وخدان اوى كده ليه

احنا نسينا ان فى اخرة

ان اكلها دقة وعيش حاف ومعدش فى بلد مش مسلمة انا اعرف نماذج امامى للجيل الثانى من المسلمين ضيعين جدا من الاخر نسوا انهم مسلمين

انا عارف ان كلامى صعب على البعض بس دى الحققيقة المرة الا اذا كانت هتعيش وسط مجتمع مسلم فى الغرب ودى برضه مش مضمونة ياجماعة الحياة هاى لايف والفلوس مش كل حاجة اهم حاجة الدين وتريبة الاولادفى جو مسلم ومصر او الدول الاسلامية عيوبها الاساسية انخفاض مستوى المعيشة ايه يعنى بس منخسرش الاخرة

ولما تيجى الاخرة هتقول لربنا انا هاجرت علشان شوية فلوس او الحياة فى مصر او الخليج كانت مش هاى لايف ربنا يستر علينا وعلى الجميع

ومش عايز حد يزعل منى بس دى وجهة نظرى

[samehelassad]

اختي العزيزة بدرية (نجفة) انتي هنا كمان يامرحبا يامرحبا. ومهاجرة كندا زي حالاتي ياسيدي ياسيدي. عموما انا عاوز اقولك تسلم ايديك على معلوماتك العظيمة اللي اديتيهالي عن البحرين وعموما موضوع البحرين دة باظ. وانشاء الله يكون لينا نصيب نتقابل في كندا مدام مفيش نصيب في البحرين وربنا يكرمك انتى مقدمة من امتى؟ وعاوزة تروحي فين؟

[ABO ADAM]

شوفو بقى يا رجالة (ويا ستات بردو)......

احنا خلينا كدة مع بعض و نعمل فى كندا ان شاء اللة "كفر الكنادوة"

و العمدة يبقى الكبير بتاعنا الدوك التهامى.....عمدة كفر الكنادوة

و اللى يروح الأول يطمنا

وجايالك بقلبى جييييييللك يا كندا(مصر سابقا)...مع الاعتذار للفيلم

يا سلام يابو آدم ... بتحرجونا يا عم بكلامكم ده!

المشكلة الوحيدة إني ... I don't eat from this

وأنا من هذا المكان (من فوق كرسي العمودية) ، باتنازل عنها بطيب خاطر لريسنا إيهاب سالم

واتفضل يا عم إيهاب ... تاااااااااااااج الجزيرة!

ومبروك عليك الكرسي ، ويجعله عامر... تقولشي هتاخد فلوس!

سلامو عليكو

ايوة كدة عايزينك انتا وأيهاب بية تنوروا الtopic كدة .....وعقبال الدوك الشامى ان شاء اللة

احكولنا كمان عن خبرتكوا و مغامرتكم,,,,,, وانا من اكبر المعجبين و المشجعين

و بالنسبة ل( كندا) اللمبي قالها :

الحب الحب , الشوق الشوف , مشتاق مشتاق , بولوبيف بولوبيف.......

[محمد عيسى]

استاذنا القدير جداً الافوكاتو ذكر في موضوع الهجرة إلى استراليا كلمات تنقش بحروف من ذهب، و الحقيقه أنه لا يقدر على كتابتها سواه:

يتحكم فى قرار الهجرة عدة عناصر, يمكن شرحها على الوجه الآتى:

العنصر الأول يتصمن " العوامل الطاردة".

و العنصر الثانى يتضمن " العوامل الجاذبة"

و العنصر الثالت, يتضمن " العوامل المرجحة"

العنصر الأول يتكون من عدة عوامل تشارك فى دفع المواطن إلى التفكير فى الهجرة. و هذه العوامل هى:

1- الحالة الإقتصادية, و إنعكاسها على المواطن, مثل ندرة العمل, قلة المرتبات, إرتفاع الأسعار المستمر... الخ

2- الحالة السياسية: مثل ديكتاتورية الحكومة, تقييد الحريات, الفساد السياسى, تعرض الدولة لخطر الحرب نتيجة سياستها العدوانية أو الحمقاء... الخ.

3- الحالة ألإجتماعية: ينمى أغلب المثقفين إلى أدنى .. إلى ... منصف الطبقة المتوسطة, و هناك عدد كثير من المثقفين غير راض عن تقاعده فى هذه الطبقة , و يرغب أن تكون مكانته الإجتماعية فى أعلى الشريحة.

4- صعوبة الحياة, و يعرفها جيدا من يعيشون فى مصر, وهى نتاخ خليط من كل العوامل السابق ذكرها, مثل حالة الشارع المصرى, رداءة الطرق, إختناق المواصلات, الثلوث البيئى و السمعى, رداءة المنتجات المحلية, ضرورة الواسطة للتمتع بحياة أقل قسوة.

5- الثقافة, كثير من أفراد الشعب المصرى يؤمنون بأن التعليم المصرى أصبح متدنيا, وأن فرص الحصول على مؤهلات ناجحه, مُنجحة, من الخارج, هى الحل السحرى لكل مشاكل مصر.

كانت هذه هى العوامل التى تكون عادة فى خاطر الشخص, حتى قبل إتخاذ قرار بالهجرة, و تشبه هذه الحالة ظاهرة الجاذبية المغناطيسية. فالسالب ينجذب للموجب, و الموجب ينجذب للسالب, و لكن يحب أن يتوافر القطبان لكى تتم حركة البوصلة فى إتجاه القطب الجاذب.

و فى موضوعنا هذا, يتواجد العنصر الطارد عادة قبل إدارك المواطن أن فى إمكانه الإنجذاب إلى القطب الآخر, الذى أسميه: العنصر الجاذب. وهو عدد من المزايا التى ننوافر فى دولة أخرى , مما يجعلها "فى خيال المواطن" حنة الله فى أرضه".

فالعنصر الثانى , أى العنصر" الجاذب", يحتوى على أكثر العوامل التى ذكرتها فى العنصر الأول, و لكن " بإيجابية"

1- الحالة الإقتصادية منتعشة. الأعمال متوفرة, مستوى المعيشة مرتفع, مشروعات فردية و فرص إستثمار متاحة... الخ

2- الحالة السياسية خالية من تعقيدات البلد الطارد, و الحريات لا تقيد إلا فى حدون القانون, الذى يطبق على الجميع بالتساوى, القانون يحترمه الجميع, لا ديكتاتورية و لا فساد سياسى.. الخ

3- الحالة الإجتماعية تكون عادة أفضل, حيث أن الناس لا يتم تقيمها إجتماعيا على أساس الوظيفة, أو المرتب, أو المهنة, فالكل ( إجتماعيا) يفترض أنه متساو.

4- الحياة قد تكون صعبة, و لكنها ليست مستحيلة كما هى فى حالة البلد" الطارد"

5- الثقافة مستواها أعلى من البلد الطارد, التعليم العلمى متقدم و تشجيع البحث العلمى متوفر, و مستىو الجامعات مرتفع.

أما العوامل " المُرجحة ", فهى كالآتى:

1- اللغة: ينجذب الشخص إلى بلد يعرف لغتها, فمن درس فى المدارس الفرنسية سيفضل الهجرة إلى بلد يتحدث أهلها باللغة الفرنسية, مثل فرنسا, أو كندا( الجزء الفرنسى) أو إحد الدول الأفريقية التى تتحدث بهذه اللغة, مثل " مدغشقر" كما يفضا من تعلم اللغة الإنجليزية أن يهاجر إلى نيوزيلاندا, أو أستراليا, أو حتى جنوب أفريقيا... و هكذا.

2- العامل المرجح الثانى هو وجود أصدقاء أو أقارب فى البلد الذى يزمع الشخص الهجرة إإليه.

3- العامل مرجح الثالث هو مصاريف الهجرة, فالمهاجر سوف يختار ( أحيانا) البلد ألتى لا تكلفه الهجرة إليها أكثر من طاقته

4- الديانة, و لا يوجد مبرر لشرح هذا العامل, فالكل يفضل بلد يستطيع فيه ممارسة ديانته بحرية, و أمان.

5- الأحلام الوردية, و سأترك هذا "العامل" بلا شرح.

هذه هى العوامل التى تتفاعل, وفى النهاية , تؤدى إلى إتخاذ القرار النهائى, و لكن العوامل المرجحة لها تأثير كبير على الناتج النهائى, لأنها أحيانا تتضمن عامل حيوى مهم, يؤدى اإلى ترجيح مكان على آخر.

http://www.egyptiantalks.org/invb/index.ph...mp;#entry189267

[التغيير]

موضوع رائع يا جماعة.... :aslam: