كندا التي رأيتها :)

[ehabtaher]

http://www.ashworthcollege.edu/programs/healthcare/

انا شايف من راىى المتواضع ان الجامعه دى والدراسات اللى فيها وكله عن طريق النت حتساعد المهاجرين فى العمل بكندا لانى فى راىى ان الواحد بيهاجر على مكان جديد يبقى يفكر فى عمل جديد الا اذا كان عايز يعمل معادله mf_frankie.gif

[ehabtaher]

بعد التحيه والشكر على الاخبر اللى نشرتها فى قوهتك وبتعط مل للاطباء ان ممكن يعملوا فى كندا فى نفس المجال لطبى ولو انه مجال مافيهوش حاجه عدله الا انه مساعده للاخرين وانقاذ حياه وده فى حد ذاته شىء مهم بيشيل عننا ذنوب كتيره

جزاك لله خير عن كل ماعملته لينا خاصه (الاطباء المطحونين فى مصر) ولكل اللى عايزين يهاجرو لكندا

احب ازود ان فيه جامعه كنديه مش فاكر اسمها تقريبا اشفورد حابقى اجيب الرابط بتاعها المره اللى جايه

ودى فيه كورسات كتيره online , وفى حدود الف دولار

اعتقد انها برضه حاتبقى مفيده لمن هم غير الاطباء ويحبو يشتغلو فى كندا قبل مايعملو المعادله فى وظيفه محترمه وتشبه مجالهم السابق

عدله هنا تعود على المجال الطبى فى مصر والخليج وليس فى كندا

[revairawhite]

أخي د. تهامي

هذة هي أول مشاركة لي في قهوتك أ صل انا من فترة وصدري ملبش من المعسول المغشوش الي في المقاهي التانية

لا بجد ان بكتب علشان اشكرك جدا انا قريت المنتدي كله من فترة وكنت بكتب ملاحظات علشان استفيد منها لما انا اروح كندا, وانا لان في كندا من حوالي 40 يوم وحقيقي كانت مفيدة جد ا لدرجة ان بعض المصرين هنا كانوا بيسالوا انت عارف الحاجات دي منين انت لسه واصل جوبت اصل ان كنت بذاكر من وراكوا وبخد درس في كندا سيكولوجي, وخدلي بالك wst:: فا بجد الف شكر.

بعد اذن المعلم طبعا احب اضيف حاجة بسيطة للجماعة الي بيفكروا يعملوا اللأندج ويرجعوا مصر وبعدين يجوا كندا تاني بعد 3 سنين علشان الجنسية, وده موقف حصل لواحد صحبي كان بيعمل اللاندج معايا, كان بيترجم رخصة القيادة المصرية علشان يطلع الرخصة وهو هناك لقي ناس جاية تترجم جوازات السفر فاستغرب وسأل الست (وهي كانت بردة مصريه ) هو حد بيترجم الجوازات فهي ردت وقالت لا دول بيترجموا الاختام بتاعة الدخول والخروج الي علي الجواز وضحكت وقالت ايام زمان راحت :)

علي فكرة يا دكتور احنا جيران

[ehabtaher]

تاريخ كندا ( من الأكتشاف حتى الأستقلال )

من المرجح ان يكون سكان كندا الاوائل قد قدموا من أسيا . في الوقت الذي كانت فيه سيبريا ما زالت متصلة بألاسكا . وبالرغم من أنهم يعرفون بالهنود الحمر الا أنهم في الواقع ليسوا هنودا علي الاطلاق . والسبب في أطلاق هذا الاسم عليهم هو أن من وصل الي كندا من المكتشفين الاوربيين الاوائل. ظنوا أنهم قد أكتشفوا جزر الهند الغربية .

والهنود الكنديون قريبو الشبه في الواقع بالمنغوليين الذين يقطنون شمال شرق أسيا . ولقد أعتادوا حياة التجوال . يعيشون علي القنص وصيد السمك . لكن الوقت ما لبث أن حان ليبدأوا في الاستقرار . ، وعلي الأخص في الارض الخصبة المحيطة (بالبحيرات الكبري) ومن ثم أخذوا يفلحون الأرض . وكانت (الايروكويس) واحده من أقوي جماعاتهم ، واليوم يحيا الهنود أساسا في أماكن وقفا عليهم.

فرنسا الجديدة

هذا هو الاسم الذي أطلق علي المواقع التي أستقر بها الفرنسييون في كندا ، ولقد أعتمد المستوطنون في معاشهم علي تجارة الفراء يتداولونها مع الأصدقاء من هنود (الهورن ) لكن حربا ضروسا نشبت عام 1648 مع هنود (الايرو كويس) _ تلك الحرب التي ابيد فيها معظم الهورن و معهم الكثير من الارساليات الفرنسيه . ولقد كان من المحتمل ان تمحي (فرنسا الجديدة) كلية ، ولكن حكومة لويس الرابع عشر قررت عام 1663 أقامة حكومة ملكية هناك . بيد ان فرنسا الجديدة لم تزدهر مع ذلك بسرعة كبيرة ، فقلة من الفرنسيين هم الذين كانوا يرغبون في الرحيل للأستقرار في كندا ، والكثير من اولئك الذين أقدموا علي ذلك (من الفرنسيين المضطهدين لأعتناق البروستانتيه ) لم يسمح لهم بالرحيل.

المكتشفون الأول

كان (الفايكنج ) هم أول من وطأت أقدامهم أرض كندا من الأوربيين ، فمنذ حوالي 1000 عام جنحت أحدي سفن الفايكنج عن مسارها ، وبدا لها شاطىء القارة المجهولة . ومن المعتقد أن الأسكندنافيين بقيادة قائدهم (ليف ايركسون ) استقروا في البلاد . واذ كان هؤلاء لم يعودوا الي وطنهم ، فقد ظل الاوربيين علي جهلهم بالقارة الامريكيه طوال 400 عام أخري ، وأستمر الأمر كذلك حتي سنة 1479 عندما أقلع الملاحان الايطاليان جون وسباستيان كابوت _ اللذان كانا في خدمة هنري السادس ملك أنجلترا – من برستول وأكتشفا نيو فونلاند . وكتب كابوت (يغطي السمك البحر هناك ويمكن صيده ليس بالشباك وحدها بل وبالسلال أيضا ) ثم اعلن ضم (نيوفوندلاند ) وما يعرف الأن ب (نوفاسكوشيا ) الي ملكه.

المكتشفون الفرنسييون

ومنذ ذلك الحين دأبت العديد من الأمم الأوربية علي أيفاد البعثات لأستكشاف كندا ، وأعلان حقهم في أمتلاك الأرض ، وكان الفرنسيون سباقين في هذا المجال، فقد تتبع المكتشف العظيم (جاك كارتييه) نهر سانت لورانس من منبعه وسط اليابسه الي البحيرات العظمي ، وحذا (صمويل دي شامبلين)حذوه من بعده . وتم تأسيس مدينة (كويبك ) عام 1608 و ( مونتريال ) عام 1642 . وفي سنة 1683 نظم أعظم المكتشفين الفرنسيين _ لاسال_ بعثة سلكت مسار المسيسيبي منحدرة الي خليج المكسيك وأعلنت أن الارض كلها ملك فرنسا .

الحرب بين الفرنسيين والانجليز

بالرغم من استقرار الانجليز اساسا علي طول ساحل الاطلسي بعيدا في الجنوب ، الا ان كندا كانت تستهويهم كذلك . وفي عام 1670 اسس الامير روبرت ومعه 17 من سادة الانجليز (شركة خليج هدسون) وهكذا أخذ الفرنسييون والانجليز يتنافسون أنذاك للسيطرة علي تجارة الفراء . وفي 1713 وبمقتضي معاهدة ( أترخت) كان علي فرنسا ان تتخلي عن (نيوفوندلاند ) و (نوفاسكوشيا) وعلي أثر ذلك بذل الفرنسيون جهدا عظيما لتدعيم مركزهم ، فقد شيدوا (لويزيانا ) في الجنوب ، وبنوا خطا من الحصون يربطها بفرنسا الجديدة ويحف بالمستعمرات الانجليزية علي الساحل .

وبلغت الأمور ذروتها في حرب السنوات السبع (1756-1763) اذ ساءت حال الانجليز في بادىء الامر ، وحلت كارثة بالحملة المكلفة بالأستيلاء علي حصن ديوكسين الفرنسي . لكن الدوائر دارت بعدئذ ، اذ أشرف علي الحرب بعد ذلك واحد من أعظم وزراء الحرب البريطانيين هو (ويليام بيكيت ) الكبير . ولقد تم الاستيلاء علي عدد من الحصون الفرنسية ، ثم بضربة ذكية أقتحم الجنرال وولف (كويبك) . وبناء علي (صلح باريس) أصبحت كندا كلها بريطانية ، مع أن قيمتها الأقتصادية كانت في ذلك الحين بالغة الضألة ، حتي أن الكثير من الناس تمنوا لو أن بريطانيا أحتفظت بجزيرة ( جواديلوب) بدلا من كندا .

مستعمرة بريطانية

بعد حرب السنوات السبع عاملت بريطانيا مستعمراتها الجديدة معاملة كريمة ، فلم تحاول قط التدخل في ديانة المستوطنين الفرنسيين أو عاداتهم ، وسمح لهم بالأحتفاظ بقوانينهم الخاصة ، كما أن الكنيسة الرومانية الكاثولوكية عوملت بأحترام . ونتيجة لذلك فأنه بعد حوالي 10 أعوام عندما أندلعت الثورة الأمريكية لم يكن للكنديين شأن بالمتمردين الأمريكان ، بل لقد قاوموا بشراسة غزو بلادهم . وفي نهاية الحرب عندما حصل الأمريكان علي الاستقلال ، لجأ حوالي 40000 أمريكي الي كندا ممن رفضوا الأنضمام الي الثورة – أولئك كانوا المواليين للامبراطورية المتحدة والذين أثروا البقاء في الامبراطورية البريطانية ، وهكذا استقر بهم المقام في (نيوبرنزويك) و(كويبك ) و (اونتاريو) .

وفي الاعوام من 1793-1815 ، عندما أشتبكت بريطانيا في صراع حياة او موت مع نابليون ، لم تبدر من الكنديين الفرنسيين بادرة لمعاونة فرنسا . كان السلام يسود البلاد ، وتم حينئذ أكتشافات كثيرة للأرض المجهولة في الشمال والغرب ، فقد أنطلق الرجال ذوو القلانس من الفراء ، في زوارقهم الصغيرة يرودون الشمال المتجمد ، وكان ( ألكسندر ماكنزي) واحدا منهم ، وهو أسكتلندي من سكان الجبال ، فقد شق بزورقه الطريق في نهر كبير مجهول ، أطلق عليه أسمه فيما بعد ، فقاده ذلك النهر الي المحيط المتجمد الشكالي . وبعد ذلك بأربعة أعوام ، وفي نهاية رحلة كلها (عناء لايوصف) وصل الي المحيط الهادي – وبذلك كان أزل رجل ابيض يعبر القارة من ساحل الي أخر . كما قام أسكتلندي اخر هو اللورد سيلكرك بتشييد مستعمرة في وادي ( النهر الاحمر ) بالقرب من موقع مدينة (وينيبج) الحديثة.

كندا من الدومنيون

بالرغم من ان كندا ظلت علي ولائها لبريطانيا أثناء الحرب النابليونيه ، الا أنه كان من المحتم الا تظل راضية ببقائها مستعمرة بريطانيه علي رأسها حاكم ومجلس تعينه لندن ، فمن الطبيعي ان يهفو الكنديين الي حكم انفسهم والي السيطرة علي بلادهم .. ودار حديث الثورة ، وفي 1837 أندلعت الثورة التي سرعان ما قضي عليها المتطوعون الموالون وقوات المليشيا . لكن التوتر والتبرم ظلا كما هما .

وقد ادركت الحكومة البريطانية أن من الواجب صنع شيئا ما . وأرسل نبيل مشهور من حزب الأحرار هو ( ايرل دورهام ) حاكما لكندا مزودا بالاوامر لكتابة تقرير عن الوضع فيها و اسداء النصح فيما يجب ان يكون عليه مستقبل البلاد . وكانت نتيجة تقرير (دورهام) الشهير أن أوصي بوجوب حصول كندا علي الحكم الذاتي الكامل الي حد بعيد ، وكان ذلك فكرة ثورية انذاك ، فلم يسمع أحد أبدا عن مستعمرة سمح لها بأن تحكم نفسها.

وعلي اية حال فقد وافقت الحكومة البريطانية علي ذلك ، وفي 1841 أصبحت كندا حرة في أختيار حكومتها الخاصة ، فقد كان تقرير ( دورهام ) ذا أهمية حيوية فلولاه لكانت كندا ستنفصل غالبا كما فعلت المستعمرات الأمريكية .

ولقد أصبحت كندا بحق عضوا في الدومنيون البريطاني عام 1867 . ففي ذلك العام وافق كويبك و أونتاريو و نوفاسكوشيا ونيوبرنزويك والتي كانت منفصلة تماما حتي ذلك الحين – وافقت علي أقامة أتحاد كونفدرالي ، بمعني أنها ستحتفظ بقوانينها المحلية ومجالسها الأقليمية ، ولكن سيكون ثمة مجلس نيابي أتحادي له الكلمة العليا في جميع الشئون الهامة مثل الشئون الخارجية .

الاستقلال التام

في العوام التي تلت الاتحاد ، أشترت كندا الأقليم الشمالي الغربي من شركة خليج هدسون ومنها كونت مقاطعات البراري : مانيتوبا ، و ساسكاتشوان ، والبرتا . وفي 1871 انضمت كولمبيا البريطانية الي الاتحاد . وقد تم أنشاء الخط الحديدي الباسفيكي الكبير في 1885 ، وكان ذلك مأثرة هندسية رائعة عاونت علي أن تخلق من كندا بلاد متحدة بربط ما بين ساحل الأطلسي وساحل الباسفيكي.

وبالرغم من أن كندا أصبحت حينئذ مستقلة الي أنها سارعت الي معونة بريطانيا في حرب البوير وفي الحرب العالمية الاولي ، أذ أرسلت الي أوربا في الحرب العالمية الأولي جيشا من نصف مليون رجل أحرزوا نصرا مؤزرا في (فيمي ريدج) وغيرها من المعارك في فرنسا . وفي 1931 قرر دستور وستمنستر أن كندا وغيرها من دول الدومننيون ليست مستقلة أستقلالا تاما فحسب ، ولكنها مع بريطانيا أعضاء علي قدم المساواة في الكومنولث . وفي الحرب العالمية الثانية حاربت كندا مرة أخري الي جوار بريطانيا منذ البداية حتي النهاية .

[SoSo R]

مساء الخير:

8 صفحات يا دكتور تهامى :)

أنا عرفت إيميلى إتسد ليه من الفيضان اللى حصل عندك هنا...

بس كدة أنت بتصتقصدنى...بتكتب و انا عندى إمتحانات و تنزل حلقات جامدة

فين أيام ماكنت باخد الحلقة و هى لسه بنار الفرن :)

دلوقتى بايتة وكمان بقالها 8 صفحات

أنا عندى أسئلة و حاجات كتير عايزة أسأل عليها بس أسترد صحتى

بس نفسى أعلق على حكاية الزيتون عشان موقف مشابه حصل وجوزى نازل من هنا لمصر

واحدة نعرفها...بتقوله معاك وزن فاضى أبعت حاجات لماما؟؟

قالها آه معايا وزن...عايزة تبعتى إيه؟؟

حاجات...ماما كانت موصيانى عليها

دخلت فى الكلام ...حاجات إيه يعنى؟؟

حاجات ماما عايزاها

أيوة إيه؟؟

برطمانات نوتيلا و بينت بتر wst::

نعاااااااام...هو دة اللى هتبعتيه

ماهى الحاجات دى موجودة فى مصر يعنى مامتك لو راحت أى سوبر ماركت نضيف هتلاقيها

بس ماما بتحب بتوع كندا!!!

خليها تروح مترو هتلاقى فيه حاجات مستوردة

إيه المشكلة ماهو جوزك معاه وزن زيادة مش هيستخدمه

جوزها يقول لجوزى...أوعى تاخد حاجة نوتيلا إيه و كلام فارغ إيه

طبعا هى أقنعت جوزها بعد كدة بينهم و بين بعض wst::

وجوزى ما بيحبش يزعل حد

أنا بأه كان نفسى أقولها كلمتين واقفين فى زورى بس مش هينفع أقولهم غير هنا

هى ماما بتتوحم(مامتها بتلعب فى أواخر السبعين)

وأقولها كمان...الله يرحمه...آخر كلمة قالها قبل مايموت..أنا جعااااااااان

تحياتى

سوسورانى

تحذير:هذه الرسالة سيتم تدميرها ذاتيا و ستنفجر إذا لم يتم الرد عليها فى خلال 12 ساعة من نشرها

تم تعديل 6 نوفمبر 2009 بواسطة SoSoRaNy

[EmanRasmy]

موضوع أكتر من رائع و أسلوبك مالوش حل .. انا سهرت النهارده أقرا لجوزي مغامراتك في كندا و متنا من الضحك ..طبعا حمدالله على السلامه و يا رب تكون اتوفقت في مشوار دبي حبيبتي (بلدي اللي اتربيت فيها و وحشتني خالص).. المهم ناوي تعمل ايه بعد الرخصه؟ قول لنا عشان نمشي على خطاك ان شاء الله.. انا كمان معايا BLS و ACLS instructor بس يا خساره أول مره أعرف انهم زي قلتهم في كندا .. خير ان شاء الله .. على فكره احنا جيرانك في السعوديه بس أنا و جوزي بتوع تخدير في المستشفى العسكري في الجنوب ..... يا ريت كمان تقوللي فين موضوعك بتاع الفيش .. عشان احتمال نسيب السعوديه قبل ما ناخد الفيزا و نروح الكويت .. و أكيد هايبقى فيه مشكله عشان نجيب فيش منها تاني .. لو عندك فكره عن الموضوع ده يا ريت تنورنا .... و ما تقطعش الجوابات

[Bustami]

http://www.loonlounge.com/

http://immig-canada.blogspot.com/2009/11/j...-in-canada.html

to know more about canada

تم تعديل 15 نوفمبر 2009 بواسطة albostamy

[moheltohamy]

مساء الخييييييير

تحياتي من أرض المخمخة... البريمة طبعاً :happy:

الفترة اللي فاتت دي كنت متبهدل في مصر ، مشاوير وروتين وقلة أدب! هابقى أحكيلكوا عليها بعدين!

جيت البريمة لقيت الكل مقلّق ؛ فيه Audit (لجنة تفتيش) جاي من رئاسة القطاع Asia Pacific Unit ، وهيفتشوا ع البريمة بالكامل... وطبعاً من منطلق إني أنا اللي باشتغل ، وبديلي بييجي يقضيها (أكتر ما أنا مقضيها أصلاً!) ، لدرجة إنه بيقوللي على ورقة جرد بالمعدات الأساسية للعيادة (Major Equipments) اللي ما عملناهوش هنا ، والمفروض يتعمل كل شهر. البيه قاللي أعمله عشان اللجنة هتدوّر عليه... وأعمل له واحد بإسمه بالمرة wst::

المهم... اللذيذ إن اللجنة جت وفتشت ع البريمة بالكامل ، ومشيو من يومين... ومحدّش جالي هنا العيادة

أو يمكن عدّوا ع العيادة ، وكنت نايم... واتكسفوا يصحّوني :blink:

الخلاصة إن الجو كان متنشن موووت. بالإضافة إني ما كنتش في المود خالص عشان أدخل التوبيك ده!

تعرفوا صحيح إن سهل جداً إن الواحد يتفسّح ما بين التوبيكس ، فراشة كدهوت من زهرة لزهرة :lol: لكن صعبة جداً يدخل القهوة بتاعته. مسئولية يا اخواننا ، مش أي كلام...

المهم... نبدأ كده نشوف الناس اللي قاعدين بقالهم فترة ، ومحدّش من صبياني (من بعد ما كبروا ، وكل واحد بقى صاحب قهوة) بيشوف طلباتهم :unsure:

[moheltohamy]

بجد عسولة اوي السكرتيرة دي

حاجة تفتح النفس موش تعقد الدنيا

بتقولك هاتعينلك التلج بتاعك في ديسمبر :) ))

ماهي موش دافعة حاجة من جيبها

ماهو بالهبل في البرتا

هيه بصراحة الست سكرة ، وعشرية وبنت حلال مصفي ، كعادة معظم الكنديين wst::

ويا سيدي... الجود بالموجود ، هيعزموا عليك بإيه؟ مش انتا بتحب التلج... مفيش أكتر منه :lol:

والله يا تهامي يا أخويا دي حاجه جميله أوي

الواحد بيحس بالاحترام و البساطه في كل سطر من سطور الايميل

و الف مبروك على الليسينس يا سيدي و عقبال لما تروح هناك

و تمارس العمل بجد و تنقل لنا الصوره من أرض الواقع :happy:

بس أنا عرفت دلوقتي الدرجات الحلوه الي جبتها في الايلتس

دي جبتها ازاي ، ده انت ردك أصعب من ايميلها يا شيخ :blink:

ممكن تديني درس عنجليزي لحسن أختك مزنوقه أوي في الايلتس

المهبب ده الي مش عارفه هيطلب مني امتى أصلا

بالتوفيق يا تهامي و ربنا يكرمك على قد مساعتك لينا و المعلومات

القيمه الي بتقولهالنا و الله انت ابن حلال بجد bv:-

ربنا يخلّيكي يا بنت مصر يا رافعة معنوياتي... من حيث البساطة والاحترام والرقي ، فده هتلاقيه في كل مكان أو موقف تتعرضي له هناك ، زي ما حكت لنا البنت سوسوراني في قهوتها النهارده.

ويا رب يسهّلها بجد ، ونكتب عن التجارب الواقعية للعمل في براريم كندا عن قريب. إدعيلي انتي بس.

ولو عايزة نصيحتي في اللغة... حاولي تراسلي wst::

المراسلة أيام ثانوي... أنا والبنت Olinda بتاعت البرتغال ، كنا دايماً مراسلات (جوابات من بتاعة زمان دي) ، والفترة دي كان فيها تقلبات كتير ، ومشاكل في البيت ، وتنشنة كتير بيني وبين بابا الله يرحمه ، وطبعاً هاشكي لمين... أوليندا! وهيه كذلك برضه نفس الليلة! طبعاً القواميس اتهرت عشان أجيب الكلمات اللي تعبر عن اللي جوّايا! وشوية شوية ، بدأ الواحد يألف اللغة ، لدرجة إني أيام السنتر الفرنسي في المنيرة ، أيام كورسات الفرنساوي والاستعداد للـ TEF ، وحتى داخل الامتحان ، كنت باكتب الجواب أو الباراجراف إنجليزي على ورقة خارجية ، وأترجمه فرنساوي :unsure:

هيييييه... أيّام!

دكتورنا العزيز التهامي باشا احيي في حضرتك دماغك العالية ومزاجك العنب

والصفحتين اللي فاتو هيخلوا كتير من اطباء المنتدى يتجهوا لموضوع البارا مديكال ده وخصوصا انه مش هيبعدوا كتير عن الفيلد

وبعدين الحاجات اللي بيعملها المسعف دي حاجات مايعملهاش اطباء في مستشفياتنا العربية العظيمة واسمه دكتور قد الدنيا

ربنا يوفقك ويجمع شملك بأسرتك قريبا في كندا ان شاء الله

ألف شكر يا ناوية على دعواتك... وربنا يوعدنا بالاستقرار في كندا حبيبتي عن قريب ، ونرتاح بقى!

إلاّ صحيح... كنت سمعت كلام كده ، خير اللهم اجعله خير... إننا هنغيّر لك إسمك قريب. صحيح الكلام دوت؟! wst::

[moheltohamy]

الحقيقه انا مكنتش من المتابعين اوي لموضوع الدكتور تهامي، يمكن عشان انا مش دكتور ومش مهتم اوي بالأمور الطبيه رغم اني بشتغل في شركة بترول وفاهم يعني ايه بريمه ودكتور علي ال ريج وكده بس الحقيقه انا اتخضيت واستغربت

يمكن انا مش متخيل ان في لسه حد زي الدكتور تهامي موجود اليومين دول ، لأن الإيميلات الي هوه ناشرها وحاططها هنا لوجه الله ناس كتير ومنهم انا إذا قدر لي الله وسافرت كندا ممكن مفكرش احط حاجه زي دي وأعتبرها شخصيه حبتين ، يعني ممكن أفيد الناس اه ، أرد علي اجابات اه ، بس بصراحه ممكن منشرش حاجه زي دي

الحقيقه انا دلوقتي مش مستغرب زي ما كنت الاول بقول الدكتور تهامي ده ازاي بقي مشرف كده علي باب كندا رغم انه مبقالوش غير سنه ونصف في المنتدي ، بس دلوقتي الحقيقه عرفت ليه تم هذا الإختيار

مش اي حد كده تقدر تحس انه ابيض كده من جوه بالشكل ده ، اقولك حاجه

روح يا شيخ وتعالي بسرعه

يا باشا كتر ألف خيرك... وربنا يقدّرني وأكون بالصورة الجميلة اللي انتا بتتكلم عليها دي...

بص ، هاقول لك حاجة...

تعرف لما بتساعد حد ، وتلاقي نتيجة للي عملته معاه ، ما بتفرحش؟! :closedeyes:

النقطة التانية ، لما جالي الإيميلين دول ، فرحت جداً ، وساعات كتير الواحد ما بيحبش يفرح لوحده ، وبيحب الناس القريّبين منه يفرحوا معاه. بس يا سيدي ، دي كل الحكاية :blink:

وإن شاء الله تيجي بنفسك ونحذف الـ isa من إسمك ، وتعمل نفس اللي باعمله ده

هي الست اللي بتبعتلك الايميلات دي يا محمد اي واحد من الموزز اللي متصورين معاك؟ :mellow:

صباح الفل يا عم زهيري...

أولاً الصورة إتاخدت في المعهد بتاع كالجاري ، والست التانية دي في إدمونتون!

الحاجة التانية... الست السكرة العسّولة دي في أواخر الأربعينيات أو أوائل الخمسينات. مش معنى إني باقول عليها سكرة تبقى اللي في دماغك خالص! بغض النظر إنها ست أمّورة وستايل ، بس أنا باتكلم على روح وشخصية سعادتك.

الحاجة التالتة بقى... أحكيلكم ع الموقف اللي حصل بيني وبينها :

قبل الامتحان بتاع الكوليدج بيومين ، قلت أروح أزورهم. آهو منها أتأكد من الطريق ، ومنها أتكلّم معاهم في الأوراق اللي هابعتهالهم من تورونتو ، لما نتيجة الامتحان تظهر ، وأحتاج أسجل عضوية في الكوليدج ، وأتأكد لو فيه ورقة ناقصة. وفي نفس الوقت أشرح لهم إني هاكون بره كندا لما النتيجة تظهر ، وأسألهم إيه نص الورقة اللي بافول فيها إني ما عملتش حاجة كخ ، من تاريخ شهادة السيكيوريتي كليرانص! يعني البكا يبقى على راس الميت م الآخر!

ركبت العربية وآجي أدخل العنوان ع التوم توم (الـــ GPS بتاعي) ، أول حاجة أدخل إسم المدينة ؛ إدمونتون ، وبعد كده إسم الشارع ، وبعد كده رقم البيت. إسم الشارع آجي أكتب فيه كام حرف ، والواد التوم توم الجزمة رافض يعترف إن فيه شارع بالإسم ده! طب أعمل إيه؟!

قمت متصل برقم الكوليدج ردت عليا موظفة الاستقبال ، وسألتها على العنوان ، وهيه تملّيهولي ، والتوم توم مش راضي يعترف بيه! أقول لها طيب شوفيلي إسم شارع تاني جمبكو! تجيبلي إسم تاني ، برضه مفيش فايدة! طيب بلاها الشوارع ، هاتيلي تقاطع قريب منكم (ممكن أكتب تقاطع شارعين ، وهوه يوصلني لهناك) ، والبيه يعترف بواحد منهم والتاني رافضه تماماً! تقوللي طيب تعالي على Sherwood Park وكلمني تاني أقول لك تمشي إزاي. أكتب حي شيروود بارك ده ، والجزمة برضه مش مقتنع بيه!

تسألني... هوّه البتاع ده إنتا شاريه من ألبيرتا ، ولاّ جايبه معاك من تورونتو؟! وأرد أنا وأقول لها جايبه من إنجلترا سعادتك!

وفي النهاية تقوللي طيب البتاع ده يعرف الـ Yellowhead Trail؟ ده الوحيد اللي سمع عنه! تقوللي طيب امشي فيه وكلمني لما توصل له ، وانا أبقى أدلك...

والتوم توم الغبي يا دوب حدفني عليه ، ومشيت فيه شوية ، وكلمتها ، وهيه تقوللي خليك ماشي فيه لغاية ما تشوف يافطة بتقول لك شيروود بارك! رجعنا لليُفط ، ولا كإننا دافعين دم قلبنا في سي زفت!

بعد شوية كلمتها تاني ، قلتلها أنا شكلي خرجت بره إدمونتون تماماً ، وما لمحتش شيروود بارك دي خالص!وتسألني إنتا فين دلوقتي؟! أبص ع الجزمة التوم توم ، وأقول لها أنا في تقاطع الييلوهيد مع كذا ، ودي تقوللي ثواني أعمل سيرش ع الخريطة أونلاين وأحاول أدلّك ع الطريق. وبعد شوية وهيه معايا ع التليفون ألمح يافطة شيروود بارك. يا فرج الله!

تقوللي طيب ، إمشي لغاية ما تلمح الهاي واي سكستين (Hwy 16) ، أو باين الهاي واي متين وسكستين (Hwy 216) مش فاكر الصراحة! وبعد شوية أكلمها وأقول لها أنا مش متأكد هوّه الطريق اللي سبته هوّه الـ 16 ولاّ المتفرع يمينه اللي أنا دخلت فيه هوّه الـ 16! الخلاصة إني واقف قدّام معامل تكرير بترول تبع Esso! أمشي إزاي؟! وتقوللي خلّيك معايا... هاسأل لك ، وتروح تسأل حد من اللي معاها في المكتب! حسيت إني زي قلّتي ، قمت طالع بالعربية بتاع كيلو في الطريق الجانبي ده ، وهيّه رجعت تحاول تستفسر مني على حاجة... وألمح يافطة بتقول الهاي واي سكستين! عظمة! وأبص ع التوم توم ألاقي إسم Broadmor Blvd - وده كان إسم شارع من الشوارع اللي كانت قالتها - مكتوب ع الشاشة بتاعته! وأقول لها أنا شايف الشارع الفلاني... وهيه تقوللي حلو ، إمشي فيه لغاية البنزينة الفلانية هتدخل من جمبها ، واحنا المبني اللي جمبها على طول.

اللذيذ إني كنت لما أتصل بيها ، وتسمع صوتي ، تسألني (هييه ، وصلت لفين دلوقتي؟) ، ما خلاص بقى... بقيت أنا المعوّق اللي مش عارف السكة!

وبعد شوية أوصل البنزينة ، وأدخل أقف قدّام الماركت بتاع البنزينة ، وأنزل أسأل الواد الكاشيير : فين الله يكرمك يا بني الكوليدج أوف باراميديكس ، والواد يتنّح ، ولا فاهم أي حاجة! (كان هندي ، م الهند يعني ، بلاّص م الآخر)

خرجت ، وقعدت أبُص ع المباني اللي حواليّا... مفيش اي يافطة! قمت متصل بيها تاني... أنا قدّام البنزينة! تقوللي شايف كذا؟ لأ! طيب شايف جزارة كذا؟ أيوة دي شايفها! قالتلي إحنا في نفس المبنى ده ، بس المدخل من ورا! ولفيت ، وشفت اليافطة بتاعتهم ، وتنفست الصعداء ، اللي أنا مش عارف تطلع إيه ، بس تنفستها!

وطلعت وأخدت الواد التوم توم معايا عشان أورّيها الزفت اللي بهدلني وصدّعلنا دماغنا احنا الاتنين ، عشان تلتمس لي العذر!

طبعاً قعدت تدحك لما دخلتلها ، وحمد الله ع السلامة ، وأخيراً عملتها؟ وكدهوت!

و طبعاً ورّيتها بسلامته ، وقلتلها إن اللي هيجنني إن أسماء الشوارع بالكامل اللي جيت لها موجودة ، بس لما أعمل سيرش عليها ، ما بيعترفش بيها البيه! حاجة تقرف! وهيه ترد عليا رد المختصر المفيد... You know, It's technology !

اللذيذ بقى في وسط كلامنا بعد كده ، وأنا باحاول أورّيها إن السيرش بكل بساطة المفروض ما يعملش مشكلة طالما الشوارع موجوده في الخريطة بتاعته! وبادخل إسم المدينة إدمونتون ، وهيه تقوللي إسم المدينة شيروود بارك مش إدمونتون! :blink:

ظلمناك يا توم توم!

الواد أوّل ما كتبتله شيروود بارك ، طلّع العنوان هَوا! أنا ساعتها اتبلّيت في هدومي! أنا آسف يا توم توم! :blush2:

موقف تاني...

بعد أسبوع لما رجعت تورونتو ، وباتصل أتأكد منها تاني على حاجة في الجواب اللي هاكتب فيه إقرار إني ولد مؤدب ، أكتب فيه إني مسافر بره البلد ، ولاّ بلاش؟ وباسألها برضه عن الـــ Person Declaration ، إن فيه واحد صاحبي يعرفني من سنة ، وهيّه تقوللي يستحسن حد يعرفك من سنتين ، بس ممكن نعدّيها عشان ظروفك ، وإنك ما بقالكش كتير في البلد.

وأسألها ، طب لو الراجل كتب سنتين م الآخر... هتمشي ولاّ فيها قلق؟! وهيه تفْهمني ، وتقوللي هتمشي ، ومفيش مشاكل (صباح الفل يا هشام) wst::

اللذيذ إني أول ما كلّمتها ، فـــ باعرّفها بنفسي ، وباقول لها "أنا محمد سعد ، اللي ..." ، وهيه تقوللي بتاع الجي بي إس؟! وتضحك! :D

وأقول لها أنا هاخلّي مراتي تبعتلك الأوراق كلها ، بس هاعرف إزاي إن الورق وصل لك ، وهيه تقوللي إن المفروض أول الورق ما بيوصل ، بيشتغلوا فيه ، وبيبعتوا الرد بالبريد. بس عشان ظروفي ، هتطمّني وتبعتلي إيميل تعرّفني فيه أي حاجة تخص الورق بتاعي ع الميل بتاعي اللي في الأبليكيشن. وقالتلي ما تقلقش ، أنا أول ما هاشوف الإسم محمد هافتكرك على طول... هوّه انتا تتنسي برضه؟ :happy:

عرفتوا بقى إيه الخلفية اللي ورا الإيميل بتاعها؟!

[moheltohamy]

دكتورنا الفاضل تهامي... :blush2: ..الف الف الف مليوووووووووون مبرووووووووووك علي رخصة العمل الجديد

وربنا يوفقك ويبارك لك في خطوات حياتك الجديدة في بلاد الثلج اللي بتعشقها

الله يبارك فيكي يا مدام سمية ، وعقبال ما توصلي هناك ، وتحبي تلجها وناسها انتي كمان.

شدي حيلك وطمنينا ع الجديد من أخبارك...

د.تهامىىىىىىىىىىىىىىىىىى

انا جية امسي واقوم اكمل مذاكرة

الاصحيح قوللي

هوا في في تورونتو عصير قصب..؟؟

بجد الموضوع دا هيفرق معايا جداااااااااااا

يا فندم مساء الفل :mellow: وربنا يصبّرك على ما بلاكي...

وبالنوسبة لعصير القصب... بكل أسف مفيش! سمعت م الواد ديبو إن كان فيه واحد مصري فتح عصّارة قصب في تورونتو ، بس مع الأسف ما مشيتش!

أنا نفسي كان الموضوع ده واكل لي دماغي ، وقلت ده مشروع لوز ، وسألت على متطلباته ، والترتيبات ، حاجة كده زي دراسة جدوى ، وبعدين كبّرت دماغي wst::

محسوبك برضه من عشاق عصير القصب :blink:

مبروك يا تُهامى وعُقبال البكالوريا :happy: :blink: :closedeyes:

الله يبارك فيك يا دكترة ، وعقبال عندك

السلام عليكم و رحمه الله و بركاته

د/تهامي بصراحه مش قادر اقولك هد ايه انا باشكرك علي الموضوع المفيد و اللذيذ ده ( خصوصا اني لسه مكتشف المنتدي قريب و الموضوع و قعدت عليه لحد ما فطسته

اصدي خلصته

ده يا راجل انت حببتني في القصص

و بما اني مابحبش اتكلم كتير فاقررت ان مشاركتي ( بالمناسبه دي اول مشاركه ليه في المنتدي ) دي ما تزيدش عن تلت اربع صفح بالكتير اوي خمسه يعني

ههههههههههه هزار ما تتخضش مش هاتضطر تقرا الكلام اللي مالوش لازمه ده كتير

في الاخر احب ادعيلك ربنا يوفقك و يكرمك و يجزيك خير عن اللي بتكتبه علشان تفيدنا

و اتمني نتقابل انت و انت وكل اللي عايز يهاجر في كندا ان شاء الله

اسف علي الاطاله ان شاء الله بعد كده ماطولش

وشكرا

وعليكم السلام يا باشا...

ربنا يسعدك ، ويكرمك ، ويوفقك في مشوار الهجرة عن قريب ، وتيجي تقعد القعدة دية ، وتمسك المايك ، وما تعملش زي الناس اللي بتروح وتغطس وتقول عدّولي!

وخد راحتك يا سيدي ، واكتب على قد ما تقدر... هوه حد بيعد وراك؟! :D

وأتمنى نتقابل على خير هناك... قول يا رب

[SoSo R]

تصدق فعلاً ماخدتش بالى ....معلش بقى العتب ع النظر..يعنى لازم تلفت نظرها!!

بس تصدق...بعيداً عن انك قوى الملاحظة واضح انك راجل طيب و نيتك خير و زى الفل

روح يا شيخ ربنا يبارك لك....اشوف فيك يوم!!!!!! :mellow:

شهاب يا عزيزى...أنا خدت بالى من غير حاجة :blink:

وكنت هارد نفس الرد ...هما مش 12 يوم دول 12 ساعة...

بس رحمك بقى منى كمية الكوارث اللى مستلمانى...أستنى كدة لما أشوف فاضل كام وباء هاخدهم وآجى :closedeyes:

على فكرة النوتيلا...هى حاجة كدة زى كريمة الشيكولاتة بالبندق...بتتفرد على التوست أو العيش

الولاد بياخدوا منها فى المدرسة...

طبعا أنت آخرك الكشرى اللى بيحطوه فى كيس وتقطع الكيس وتقعد تسف فى الكشرى :blink:

مساءك فل يا شهاب

لا حصل خير

متخافش مش حاتاخد بالها اصل صباعها مكسور :blush2:

يا دكتور إيهاب أنا صباعى مكسور ...بس لسه عينيا سليمة...لحد دلوقتى يعنى :happy:

بس تهامى ما أخدش باله لحد دلوقتى...فغالبا هو فاكرها 12 شهر مش 12 ساعة ولا يوم

تحياتى

سوسورانى

[moheltohamy]

يا مراحب يا مراحب.............

دكتورنا التهامي عندنا.................

فين اخبارك الحلوة اللي حنستنا بيها يا دكترة.................

تسلم يا حمام... بس صبراً آل ياسر ، ورفقاً بالقوارير...

أخوك وراه واجب متلتل مستني يخلص!

إلاّ صحيح... فيه أخبار وحشة؟ تنفع؟! :closedeyes:

[moheltohamy]

فعلا يخرب بيت الصحوبيه وسنينها إذا كان بييجي من وراها مواقف زي دي

طيب ما دامك في البحرين ايه رأيك بالمره تجيبلي معاك وانت جاي الإمارات أد عشره خمستاشر كيلو جمبري على كابوريا على سبيط أحسن الحاجات اللي هنا مش عاجباني

وما تقلقش ... هخلي واحد يوصلهملك لباب الطياره

اخر ما كنت اتوقعه انك تعدي بحمولة الزتون دي من غير وزن

ياريتني كنت اديتك ال 20 كيلو جبنة رومي كمان ...

حتى يبقالها طعم

دكتور تهامى يا أخويا انت عمله نادره اليومين دول......علشان الخير اللى بتعمله ده ربنا ح يسهلك طريقك ...شد حيلك فى الامتحان ويالا مش عاوزيين تأخير على هند اكتر من كده مش خلاص بقيت ميمبر قد الدنيا مستنى ايه بقى ؟؟

هههههههههههههههههههههههههههههههههههههههههههههههههههههههههههههههههههههههههههههههه

هه

بجد مش قادرة

زيتون

وهو هيتاججر بيه هناك ولا ايه؟؟؟

اديني زاتونة بسرعة

ارجوك محتاج الجرعة

ياخبرررررررررررررررررررررررررررر

انا توقعت انه هيطلع مش بدودة مش عارفة ليه

طب كويس والله

اسم رمزي دا بيفكرنني بسامح حسين بتاع راجل وست بر طمانات

يوه

قصدي ست ستات

دولا حبيبىىىىىىىىىىى

انا بقي لو منك اقله انها عملت وزن زيادة في الاول وادفعه

وبعدين احطهم فاي حاجة خير وابقي احسره عليهم

لا لا ملكش حق يا أبو سعدة كدة خالص تزعل من الراجل ،،،فكرتك حتقول مشيلك برطمان بصل مخلل على شوية خيار ،،،ولا بلآص مِش .

الراجل طلع سُوبر كلاس ومشيلك زيتووووووووووووووووون بس

لا واسباني عداه العيب

مش من بتاع مرسي مطروح مثلااااااااااااااااااا :P

انا لو مكانك احط الزتون ده في بلكونة الفندق منه لشمس دبي اللطيفه تقوم بالواجب علشان الناس دي تفوق بقى

أحكيلكوا على باقي موقف الزتون...

وانا راجع من مطار دبي لمطار القاهرة ، ورمزي هيكون مستنيني هناك ياخد الزتون بتاعه...

أدخل ع الكاونتر... الست اللي هناك تقوللي الوزن زيادة! نظام طيران الإمارات إنه - بخلاف طيرانات العالم كله - بتسمح للمسافر بوزن إجمالي 30 كيلو ، مش بالوزن الإجمالي للشنطة زي مخاليق ربنا!

يا ستي المفروض إن فيه وزن للشنطاية ، ودول شنطتين ، واحدة ليّا أنا اللي كنت قلتلكم عليها (14 كجم) ، والتانية بتاعة رمزي (23.5 كجم)! ولو أحب ممكن أدفع غرامة ع الوزن الزيادة... 110 درهم لكل كيلو! wst::

قمت ساعتها متصل بالواد رمزي (بشريحة روجرز الكندية) ، وقلتله... قاللي لأ طبعاً! وضحّى بعلبة زتون من الكام علبة اللي معايا...

قلت ساعتها يا سلام... ربنا عالم باللي جوّايا :D

الظريف في الموضوع بقى إني لمّا وصلت مصر ، والبيه بيشيّك ع البرطمانات... ألاقيه بيقوللي (يعني سبتلهم برطمان زتون اسود ، ما كنت تطلّع برطمان زتون أخضر)!! smk:

[moheltohamy]

ادعوا لاخوكم د تي بالنجاخ

على راي قناوي

استغفروا لاخيكم انه الان يسال wst::

اللهم انصره نصرا مؤزرا

اللهم انتقم ممن يساله سؤلا صعبا

اللهم اجعل لجنة امتحانه روضه من رياض الجنة

اللهم الزمه الرفقة الطيبة ناصعة البياض كما كان في كالجاري

الف حمدلله على سلامتك يا تهامي يا أخويا

و اهلا بك في موطنك الاصلي اصدي

بلدك الام

معلش الصبرررررررر بس و بكره تروق و تحلى

و الله مصر مالهاش ذنب في الي بيتعمل فيها ده

المهم انت عملت ايه في الامتحان رفعت راسنا

طمنا عليك لحسن انت لما بتنزل مصر بتختفي

بالمرة أطمنكم على الامتحان بتاع دبي...

الامتحان يا اخواننا طلع نفس الامتحان اللي امتحنته من سنة في جوهانسبيرج ، بالمللي!

بس المرّادي كنت جاهز ، واسكيمة الشغل في بالي ، واستفدت كتير جداً على فكرة من امتتحانات الـ EMR ، في منهجية وتسلسل التعامل مع الحالة.

نحكيلكوا ع الحالة ، يمكن حد من اخواننا الدكاترة يحب ياخد فكرة...

الحدوتة كانت إن الواد الديريك (المسئول عن خلط الكيميكالز لتكوين الطفلة المستخدمة في أعمال الحفر ، وبرضه تلقيم المواسير في الـ Top Drive في أعلى برج الحفر... حد فاهم حاجة؟!)... المهم الأفندي ده كان شايل على قفاه شيكارة كيميكالز ونازل بيها السلّم... بسلامته رجله اتكعبلت ، وأخد السلالم كر على تحت ، وشيكارة الكيميكالز انفجرت وغرقته! والواد مغمن عليه! وإلحق يا داكتور!

وصفحة ونص فاضيين عشان أجاوب بالتسلسل المظبوط.

وبعدها كام سؤال كده... حتى الآن مش عارف المفروض يتقال فيهم إيه! منهم مثلاً... الواد لما بصيت ع الـ Vital signs لقيت ضغطه 90/60 والنبض 42! وسؤالين في العضم...إيه سبب انخفاض الضغط؟ إيه الاحتمالات ، وأي احتمال - من وجهة نظري المتواضعة - هوّه الـ most probable cause؟!

ويا ترى يا هل ترى إيه سبب البرادي كارديا دي؟!

سلامتها أم حسن

حد فاكر الديرماتومز صحيح؟ تفتكروا الـ Umbilicus عند الـ Level الكام؟!

لكن بصفة عامة... قلنا كلام كبير موووت... كتبت 4 صُفح :P

وجابولي شوكولاتة هناك قبل ما امتحن smk:

وعلى أي حال ، ما زلت منتظر نتيجة الامتحان ، لكن بصفة عامة... مش قلقان منه خالص مالص

[moheltohamy]

قبل ما نقفل باب الصور يا شيكو... أحب نسيب كام صورة كده كمان...

المبنى ده مبنى متحف حربي ، أو حاجة زي كده... مش كده يا هشام؟! علّق انتا بقى

وحاطّين قدّامه دبّابة ، يبقى كده اللي باقي حيلة كندا 199 دبابة تانيين (مش كده يا زناتي؟! wst:: )

سعادتك ده مقر الفرقة ٥٦ مشاه للجيش الملكي الكندي

سؤال بس علي جنب ...تفتكر كندا محتاجة دبابات بالمئات أو بالالاف ليه ...... زحف مقدس لاحتلال ولاية نيو يورك مثلا و لا قمع الحركة المسلحة المتمردة في كويبيك ...... يا سعادة الكومندان مهام الجيش الكندي مش مهام قتالية في الأغلب الأعم ...... عادة ضمن قوات حفظ السلام في مناطق الصراع العسكري حوالين العالم و أحتياجتهم للدبابات الهجومية معدوم ..... يصرفوا بقي فلوسنا ....فلوس الضرايب يعني و المصادر التانية للدخل القومي ..... في تسليح ما لوش لازمة و لا يوجهوا الفلوس في أوجه صرف صح ...هه هه :P

إلاّ يا هشام صحيح... هوه الجيش الملكي ده عامل زي البوليس الملكي (RMCP) اللي شغلته لبس الهدوم الفولكلورية ، وعمل الاستعراضات؟!

وكندا دي أصلاً لا ليها في الحروب ، ولا حتى في حفظ السلام... العيال بيتعوّروا ، وبتجيلهم واوا! وطبعاً كندا ما ترضاش بكده...

جيش إسماً فقط! صرف فلوس ع الفاضي! يمكن سبّوبة بيسترزقوا منها smk:

ويا ريتهم يروحوا يقمعوا الحركة إياها بتاعة كيبيك... ما كانش جه الواد العميل اللي تحت دوت ، وكتب المشاركة دي...

يا اخوانا بلادنا مهما كان لها حق علينا

بلدي وان بهدلتني عزيزاتون

وقومي وان فقعوني زمبة لكرامووو

وعلى رأي واحد من الوطنيين الجدعان

لو لم اكن كبكاوي لوددت ان اكون البرتاوي

Vive la Quebec

داخل تصطاد في الوقت الضايع انتا يا صعيدي افندي... بس علم الخونة ده ما يتحطّش في التوبيك بتاعي لمؤاخذة

قلتلي انتا قاعد فين دلوقتي سعادتك؟!

[moheltohamy]

أحكيلكوا كده على شوية انطباعات سريعة عن اليومين بتوع دبي...

بدايةً ، الشركة حاجزالي أوضة في فندق ميريديان المطار... واللذيذ إن الإيميل جايلي الحجز غرفة فقط ، وبدون وجبات! وكمان مفيش حجز ليموزين لتنقلاتي! أبعتلهم ، وأسأل الواد Neville مسئول التدريب (هيه الشركة مش متخيلة إني ممكن أجوع في اليومين اللي هاقعدهم في دبي؟)

البيه يرد عليّا ، ويقوللي أحاسب أنا ع الأكل ، وأجيب فواتير (إكسبنسات يعني) ، والشركة هترجعهالي. وكذلك الحال مع المواصلات... آخد تاكسيات ، وآخد فواتير!

كنت مع الـ Rig Asset Manager في الفندق في السعودية (حتت واد سكرة ، مصري وزي الفل) ، وباقول له (شفت الوطينة بتاعة الشركة؟ لا أكل ولا مواصلات؟ والمطلوب مني أعيش مع نفسي ، وأصرف نفسي بنفسي! يعني لو كان اللي مكاني ده حد من الأمريكان ، كانوا هيعملوا كده برضه؟!)

رد عليّا وقاللي (إنتا قاعد في الميريديان... كل في أي مطعم تحبه ، وهاتلهم فاتورة ، وطالما محدّش قال لك ليك Limit أو Budget معين ، عيش حياتك بقى ، ويبقى حد منهم يتكلم!)

ومن هذا الأساس... وانا في المطار ، قلت تاكسي إيه ده اللي هاركبه؟ بينا على شركات الليموزين

رحت على شركة تأجير (أعتقد كانت National Car) وقلتلهم محتاج عربية بسوّاق ، قالولي ممكن تأجر عربية وتسوقها انتا! لأ أنا عاوز عربية مشوار بس للفندق! قالولي الوحيدة اللي بتأجر سواقين هيه شركة Avis (أنا على فكرةة مسجل عضوية مع الشركتين دول في كندا ، والمفروض إن العضوية دي عالمية). المهم ، سألتهم إلاّ هوّه ينفع أأجر عربية هنا؟ سألوني (معاك رخصة دولية؟) ، طبعاً لأ! آسفين!

رحت لـ Avis... المشوار (بتاع نص كم ، لفندق ميريديان المطار!) هيتكلّف حالي 250 درهم! وإيجار العربية أصلاً في اليوم بـ 300 درهم! هوّه صحيح الشركة هيّه اللي شايلة الليلة ، لكن باكره الإحساس إن حد بيستعبطني!

سألتهم ، ممكن أأجر عربية أنا؟ معاك رخصة دولي؟ لأ! آسفين! طيب تنفع رخصة كندي؟ تنفع طبعاً!

في اللحظة دي حسّيت بالاعتزاز أوي بالانتماء لكندا... فهمتوا معنى كلامي اللي كتبته من المطار؟!

عاشت كندا حرة مستقلة...

بلد مجرد سيرتها تخليك تشعر بالفخر ، وترفع راسك وتقضي مصالحك في كل مكان تروحه...

وبلد تانية جايبالنا الإكتئاب ، والبهدلة وقلة القيمة ، كل ما نفكر نيجي ناحيتها!

ما علينا...

أجرت العربية ومعاها GPS طبعاً عشان أعرف أمشّي أموري في البلد دي.

من ضمن الملاحظات بتاعتي اللي لفتت نظري هناك ، وقلتها للواد أحمد سيف (ما كانش لسّه بقى مدير... يعني واد!) ، لاحظت إن مفيش احترام للإشارة! بمعنى ، عشان أنتقل من حارة للحارة اللي جمبها ، بأدي إشارة ، وأنتظر في المراية إن اللي جاي ورا يهدّي ويسمحلي أدخل الحارة بتاعته. هناك في الإمارات مفيش حاجة اسمها كده... نظام إرمي بوزك قدّامه واخلص! زي مصر بالظبط! مدي إشارة ، وكل الناس معدّيين جمبي زي الطلقة! والواد سيف يقوللي إخلص وعدّي محدش هيهدّيلك... بوزك هوّه اللي هيمشيك!

التحضر مش بالمباني ، والرصف والفلوس... التحضر أخلاق ، وفي النقطة دي بكل أسف ، إحنا يا عرب لسّه بدري علينا أوي! smk:

ملاحظة تانية لاحظتها... وانا راجع المطار ، ومزنوق زنقة سودة ، والوقت على وشك يضيع مني...

وانا داخل بالعربية على المطار ، مش عارف أوصل لمكان شركات الإيجار عشان أسلّمهم العربية!مفيش أي حاجة بتقوللي أروح فين!

في تورونتو وكالجاري وإدمونتون ، وانا داخل المطار بتكون فيه لوحات إرشادية بتحددلي الحارة اللي أمشي فيها عشان أوصل للباركنج اللي هاسلّم فيه الـ Rental Cars... هنا بقى (دبي يعني)... عيش مع نفسك ، واستكشف براحتك! قعدت ألف حوالين نفسي ييجي ساعة!

وأفوجأ إني دخلت باركنج جوّه المطار مش عاوزه أصلاً! ومفيش طريقة أرجع تاني! الطريق الوحيد إني أدخل وأخرج من نهاية الباركنج!

جيت أخرج ، كلها بوّابات إلكترونية ، جيت أدخل فيها التذكرة اللي دخلت بيها من كام دقيقة... رفضت تفتحلي! ومفيش بني آدم موجود يفتحهالي مانيوال (كنت في عز الضهر على فكرة!)

أخدتلي لفة في الباركنج ، لغاية ما لقيت الماكينات الأوتوماتيكية للسداد... طريقة الدفع لوحيدة هي كاش! وانا أصلاً معاييش ولا درهم! لأ وكاتبينلي بالبنط العريض إن الدفع بكروت الائتمان غير مقبول!

بعد شوية لقيت حد سيكيوريتي قاللي إن الدفع بالكريديت ممكن ، فقط من المكتب اللي في الدور الأرضي (تحتي بـ 3 أدوار). نزلت ودفعت 10 درهم ، وطلعت جري خرجت من الباركنج ده أخيراً وأنا باسب وبالعن في البلد اللي بالتخلّف ده! مفيش كريديت يبقى حد يتلطع هنا عشان ينجز الناس ، أو أقل واجب يحطّوا يافطة بتقول الدفع بالكريديت فين! حاجة هم!

لكن بصفة عامة... البلد شهدت وما تزال تشهد حملة إنشائية غير طبيعية ، آخرها خط المترو ، واللي داخل لهم متأخر مقارنةً بدول تانية غيرهم كتير... طبعاً لازم تناكة الإمارات... يفتخروا إن المترو بتاعهم أول أو تاني مترو في العالم أوتوماتيك ، يعني مفيش حد بيسوقه!

ومحطّات المترو نفسها روعة ، تحفة معمارية ، وشكلها عامل زي أفلام الخيال العلمي بتاعة المستقبل دي!

مش هاتكلّم طبعاً ع الأبراج وناطحات السحاب اللي حطمت الرقم العالمي زي برج دبي وغيره كتير!

أفتكر جملة للواد أحمد سيف واحنا هناك عن أغلى ميل مربع في العالم... هاحط لكم صورته (اللي لقطها أحمد بنفسه ، وعلى الله ما نتفضحش!) ، ويبقى أحمد بيه سيف (المدير) يدخل يعلّق لو يحب ، أو لو ليه أي ملاحظات ع البلد دي.

[أحمد سيف]

من ضمن الملاحظات بتاعتي اللي لفتت نظري هناك ، وقلتها للواد أحمد سيف (ما كانش لسّه بقى مدير... يعني واد!) ، لاحظت إن مفيش احترام للإشارة! بمعنى ، عشان أنتقل من حارة للحارة اللي جمبها ، بأدي إشارة ، وأنتظر في المراية إن اللي جاي ورا يهدّي ويسمحلي أدخل الحارة بتاعته. هناك في الإمارات مفيش حاجة اسمها كده... نظام إرمي بوزك قدّامه واخلص! زي مصر بالظبط! مدي إشارة ، وكل الناس معدّيين جمبي زي الطلقة! والواد سيف يقوللي إخلص وعدّي محدش هيهدّيلك... بوزك هوّه اللي هيمشيك!

يا راجل يا طيب ... بقى نظام السواقه في الإمارات زي مصر بالظبط ... يا خسارة الشغل اللي دبي عملته والفلوس اللي صرفتها علشان يبقى عندهم بلد بالشكل دي علشان في الآخر التهامي باشا ييجي يقارنهم بمصر.

الفكره يا بيه إن نظام تدي إشاره الكل يقف يستنى سعادتك على ما تغير الحاره ده مش موجود هنا ... وما افتكرش موجود في أي مكان في العالم غير كندا (واللي يعرف بلد ثانيه يقول) ... الهدف من الإشاره إنك تعرف اللي ماشي في الحاره اللي جنبك إنك ناوي تدخل عليه علشان ياخذ باله لما تغير مسارك ... لكن في النهاية التغيير ده هيتفرض عليه مش بمزاجه ... الحياه صراع يا صاحبي.

أنا بصراحه كان هاين عليا أقوم واخذ الدركسيون من ايدك وانت بتسوق ... بالذمه حد يسوق عربية شيفرليه كابرس بالطريقة دي ... أنا بالبيجو التعبانه اللي معايا بعمل شغل أجمد من كده ... وكله في السليم برضه والحمد لله عمري ما أخذت مخالفه ولا عملت حادثه.

وبعدين يا بيه انت طلعت مطار دبي شرك علشان ما عرفتش تدفع عشر دراهم بالكريديت كارد ... أنا على فكره باتنرفز من حكاية دفع الدرهم والدرهمين والعشره بالكريديت كارد ... يا راجل مش مستاهله قلبة الدماغ والعطله وتطبع ورقة وتمضيها ... على ايه الكلام ده كله ... ديتها خمسين ولا ميت درهم تخليهم في جيبك وانت ماشي في البلد وتبقى تشتري باللي هيفضل منهم في المطار لب وسوداني تأزأزهم في الطياره وانت راجع.

غير الملاحظتين دول كانت طبعا فرصة سعيدة جدا وشرف كبير إني اقابل الدكتور تهامي أحد أساطير المنتدى في دبي وقضينا يوم جميل واتشرفت أيضا بالتعرف الى الأخ الفاضل محمد عيسى.

مستنيك تنزل بالصور (أو بمعنى أصح فضايح التصوير).

[moheltohamy]

كل سنه و انت طيب يا تهامي يا أخويا انت و هند

فينك كده لا حس ولا خبر

يا ترى عندك خرفان على البريمه و لا لأ

يلا بقى اظهر و بان عليك الامان

عيد سعيد

عيد سعيد علينا وعليكم يا بنت مصر...

ومن حيث الخرفان... فيه خروف وصل بسلامة الله تعالى أرض البريمة ، بس مدبوح ومسلوخ ومتظبط ، ومتجمد كمان! في براريم مصر اللي قيادة البريمة مصرية (هنا أمريكان) بيخلّوا شركة التغذية تجيب خرفان حية!

واحد زميلنا هنا كان بيحكيلنا على موقف... الـ Boat جايب خروف حي ، والعيال الآسيويين اللي شغالين ع البوت خايفين يتعاملوا مع الخروف ، فتطوّع واحد من البريمة ينزل البوت ويصبّنه (يعني يربطه بالحبل عشان الونش يرفعه للبريمة)... المهم ، لما رفعوه للبريمة لقوا الخروف ميت!

البيه الفالح لف الحبل حوالين رقبة الخروف!

وآخر حاجة ممكن نشغل بالنا بيها هنا ع البريمة هيّه الأكل... يعني كانوا عاملين النهارده جمبري ورومي واستيك وفراخ كوردون بلو وضاني وسمك مشوي ، ده طبعاً بخلاف السلاطات والشوربات والمكرونة والرز والبطاطس والصوص والخضار بأشكالهم المختلفة :cry:

دا الواحد زهق يا شيخة من كتر الأكل :sad:

[size="5"]كل سنة وانت طيب يا دكتور تهامي بمناسبة عيد الاضحى

وانتا طيب يا باشا ، ويجعله عامر يا رب :D

كل عام وجميع اعضاء المنتدي بخير وعيد مبارك بمناسبة عيد الاضحى المبارك .

أخوكم د.حالد

وجميع أعضاء المنتدى بخير ، وعيد مبارك.

أخوكم د. محمد

مساء الفل على أحلى دكتور فى المنتدى

مش قادرة أقوللك القهوة بتاعتك دى مكيفانى أد ايه :happy:

بس بصراحة أنا لسه فى صفحة 52

ادعى لى أخلص

وماسكه نفسى من الكتابه من ييجى شهر عشان أكتب لك بعد ما أخلص بس قلت فرصة أهنيك بالعيد وأقوللك انى بأحب أسلوبك موووووووووووت وكل سنة وانت طيب

يا ستي ربنا يكرمك ويسعدك يا رب :D

وده شيئ يسعدني بجد يا دكتورة ، وتمنياتي بقراءة ممتعة :blink:

ما زال أمامك الطريق طويل... ربنا يعينك :sad:

وكل سنة وأنتم بخير... وفي انتظار نجاحك في الانتهاء من الـ 138 صفحة اللي باقيين لك :happy:

كل عام و انت بألف خير ..وينعاد علينا وعليك على جبل عرفات بإذن الله

لا يا عم... عرفات ده صعب أروحه تاني... ممكن جبال الروكي... تنفع؟ wst::

وكل سنة وانتا طيب :wub:

[ehabtaher]

لما تروح عرفات حاج كندى انشاء الله انت والاولاد شوف بقى البعثه الكنديه حايتعملها ايه هنا فى مكه وشوف الاوتوبيسات اللى بتبقى محجوزالهم حاجه ترد الروح