قاطعوا كرة القدم للمحترفين الفاشلة في مصر

[mohmaher]

يا شعب حرام ...

قاطعوا كرة القدم ... الناس مش لاقيين لقمة العيش .

كفاية سفه .. ناس مش لاقية تأكل عيالها .. و حبة عيال صيع بملايين باليورو و الدولار

يا ناس فوقوا ... فوقوا كفاية خيابة

صحيح رزق الهبل علي المجانين

لو مش قادرين .. على الأقل ماتدفعوش ولا مليم في حضور المباريات أو في اشتراكات القنوات المشفرة التي تبث الدوري المصري ..

اتفرجوا في القنوات اللي ببلاش

ما تدفعوش ولا مليم في شراء الصحف الرياضية الصفراء

انتبهوا هؤلاء الاعبين مجرد مهرجين مع احترامي لأشخاصهم ... انهم فقط مهرجون لإمتاعنا وتسليتنا

اتركوهم لأصحاب السيرك من المنتفعين من السماسرة ورجال الأعمال والأندية المستفيدة

وليس لهدر الأموال العامة عليهم و تنصيبهم أبطال قوميين

كفاية يا عالم .. كفاية سفه ...

قاطعوهم

قاطعوا كرة القدم و بيزنس كرة القدم و رياضة الاحتراف الفاشلة

وشجعوا رياضة الهواية التي تعود بالفائدة علينا و على أبناء البلد

أرجو منكم اعادة ارسال هذه الرسالة لأكبر عدد من المصريين

مصري بيحب بلده جدا

[justtrying]

للاسف الفشل يأتي بسبب بعض العقول المريضة التي تدخل الصفقات فقط من أجل تدمير الفرق الأخرى والضغط على ميزانياتها من خلال رفع أسعار اللعيبة .. ويقولوا مبادئ وقيم .. يمهل ولا يهمل ..

يعني اسعار اللعيبة دي مش اسعارها الحقيقة ولكن بسبب العقول المريضة الي شغاله من تحت لتحت .. وأذنابهم من اتحاد الكورة ..

تم تعديل 8 يوليو 2008 بواسطة justtrying

[النجم الثاقب]

صحيح رزق الهبل علي المجانين

رزقنا كلنا على الله

تقبل تقديرى

[metwallly]

يا شعب حرام ...

قاطعوا كرة القدم ... الناس مش لاقيين لقمة العيش .

كفاية سفه .. ناس مش لاقية تأكل عيالها .. و حبة عيال صيع بملايين باليورو و الدولار

يا ناس فوقوا ... فوقوا كفاية خيابة

صحيح رزق الهبل علي المجانين

لو مش قادرين .. على الأقل ماتدفعوش ولا مليم في حضور المباريات أو في اشتراكات القنوات المشفرة التي تبث الدوري المصري ..

اتفرجوا في القنوات اللي ببلاش

ما تدفعوش ولا مليم في شراء الصحف الرياضية الصفراء

انتبهوا هؤلاء الاعبين مجرد مهرجين مع احترامي لأشخاصهم ... انهم فقط مهرجون لإمتاعنا وتسليتنا

اتركوهم لأصحاب السيرك من المنتفعين من السماسرة ورجال الأعمال والأندية المستفيدة

وليس لهدر الأموال العامة عليهم و تنصيبهم أبطال قوميين

كفاية يا عالم .. كفاية سفه ...

قاطعوهم

قاطعوا كرة القدم و بيزنس كرة القدم و رياضة الاحتراف الفاشلة

وشجعوا رياضة الهواية التي تعود بالفائدة علينا و على أبناء البلد

أرجو منكم اعادة ارسال هذه الرسالة لأكبر عدد من المصريين

مصري بيحب بلده جدا

أخى الكريم جزاك الله خيرا على الموضوع الجميلة ده

بس للأسف أنته أستخدمت مثل يخالف العقيدة الإسلامية

((رزق الهبل على المجانين)) ...........................وذى ما أنته عارف إن رزق الكل على الله

سواء أهبل أو عاقل أو طير أو حشرة....................إلخ

أنا عارف أن أنته لا تقصد ذلك بس يجب علينا التوضيح لكى لا تقع فى نفس الخطأ مرة آخرى

وجزاك الله خيرا

[mohmaher]

أخي متولي شكرا لمرورك

و جزاك الله خير

أنا بالتأكيد أؤمن ان الرزق من الله وحده عز وجل

و لكن قصدت ادراج المثل الشعبي لتوصيل المعلومة فقط لا غير ...

و كنت أود أن أسمع رأيك في الموضوع نفسه .

شكرا

[metwallly]

أخى الكريم mohmaher أنا عارف قصدك بس أنا كان هدفى التوضيح فقط

وبالنسبة لرأى فى الموضوع أنا زى ما قلت أنا مؤيد حضرتك جدا

كرة القدم الإحترافيه دى مسخرة وتفاهات وإضاعة للأموال العامة على الفاضى

بس المشكلة أن معظم المصريين مدمنيين للكرة

ربنا يعافينا ويعافيهم منها