لماضة مصرية جدا بتاريخ: 23 أبريل 2011 تقديم بلاغ مشاركة بتاريخ: 23 أبريل 2011 السلام عليكم و رحمة الله و بركاته مستغربة من الرجل الخمسيني.....ليه دايما بيحاول يعاند الزمن...بقصة حب لا تناسب خصلاته البيضاء مستغربة من ان احنا بنحاول نعيش حياتنا باثر رجعي ليه منعشي الوقت بوقته عايزين نحب.....نفتح شبابيك الكون بحاله علي الحب....بس كما يليق بنا....و كما يليق بعقول من نمر بهم ده مش استغراب دي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! مش غريبة ولا حاجة كل واحد من حقه يعيش الحب فى الزمن اللى هو موجود فيه مش اللى احنا نختاره ورسولنا صلى الله عليه وسلم تزوج السيدة عائشة بعدما تعدى سن الخمسين وكانت احب الناس بالنسبة له --------------------- حاجة كمان الحب مش بالسن وانما بالاحساس بدليل بتلاقى ناس عندهم 30 سنة ومش بيحب حتى نفسه وتلاقيه متجهم ومكشر وعابس عالطول وفيه ناس عندهم خمسين سنة تلاقيها كلها شباب ونشاط وحيوية وصحة وابتسامة وتفاؤل وتحبى تتكلمى معاه والامثلة كتيرة على ده وده السلام عليكم و رحمة الله و بركاته عليه افضل الصلاة و السلام كلام حضرتك مظبوط يا فندم بس هو يا استاذي حسام انت فكرت اني ضد "الحب" في حد ذاته :blink: ان ضد اللي لونته لحضرتك باللون الاحمر اللي فوق لان لو الاحساس متشاركشي فيه الطرفين....يبقي قطعا استغراق طرف فيه دون الطرف الاخر....قطعا يدعو للاستغراب و ساعتها...مش السبب لانه "خمسيني"....بالعكس يمكن زي ما حضرتك قولت فيه امثلة كثيرة لكن ادعاء انك اصغر....و تركب الة الزمن...ده اللي بستغربه اللي عايز يحب... يحب.....زي ما هو.....لا يتجمل....حتي لو عشان يرضي الطرف الاخر و دي وجهة نظر تقبل احترامي...قبل تحياتي اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 27 أبريل 2011 تقديم بلاغ مشاركة بتاريخ: 27 أبريل 2011 السلام عليكم و رحمة الله و بركاته مش عارفة ليه برتاح في التوبيك هنا انا دلوقتي مش بس مستغربة...انا محبطة....و غضبانة...و خايفة مستغربة من كل الملفات السوداء جدا اللي بتتفتح كل يوم و التاني عن حجم الفساد اللي كان في مصر مستغربة من الخير الكتير اوي اللي جوه مصر....و اتسرق من ناس المفروض انها شبعانة يعني عندها فطار و غدا و عشا...كانت تتمني ايه تاني مستغربة....ان التعليم كان بايظ....و بفضل الله تفوقنا و بقت الدنيا كلها بتخطفنا مستغربة...ان الصحة كانت واقعة.....و عمالة الخليج كلها في قطاع الصحة مصريين مستغربة....ان احنا في يوم سبناها.....عشان وصلنا لقناعة ان "معادتشي بتحبنا"....و النهاردة مش عارفة اعيش براها....يمكن بشتغل و بنتج و بحالو اتميز....بس مش عارفة انتمي مستغربة ان وسط كل التشويه المتعمد مع سبق الاصرار و الترصد.....كنا ماشيين في الشارع و بنضحك...و بنفرح و بنحلم مستغربة...و مش مستغربة.....لاني متاكدة اني الروح المصرية مبتنكسرشي بس زعلانة اوي اوي اوي اوي ان البلد دي مبيعديش عليها حد عدل طب ده قدر و لا ايه؟؟؟؟ نفسي في حبة ضوء بصيص نور......يصحي جوايا الامل احسن من كتر استغرابي.....اتخنقت اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 5 مايو 2011 تقديم بلاغ مشاركة بتاريخ: 5 مايو 2011 السلام عليكم و رحمة الله و بركاته مستغربة مني مني مني أنا مش ملاك ليا طاقة و ليا حدود و ليا قدرة تحمل و لما اعجز ليه بقاوح ليه بعافر طب هي خسرانة بقاوح ليه مستغربة مني اني افتكرت اني "سوبر" ومن و طلعت انا...مش ملاك مجرد بشر...هيموت و هيبقي تراب...تاخده في ايدك و تطيره لابعد مكان في الهوا زعللانة ممكن غضبانة ممكن تعبت ممكن جدا لكن مستغربة....اني مدتش نفسي فرصة آخد نفسي....و اقعد علي جنب...من غير معافرة لاني فعلا مش ملاك انا بس بشر اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 1 يوليو 2011 تقديم بلاغ مشاركة بتاريخ: 1 يوليو 2011 السلام عليكم و رحمة الله و بركاته احنا عمالين نلف في دواير حوالين بعض محدش راح يقنع التاني اللي شايف الابيض شايفه ابيض و اللي شايف اسود....شايفة اسود محدش راح يغير رايه يبقي عمالين نحدف طوب علي بعض ليه المفروض اني استغرب بس الحقيقة اني تعبت من المناهدة ليه البني آدمين...متخيلين ان لازم نبقي لون واحد....مع ان البلتة فيها الوان كتير اوي!!! اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 7 يوليو 2011 تقديم بلاغ مشاركة بتاريخ: 7 يوليو 2011 السلام عليكم و رحمة الله و بركاته مستغربة اوي...ان يبقي عندي حياة و لله الحمد لا ينقصها اي شيء بفضل ربنا و كرمه...و علي الرغم من ده عيني و قلبي و عقلي متعلق بهناك...و هناك دي تبدو بعيدة اوي....اوي...بس قريبة اوي قلبي بيفكر في الناس هناك في مصر.... و اللي هيحصل في مصر و بكرة راح يكون شكله ايه" 8 يوليه جمعة العدالة" مستغربة...من الالتصاق الشديد اللي بيتحدي فرق التوقيت و المساحات الجغرافية...و قناعات بعض البشر مستغربة.....اني لسه بحبها....او لسه فيها حاجة حلوة مستغربة ....و لا متغربة و لا دي بعثرة بس الخلاصة لسه قادرة احبها و لسه فيها حاجة حلوة اسمحولي احط دي لاني مستغربة اني كل ما ياخدني الحنين الاقيني بسمعها http://www.youtube.com/watch?v=KfPhTM-0Mbc صباحكم.....لسه فيها حاجة حلوة اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 9 يوليو 2011 تقديم بلاغ مشاركة بتاريخ: 9 يوليو 2011 السلام عليكم و رحمة الله و بركاته مستغربة من اللي اول ما الاذان يؤذن يجري علي الصلاة....بيحافظ عليها ده حقيقي....بس الصلاة عنده بس هما خمس صلوات...يعني في مجمل اليوم حوالي مثلا مثلا ساعتين و باقي ال 22 ساعة.....ما فيش اي صلة بربنا..(بتكلم عن نفسي في اوقات كتير..مش عن حد تاني) مستغربة ان ربنا ادانا فرصة ان احنا نبقي علي صلة بيه ال 24 ساعة....في كل حاجة لو جددنا نيتنا و شعلقنا حبال الرجاء بيه في كل حاجة مهما كانت و احنا اختصرنا كل القرب و الصلة و التعلق و الطمأنينة دي في ساعتين "صلاة" فقط مستغربة ان زي ما بنسمع نداء الصلاة مش بنسمع نداءات كتير في الكون من ربنا لينا مستغربة...ان ليها متعة غريبة جدا....و كنت حارمة نفسي منها مستغربة اني حاسة اني طول عمري اللي فات انا مكنتش بصلي....انا مكنتش علي "صلة" بربنا ربنا يسامحني يا رب يا رب يا رب اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 25 يوليو 2011 تقديم بلاغ مشاركة بتاريخ: 25 يوليو 2011 السلام عليكم و رحمة الله و بركاته مستغربة من حالة "الاستفزاز" اللي بقت زي العدوي انا اعرف ان الضحك عدوي بس الاستفزاز كمان عدوي سؤالي هو "الاستفزاز" ده طبع في البني آدم و لا دي مهارة الناس بتتعلمها مستغربة ان كلمة "استفزاز" نفسها حرف الزين متكرر مرتين و انت بتنطقه لازم تحس نفسك ان جواك حاجة "فزت" بتشديد الزين. مستغربة ان فيه كلمات تحس انها فعلا بتأثر فيك كده وانت بتنطقها يعني كلمة "روح"....تحس و انت بتنطقها انها فيه راحة طالعة من قلبك...يعني حرف "الحاء" تحسه جاي من الاعماق و بيعملك "تنفيس" مع كل زفرة هوا طالعة كلمة "استفزاز" و انت بتنطقها و بتجز علي حرف ال "ز" تحس انك اتعصبت مستغربة ان فيه ناس بتتعمد تبقي زي حرف ال "ز" في كلمة "الاستفزاز"...يعني تفضل تعمل إزززززززززز....إززززززززز و معرفشي هي بتعمل ده عن قصد...و لا ده طبع و لا ايه النظام بالظبط مستغربة ان الناس بتنسي انها "روح" و بتفضل تنكش في نفسها عن كلمات و سلوكيات زي "الاستفزاز" و مفعوله علي اللسان طب الحل ايه؟؟؟ صباحكم....."روح"...من غير اي "استفزاز" اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 السلام عليكم و رحمة الله و بركاته مستغربة جدا جدا البنت اللي بتتربي علي الحرية و التدين و الانطلاق و الجرأة و انها تصنع قراراها بنفسها و تتحمله و لما تكبر البنوتة و تاخد اهم قرار في حياتها صوتها مبيتسمعشي ليه؟؟ علشان اقرب الناس فاهمين عنها و عارفين عنها و خايفين عليها و عايشين الحياة بدلا منها مستغربة ان لما بنربي بناتنا بنربيهم علي الخوف تخاف من اللي هيسرق منها الغوايش في الشارع تخاف انها تخرج لوحدها تخاف انها تمشي في شارع ضلمة بنربي بناتنا انها تعيش في الظل و كل ما هي في الظل كل ما كانت فرصة تالقها في حياة رجل "ضل" برضه اقوي في الجامعة بلاش تشاركي في الاسر...دي بتاعت حب و كلام فاضي في الحياة بلاش تسافري تشتغلي.....الناس هيستوطي حيطتك في الجواز....يا بنتي عيشي و خلاص خلفي عيلين و بعدين ابقي انسيه مستغربة من القتل المتعمد لروح البنت اللي تقدر تسافر و تقدر تعافر و تقدر تقرر مش محتاجة زعيق مش محتاجة حد يعيش الحياة بدل منها مش محتاجة خوف محتاجة بس كتف واحد يكون في كتفها يسندها مش اكتر يطبطب عليها مش اكتر يسيبها تجرب و تحاول من غير ما يجلدها....مش اكتر يوم ما تقع مبتقعشي علشان هي بنت بتقع علشان هي الحياة كده و يوم ما بتقوم مش هتحتاج تثبت للعالم بحاله شفتو بقي اصلي بنت و عملت اللي معملهوش الولد مستغربة جدا و حزينة و مش عارفة اغير في اللي حواليا و حاسة اني برجع عشرين سنة لورا اقتباس رابط هذا التعليق شارك المزيد من خيارات المشاركة
التونسى بتاريخ: 15 أغسطس 2011 تقديم بلاغ مشاركة بتاريخ: 15 أغسطس 2011 انا مينفعش اكتب شئ مفيد او ثرى فى الموضوع ده .. لانى ببساطه بقالى قرابة الست سنوات ((مبستعجبش .. مبستغربش)) .. وكتب فى هذا الامر قصيده زجليه طويله عريضه بعنوان(( متستعجبش .. متستغربش)) .. احد مقاطعها بيقول لما تحب بكل ضمير وبتتمنى يعم الخــير وبتعذر أخطاء الغير ومتلقاش كلمة تقدير متستعجبش .. متستغربش متستعجبش .. متستغربش كتبتها سنة 2005 ..ومن يوميها فقدت متعة الاستغراب ...ورفاهية الاستعجاب اقتباس اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
joo بتاريخ: 15 أغسطس 2011 تقديم بلاغ مشاركة بتاريخ: 15 أغسطس 2011 لية الناس مش امينة ؟ لية مصر مش فى ايد امينة ؟ لية محدش بيطبطب عليها ؟ كلة عاوز ينهش فيها ؟ لية مصر لبسة اسود وبأت حزينة ؟ كل الناس عاوزة تعريها . ومحدش عاوز يستر عليها ؟ حزين عليكى يا بلدى . كان نفسى تكونى فى احسن حال كان نفسى مفرئكيش لحظة . انا بدوب فى ترابك . بس هعمل اية هنروح نعيش فى بلاد مفيهاش ربع اللى فيكى . لاحياة ولا جو ولامناظر جميلة مفيش حد فى جمالك يا مصر بجد حزين . ومستغرب اقتباس [وسط][/وسط] رابط هذا التعليق شارك المزيد من خيارات المشاركة
لماضة مصرية جدا بتاريخ: 14 أكتوبر 2011 تقديم بلاغ مشاركة بتاريخ: 14 أكتوبر 2011 السلام عليكم و رحمة الله و بركاته مستغربة و معجبة الحقيقة في نفس الوقت ب استاذي اللي عمره يفوق عمري الضعف بقوله انا عايزة اطلع علي جبل انا و اللاب توب و اكتب قصة حياتي رد قالي....انتي لسه مشفتيش الحياة يا ريهام لسه معيشتهاش...انتي لسه بتتفرجي عليها من بره استاذي...ربنا يبارك فيه و يديله طولة العمر بيشتغل حوالي14 ساعة يوميا...شغل غير تقليدي..مافيش مرة قعدت معاه و قدرت اخطف دقيقة الا لما قالي كلمة او جملة تغير حياتي كلها معاه باسبورين...و عنده مقعد في احد الجامعات الامريكية باسمه بيشتغل في 4 دول 3 منهم عرب و الرابعة اجنبية بيعرف امتي يعمل حوار بالكرافتة و امتي حوار من غير كرافتة لما بيضحك بيضحك من قلبه اوي و ميهموش احنا واقفين و لا قاعدين و لا في كونفرنس...لما الضحكة تهل يبقي ده وقتها مستغربة و معجبة...ان عينيه لسه بتلمه مع بريق اي فكرة جديدة...في الشغل او في غيره مستغربة و معجبة انه برغم كل مشاغله و التزاماته الاكاديمية ديت...لسه قادر يحب و يتجوز و يعيش حياته فارد جناحاته استاذي....اللي بيرسم حولي دوائر من الدهشة....انا بجد مستغربة...و فخورة ان ربنا يسر لي استاذ مثلك استاذي......سعيدة جدا بتواجدي معاك و تقاطعنا في طريق الحياة انتظره بشغف بالغ اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 16 أكتوبر 2011 تقديم بلاغ مشاركة بتاريخ: 16 أكتوبر 2011 السلام عليكم و رحمة الله و بركاته مستغربة ان في حالة الغضب بنستقوي علي اقرب الناس لينا مستغربة ان الغضب قدرة غريبة انه يخليك تروح علي اضعف حلقة في السلسلة و تيجي عليها مستغربة ان في حالة الغضب ممكن كلام يتقال..في ثواني و نفضل نقعد نصلح فيه عمر بحاله مستغربة ان البني آدم اللي عامل زي القطة الاليفة ممكن لو حد داس علي ديله يطلع منه تنين شايط اوي مستغربة من حالة القفز ديت...و بخاف منها اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 16 أكتوبر 2011 تقديم بلاغ مشاركة بتاريخ: 16 أكتوبر 2011 مستغربة ان ماحدش بيجي التوبيك دوت غيري؟؟؟ طب ده ع اعتبار ان حياتنا مبقاش فيها حاجة تدعو للدهشة يعني و الاستغراب و لا ايه و مستغربة اوي اوي اوي ان كل اللي كتب في التوبيك هنا هوت.....اختفي تفتكروا....ده ليه يا تري اللي بيقعد يستغرب اوي كده بيجيي عليه وقت و يبطل يستغرب و يبطل يندهش و لا بيبطل يكتب و يزعق اصلا؟؟؟؟ بس خلاص لماضة في منتهي الاستغراب الصراحة؟؟؟ اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 17 أكتوبر 2011 تقديم بلاغ مشاركة بتاريخ: 17 أكتوبر 2011 السلام عليكم و رحمة الله و بركاته مستغربة ان أوقات كتير الرجوع للمربع (1) مش معناه ان احنا رجعنا خطوة لورا بالعكس يمكن احنا اللي كنا بندور في اتجاه خاطيء مستغربة ان الحياة عمرها ما بتتعامل كأنها خط مستقيم يصل بين نقطتين أ و ب لكنها بتلف حوالينا كانها دايرة في لحظة ما ممكن نرجع لنفس النقطة مستغربة ان أوقات كتير استهلكنا الكثير جدا من الوقت و الطاقة و العمر علشان نكتشف ان ما نبحث عنه كان موجود قدام عينينامن البداية يمكن ده جزء من رحلة التعلم يمكن كان قدر ان الواحد لازم يمشي كل الخطاوي دي يمكن إنه جزء من الجهل و العند الانساني اللي لا مفر منه...مهما الواحد بلغ من العلم باذن الله يمكن و يمكن و يمكن بس اللي اكيد لعله خير اقتباس رابط هذا التعليق شارك المزيد من خيارات المشاركة
نوران بتاريخ: 5 ديسمبر 2011 تقديم بلاغ مشاركة بتاريخ: 5 ديسمبر 2011 مش مستغربة من موقف إخواننا المسيحيين من الأحزاب الإسلامية ولا من تخوفهم من إقامة دولة إسلامية تطبق فيها الشريعة تدريجيا وأعذرهم لأنهم ربما لا يعلمون مدي سماحة شريعتنا وأنها تحفظ حقوقهم كاملة ربما بعضهم سمع أو شاهد ما يثير قلقه من بعض المحسوبين علي التيار الإسلامي أو من بعض المتشددين لكن مستغربة قوي من مسلمين وموحدين بالله وبرضو رافضين قيام دولة إسلامية تطبق الشريعة وتفعل الحدود حقيقي مستغربة اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 ديسمبر 2011 تقديم بلاغ مشاركة بتاريخ: 13 ديسمبر 2011 السلام عليكم و رحمة الله و بركاته مستغربة اوي من قدرة المصريين اختزال فلسفة الحياة بالكتابة ع العربيات...حيطان الشوارع و ابواب الحمامات العمومية؟؟؟؟؟؟؟؟؟ هل عشان احنا شعب عرف الكتابة من زمان يمكن و لا عشان احنا بنفهمها و هي طايرة ...و الطايرة دي لازم تبقي عربية لوري و لا عشان معندناش حتي تانية نعبر فيها عن افكارنا من غير ما حد يعيب علينا و لا ينتقدنا مش عارفة اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 ديسمبر 2011 تقديم بلاغ مشاركة بتاريخ: 13 ديسمبر 2011 لكن مستغربة قوي من مسلمين وموحدين بالله وبرضو رافضين قيام دولة إسلامية تطبق الشريعة وتفعل الحدود حقيقي مستغربة السلام عليكم و رحمة الله و بركاته طب تسمحيلي استاذتي نوران اضيف استغراب علي استغراب حضرتك و خصوصا اني من المسلمين و لله الحمد و كمان من المستغربين انا بستغرب ان البعض منا يظن ان الحزب الديني....هو الدين و ان معارضة ممارسة فئة هي معارضة لحلم قيام الدولة المسلمة و ان تحكيم العقل او اتباع وجهة نظر "اخري" يعني....عدم قبول حكم الشريعة و برضه دي وجهة نظر كل الاحترام و التقدير اقتباس رابط هذا التعليق شارك المزيد من خيارات المشاركة
نوران بتاريخ: 13 ديسمبر 2011 تقديم بلاغ مشاركة بتاريخ: 13 ديسمبر 2011 لكن مستغربة قوي من مسلمين وموحدين بالله وبرضو رافضين قيام دولة إسلامية تطبق الشريعة وتفعل الحدود حقيقي مستغربة السلام عليكم و رحمة الله و بركاته طب تسمحيلي استاذتي نوران اضيف استغراب علي استغراب حضرتك و خصوصا اني من المسلمين و لله الحمد و كمان من المستغربين انا بستغرب ان البعض منا يظن ان الحزب الديني....هو الدين و ان معارضة ممارسة فئة هي معارضة لحلم قيام الدولة المسلمة و ان تحكيم العقل او اتباع وجهة نظر "اخري" يعني....عدم قبول حكم الشريعة و برضه دي وجهة نظر كل الاحترام و التقدير الأحزاب الدينية مش هي الدين طبعا لكن الأحزاب دي بتنادي بمرجعية إسلامية وبتطبيق الشريعة والإسلام دين حياة ، بينظم كل حياتنا بما فيها السياسية عشان كدة أنا مش موافقة علي الرأي اللي بيقول "لا دين في السياسة ولا سياسة في الدين" والأحزاب اللليبرالية رافضة المرجعية الإسلامية ومنها أحزاب بتنادي بإلغاء المادة التانية من الدستور يبقي أنا إختياراتي محصورة بين أحزاب تعلن المرجعية الإسلامية وأحزاب رافضة للمرجعية الإسلامية يبقي بالرغم من بعض المآخذ علي الأحزاب الدينية إلا إنها الإختيار الوحيد أمامي يا إما يثبتوا جدارتهم يا إما العكس بس نديهم فرصة من غير الهجوم ده كله أنا شايفة برامجهم كويسة وتطبيق الشريعة تدريجيا - في نظري - هو بداية إنفراجة الأزمة عشان كده مستغربة إن الناس بتهاجمهم من غير ما يدوهم فرصة واحدة ونشوف هيعملوا إيه بس آدي كل الحكاية ولا تستغربي ولا حاجة أستاذتي لماضة :P أرق تحياتي اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 29 ديسمبر 2011 تقديم بلاغ مشاركة بتاريخ: 29 ديسمبر 2011 (معدل) السلام عليكم و رحمة الله و بركاته مستغربة اوي من جملة خالدة بتتقال من ناس كبار احنا بنشتري راجل ازاي راجل يقبل علي نفسه ان اسمه يتقرن بفعل ال "شراء" ازاي ناس كبيرة تقولها و بعدين تقعد تتخانق علي نجفة الصالون و شفاط المطبخ ازاي اصلا الجواز يبقي فيه مفردات زي بنشتري راجل....و بنديكو....بنتنا...اه يا معاميعي يانا انا رايي الاصلح ان العيلتين يقولوا احنا بنديكو ابننا و لا بنتنا....و انتو لازم تربوهم من اول و جديد الزواج تاديب و تاهيل و اصلاح و تربية و خنيقة و حاجات كتير فوق بعضيها و الف الف مبروك و ربنا يتمم بخير....(وش انعام سالوسة) مستغربة....من هنا لغاية هنااااااااااااااااااك....(اففففففففففففففف...استغفر الله العظيم) تم تعديل 29 ديسمبر 2011 بواسطة لماضة مصرية جدا اقتباس رابط هذا التعليق شارك المزيد من خيارات المشاركة
Dreamwithme بتاريخ: 29 ديسمبر 2011 تقديم بلاغ مشاركة بتاريخ: 29 ديسمبر 2011 مستغربة جدا من نفسي إزاي قادرة أعيش إحساسين في منتهي التناقض أحساس بالسعادة لحياتي الشخصية وإحساس بالغضب والثورة لأحداث البلد وما تمر به الثورة لازلت متفائلة ومؤمنة بالثورة لأقصي مدي لكن تنتابني حالات غضب ولحظات ألم مما أراه وأسمعه من أحداث إزاي قادرة أكون اثنين في نفس الوقت .... دقيقة ابتسامتي من الودن للودن وفي دقيقة تانية دموعي مغرقة وشي اقتباس <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.