تعيش حياتك وتوفر ااقل ولا تحرم نفسك وتوفر اكتر

[vipwithyou]

اقتراح تانى للتوفير

ياريت كل اب يتبع الموضوع دة

لو كل طفل اتولد عمل له حصاله ووضع له كل شهر مبلغ من 300 الى 500 ريال ثابت شهريا هيبقى ممتاز خالص

ويمكن المبلغ دة يجهز الولد او يجوز البنت فى يوم من الأيام

بجد اللى يقدر يعمل كدة يبقى يعيش حياته بقى وخلاص ويعمل دة بس

يلا مش مشكلة

[لولا]

انا شايفة يا اختي لولا ان الواحد اللي معاه اطفال لازم يعمل حسابه و يأمن ليهم مستقبلهم

عشان اللي مش بيساعدوه اهله بيتبهدل

و الزمن ده كفاية اوي الواحد يخلف طفلين عشان يقدر يربيهم تربية كويسة

مع احترامي للناس للأخوة اللي بيقولوه مش مهم عدد الأطفال

الزمن دلوقتي اتغير

و الولد مسئول من ابوه يعلمه و يدورله علي وظيفة و يجيبلله شقة و يجوزوه كمان

بشوف ناس بيبقي عندها اطفال و مصاريفهم بتبقي قليلة فبيسرفوا طبعا

و بعد سنين يلاقوا الولاد كبروا ومصاريف التعليم زادت و الولد اللي خطب و عايز ابوه يشتريلله شقة و البنت اللي عايزة فلوس للجهاز

فالمفروض الطفل من اول ما يتولد الأب يحوشلله

أستاذة جويريه

ميرسي على مشاركتك.. اكيد الأهل لما بتتغرب بتسعى انها توفر حياه كريمه

لأولادها وبيت عيله محترم وتستثمر فيهم بالتعليم الكويس.

نقطة تحديد النسل للحفاظ على مستوى تعليمى معين للأبناء وتوفير حياه

كريمه لهم انا عن نفسي اؤيده..لأننا أصبحنا فى زمن الشاب فيه صار عندما يجد

كل ابواب الدنيا مغلقة فى وجهه بسبب نقص الإمكانات الماديه وعدم توفر وظيفه

فإن ذلك صار من العوامل اللتى تؤثر على ايمان الكثير من الشباب.. ولا يخفى

علينا ان بعض الشباب فى مصر وصل لهذه المرحله ومنهم من حاول الإنتحار.

لكنى أعتقد اننا هنا كمغتربين نسعى لعيش الوسطيه فى حياتنا ولا أظن أن أحد ممن

لديه اولاد يغفل مسأله الإستثمار فى تعليم الأولاد مما يساعدهم فى نيل فرص عمل

جيده.. ان لم تكن فى مصر فى يوم من الأيام ففى ظروف راقيه فى الغربه برواتب محترمه

وهذه الحاله هنا هى حالتى انا وجوزى لأننا ابناء أسر عاشت حياتها كلها فى الغربه.

الأهل هم حتما أشد الناس حبا لأولادهم.. ولكن اظن ان هناك حدود لعطاء الأهل للأولاد

وهذا رائ الشخصي .. انا كبرت فى الغربه وامتلك اهلى منزل جميل جدا من شقا السنين

واستثمروا فى تعليمنا القسط الأكبر ولكن لم يوفروا لى شقة على اعتبار انى بنت وهذه

ستكون مسؤليه العريس وشاء الله ان كان اهل زوجى قد ساعدوه فى الشقة..ونحن حاليا

فى الغربه للأننا لم نجد وظائف محترمه برواتب جيده هناك. ولم نشعر لحظه واحده انا او زوجى

ان مسئوليه اهلنا نحونا كان يفترض لها ان تكون اكثر من ذلك..

على فكره الطفل لازم يفهم من صغره انه كمان لما يكبر لازم يكون ليه هدف

يتعب عشانه.. ويسعى يحققه حتى لو اتغرب بعد ما كبر تانى. مش عيب يتعب شويه

مش كل حاجة ماما ويابا لازم يأكلوها لينا بالمعلقة فى بقنا.. مش كل الفلوس اللى ماما

ويابا عملوها فى الغربه من حقنا ..

انت بتحبى اولادك قوى زى اى ام.. لكن الأم مش لازم تجيب لبن العصفور

وكل واحد على قد طاقته..

شقق الأولاد وعربياتهم وعفشهم وحسباتهم فى البنك مش مفروض تكون من اولويات

الغربه..اهم حاجة بيت العيله.. الحياه الكريه للأم والأب نفسهم.. زقه بسيطة للأولاد

لو امكن بما قسم الله.. ولا يكلف الله نفسا الا وسعها.

[حلواني]

نت بتحبى اولادك قوى زى اى ام.. لكن الأم مش لازم تجيب لبن العصفور

وكل واحد على قد طاقته..

شقق الأولاد وعربياتهم وعفشهم وحسباتهم فى البنك مش مفروض تكون من اولويات

الغربه..اهم حاجة بيت العيله.. الحياه الكريه للأم والأب نفسهم.. زقه بسيطة للأولاد

لو امكن بما قسم الله.. ولا يكلف الله نفسا الا وسعها.

اوافق علي هذا الكلام 100%

[vipwithyou]

وماذا سيكون موقفك يا أخ حلوانى اذا كان ابيك وفر لك كل حاجة وفى نفس الوقت انت راجل يعتمد عليك

بالله عليك من قرارة نفسك هتكون مرتاح ولا لا

نتكلم بالعقل يا جماعة

الشباب فعلا اللى بيبدأ دلوقتى هيبقى مستحيل يتجوز قبل 32 دا لو نحت فى الصخر

يبقى لو الاب ساعد باى حاجة مش هيكون كويس

ولا الاب يعمل الزفة وخلاص ويبقى عمل اللى عليه

لا مش دا بس اللى عليه

الزمن فعلا بقى وحش قوى

صعب الابن اللى غصنه لسة طرى يبنى نفسه الايام دى

بجد حرام اللى بيحصل للشباب

اللى يقدر يعمل اى حاجة لأولادة يفتكروة بيها يبقى ربنا يكرمه والله

[vipwithyou]

أنا بأقول للى عايز يصرف كل مرتبه اوكى ماشى موافقك بس لكل طفل عندك من يوم ما يتولد

ضع له صندوق خاص به لأن مش عارف فى دفاتر توفير ولا لا فى الخارج

شوف البنت بعد 20 سنه تكون انت حوشت لها كام

500*12*20 = 120000 ريال يعنى بالمصرى 180000 جنيه تقريبا ً

شوف المبلغ دة يعمل ايه ليك ولبنتك وقتها

والولد كذلك

احسبوها من الاول كويس يا جماعة

انشالله تعيشوا كويس وبس توفروا المبلغ ده لكل طفل

دعوة بجد لكل اب وهتدعولى لو عملتوا كدة

[vipwithyou]

لو استقطعت أقل مبلغ ممكن توفرة وهو 100 ريال للطفل بعد عشرين سنه يكون معاك لكل طفل 24000 ريال

يلا بقى نفذوا من النهاردة

[vipwithyou]

بس المهم ان عينيك ما تزوغش على المبلغ دة فى اى وقت علشان تحس بقيمته بعدين

هو مش هيؤثر عليك ابدا ً شهريا

[رمضان]

موضوع شيق جدا لدرجة انه شدني من عنوانه

المهم بالنسبة لي انا شخصيا انا ضد مبدأ اوفر على حساب نفسي ومما ساعد على تأصيل هذا المبدأ لدي هي النماذج التي شاهدتها امام عيني في بداية طريق الغربة

فتجد شخصا يعيش بمفرده ليوفر ويترك اسرته في مصر وتمر السنوات ويكبر اولاده وفجأة يقرر البقاء في مصر والكارثة ان اولاده اصبحوا لا يريدونه فهم تعودوا على الحياة بدونه.

وشخصا اخر كان يوفر حتى في اكله وشربه وفي النهاية اصيب بامراض ومات حتى قبل ان يتزوج

نصيحتي عيشوا حياتكم محدش ضامن عمره

وفي النهاية على قد لحافك مد رجليك

مش عارف ايه مناسبة المثل ده بس حاسس انه يمس الموضوع

[se_ Elsyed]

نصيحتي عيشوا حياتكم محدش ضامن عمره

يعني إنت رأيك : بعزق يا جدع وإصرف ما في الجيب .. يأتيك ما في الغيب ...

وكوم اللحم اللي ورا الواحد ده ... لو الواحد فلسع نبقى نسيب لهم علب بولوبيف .. وبرافانات وكريم نيفيا بالصبار .... واهو ما حدش بيبات من غير عشا ؟

[رمضان]

نصيحتي عيشوا حياتكم محدش ضامن عمره

يعني إنت رأيك : بعزق يا جدع وإصرف ما في الجيب .. يأتيك ما في الغيب ...

وكوم اللحم اللي ورا الواحد ده ... لو الواحد فلسع نبقى نسيب لهم علب بولوبيف .. وبرافانات وكريم نيفيا بالصبار .... واهو ما حدش بيبات من غير عشا ؟

مش قصدي يا سي السيد والله

انا ما قدرتش اوصلها صح

انا قصدي ان الانسان يعيش حياته بدون ما يقفل على نفسه

ربنا يخليك لاولادك يارب وتفرح بيهم وبولادهم

انا احتمال مش فارقة معايا لاني لسه عازب يمكن بعدين كلامي يتغير 188 درجة

[se_ Elsyed]

ما هو حتى لو إنت عازب يا رمضان ... ده احرى إن إنت تعلم حساب لبكره

يعني لو عشت حياتك وسفريات لماليزيا وجمصه والسلوم وأشيك لبس .. وافخم عربيات ..

طب هاتتجوز إمتى وتعمل عيلة إمتى ؟

العملية عايزة موازنة ...

يعني ما احرمش نفسي من الضروريات ...

وفي نفس الوقت أعمل حساب لبكرة ...

وأعتقد إنك تعلم قصة سيدنا أبو بكر الصديق لما إتبرع بكل ما يملك لفقراء المسلمين ... فالرسول الكريم صلوات الله عليه وسلم علمنا الحكمة بتاعت إعمل حساب لبكرة وحساب الناس اللي إنت مسئول عنهم وقال له : ماذا تركت لأولادك يا ابا بكر ؟

فأبو بكر التاجر الشاطر اللي بيتاجر مع ربنا قال له : تركت لهم الله ورسوله

فالرسول نصحه إنه يترك شيء لأولادة بدل ما يتعرضوا لذل الحاجة والفقر بعد موته ...

ده قصدي من الموضوع ...

[لولا]

ما هو حتى لو إنت عازب يا رمضان ... ده احرى إن إنت تعلم حساب لبكره

يعني لو عشت حياتك وسفريات لماليزيا وجمصه والسلوم وأشيك لبس .. وافخم عربيات ..

طب هاتتجوز إمتى وتعمل عيلة إمتى ؟

العملية عايزة موازنة ...

يعني ما احرمش نفسي من الضروريات ...

وفي نفس الوقت أعمل حساب لبكرة ...

وأعتقد إنك تعلم قصة سيدنا أبو بكر الصديق لما إتبرع بكل ما يملك لفقراء المسلمين ... فالرسول الكريم صلوات الله عليه وسلم علمنا الحكمة بتاعت إعمل حساب لبكرة وحساب الناس اللي إنت مسئول عنهم وقال له : ماذا تركت لأولادك يا ابا بكر ؟

فأبو بكر التاجر الشاطر اللي بيتاجر مع ربنا قال له : تركت لهم الله ورسوله

فالرسول نصحه إنه يترك شيء لأولادة بدل ما يتعرضوا لذل الحاجة والفقر بعد موته ...

ده قصدي من الموضوع ...

مش عارفه ليه يا استاذ س س..

حاسه انى بتخبطنى بالكلام بموضوع ماليزيا ده :rolleyes:

انا فعلا رحت ماليزيا رحله سريعة مع جوزى وكانت تجربه

فى حياتى عمرى ما عشت احلى منها ولايمكن انساها فى حياتى

مهما مرت سنين واتعلمت منها حاجات كتير عن الشعوب التانيه.

بس يا اس انا قلت انى انا كمان بشتغل وراتبى كويس..

واظن ان مسؤليه التوفير الأساسيه على الراجل مش الست..

انا بوفر اكيد..بس فى تجارب فى الحياه مش حرام انك تعشها

قبل ما يبقى عندك اولاد وتبقى تقيل فى حركتك..

وبعدين احنا صغيرين لسه.. متغربين وبنخطط للمستقبل اكيد..

بس بالعقل..بشويش.. احنا مش فى سبق.

كان ممكن نكون متغربين وجوزى بس اللى بيشتغل ..ساعتها كانت

الموازيين حتتغير شويه.. لكن لما يكون الطرفين بيشتغلوا وكويس كمان

يبقى ياعم ليه ميعشوش كويس.. صدقنى السنه اللى بتعدى من حياتنا

عمرها ما ترجع.

اللى حعيشه فى العشرين مش هو نفسه اللى فى الأربعين.. واللى حلبسه

فى العشرين مش هو نفسه فى الأربعين..

مقدرش افوت مرحله من حياتى وااجل انى اعيشها لبعدين.. ولا قصدى ابالغ

حتى فى انى اعيشها. لكن اهتمامات الناس بتختلف..

يعنى ممكن واحد يتصرفله بونص عمره ما كان يتوقعه.. يفكر على طول يكبر

بيه حسابه فى البنك.. وممكن واحد تانى يحب يعمل بيه حاجة عمره ماكان

يتوقعها ويسافر ماليزيا!

المسأله شخصيه بحته.. وتحكمها ظروف مختلفه. وفكر مختلف.

[أسد]

في بداية سنوات الغربة بالنسبة لي كان لي ترتيب مختلف لأولوياتي ...

كان في البداية يجب أن أوفر مبلغ يكفي لأن أشتري شقة وأتزوج ..

وأؤثث شقتي ..

وبالتدريج أنجزت تلك الأهداف ..

وكان ذلك بأنني كنت أدخر بشكل أساسي .. لم أكن مقتراً على نفسي .. لكني كنت فقط أنفق المال للضروريات فقط .. وقمت بتأجيل أي شئ لما بعد تلك المرحلة ..

بعد أن أنهيت تلك المرحلة ..

قررت أن أرفع من مستوى حياتي في الغربة .. عن طريق زيادة الإنفاق .. والذي زاد بالطبع بعد زواجي ..

وبالتالي .. نزحت بعض الأشياء إلى خانة الحاجات الأساسية بعد أن كانت في السابق من الكماليات .. أو لم تكن ذات أولوية ..

وكان لي هدف آخر .. وهو إدخار المال للمستقبل ..

وبدأت في مرحلة من الوسطية .. ولازلت أعيش فيها إلى الآن ..

أعيش حياة جيدة جداً في الغربة ..

وأدخر جزء من دخلي بالطبع ..

أحاول مجتهداً أن أكون في وسطياً .. ولكن في كل الحالات ..

أحدد أولوياتي .. وأعمل بناء على تلك الأولويات

[جويرية]

أختي لولا

السنين الأولانية للجواز فرصة للأدخار أفضل ، لأن بعد ما يكبروا الأولاد مصاريف البيت بتزيد و مفيش فرصة ان حد يحوش حاجة

و بعدين الطفل الصغير يوم ما حيطلب حاجة بالكتير حيقول عايز شيكولاتة او عايز عجلة ، لكن الولاد لما بيكبروا اللي عايز عربية و اللي عايز لبس غالي و اللي عايز يتفسح مع اصحابه ، و من اللي شوفته من بعض الناس ان الأولاد مش بيحسوا ان الوالدين تعبانين في الفلوس و بيرهقوا والديهم بطلباتهم ، و بتبقي الأم عايزة تجوز الولد عشان تخلص من طلباته اللي مش بتخلص ، طبعا هما مش شايلله ليه لا شقة و لا فلوس للجواز

و بعدين هيا الفسحة في اي مكان هيا مش بحر وميه و هوا ، طيب ما الواحد يروح البحر في أقرب مكان ليه بدل ما يروح بعيد ، وفي اماكن جميلة جدا في بلادنا

[Rakan]

احفظ قرشك الأبيض ليومك الأسود ... احنا في زمن مادي ...و والله لو دارت عليك الدنيا لن ينفعك بعد الله

الا نفسك وقرشك ... في هذا الوقت اقرب الناس لك قد يتخلى عنك في وقت الشدة .. خصوصآ اذا كان موضوع مادة

رأيي يا مدام لولا مع التوفير قدر المستطاع خصوصآ للمغترب ... بشرط الا يصل الى درجة البخل المنهي عنها خلقآ وشرعآ

وحكاية اصرف ما في الجيب يأتيك ما في الغيب .. غلط .. ولا اعرف احد اتبع هذة القاعدة الا وندم اشد الندم .

[هشام عباس]

انا بصراحه مطبق مبدأ اصرف ما في الجيب يأتيك ما في الغيب ولغاية دلوقتي الحمدلله ماشيه معايا كويس جدا جدا ....... وبعدين بصراحه وعن تجربه لاقيت ان مش التحويش الي بيعمل فلوس!!!!!!! انما انتهاز الفرص بطرقه جيده والتفكير المظبوط ويمكن انا حظي كويس وربنا مسهلهالي ومفتكرش اني من يوم ما جيت هنا عمان وانا حوشت حاجه!!!!!!!!!!!!! بس الحمد لله ربنا بيبارك من عنده

واهم حاجه ان الولاد يعيشو في مستوى كويس ويتربو احسن حاجه الواحد يقدر عليها والرزق ده بيجي من عند ربنا والأنسان مش بياخد اكتر ولا اقل من الي مكتوبله مش معنى كده ان التبزير هو المقصود بس انا شايف ان التبزير ده يعني الواحد يصرف اكتر من امكانياته ويدخل نفسه في مشاكل ماديه!........... انما ان الواحد يصرف على اد الي معاه وميحرمش ولاده من اي حاجه ده مش تبزير وبجد والله ربنا بيرزق المهم ان الواحد يشغل

عقله طيب انا هقلكم على تجربتي الشخصيه .......... انا من يوم ما جيت عمان من 13 سنه مفتكرش اني حوشت اكتر من 100 الف جنيه وده بالنسبه لدخلي انا وزوجتي طبعا مبلغ لا يزكر ومع ذلك ربنا كرمنا جدا جدا يعني اشترينا ارض في القاهره الجديده قبل الأسعار ما تتجنن ....(ايام الرخص يعني) ....... وكان عندي شقه كده صغيره بعتها لما الدنيا في مصر ولعت ودخلت القرعه بتاعت الأراضي وربنا كرمنا وطلعتلنا حته كمان وحجزنا شقه برضه ايام الرخص ويوم ما احب ابني الأرض هبيع الشقه وابني بتمنها وكل ده من غير تحويش الحمدلله بس بكرم من ربنا والمهم الواحد يعيش حياته هو وولاده على قدر المستطاع وفعلا ربنا بيرزق علشان كده انا رأيي ان الواحد يستمتع بحياته ويعشها لأن اليوم الي بيعدي مش بيرجع تاني وسنين الغربه ديه هي احلى سنين عمرنا ولو ضيعناها في التحويش معتقدش اننا هنعرف نرجع ايامنا وشبابنا تاني وكمان مش هنقدر نستمتع بفلوسنا الي فضلنا نكنز فيها طول عمرنا وزي المثل ما بيقول ......( مال الكنزي للنزهي)

[لولا]

نصيحتي عيشوا حياتكم محدش ضامن عمره

يعني إنت رأيك : بعزق يا جدع وإصرف ما في الجيب .. يأتيك ما في الغيب ...

وكوم اللحم اللي ورا الواحد ده ... لو الواحد فلسع نبقى نسيب لهم علب بولوبيف .. وبرافانات وكريم نيفيا بالصبار .... واهو ما حدش بيبات من غير عشا ؟

على فكره يا س س..

فى حاجة مهمه لازم تفهمها حضرتك.. وهى ان تقدير منهج الوسطيه فى الحياه

وحجم التوفير اللى أكيد بيكون متناغم بشكل تام مع حجم الدخل..

مما يعنى ان ما يمثل وسطيه عندى مقارنه بحجم دخلى..قد يمثل بعزقه

وتبذير بالنسبه لغيرى.. وبالتالى الحكم على طريقة حياه شخص معين

لايمكن ان يحكم عليها شخص تانى له ظروف مختلفة تماما.

نحن هنا نتحدث بشكل عام.. عن مترادفات عده.. الغربه مرادفة بشكل

طردى مع التوفير.. والتوفير مترادف بشكل عكسي وطردى فى ذات الوقت

مع العمر!!

مسأله تحديد اساسيات الحياه من كمالياتها شيئ لا يختلف عليه اثنان

انه يختلف من شخص للأخر.

فى شخص مغترب ممكن يشوف انه مسألة انه يخرج اولاده اخر الأسبوع

ويوديهم بيتزاهت يتعشوا رفاهيه مفيش داعى ليها..لأنه ببساطة جاى

هنا يوفر لحاجات اهم. انا هنا مقدرش اتدخل واحكم على الشخص دا باى طريقة

لأنى اصلا معرفش هو مرتبه كام .. يعنى المسأله محكومه 100% بحجم الدخل.

وممكن شخص تانى تبقى خروجة بيتزاهت عنده شئ ضرورى يحب يبسط بيه

اولاده لأنه ببساطة عارف ان راتبه يسمح انه يخرجهم كده ولو استخسر فيهم

الخروجة دى بس عشان يوفر اكتر واكتر.. يبقى هو كده دخل فى مرحله

البخل وحب المال اكتر من حبه لأنه يعيش مع اولاده ذكريات حلوه يفتكروها

لما يكبروا ويقولوا بابا كان بيعمل معانا كذا.

خلينى ااقولك يعنى لو فى موظف مصاريفه الأساسيه هو واولاده 3000 ريال

وراتبه شهريا 15000 ريال تفتكر يبقى من المنطق يصرف بس 3000 ريال..

وساعتها فسحة بيتزاهت حتبقى بعزقه! وكريمات نيفيا لمراته حتبقى تبذير!

وعموما اختلاف الراي وارد دائما وابدا فى اى نقاش..

ولكن المهم دائما هو احترام شخوص الآخرين.. وحياتهم .. وعقولهم.

والحمدالله ان جعلنا مسلمين قلبا وقالبا.. وان الإسلام دين وسطيه.

[لولا]

انا بصراحه مطبق مبدأ اصرف ما في الجيب يأتيك ما في الغيب ولغاية دلوقتي الحمدلله ماشيه معايا كويس جدا جدا ....... وبعدين بصراحه وعن تجربه لاقيت ان مش التحويش الي بيعمل فلوس!!!!!!! انما انتهاز الفرص بطرقه جيده والتفكير المظبوط ويمكن انا حظي كويس وربنا مسهلهالي ومفتكرش اني من يوم ما جيت هنا عمان وانا حوشت حاجه!!!!!!!!!!!!! بس الحمد لله ربنا بيبارك من عنده

واهم حاجه ان الولاد يعيشو في مستوى كويس ويتربو احسن حاجه الواحد يقدر عليها والرزق ده بيجي من عند ربنا والأنسان مش بياخد اكتر ولا اقل من الي مكتوبله مش معنى كده ان التبزير هو المقصود بس انا شايف ان التبزير ده يعني الواحد يصرف اكتر من امكانياته ويدخل نفسه في مشاكل ماديه!........... انما ان الواحد يصرف على اد الي معاه وميحرمش ولاده من اي حاجه ده مش تبزير وبجد والله ربنا بيرزق المهم ان الواحد يشغل

عقله طيب انا هقلكم على تجربتي الشخصيه .......... انا من يوم ما جيت عمان من 13 سنه مفتكرش اني حوشت اكتر من 100 الف جنيه وده بالنسبه لدخلي انا وزوجتي طبعا مبلغ لا يزكر ومع ذلك ربنا كرمنا جدا جدا يعني اشترينا ارض في القاهره الجديده قبل الأسعار ما تتجنن ....(ايام الرخص يعني) ....... وكان عندي شقه كده صغيره بعتها لما الدنيا في مصر ولعت ودخلت القرعه بتاعت الأراضي وربنا كرمنا وطلعتلنا حته كمان وحجزنا شقه برضه ايام الرخص ويوم ما احب ابني الأرض هبيع الشقه وابني بتمنها وكل ده من غير تحويش الحمدلله بس بكرم من ربنا والمهم الواحد يعيش حياته هو وولاده على قدر المستطاع وفعلا ربنا بيرزق علشان كده انا رأيي ان الواحد يستمتع بحياته ويعشها لأن اليوم الي بيعدي مش بيرجع تاني وسنين الغربه ديه هي احلى سنين عمرنا ولو ضيعناها في التحويش معتقدش اننا هنعرف نرجع ايامنا وشبابنا تاني وكمان مش هنقدر نستمتع بفلوسنا الي فضلنا نكنز فيها طول عمرنا وزي المثل ما بيقول ......( مال الكنزي للنزهي)

اهنئك اخى الكريم على فكرك الإستثمارى والمنهج الذى اتبعته منذ البدايه

.. وبارك الله لك فى رزقك ورزق الجميع .. واسعدكم الله فى حياتكم التى لا أشك

انك جمعت فيها بين التوفير والتمتع بالحياه

واعتقد ان شخص له عقليتك الإستثماريه هو حتما شخص ناجح فى تقدير

منهج وسط فى حياته .

[لولا]

أختي لولا

السنين الأولانية للجواز فرصة للأدخار أفضل ، لأن بعد ما يكبروا الأولاد مصاريف البيت بتزيد و مفيش فرصة ان حد يحوش حاجة

و بعدين الطفل الصغير يوم ما حيطلب حاجة بالكتير حيقول عايز شيكولاتة او عايز عجلة ، لكن الولاد لما بيكبروا اللي عايز عربية و اللي عايز لبس غالي و اللي عايز يتفسح مع اصحابه ، و من اللي شوفته من بعض الناس ان الأولاد مش بيحسوا ان الوالدين تعبانين في الفلوس و بيرهقوا والديهم بطلباتهم ، و بتبقي الأم عايزة تجوز الولد عشان تخلص من طلباته اللي مش بتخلص ، طبعا هما مش شايلله ليه لا شقة و لا فلوس للجواز

الغاليه جويريه..

كلامك صح ان التوفير قبل دخول الأولاد المدرسه بيكون اسهل..

انا الحمدالله بشتغل ولسه معنديش اولاد .. ورغم كده فاتحه حساب

توفير منفصل بيتسحب على طول من راتبى فى البنك عشان لما

ربنا يرزقنى.. وناويه المبلغ ده يفضل طول ما انا بشتغل عشان مستقبلهم

طبعا.. وجوزى كمان عامل كده. وربنا يرزقنا امين. احنا لينا سنتين متجوزين.

اما باقى راتبى بوفر منه برضه جزء وبصرف جزء. يعنى الحمد الله ..الحمد الله

مش بعمل حاجة على حساب حاجة.

لكن رغم كده بلاقى بعض الناس بتلومنى انى لازم اوفر اكتر :rolleyes:

طيب انت بس قوليلى لو انت بتشتغلى انت وجوزك.. وهو راتبه كويس

وماشي على خطة توفير كويسه .. ومش محتاج حاجة من راتبك

مش حتصرفى على نفسك شويه من راتبك.. ولا حتبقى الشامبوهات

وكريمات نيفيا والبرفانات تبذير :rolleyes:

كل واحد اكيد بيصرف حسب ظروفه اللى هو ادرى بيها.

واحنا مش فى سبق عشان نتحدى بعض مين هيوفر اكتر فى اسرع

وقت.

الحياه قطر ومحطه.. وانا لو فى القطر دا اخترت انزل فى محطة ماليزيا

شويه انا وجوزى ونتأخر فى وصول اخر محطة ساعة فده عشان احنا

ادرى بظروفنا. وبقيمه السفريه دى عندنا اللى عمرنا ماندمنا لحظه

وحده عليها لأنها كانت زى حلم خيالى عشت فيه مع شريك حياتى

واتحفر جوه قلوبنا وبكره نحكيه لأولادنا انشاء الله.

[لولا]

في بداية سنوات الغربة بالنسبة لي كان لي ترتيب مختلف لأولوياتي ...

كان في البداية يجب أن أوفر مبلغ يكفي لأن أشتري شقة وأتزوج ..

وأؤثث شقتي ..

وبالتدريج أنجزت تلك الأهداف ..

وكان ذلك بأنني كنت أدخر بشكل أساسي .. لم أكن مقتراً على نفسي .. لكني كنت فقط أنفق المال للضروريات فقط .. وقمت بتأجيل أي شئ لما بعد تلك المرحلة ..

بعد أن أنهيت تلك المرحلة ..

قررت أن أرفع من مستوى حياتي في الغربة .. عن طريق زيادة الإنفاق .. والذي زاد بالطبع بعد زواجي ..

وبالتالي .. نزحت بعض الأشياء إلى خانة الحاجات الأساسية بعد أن كانت في السابق من الكماليات .. أو لم تكن ذات أولوية ..

وكان لي هدف آخر .. وهو إدخار المال للمستقبل ..

وبدأت في مرحلة من الوسطية .. ولازلت أعيش فيها إلى الآن ..

أعيش حياة جيدة جداً في الغربة ..

وأدخر جزء من دخلي بالطبع ..

أحاول مجتهداً أن أكون في وسطياً .. ولكن في كل الحالات ..

أحدد أولوياتي .. وأعمل بناء على تلك الأولويات

فعلا بناء خطه سليمه يحتاج فى الأساس لوجود هدف واضح..

والأولويات فى حياتك وحياه اولادك لايملك احد ان يحددها لك

لأنك اولا واخيرا اقدر شخص واجدر شخص لهذا التقييم فى تحديد

الأولويات فهى حتما تختلف من شخص لآخر حسب ظروفه .

اعرف ناس تعتبر الإحتفال بأعياد ميلاد الأولاد وشراء هديه لهم

تبذير. واعرف ناس اكتر تعتبره اولويه..

يعنى الموضوع يختلف من واحد للتانى.

وربنا يفتح على الجميع. ويدينا البركة فى الرزق لأنها اهم بكتير

من حجم الرزق نفسه.