النجم الثاقب بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 (معدل) هل تريد لابنائك ان يصبح لهم عادات وصفات ابناء السعوديين؟ يا جماعه يا ريت نبطل تجريح فى الناس .. هو يعنى أبناء المصريين هما اللى علماء و لا أسلوب التعليم فى مصر هو اللى محترم !؟ .. كل مكان فيه الكويس و الوحش و يمكن عندنا فى مصر نسبة الوحش أكتر من الكويس . احنا ليه دايما فاهمين إن احنا أحسن شعب على وجه الأرض !!؟؟ عيب الكلام اللى بيتقال ده و الله . عفوا على الخروج عن سياق الموضوع .. بس الكلام ده اتكرر فى مواضيع كتير قبل كده و بصراحة نرفزنى جدا أستاذ moma .. انا مش هقدر اضيف أكتر من اللى قاله الاعضاء الافاضل .. كل اللى أقدر أقولهولك ربنا ييسرلك حالك و يوفقك . تم تعديل 2 يوليو 2008 بواسطة النجم الثاقب كيف اصطباري وما في العمر متسع...!! رابط هذا التعليق شارك المزيد من خيارات المشاركة
vipwithyou بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 متهيألى المفروض صاحب الموضوع يدخل يرد علينا مش يفجر موضوع خطير زى دة ويمشى ويبسيبنا نخبط فى بعض صح ولا لا هو فين اساسا ً اللى عايز النصيحة بيدور الناس ردت عليه ولا لا صح كدة سلالالام أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
النجم الثاقب بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 معلش يا أستاذ تامر .. منعرفش ظروف الناس ايه .. يمكن اشتراك الدى اس ال خلص و لا شىء من هذا القبيل كيف اصطباري وما في العمر متسع...!! رابط هذا التعليق شارك المزيد من خيارات المشاركة
vipwithyou بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 ماشى يا عم الحاج مش مشكلة بس انا لاحظت ان الناس ممكن تغلط فى بعض ويخرجوا عن الموضوع الاساسى فقلت يجى الراجل يشوف موضوعه بس يا ريس وانا عندى الدى اس ال بيفصل والله وشكلى هأغير الشركة خالص أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
NODY بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 انا يمكن صغيرة على الرد في الموضوع دا بس انا شفت مصررين معايا بيزاكرو المناهج المصرية زي المصرين في بالدهم وبيمتحنو في السفارة كل سنة وبكدا هتكون مرتاح زي منتي بمرتبك بس هيكون في مجهود على الام في تدرسهم المناهج المصرية و المصريين المدرسين كثير بيدو دروس خصوصية وهيكونو فهمين كويس مناهج البلد واذا كان على جهد ابنك في دراسة مواد زيادة فانا بقولك انا درست في السعودية لحد الان انا في الجامعة المواد مفيش اسهل منها يعني مش هيتعبو كتير في مزكرتها وانا اسفة مرة تانية بس حبيت اقول الي انا اعرفة يمكن رائي يفيد ولو بجزء بسيط وربنا يخليهم لحضرتك رابط هذا التعليق شارك المزيد من خيارات المشاركة
Saleh بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 أنستنا الصغيرة NODY موضوع المذاكرة في المنزل والإمتحان في السفارة عليه تحفظات كتيرة ... يمكن ينفع للإبن أو الإبنة في المرحلة الثانوية مثلاً بعد أن يكون بناءهم النفسي تكون و شخصيتهم قد بدأت في التشكل إنما المدرسة للأطفال مش مجرد لتعليم الجمع والطرح فقط ... كمان ضرورية لتفاعل الطفل مع المجتمع وتكوين تجارب مع عالم آخر غير عالمه الصغير (الأب والأم وإخوته الصغار) الذي نشأ فيه وعذراً للخروج عن الموضوع الرئيسي أخونا moma ... إضافة لأراء الأعضاء الأفاضل أن كنت مستقر في عملك ومتعايش مع مشاكل غربتك (طبعاً متعايش بعد 13 سنة غربة) مشكلة مدارس الأولاد ممكن تتحل لو فكرت في مدارس International وممكن تغطيها من دخلك بالإضافة إلى إنها إستثمار في الأولاد بحد ذاتها وفقك الله إلى ما فيه الخير رابط هذا التعليق شارك المزيد من خيارات المشاركة
Rakan بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 هل تريد لابنائك ان يصبح لهم عادات وصفات ابناء السعوديين؟ الله يسامحك يا ناصر .. اكيد انت ما عشت بينا ولا تعرفنا صح بالنسبة لتعليم الأولاد في السعودية يا اخ moma امامك ثلاث خيارات : مدارس حكومية مدارس خاصة مدارس اجنبية المدارس الحكومية حقيقة لا انصح بادخال اولادك فيها والتعليم في المدارس الخاصة لا يكلف كثيرآ خطورة المدارس الحكومية في مكان المدرسة خصوصآ الأحياء التي يسكنها البدو ... ثم الأحياء الشعبية لو كنت في قرية صغيرة او هجرة انا معاك بعدم تدريس اولادك في السعودية ومصر افضل لهم .. لكن الرياض والمدن الكبيرة عندك خيارات اخرى ممتازة المدارس الأهلية ( الخاصة ) تعتبر خيار ممتاز وتكلفتها معقولة و المنهج هو المنهج الحكومي والفرق بسيط الأولاد في المدارس الخاصة غالبآ من مستوى ارقى من طلاب المدارس الحكومية .. واهلهم اكثر حرص عليهم وطبعآ مدرسة اهلية في حي مثل النسيم او النظيم لن تفرق كثيرآ عن المدرسة الحكومية والدراسة الأبتدائية متوسط تكلفتها 6000 ريال .. والمواصلات 1500 ريال تقريبآ المدارس الأجنبية لا املك معلومات اكيدة عنها ... لكن سمعت كثير يمدحونها واعيد ما قلتة في ردي السابق .. لا تترك شي مضمون مقابل شي غير مضمون ... الجميع نفسة يعيش في بلدة وبين اهلة واصحابة ... لكن الحياة تجبرنا يا صاحبي ان نصبر و نتعايش مع الواقع .. والحمد لله انت احسن من غيرك و وضعك في السعودية ممتاز وافضل من كثير من ابناء البلد و الله يوفق الجميع . رابط هذا التعليق شارك المزيد من خيارات المشاركة
capitshino بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 روح كندا أنا افتكرت سعادتك بتقول كنكه... :blink: :lol: هو يعني عنده عيلين ومن هنا لسنة 2010 يكون عنده خمس عيال وتقول له روح كنكه دي .. خليه قاعد .. خليه بالنعمه اللي هوه بيها :rolleyes: كنكة إيه ياعم هو إحنا لاقيين القهوة عشان نروح اللي بتقول عليها دي المحترم جاى انا مش فاهم حاجة من تعليقك -- ممكن يكون عيب فيا- بس على العموم اضافة عظيمة رابط هذا التعليق شارك المزيد من خيارات المشاركة
madzoro بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 نصيبك هيصيبك و لو في بلاد الواء الواء صلي استخارة و امشي في اي سكة انت عايزها .... اذا ربنا سهلهالك يبقى فيها الخير ان شاء الله .... عموما عندك او في مصر اللي هيكون هو قدرك ونصيبك انت بتسعى و تخلص النية و يارب يرزقك براحة البال و يوضحلك الامور ولازم تعرف ان مستقبل الاولاد بايد ربنا و احنا بنحاول نعمل اللي ربنا يقدرنا عليه لمستقبلهم لكن مش هنقدر نغير اللي ربنا كتبهلهم ارجو اني اكون عرفت اعبر .... الله اعلم عن تجربتي بخصوص موضوع الدراسة هي يمكن تكون قديمة نوعا ما فالزمن غير الزمن انا درست في السعودية و اخذت الثانوية من هناك و دخلت كلية الهندسة في مصر و كنت في مدرسة حكومية و في حي النسيم اللي ذكرو اخونا الفاضل راكان بس اللي ساعدني بيه والداي خلال فترة الدراسة انهم عودوني اعتمد على نفسي في المذاكرة و اللهي ما كنت باخد دروس خصوصي .... ما اخدتهاش غير في مصر و السبب كان بعد الكلية عن البيت كنت بكسل اروح و كان اغلب الدروس اللي خدتها عشان اعرف المنهج بس مش اكتر المهم انا اتعودت ايام الثانوي اني اذاكر كتب المدرسة و اي كتب تتعلق بالمواد اللي بدرسها ساعات كنت بدرس في الكتب المصري اللي فعلا تحاول تزرعوا في اولادك انهم يعتمدو على نفسهم في البحث عن المعلومات حتى لو درسوا في مدارس اجنبية او في مصر او في السعودية و لو جبتلهم مدرسين خصوصي .... مايكونش الاعتماد انهم يذاكروا المنهج و السلام لازم ننمي في ابنائنا فكرة البحث و التنسيق و الله الموفق لما فيه الخير و الصواب رابط هذا التعليق شارك المزيد من خيارات المشاركة
moma بتاريخ: 3 يوليو 2008 كاتب الموضوع تقديم بلاغ مشاركة بتاريخ: 3 يوليو 2008 أشكر الجميع علي المشاركة وأدعو الله أن يجعل ذلك في ميزان حسناتكم جميعا ولكن مع إحترامي للجميع لقد تم فهم الموضوع خطأ من أكثركم وبخاصة الأخ المشرف ( سي السيد ) وللتوضيح مسألة العودة منتهية ولكن فقط المشكلة في التوقيت هل الأن أم بعد سنتيين ونصف من الأن والخلاصة إن مشكلتي تتمثل في ( إزاي أستثمر الفلوس اللي معايا ) وأستغل كل إمكانياتي في إني أبدأ مشروع مش مهم يكون كبير بس المهم يكون فيه نواة لمشروع ممكن أولادي يستفيدوا منه في المستقبل لما يكبروا لأني مش عاوزهم يشوفوا اللي انا شوفتة في الغربة حتي ولو كنت حاليا مرتاح في وظيفتي وفي حياتي فالأخ المشرف سي السيد نقل الموضوع لمنتدي المغتربيين مع إني طرحت الموضوع علي أساس إني هكون موجود في مصر بإذن الله بصفة دائمة سنة 2010 يعني أنا محتاج أرائكم وتوقعاتكم وهل من الممكن إني أبدأ من الأن ومش مهم إني أكون موجود في مصر لمتابعة المشروع أو أنتظر لما أرجع بإذن الله نهائيا لأني بصراحة مش عارف أيه الجو في مصر ( طبعا أقصد جو الإستثمار ) أشكركم جميعا علي المشاركة وأسف للتأخير في الرد علي كل من أبدي النصيحة إجعل إبتسامتك تقهر دموع أحزانك رابط هذا التعليق شارك المزيد من خيارات المشاركة
الحازم حسن بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 الموضوع يختلف من شخص للتاني وأنا في رأيي ان الناجح في السعودية حيكون ناجح في مصر وحيكون ناجح في كندا وحتى لو راح اسرائيل كمان حيكون ناجح هناك أنا مش حعقدك ولا حقولك welcome to egypt عن نفسي انا بقالي 4 سنين في السعودية وخلاص بقائي فيها أصبح مسألة وقت مش اكتر ومعملتش حاجة زي حضرتك كده تمام بسبب التبذير بس عن تجربة شخصية أكتر من صديق نزلوا مصر بمبالغ محترمة جداً وكانوا من الثوار على الوضع هنا ولكن كلهم (كلهم بلا استنثناء) رجعوا تاني بعد 4 شهور على أقصى تقدير ومهنهم كانت متفاوتة صيدلي - محاسب - فني حاسب والكل رجع تاني بعد ما دفع دم قلبه في مصر غير مصاريف الفيز والسفر لكن مش معنى كده اني بقولك متنزلش في البداية قلت ان الموضوع يختلف من شخص للتاني وانا نازل مرعوب لكن حزمت أمري وتوكلت على الله خلاص أنصحك تنزل مصر أجازة طويلة شوية 6 شهور مثلا وتشوف الوضع بنفسك على الطبيعة يعني تبقى ماسك العصاية من النص لقيت ان ربنا وفقك خلاص توكل على الله واستقر اذا لم توفق ارجع لشغلك تاني ومتبقاش خسرت حاجة ربنا يوفقك في أي مكان تروحه .. Many of life's failures are people who did not realize how close they were to success when they gave up Thomas Edison Failure Is Not An Option رابط هذا التعليق شارك المزيد من خيارات المشاركة
moma بتاريخ: 3 يوليو 2008 كاتب الموضوع تقديم بلاغ مشاركة بتاريخ: 3 يوليو 2008 أشكرك أخي ( الحازم حسن ) رأيك بخصوص الإجازة تكون طويلة شوية فية مشكلة إن الشركة لن تسمح بأجازة بأي حال من الأحوال أكثر من 50 يوم ودي طبعا سيادك عارف إنها مش كافية لإكتشاف الأوضاع في مصر والحكم علي الأمور لكن خليني أقترح شيئ بيدور في رأسي بحكم إني أعمل في مجال النقل أيه رأيك في مشروع 1- شراء سيارتين أو سيارة نصف نقل 2- شراء سيارة نقل كبيرة ( تريلا ) 3- مصنع ملابس جاهزة للأطفال 4- محل ملابس جاهزة في مدينة المنصورة مثلا إجعل إبتسامتك تقهر دموع أحزانك رابط هذا التعليق شارك المزيد من خيارات المشاركة
justtrying بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 رأيي ونصيحتي مترجعشي خلاصة الكلام رابط هذا التعليق شارك المزيد من خيارات المشاركة
الحازم حسن بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 أشكرك أخي ( الحازم حسن ) رأيك بخصوص الإجازة تكون طويلة شوية فية مشكلة إن الشركة لن تسمح بأجازة بأي حال من الأحوال أكثر من 50 يوم ودي طبعا سيادك عارف إنها مش كافية لإكتشاف الأوضاع في مصر والحكم علي الأمور لكن خليني أقترح شيئ بيدور في رأسي بحكم إني أعمل في مجال النقل أيه رأيك في مشروع 1- شراء سيارتين أو سيارة نصف نقل 2- شراء سيارة نقل كبيرة ( تريلا ) 3- مصنع ملابس جاهزة للأطفال 4- محل ملابس جاهزة في مدينة المنصورة مثلا النقل مشروع كويس بس الاهم من العربية السواق ممكن يطلع عينك لو مش أمين أعرف واحد اتعلم التدخين بعد ما اشتغل في المشروع ده :rolleyes: لكن ربنا معاك توكل على الله وسلم لي على ميت عساس Many of life's failures are people who did not realize how close they were to success when they gave up Thomas Edison Failure Is Not An Option رابط هذا التعليق شارك المزيد من خيارات المشاركة
ايهاب سالم بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 عن تجربة شخصية أكتر من صديق نزلوا مصر بمبالغ محترمة جداً وكانوا من الثوار على الوضع هنا ولكن كلهم (كلهم بلا استنثناء) رجعوا تاني بعد 4 شهور على أقصى تقدير ومهنهم كانت متفاوتة صيدلي - محاسب - فني حاسب والكل رجع تاني بعد ما دفع دم قلبه في مصر غير مصاريف الفيز والسفر على يدي شفت كذا حاله من دول لما كنت في قطر فيه ناس رجعت على مرتبات أقل من اللي سابتها لأنها كانت عايزه ترجع و خلاص رابط هذا التعليق شارك المزيد من خيارات المشاركة
ايهاب سالم بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 لكن ربنا معاك توكل على الله وسلم لي على ميت عساس مين ميت عساس دي و إشمعنى أنا أعرف ميت أبو الكوم .... كفر المصيلحه رابط هذا التعليق شارك المزيد من خيارات المشاركة
لولا بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 الأخ الفاضل.. قرات جميع النصائح التى كتبت لك.. والتى كانت متضاده بشكل كبير. انصحك بشئ واحد. اجعل صلاة الإستخارة بخصوص هذا الموضوع جزء من حياتك.. كررها كل يوم ..مرارا وتكرار.. وكن على يقين وايمان تام ان لا أحد فى الوجود يستطيع ان يجزم بمدى نجاح اى شيئ فى حياتك لأنه من علم الغيب والله وحده علام الغيوب. صدقنى يا اخى دوام على الإستخارة دون كلل او ملل من هنا حتى التاريخ الذى قررته للرحيل. انت كبشر قد قررت شيئ معين ولكن انت لا تعرف مدى صحة ما تريد تنفيذه وجدواه..واحتماليه نجاحه . والإستخاره عاده تكون فى هذه الحالات. بمعنى انك تمشي فى ما قررت وتستخير .. واذا حصل شيء ما عطل ما خططت له فهنا تكون نتيجة الإستخاره.. لأن اى خروج عن الخطة التى وضعتها واستخرت فيها يدل على ان الإستمرار فى هذا الشي ليس فيه خير لك. وفقك الله وتذكر دائما انه لو اجتمع اهل الأرض على منفعة او مضره لك لن يكون لهم الا ما كتب الله لك. وانت تسأل هنا عن نسب نجاح شيء غيبى اختلفت فيه تجارب كل من سبقوك بين الفشل والنجاح.. وما هو مكتوب لك انت لن يعرفه سوى الله ، فأختصر الطريق وتوجه لرب العالمين الذى لن يضيعك ابدا. طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الحازم حسن بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 عن تجربة شخصية أكتر من صديق نزلوا مصر بمبالغ محترمة جداً وكانوا من الثوار على الوضع هنا ولكن كلهم (كلهم بلا استنثناء) رجعوا تاني بعد 4 شهور على أقصى تقدير ومهنهم كانت متفاوتة صيدلي - محاسب - فني حاسب والكل رجع تاني بعد ما دفع دم قلبه في مصر غير مصاريف الفيز والسفر على يدي شفت كذا حاله من دول لما كنت في قطر فيه ناس رجعت على مرتبات أقل من اللي سابتها لأنها كانت عايزه ترجع و خلاص استر يا رب Many of life's failures are people who did not realize how close they were to success when they gave up Thomas Edison Failure Is Not An Option رابط هذا التعليق شارك المزيد من خيارات المشاركة
الحازم حسن بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 (معدل) لكن ربنا معاك توكل على الله وسلم لي على ميت عساس مين ميت عساس دي و إشمعنى أنا أعرف ميت أبو الكوم .... كفر المصيلحه ميت عساس دي قرية قبل ما تدخل المنصورة وانت جاي من طنطا أنا زرت المنصورة حوالي خمس مرات بس لاني كنت بحجز لقريب لي في مستشفى الدكتور غنيم في مرة نزلنا واتعزمنا في القرية دي ناس في منتهى الكرم دبحوا لكل واحد فينا فرخة وكانوا حيضربونا لما رفضنا نقضي الليلة هناك واللي خلصنا منهم اني كانت عندي امتحانات ذكريات ... تم تعديل 3 يوليو 2008 بواسطة الحازم حسن Many of life's failures are people who did not realize how close they were to success when they gave up Thomas Edison Failure Is Not An Option رابط هذا التعليق شارك المزيد من خيارات المشاركة
كارمن بتاريخ: 4 يوليو 2008 تقديم بلاغ مشاركة بتاريخ: 4 يوليو 2008 السلام عليكم ورحمة اللة\\ بصراحة دى اول مشاركة واترددت كتير [لكن حبيت اقول راى من واقع تجربتى ولانة مفيش ولا رد حريمى clp:: مع احترامى لاراء الجميع عجبنى جدا راى jay وبصراحة عين العقل اولا انا فى المملكة من 13 سنةوجيت وانا لسة انونة وما زلت :blink: اول ثلاث اربع سنين كنت بحسب الحسابات علشان ارجع بلدى وكل يوم ابكى بالدموع امتة استقر وحسبت بعد سنة عربية احث موديل سنتين كمان والشقة وكدة يعنى لكن مع الوقت اختلف راى 180 درجة بقيت رافضة النزول وان يقتصر الموضوع على الاجازات كل سنة ولما زوجى يعمل مشكلة والغزالة تبقى مش تمام يقول ننزل انا ارفض تماما واقولة انا مش همشى غير لما يقولو لى مع السلامة وكمان هدور على نقل كفالة لانى لقيت الحكاية مش بس فلوس دى راحة بال اولا الغربة بتقرب جدا بين الزوجين :happy: لان ملهمش غير بعض ولا حد بيدخل فى مشاكلهم ولا قالو وقلنا ثانيا بنقضى كل احتياجتنا بدون اى عناء ولا الوقوف فى طوابير الزوج لة مواعيد ثابتة يرجع فيها لو نزلت مصر زوجتك مش هتشوفك اما بالنسبة للاولاد هنا احسن بمراحل لان ابنى اوصاد عينى طول الوقت ومش بيخرج لوحدة او مع حد انا معرفوش فى احسن مدارس واللة انا لو فى مصر مش هقدر ادخلهم ب 30000 فى السنة يعنى طالما ربنا كرمك ابعد نهااااااااااائى عن الحكومى خليك لغات مفيهاش سعوديين واخيرا انت لو نزلت ومعاك مليون مش 350 هيتصرفوا او يتنصب عليك او لقدر اللة لقدر اللة وبعيد عن نق jay يفشل المشروع وكتير اعرفهم عملو مشاريع وفشلو ورجعو على عقد اقل ثم ان حضرتك بتقول 350 دى دلوقت مش فلوس مابالك بعد سنتين انت هتبقى كدة من محدودى الدخل نصيحتى متفكرش فى النزول ومتقطعش عيشك بايدك مرتبك هااااااااايل وسمحونى لو خطى وحش او فى اى خطا املائى بقالى كتير مكتبتش رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان