أكلة قديمة جدا - ليست طبق رئيسى لكنه الوحيد الذى أفتقده - برام رز

[لولا]

وكمان مش عارفه يعنى ايه برام اصلا

ومحدش يتريق ,, ادى آخره تربيه الخليج كل فتره اكتشف انى فى كلمه انا مش بعرفها وبيبقى شكلى بايخ جدا

انا قلت استعين بصديق روحت ندهت جوزى يبص ويقولى دا رز معمر ..

راح قيلى ايييييييييييييييييييييييييه ؟ يعنى تفتكر قالى ايييييييييييييييه ؟؟

قالى مش عارف

مهو كمان تربيه الخليج ومامته مكنتش بتعمله فى البيت وبردو مره كلو عن ناس بردو وزمان ومش فاكر

احم احم ياريت حد يفتينى فى الفرق .. بس لو سمحتو من غير تريقه .. انا لسه مبتدئه فى مشوار المطبخ ومعرفش الأصناف دى من اساسات اساسه.

ومحدش يقول لحماتى عشان هى كده كده مستنيالى على تكه وحتقول ان ابنها عايش من غير اكل وانه خس من ساعه ما اتجوزنا :blink:

ولما اقولها ياطنط دا زاد خمسه كيلو تقولى دول عضل يالولا هو مش كل اسبوع بيروح يصطاد فى البحر مع صحابه.

انا طبعا مبردش اصل آخر الدراسات اللى عاملها طنط (حماتى ) بتقول ان القعده جنب الصناره خمس ساعات وتأمل البحر بتطلع عضل !!

يعنى انا حفهم اكتر منها ... ما علينا هو انا خرجت عن الموضوع ولا ايه

بفكر افتح موضوع منفصل اسميه انا وحماتى والقنبله الذريه wst::

يالله مستنيه حد ينور طريقى ويزيح الغمامه من على عينى .. انتا فين يا سكوب ياخبير الملوخيه

ربنا يخليلك جوزك

و يخليلك و يباركلك فيها حماتك يارب يا اختى يا رب

اولا البرام هو طاجن الفرن...... اى خدمة

ثانيا مشوار الطبخ بيبدأ بسنتين تلاته تعب للراجل بس ف الاخر بياكل صوابعه .... عدى الجمايل اهو

ثالثا وده الاهم جدا ان الارز المعمر نادرا ما حد بيعمله ف المدن اصلا يا لولا..... اوعى متديعليش بقى

نعم حضرتك .. مشوار المطبخ يبدأ بتعب سنتين تلاته للراجل md2:

لأ لأيا هندسه ...هو فى ايه ... حضرتك طنط موصياك عليا :cry1:

يعنى كل الأصناف التانيه اللى بعملها بقت صفر ع الشمال عشان معرفتش البرام دوت :protest:

فكرتنى بأسلوب طنط فى التعامل معايا .. مهما اعمل مفيش امل .. مبتحبش تعترف خالص باى ايجابيات..

مره عزمتها بعد الجواز .. وكانت هنا فى السعوديه على فكره هى بردو كانت هنا زياره... وتعبت وقعدت يومين اطبخ

وعملت اصناف كتير وجهزت كل حاجه قبل هى ما تيجى عشان لما تيجى مبقاش مشغوله فى اى حاجه ويادوب

نحط الأكل ع السفره .. طنط بقى قعدت ع السفره زى ابو الهول .. وقامت من ع السفره زى ابو الهول .. وانا استنى كلمه

او تعليق ..مفيش ولا الهوااااااااااااااااااااااااا :lol:

وابص فى محمد الاقيه ولا هو هنا من اساسه ولاهو معايا شغال طحن فى الأكل ويقولى تسلم ايدك يا حياتى .. هى بقى مع كل تسلم ايدك

ياحياتى اللى محمد كان بيقولها كانت بتعمل نفسها مش سامعه وتكمل اكل بطرف الشوكه ..ياريت بالمعلقه حتى :unsure:

ايييييييييييييييه فكرتنى بذكريات اليمه ..حبقى انزل بيها ان شاء الله فى موضوع منفصل . بكره تتجوز وادعى ربنا مامتك ماتقلبش كده على بنت الناس

لو كنت انتا الكبير وهى اول مره تبقى حماه وحاسه ان حد خطف ابنها حبيبها منها mfb:

معلش يابندق افندى ..موضوعك عن البرام بيثير شجونى وذكرياتى الأليمه مع حماتى . :blink:

اما انتا يا بشمهندس ياسر .... روح يا شيخ ربنا يوعدك بوحده بتعرف البرام وعمايله :lol:

[الباشمهندس ياسر]

ايييييييييييييييه فكرتنى بذكريات اليمه ..حبقى انزل بيها ان شاء الله فى موضوع منفصل . بكره تتجوز وادعى ربنا مامتك ماتقلبش كده على بنت الناس

لو كنت انتا الكبير وهى اول مره تبقى حماه وحاسه ان حد خطف ابنها حبيبها منها :blink:

معلش يابندق افندى ..موضوعك عن البرام بيثير شجونى وذكرياتى الأليمه مع حماتى . :protest:

اما انتا يا بشمهندس ياسر .... روح يا شيخ ربنا يوعدك بوحده بتعرف البرام وعمايله :unsure:

ايوه يا اختشى انا الكبير فعلا..... بس تخيلى بقى اخويا اللى ورايا ع طول اتجوز و ربنا كرمه بايااااااااد حبيب قلبى

و كماااااااااااان هقلك على حاجة بس متنقيش

ماما

ارق م النسمة ..... بدون مبالغة والله ..... ومش عشان هى ماما صدقينى

فعلا طيبة جدا جدا جدا جدا جدا جدا

اما بالنسبة للدعوة بتاعتك

فمش هقولك غير ربنا يهدى عليكى حكاتك

انما انا ناوى اتجوز واحدة مدخلتش المطبخ اساسا

واحدة كده

بونبوناية

سنيوريتا

حاجة كده مبتتكررش كتير ف الدنيا ....... زى بالظبط :blink:

[لولا]

ايييييييييييييييه فكرتنى بذكريات اليمه ..حبقى انزل بيها ان شاء الله فى موضوع منفصل . بكره تتجوز وادعى ربنا مامتك ماتقلبش كده على بنت الناس

لو كنت انتا الكبير وهى اول مره تبقى حماه وحاسه ان حد خطف ابنها حبيبها منها :sad:

معلش يابندق افندى ..موضوعك عن البرام بيثير شجونى وذكرياتى الأليمه مع حماتى .

اما انتا يا بشمهندس ياسر .... روح يا شيخ ربنا يوعدك بوحده بتعرف البرام وعمايله :)

ايوه يا اختشى انا الكبير فعلا..... بس تخيلى بقى اخويا اللى ورايا ع طول اتجوز و ربنا كرمه بايااااااااد حبيب قلبى

و كماااااااااااان هقلك على حاجة بس متنقيش

ماما

ارق م النسمة ..... بدون مبالغة والله ..... ومش عشان هى ماما صدقينى

فعلا طيبة جدا جدا جدا جدا جدا جدا

اما بالنسبة للدعوة بتاعتك

فمش هقولك غير ربنا يهدى عليكى حكاتك

انما انا ناوى اتجوز واحدة مدخلتش المطبخ اساسا

واحدة كده

بونبوناية

سنيوريتا

حاجة كده مبتتكررش كتير ف الدنيا ....... زى بالظبط :)

ياه بس كده .. انتا طلباتك سهله جدا ..روح يا شيخ ربنا يوعدك بوحده مبتعرفش تسلق بيضه :)

ابقوا اتغدو بطاطا .. :sad: ممكن تبعتوا البواب يشتريها من على الناصيه .. :sad:

واتعشو شوكلاته بقا.. هاتها معاك وانتا راجع mfb:

متنشاس بس الكاندل اللى حتحطوها ع السفره وانتو بتتغدو وبتتعشوا .. عشان الأكل يبقى رومانسي وتشبع اكل من غير اكل smk:

وطبعا مامتك حتحبها مووووووووووووووووووووووووووووت mfb:

تم تعديل 22 فبراير 2009 بواسطة لولا

[بندق أفندى]

كلام ما يوكلش عيش .. ولا حتى بايت ..

خالى كان كده واتجوز ست لا تعرف من الطهى حتى اسمه .. المهم وهو ابن جدتى وأخو أمى وخالاتى وكلهن اساتذة مطبخ فقد حسه بالطعم .. جه اقام عندى 6 شهور فى جدة .. منهم 3 شهور كانت زوجته موجودة .. كنت كل يوم أخترع له طبق جديد .. استعاد حسه لما زوجته جت من مصر .. قالها فرصة تاخدى كورس عشان انا عمرى اندفن السنين اللى فاتت .. قلتله لو كان يجدى لبكاء لهدرت دموعا ..

رجل ليس لديه حس فى التذوق هو رجل لم يعش .. وزوجة لا تعرف الطهى ولا تحاول المعرفة .. لن ينفعها كل ما تعلمت فى حياتها .. بالمناسبة رجل شيف درجة اولى لا تضيف له هذه الميزة أى شئ .. فليس المطلوب ان يكون شيف أصلا ..

[الباشمهندس ياسر]

كلام ما يوكلش عيش .. ولا حتى بايت ..

رجل ليس لديه حس فى التذوق هو رجل لم يعش .

.

لست ادرى سيدى الفاضل من اين اتيت بهذه المعلومة الجبارة عنى

حاولت ان افهم ان مداخلتك كانت على سبيل العموم لكنى عقلى لم يقبل و لم اجد بدا او مناصا من انها لى

عموما

هناك من يأكل ليعيش و هناك من يعيش ليأكل

كن بخير

[الباشمهندس ياسر]

ياه بس كده .. انتا طلباتك سهله جدا ..روح يا شيخ ربنا يوعدك بوحده مبتعرفش تسلق بيضه

ابقوا اتغدو بطاطا .. ممكن تبعتوا البواب يشتريها من على الناصيه ..

واتعشو شوكلاته بقا.. هاتها معاك وانتا راجع mfb:

متنشاس بس الكاندل اللى حتحطوها ع السفره وانتو بتتغدو وبتتعشوا .. عشان الأكل يبقى رومانسي وتشبع اكل من غير اكل smk:

وطبعا مامتك حتحبها مووووووووووووووووووووووووووووت mfb:

انا طلباتى انها تكون بونبوناية .. يعنى تكون انثى و فاهمة ده كويس و بتحاول تعيشه فعلا

نما مسـألة الطبخ وعدم الخبرة فيه

فدى مش قضية لانها هتتعلم يعنى هتتعلم

بالطول بالعرض هتتعلم

و طبعا برضاها التام ومن اعماق قلبها كمان :P

انما بالنسبة لماما

فطبعا مامتى

هتجب عروستى لانى بحبها

و اى حد انا بحبه فماما طبيعى جدا انها تحبه

عشان ماما حبيبتى بتحبنى اوى اوى

و يا بخت عروستى بحماتها

و محدش يقر عليها

[لولا]

كلام ما يوكلش عيش .. ولا حتى بايت ..

رجل ليس لديه حس فى التذوق هو رجل لم يعش .

.

لست ادرى سيدى الفاضل من اين اتيت بهذه المعلومة الجبارة عنى

حاولت ان افهم ان مداخلتك كانت على سبيل العموم لكنى عقلى لم يقبل و لم اجد بدا او مناصا من انها لى

عموما

هناك من يأكل ليعيش و هناك من يعيش ليأكل

كن بخير

فى ايه يا ياسر باشا .. بقى بندق افندى بيحكلنا تجربه ابن خالته مع المثل المزعوم حتغدينى جبنه وزيتون وتعشينى بطاطا والحب كفايه علينا

وان الراجل اكتشف بعد فتره انه نفسه مراته تتعلم كل الأصناف .. وان اقرب طريق لقب الرجل معدته مش اشاعه ..

الأكل دا يابنى عامل زى السحر .. العائلات تتجمع على السفره .. القرايب يتقابلو فى العزومات .. السهره تحلو بتجمع وطبخه حلوه .

يعنى الموضوع كبييييييييييييييييييييييييييييير mfb:

طب انتا عارفه انا ربنا من يجى سنه كده ابتلانى بحب حاجه غريبه جدا .. بقيت بكل معنى الكلمه مدمنه "سوشي " بعشق السوشى

لدرجه الهوس وتحديدا من محلات "سوشي يوشي " اللى فى جده mfb:

انا بعد ما حبيت السوشي رغم انى زمان كنت بستغرب ازاى الناس بتحبه حسيت بحاجه وحده بس .. انتى مكنتش عايشه قبل السوشي

بالتالى انا بقولكم بكل ثقه .. انسان لم يأكل السوشي بحب هو انسان فاته الكثير جدا فى الحياه

دا انا بفكر اطلع اليابان الرحله القادمه واديها سوشي .. اللذيذ بقى انى خليت محمد مدمن سوشي درجه اولى زى بالضبط smk:

ويالله فوتك بعافيه .. ولو عايز ابعتلك علبه سوشي على الصحرا تغير جو انا فى الخدمه .. اوشين بقا اللى حتاكل معاها السوشي خليها عليك :P

تم تعديل 22 فبراير 2009 بواسطة لولا

[الباشمهندس ياسر]

فى ايه يا ياسر باشا .. بقى بندق افندى بيحكلنا تجربه ابن خالته مع المثل المزعوم حتغدينى جبنه وزيتون وتعشينى بطاطا والحب كفايه علينا :blink:

وان الراجل اكتشف بعد فتره انه نفسه مراته تتعلم كل الأصناف .. وان اقرب طريق لقب الرجل معدته مش اشاعه ..

الأكل دا يابنى عامل زى السحر .. العائلات تتجمع على السفره .. القرايب يتقابلو فى العزومات .. السهره تحلو بتجمع وطبخه حلوه .

يعنى الموضوع كبييييييييييييييييييييييييييييير

طب انت عارف انا ربنا من يجى سنه كده ابتلانى بحب حاجه غريبه جدا .. بقيت بكل معنى الكلمه مدمنه "سوشي " بعشق السوشى

لدرجه الهوس وتحديدا من محلات "سوشي يوشي " اللى فى جده :wub:

انا بعد ما حبيت السوشي رغم انى زمان كنت بستغرب ازاى الناس بتحبه حسيت بحاجه وحده بس .. انتى مكنتش عايشه قبل السوشي

بالتالى انا بقولكم بكل ثقه .. انسان لم يأكل السوشي بحب هو انسان فاته الكثير جدا فى الحياه

دا انا بفكر اطلع اليابان الرحله القادمه واديها سوشي .. اللذيذ بقى انى خليت محمد مدمن سوشي درجه اولى زى بالضبط smk:

ويالله فوتك بعافيه .. ولو عايز ابعتلك علبه سوشي على الصحرا تغير جو انا فى الخدمه .. اوشين بقا اللى حتاكل معاها السوشي خليها عليك ;)

اولا عايز اقول مساء الورد و الياسمين كماااااااااااااان

و هوافق و اشجع دور حمامة السلام :) واقول الله ينور يا نوارتنا

تخيلى قعدت اضحك ع كلمة انسان لم ياكل السوشى دى

عموما انا مبحبش الاكل بتاع شرق اسيا من باباها كده

انا راجل ابن عرب و لما اتفرنجت واى دخلت ع المطبخ الفرنساوى و الطليانى بس مش اكتر

و عشان خاطرك وخاطر السوشى هنبقى نعمل كام فيزت للمطاعم دى ... انت تؤمرى

بمناسبة اوشين لما نطلعى اليابان ابقى هاتيلى واحدة معاكى

و يبقى الواجب كده وصل كله

اخيرا

لما تكلمينى المفروض تقول

انت عارف

مش

انتا عارفه

:P

[بندق أفندى]

كلام ما يوكلش عيش .. ولا حتى بايت ..

رجل ليس لديه حس فى التذوق هو رجل لم يعش .

.

لست ادرى سيدى الفاضل من اين اتيت بهذه المعلومة الجبارة عنى

حاولت ان افهم ان مداخلتك كانت على سبيل العموم لكنى عقلى لم يقبل و لم اجد بدا او مناصا من انها لى

عموما

هناك من يأكل ليعيش و هناك من يعيش ليأكل

كن بخير

انت اللى ضحكتنى أوى يا باشمهندس ياسر ..

بأخذك الكلام على نفسك قدحت كل الرجال بلا استثناء (الذين ليس لديهم حس مطبخى تذوقى) لأنه سعادتك أخدت لنفسك صفة " رجل" دون الكل :blink:

شفت بقى الكلام ممكن يتلوى على كل الوجوه؟

[بندق أفندى]

التكرار يعلم الشطار