اذهب إلى المحتوى
محاورات المصريين

هو في مصر بيقولك يا إيه ؟؟؟؟

أسد

بواسطة أسد
في موضوعات جادة

 مشاركة

Recommended Posts

أسد عضو جديد

أسد

بتاريخ:
بتاريخ:

ذكر هنا في أكثر من مووع عند الحديث عن الغرب ..

وعلى سبيل التندر ..

أن رجل الشرطة محترم جداً هناك ..

وبيقول لك لما يكلمك

sir

المسألة دي أثارت فضولي ..

وقعدت أفكر فيها كثير ...

صحيح .. الناس دي مؤدبة جداً ..

أمال عندنا الوضع ازاي ..

ياترى .. كل واحد يقولنا .. رجل الشرطة ... بيقوله إيه لما بيخاطبه ..

طبعاً أنا باتكلم عننا احنا .. ناس عادية ..

لا إحنا أشخاص ذوو حيثية ..

ولا حرامية أو نصابين .. أو خارجين من خناقة ...

في العادي ..

العسكري .. أمين الشرطة .. أو الظابط ..

لما بيكلموك بيقولولك ياإيه ..؟؟؟

بيقولولكياير برضه ..

ولا المسألة ممكن توصل في مصر إنه يقولك يالورد ..

ياباشا يعني ..

أنا عن نفسي ..

بيقولولي ..

في مصر ..

سير .. Sir

يا أستاذ يعني ...

في مصر ..

محدش قاللي أقل من كده

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
moheltohamy عضو جديد

moheltohamy

بتاريخ:
بتاريخ:

الرُخَص

مش بيقول لك أكتر من الكلمة دي! و ف الغالب بيشاورلك بإيده وهوه بيكلمك ؛ يعني عشان لو هتستعبط وتعمل ما بتسمعش ، ما يضطرش يقولها تاني! :blush2:

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك
Scorpion عضو جديد

Scorpion

بتاريخ:
بتاريخ:

بطاقتك ...

بطاقتك يالاه ..

ممنوع ...

غور من هنا يالاه ...

الشنطة دي فيها ايه ؟؟ ...

بصراحة ناس محترمة و بتعامل الناس بإحترام شديد ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
قائد المدفعيه الهولنديه عضو جديد

قائد المدفعيه الهولنديه

بتاريخ:
بتاريخ:

الحمد لله الناس كلها بتقولى يا بشمهندس لكن انا ما صادفتش مواقف احتك بيها بناس معينين علشان اعرف هيقولوا لى ايه زى رجال الشرطه مفش احتكاك معاهم خالص ( طول عمرى ماشى جنب الحيط :blush2: ) لذلك مش عارف ممكن ينادينى ايه بس عموما هو اكيييييييد مش هيقول لى يا بشمهندس زى باقى الناس بس اتوقع انه يشاور من غير ما يتكلم علشان ميضطرش انه يحترمنى و كده بقى قدام نفسه ظابط فاشل بيحترم الناس :happy:

افتح زرار قميصى للنيمه و للامانى ...........و انور فاونيسى و املى العالم اغانى

رابط هذا التعليق
شارك
م.سامح المصرى عضو جديد

م.سامح المصرى

بتاريخ:
بتاريخ:

المرة الوحيدة الى طلب منى بطاقة كانت فى الغردقة

طلب البطاقة منى اديتهالة

طلب تصريح الشغل (كرت زى البطاقة كدة)

وبعديها قالى ما معاكش طب اركب

اعدت ارخم علية هوا والى معاه كان فى واحد تانى معاه وبالزات الى معاه دا يعتبر طولتها معاه شوية

بس الشهادة لله ما طولش معايا لما رخمت علية

لدرجة انه سكت بس لما جية صاحب الشركة الى انا كنت شغال فيها

قالة ابقى قول للدكتور الى جوة دا براحة علينا بعد كدة :blush2:

بس فى فى القاهرة بيحصل بلاوى طبعا

بس فى الغرب بيحصل اكتر ...... لو تفتكر حضرتك حكاية الطالبين المصريين فى امريكا

الى رجال الشرطة من الى بيقولو يا sir دول

جريو وراهم بالعربية وواحد قال للى معاه فى العربية بأستظراف تابعهم دول ارهابيين

وتمت ادانتهم لما سمعوا الشريط الى بيبقي فى كل عربية شرطة

وقالو احنا قلنا كدة على سبيل الهزار

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

[التعامل مع الشرطة هنا ( اللى بيقولوا سير Sir ) له قواعد وأصول ،

1- التأدب فى التخاطب معهم لانهم يؤدون وظيفتهم ويمثلون القانون ويطبقونه .

2- لو كنت تقود سيارتك ، فانت مطالب بإطاعة رجل البوليس ، لو رأيت انوار سيارة البوليس خلفك ، يجب ان تركن وتوقف سيارتك ، تطفئ المحرك ، تفتح الشباك ، وتضع يديك على عجلة القيادة ، لاتخرج من السيارة ، لاتخلع حزام الامان.

3- تنفذ مايقوله لك رجل البوليس ، لو طلب الاطلاع على الرخصة ، بطاقة التأمين على السيارة ، قسيمة تسديد ترخيص السيارة ، هم المستندات الرئيسية التى تطلب عند التوقيف.

4- اذا طلب منك الخروج من السيارة ، او فعل اى شيئ آخر كفتح الشنطة مثلا ، فهى أوامر يجب أن تطاع بدون اسئلة أو مماطلة أو تسويف.

لو احسست ان رجل البوليس " زودها حبتين او حبة واحدة " فيمكنك طلب البوليس لرجل البوليس لاثبات الواقعة ، وقرأتها كثيرا فى تقارير رجال البوليس عن وقائع كان زملاء لهم اطراف فيها.

عموما رجال البوليس يحبون ان ينهوا مهمتهم على خير ، ولايفتعلون مشاحنات أو مشاجرات ، هم يؤدون واجبهم.

وأعتقد أن نفس الكلام يحدث فى مصر ، مع فارق ان فى مصر رجال البوليس بيعوضوا الكبت الذى يقابلهم فى معملة الناس الواصليين فى معاملة سائقى الاجرة والعربيات المخلعة ، علشان كده ممكن نلاقيه بيقول لواحد " لامؤاخذة ياباشا ، اللى مايعرفك يجهلك ، متأسفين خالص " ويقول لواحد تانى " الرخصة والبطاقة واركن على جنب " أو زى فيلم السفارة ، يكتب له مخالفة حسب مزاجه وتبعا للاهواء الشخصية.

اليكم هذا المقطع الكوميدى عن تجنب مضايقات البوليس

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
ايهاب سالم عضو جديد

ايهاب سالم

بتاريخ:
بتاريخ: (معدل)

إحنا هنا بنتعامل معاملة الإرهابيين و مش بنعرف نرخم على ظباط الشرطه زي ما الشباب بيعمل في الغردقه

تم تعديل بواسطة ايهاب سالم
رابط هذا التعليق
شارك
Automatic عضو جديد

Automatic

بتاريخ:
بتاريخ: (معدل)
بيقولولي ..

في مصر ..

سير .. Sir

يا أستاذ يعني ...

في مصر ..

محدش قاللي أقل من كده

بيقولولي في كندا سير و ده ميدلش علي حاجه مهمه.

للاسف معظم الناس الي بيختارو الخدمه في الشرطخ بيبقي في نقص في شخصيتهم .........معظمهم مش كلهم.

مع الوقت و الخبره في بيتحسنوا لاكن للأسف بتلاقي اولوياتهم للشرطه و ليست للشعب. .......زي ما يكون مكونين مجتمع خاص بهم داخل مجتمعنا.

لو شرطي وقفك في الطريق و سالك أنتا رايح فين و رديت عليه و وريته رخصك..........مش مشكله.

لو بكل أدب رفضت تقول له أنتا رايح فين ..............دي مشكله كبيره جدآ جدآ .

مثل تاني :

في دخولك المطار حيسألوك أنتا كنت فين؟ هل زرت أهلك في مصر؟ أيه اسم المدن أللي زرتها في مصر؟ بتزور مصر كتير؟ بتسافر لوحدك ولا مع حد؟ أيه أسم الفندق اللي قعدت فيه؟ .................

لو جاوبت..............بالسلامه.

لو رفضت تجاوب..........تتفتش بالساعات.

يعني بالعربي لو طنشت و سبتهم يعتدو علي حقوقك كمواطن, أحتمال كبير أنك حتعيش في سلام منهم.

تم تعديل بواسطة Automatic
رابط هذا التعليق
شارك
ايهاب سالم عضو جديد

ايهاب سالم

بتاريخ:
بتاريخ:
في دخولك المطار كيسألوك أنتا كنت فين؟ هب زرت أهلك؟ أيه اسم المدن أللي زرتها في مصر؟ بتزور مصر كتير؟ بتسافر لوحدك ولا مع حد؟ أيه أسم الفندق اللي قعدت فيه؟

صحيح .. الكلام ده بيحصل فينا .. و أنا لسه راجع من مصر من 3 شهور و أتبهدلت في المطار

صحيح أنا خرجت م المطار بعد نزول الطياره ب 20 دقيقه .. و من غير ما يتفتح لي و لا شنطه

لكن برضه إتبهدلت

إتبهدلت من الإحترام و الذوق

و ده اللي بيحصل في كل اللي بأعرفهم هنا

يعني بالعربي لو طنشت و سبتهم يعتدو علي حقوقك كمواطن, أحتمال كبير أنك حتعيش في سلام منهم.

صحيح

إحنا الشرطه بتعتدي على حقوقنا هنا يوميا

و بنضطر نسكت عشان نعيش في سلام

رابط هذا التعليق
شارك
Automatic عضو جديد

Automatic

بتاريخ:
بتاريخ:
في دخولك المطار كيسألوك أنتا كنت فين؟ هب زرت أهلك؟ أيه اسم المدن أللي زرتها في مصر؟ بتزور مصر كتير؟ بتسافر لوحدك ولا مع حد؟ أيه أسم الفندق اللي قعدت فيه؟

صحيح .. الكلام ده بيحصل فينا .. و أنا لسه راجع من مصر من 3 شهور و أتبهدلت في المطار

صحيح أنا خرجت م المطار بعد نزول الطياره ب 20 دقيقه .. و من غير ما يتفتح لي و لا شنطه

لكن برضه إتبهدلت

إتبهدلت من الإحترام و الذوق

و ده اللي بيحصل في كل اللي بأعرفهم هنا

أتسألت أسأله زي دي و لا لأ؟

أنا في الأول كنت فاكر أني من القليلين اللي بيواجهو أسأله زي دي بس سألت ناس كتيره و أشتكو بنفس المعامله . (و دي ملهاش دعوه بعنصريه خلاص)

رابط هذا التعليق
شارك
هشام عباس عضو جديد

هشام عباس

بتاريخ:
بتاريخ:

الحقيقه انا في مصر لما بوصل المطار بيقولولي يا استاز او ساعات ( الي بعده) مش مركز اوي بس معتقدش ان حد مره حاول يكلمني بطريقه مش ظريفه .... طيب وليه؟ مهو كل واحد عارف ايه الي ليه وايه الي عليه ...... طيب هيعاملوني وحش ليه يعني؟ بدون سبب كده؟ انا بصراحه ده محصلش معايا

رابط هذا التعليق
شارك
ايهاب سالم عضو جديد

ايهاب سالم

بتاريخ:
بتاريخ: (معدل)
في دخولك المطار كيسألوك أنتا كنت فين؟ هب زرت أهلك؟ أيه اسم المدن أللي زرتها في مصر؟ بتزور مصر كتير؟ بتسافر لوحدك ولا مع حد؟ أيه أسم الفندق اللي قعدت فيه؟

صحيح .. الكلام ده بيحصل فينا .. و أنا لسه راجع من مصر من 3 شهور و أتبهدلت في المطار

صحيح أنا خرجت م المطار بعد نزول الطياره ب 20 دقيقه .. و من غير ما يتفتح لي و لا شنطه

لكن برضه إتبهدلت

إتبهدلت من الإحترام و الذوق

و ده اللي بيحصل في كل اللي بأعرفهم هنا

أتسألت أسأله زي دي و لا لأ؟

لأ

لا أنا و لا أي حد من اللي اعرفهم

(إتصلت بهم واحد واحد و سألتهم قبل ما أكتب مشاركتي دي )

تم تعديل بواسطة ايهاب سالم
رابط هذا التعليق
شارك
Automatic عضو جديد

Automatic

بتاريخ:
بتاريخ:
في دخولك المطار كيسألوك أنتا كنت فين؟ هب زرت أهلك؟ أيه اسم المدن أللي زرتها في مصر؟ بتزور مصر كتير؟ بتسافر لوحدك ولا مع حد؟ أيه أسم الفندق اللي قعدت فيه؟

صحيح .. الكلام ده بيحصل فينا .. و أنا لسه راجع من مصر من 3 شهور و أتبهدلت في المطار

صحيح أنا خرجت م المطار بعد نزول الطياره ب 20 دقيقه .. و من غير ما يتفتح لي و لا شنطه

لكن برضه إتبهدلت

إتبهدلت من الإحترام و الذوق

و ده اللي بيحصل في كل اللي بأعرفهم هنا

أتسألت أسأله زي دي و لا لأ؟

لأ

لا أنا و لا أي حد من اللي اعرفهم

(إتصلت بهم واحد واحد و سألتهم قبل ما أكتب مشاركتي دي )

بصراحه أنا ملاحظتهاش ألا في مطار فانكوفر و مش فاكر كان معاملتهم شكلها أيه في مطار بيرسون.........سافرت و رجعت منه كذا مره و فعلآ مشتكيتش منهز

للأسف بتحصل في مطار فانكوفر كل يوم و تطبق علي الكل.

و مش مستغرب لأن سمعه البوليس في فانكوفر و ال RCMP في بريتيش كولومبيا زي الزفت.

قصه طويله بس في بريتيش كولومبيا الشرطه منظمه بطريقه مختلفه عن أونتاريو و في فساد كتير و مافيش منظمه مدنيه تراقب عليهم.

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Dreamwithme
      0
      بيقولك!!!!
      فيلم قصير بعنوان بيقولوا بيتكلم عن موضوع خطير عاصرناه في الفترة الأخيرة ولازالنا نعاني منه ألا وهو نقل الأخبار الغير مؤكدة والغير موثوقة وبالتالي خلق شائعات وحالة من الذعر غير المبررة طبعا كلنا لينا قصص مع الموضوع ده نشوف الفيديو وبعدين نتكلم عن تجاربنا الشخصية http://www.youtube.com/watch?v=Ddz3Rab_kYY ياريت نشارك بعض في تجاربنا الشخصية وسؤال صريح بأسأله لنفسي قبل حضراتكم ياتري فعلا بتتأكد من الخبر قبل نقله ؟ بنسبة كم في المائة بتعمل كده؟ وهل ندمت مرة علي نشر خبر؟

      بواسطة Dreamwithme
      كُتب

    • doha
      0
      طبخة "بيقولك " ...
      الموضوع منقول بطبيعه الحال وهو رواية لشاهد عيان من سكان ميدان الجزائر حضر الموقف بعد حادث الظابط وسائق الميكروباص .. انا هنا بنقله مش لتأكيد وجهة نظر معينة تنصر طرف على طرف أو ليقين بصحة كل مافيه ولكن تحديدا لوصفه الدقيق والواضح ( للاجواء ) الي دارت فيها الاحداث وحديثه عن نوعية من الشخصيات اجزم اني قابلتها لما تواجدت بالصدفة في موقف الميكروباص وشاء القدر ان اتحاور مع بعض من متزعمي اضراب السائقين في ذلك اليوم .. الموضوع طويل بعض الشيء بس من وجهة نظري يستحق القراءة . . وبتمعن .. اترككم مع المق

      بواسطة doha
      كُتب

×
×
  • أضف...