هل تظلين عانساً أم تصبحين زوجة ثانية؟

[ابو جيداء]

العنوسة.. شبح مخيف لأى فتاة يمضى بها قطار العمر بدون زواج، فهي تشعر أن العمر يمضي دون شريك حياة ، وأن الكثير من أحلامها في تكوين أسرة وبيت لم يتحقق وأنها في الطريق لحمل لقب تخشى منه كل فتاة وهو لقب عانس ..

عزيزتى الفتاة لو تقدم لكى رجل متزوج قادر على تحمل مسئولية اسرة جديدة فهل تقبلين بة ؟؟

[مسافر زاده الخيال]

لا جواب من اخواتنا العزيزات ربما (لانهن لا زلن صغيرات السن)

لكن ماريهن لو تعدين ال40 من دون زواج؟؟؟؟؟؟؟؟؟؟؟؟؟؟؟؟؟؟

[جويرية]

ما هوه المتجوز ده مش عقاب بتتعاقب بيه العانس

الرسول صلي الله عليه و سلم يقول

إذا أتاكم من ترضون دينه و خلقه فأنكحوه , إن لا تفعلوه تكن فتنة فى الأرض

و فساد كبير

يعني مش متحدد الزوج يكون أعزب و لا متجوز

و بعدين ممكن يكون المتجوز احسن بكتير من الأعزب

وزمان كانوا بيتجوزوا المتزوج حتي قبل ما تعنس يعني ممكن يكون عندها 12 او 13 سنة و يجوزوها واحد متجوز و يرفضوا الأعزب

[رمضان]

الحكاية مش حكاية متزوج او غير الحكاية حكاية هل هو اهل للزواج ام لا وتتوافر فيه شروط الزواج ام لا

وبالاخير طبعا ظل راجل ولا ضل حيطة

ودلوقتي الكل في الهواء سواء بنات وشباب كله بيعنس

[زهرة الجبل]

أعتقد الإجابه تختلف بإختلاف ظروف الزوجه الأولى لهذا الزوج

يعني من المهم السؤال عن زوجته الأولى و موقفها من زواجه

قبل التفكير في العريس المحترم نفسه و دوافعه للزواج

يعني هل زوجته الأولى تعرف بأمر زواجه بأخرى؟

هل هذه الزوجه و صاحبة البيت الأول و أم الأولاد (( لو في أولاد طبعاً )) هل هي موافقه على هذا الزواج و ترى أن زوجها من حقه إتخاذ أخرى عليها ؟

ثم بعد كده و كخطوه أخيره و ليست الأهم بل الأخيره ... هل هذا الرجل قادر على تحمل مسؤولية بيتين فعلاً و العدل بينهما تماماً؟

و العدل لا يعني أن يقتسم ما كان يقدمه للأولى بينها و بين الثانيه ... لااااااااااء خالص

ده العدل معناه أنه يظل ما يقدمه للأولى كما هو لا ينقصه شئ و يوفر للثانيه مثله تماماً

و ساعتها و بعد الإجابه على كل ما سبق نقرر

و إلا فالأصح للسؤال أن يصبح كالآتي :

هل تظلين بدون زواج أم تخربي البيوت العمرانه و تظلمي زوجه و تشتتي أولاد ؟

أما عن نفسي ... بيتهيألي لو كنت وصلت 40 سنه و متجوزتش برضه مكنتش هبقى زوجه تانيه

لسببين

الأول إن اللي مرضاهوش على نفسي مرضاهوش لغيري

و الثاني إن حتى الزوجه الثانيه رغم إن هي الثانيه ... إلا إن الأولى تشاركها في زوجها

و ده شئ فوق إحتمالي و بقول فوق إحتمالي بصراحه شديده

رغم إن غيري بيعتبر ده أنانيه أو غيره غير مبرره أو أياً كانت المسميات

بس أنا شايفاها انها طبيعة المرأه التي جبلها عليها الله

و التي تتنصل منها بعض النساء لمجرد إعطاء نفسها الحق في الحصول على ما لا تملكه

[Nina Hussien]

الزواج من رجل متزوج ليس جريمة و لكن بشروط

أولها الإشهار و الإعلان

و رضا كل الأطرف التي يخصها الموضوع

التأكد أن يعدل الزوج بينهما و لا تستميله إحدهما له أو يكون الزواج بدافع من الشهوة فقط و يتركها بعد ذلك

التأكد ان أسرته الأولى لن تنهدم بزواجه من الثانية " مش معقول نحل مشكلة عنوسة و نجيب مشكلة طلاق"

[~Heba~]

عانس طبعا :h!!!h:

[badroora]

من اقوالى المأثورة حول العنوسة

العنوسة كنز لا يفنى .......... :h!!!h:

اللى سبتة القرعة مش هيكفي ام الشعور ....... :happy:

لا للنص رجل ..........يا كامل يا بلاش :angrycop:

العانس زى الفريك ........متحبش شريك .!!

الله لا يجعلنا من خرابين البيوت ....!!!

قاعدة العانسانه .......ولا جوازة الندامة ( عنسانه يعنى عانس ......من تأليفي عشان القافية فقط)

اللى تقبل تكون ُضرة عمرها ماتعيش حره .

دول كدا على ما أوسم .........هنام واصحى وارد بالكلام العاقل لان الموضوع فعلا مستفز جدا

وكأن العانس دى خلاص عجل وقع وسكاكينه كترت

المفروض تُخير بين الموت او تكون نص زوجة .!!!!

لى عودة يا ابو الغالية جيداء ........ :happy:

تم تعديل 18 يونيو 2008 بواسطة Badria Mekkawy

[جويرية]

الزواج من رجل متزوج ليس جريمة و لكن بشروط

أولها الإشهار و الإعلان

الأشهار و الأعلان من شروط صحة الزواج بس ممكن الزوج يشهر الزواج في محيط الزوجة الثانية يعني يبقي أهلها بس اللي عارفين مش ضروري كال الناس

و رضا كل الأطرف التي يخصها الموضوع

علم الزوجة الأولي مش من شروط صحة الزواج

يعني ممكن يشوف من الأصلح ان ميقولش لمراته ان هوه اتجوز

سمعت قصة جوزها عرفت ان جوزها كان متجوز من 5 سنين و لما عرفت عايزة تطلق و بعدين تسأل الشيخ طيب في 5 سنين دي هوه قصر معاكي في حاجة قالت لأ قالها يبقي عايزة تطلقي ليه

التأكد أن يعدل الزوج بينهما و لا تستميله إحدهما له أو يكون الزواج بدافع من الشهوة فقط و يتركها بعد ذلك

فعلا فيه ناس بتبقي عايزة تتجوز الزوجة التانية دي لفترة و بعد كدة يطلقها

التأكد ان أسرته الأولى لن تنهدم بزواجه من الثانية " مش معقول نحل مشكلة عنوسة و نجيب مشكلة طلاق

تبقي واحدة معندهاش عقل اللي تسيب زوج كويس عشان سبب زي ده

[~Heba~]

وكأن العانس دى خلاص عجل وقع وسكاكينه كترت

:h!!!h: :angrycop: :happy:

بدريييييييييييية ويلكم باااااااااااااك :happy:

ايوة كده احنا افتقدنا صوت الحق

[جويرية]

العنوسة كنز لا يفنى ..........

اللى سبتة القرعة مش هيكفي ام الشعور .......

لا للنص رجل ..........يا كامل يا بلاش

العانس زى الفريك ........متحبش شريك

ليه يا بدرية

ده نظام الهاف تايم ده نظام جميل

ده فيه حاجة اريح من كدة

تعملي نص الأكل اللي حايكله في الأسبوع و تغسيلي نص الغسيل اللي حيلبسه و تكوي نص المكوي :h!!!h:

دي حاجة جميلة خالص

و بعدين باقي الأسبوع تقعدي قدام النت اللي بتحبيه

و كمان لو أربع زوجات دي حاجة اجمل و اجمل :angrycop: يعني يوم في الأسبوع و ممكن كمان تجيبوا الأكل دليفري و عيشة مفيش احسن من كدة :happy:

[ابو جيداء]

لا جواب من اخواتنا العزيزات ربما (لانهن لا زلن صغيرات السن)

لكن ماريهن لو تعدين ال40 من دون زواج؟؟؟؟؟؟؟؟؟؟؟؟؟؟؟؟؟؟

اعتقد سيقمن بالبحث وقتها عن اى زوج ولو كان معة ثلاث زوجات :h!!!h:

[ابو جيداء]

ما هوه المتجوز ده مش عقاب بتتعاقب بيه العانس

الرسول صلي الله عليه و سلم يقول

إذا أتاكم من ترضون دينه و خلقه فأنكحوه , إن لا تفعلوه تكن فتنة فى الأرض

و فساد كبير

يعني مش متحدد الزوج يكون أعزب و لا متجوز

و بعدين ممكن يكون المتجوز احسن بكتير من الأعزب

وزمان كانوا بيتجوزوا المتزوج حتي قبل ما تعنس يعني ممكن يكون عندها 12 او 13 سنة و يجوزوها واحد متجوز و يرفضوا الأعزب

وجهة نظر جميلة جدا

شكرا جويرية

[ابو جيداء]

الحكاية مش حكاية متزوج او غير الحكاية حكاية هل هو اهل للزواج ام لا وتتوافر فيه شروط الزواج ام لا

وبالاخير طبعا ظل راجل ولا ضل حيطة

ودلوقتي الكل في الهواء سواء بنات وشباب كله بيعنس

قليل من النساء اللى حيقولو هذا الكلام

شكرا استاذ رمضان

[ابو جيداء]

زهرة الجبل مساؤك فل

قلتى

أعتقد الإجابه تختلف بإختلاف ظروف الزوجه الأولى لهذا الزوج

يعني من المهم السؤال عن زوجته الأولى و موقفها من زواجه

قبل التفكير في العريس المحترم نفسه و دوافعه للزواج

يعني هل زوجته الأولى تعرف بأمر زواجه بأخرى؟

هل هذه الزوجه و صاحبة البيت الأول و أم الأولاد (( لو في أولاد طبعاً )) هل هي موافقه على هذا الزواج و ترى أن زوجها من حقه إتخاذ أخرى عليها ؟

كلام غريب لكنة نتاج المسلسلات العربية والأفلام التى صورت الزواج الثانى انة نوع من الأنحراف

لم يرد الا فى قانون جيهان السادات ضرورة موافقة الزوجة الأولى .

كنت فى نقاش من يومين فقط مع صديقتين متزوجات وناقشنا نفس الموضوع . وبالطبع رأيهم كما تفضلتى انتى وذكرتى هنا . فقلت لهما ايهما تفضلون ان يتعرف الزوج على امرأة ويعاشرها ف الحرام ام يتزوجها ؟

فكان الرد كالصاعقة قالت احداهن لو زوجى عرف واحدة آهو حيمشى معاها شوية وخلاص !! اكتشفت ان المرأة تقبل ان يزنى زوجها بأخرى ولا تقبل ان يتزوجها حسب الشرع !!! اليس هذا غريب وتحطيم للدين ؟؟

إلا فالأصح للسؤال أن يصبح كالآتي :

هل تظلين بدون زواج أم تخربي البيوت العمرانه و تظلمي زوجه و تشتتي أولاد ؟

لا ظلم ولا خراب بيوت ولا تشتيت اولاد

كلامك هنا اعتراض على الله الذى شرع الزواج ,. هل تعتقدين ان الله يرضى ان يكون ظالماً ؟؟ لم يحرم الله على نفسة شيىء الا الظلم .. ففى الحديث القدسى . يا عبادي إني حرمت الظلم على نفسي ، وجعلته بينكم محرماً فلا تظالموا .

لادخل للزوجة الأولى بزواج زوجها . ولة الحرية ان يخبرها اولا فان علمت ولم ترضى بذلك فالشريعة اعطت لها حق الطلاق او الخلع ..

شكرا زهرة الجبل

[ابو جيداء]

الزواج من رجل متزوج ليس جريمة و لكن بشروط

أولها الإشهار و الإعلان

و رضا كل الأطرف التي يخصها الموضوع

التأكد أن يعدل الزوج بينهما و لا تستميله إحدهما له أو يكون الزواج بدافع من الشهوة فقط و يتركها بعد ذلك

التأكد ان أسرته الأولى لن تنهدم بزواجه من الثانية " مش معقول نحل مشكلة عنوسة و نجيب مشكلة طلاق"

طول عمرك عاقلة يانينا . بأستثناء صورة معرفك :h!!!h:

رد عقلانى جدا ويشجع الرجال على الزواج :angrycop:

[ابو جيداء]

عانس طبعا :h!!!h:

ولية طبعا ؟ بالراحة شوية :angrycop:

واضح صغر سنك ياهبة من ردك اما لو كنتى تخطيتى الثلاثين مثلا لكان الرد مختلف

[فــيــروز]

لم يرد الا فى قانون جيهان السادات ضرورة موافقة الزوجة الأولى .

هذا الكلام غير دقيق :h!!!h:

فقانون "جيهان" ينص على ضرورة "إعلام" وليس "موافقة" الزوجه الأولى بالزواج الثانى لزوجها حتى تتّخذ قرارها بالرفض ومن ثمّ طلب الطلاق أو القبول و الاستمرار مع الزوج ببساطه لأن حقّها فى الاعتراض يسقط بمرور عام على عقد الزواج الثانى ومن ثمّ ينبغى إعلامها حفظا لحقّها فى الاعتراض أو التضرّر ..

أمّا عن موقف صديقتيك من علاقات أزواجهنّ خارج إطار الزواج فأظنّه لا ينسحب على باقى النساء !! وليس معنى أن زوجه أو عشره أو حتى مليون الرؤيه غير واضحه عندها لدرجة تفضيل زنا الزوج على تعدّد الزوجات فهذا لا يعنى أنّها قاعده عامّه و إن كان رأيى الشخصى أن الرجل الذى يقدم على ارتكاب الزنا ليس هو نفس الرجل الذى يقدم على التعدّد ..

فلو تخيّلنا مثلا رجل متزوج بامرأه واحده و رغب فى التزوّج بأخرى .. و رفضت زوجته الأولى هذا .. يا ترى لو هذا الرجل الذى يفترض فيه القوامه و الرغبه فى تطبيق شرع الله يمكن أن يرتكب فاحشه كالزنا لأن زوجته غير موافقه !! و هل يمكن انتحال أى عذر أو مبرر -خاصة لو كان واهيا- لارتكاب هذه الفاحشه !! و ما الذى تملكه له زوجته أصلا كى تمنعه من التزوّج بغيرها !!

الحقيقه أنّها لا تملك أن تمنعه و كل ما تملكه أن تعترض و تطلب الطلاق و كما اتّفقنا فهو حقّها .. لكن لأنّه لا يريدها أن تمارس حقّها بينما هو يريد أن يمارس كل حقوقه و رخصه يتحدّث عن دفعها له لارتكاب الزنا إلى آخره من مواقف لا تتّفق مع المنطق وكل ما هنالك أنّه يريد أن يعدّد ولا يريد لها أن تعترض ..

الزانى لا يتزوّج و الراغب فى الزواج لا يزنى وهما ليسا نفس الشخص ..

تم تعديل 18 يونيو 2008 بواسطة فــيــروز

[ابو جيداء]

من اقوالى المأثورة حول العنوسة

العنوسة كنز لا يفنى .......... :h!!!h:

اللى سبتة القرعة مش هيكفي ام الشعور ....... :happy:

لا للنص رجل ..........يا كامل يا بلاش :angrycop:

العانس زى الفريك ........متحبش شريك .!!

الله لا يجعلنا من خرابين البيوت ....!!!

قاعدة العانسانه .......ولا جوازة الندامة ( عنسانه يعنى عانس ......من تأليفي عشان القافية فقط)

اللى تقبل تكون ُضرة عمرها ماتعيش حره .

دول كدا على ما أوسم .........هنام واصحى وارد بالكلام العاقل لان الموضوع فعلا مستفز جدا

وكأن العانس دى خلاص عجل وقع وسكاكينه كترت

المفروض تُخير بين الموت او تكون نص زوجة .!!!!

لى عودة يا ابو الغالية جيداء ........ :happy:

فى انتظارك عشان نتخانق

[زهرة الجبل]

العنوسة كنز لا يفنى .......... :h!!!h:

رغم أعتراضي على لفظة عانس دي ..

و تحفظي على محددات لها كتيره جداً ..

إلا إنها بالمقارنه مع خراب البيوت ...فهي تعبير في حد ذاته كنز لا يفنى و لا يستحدث من عدم كمان :happy:

اللى سبتة القرعة مش هيكفي ام الشعور ....... :happy:

عسسسسسل يا بدااااره

لا للنص رجل ..........يا كامل يا بلاش :angrycop:

يا كامل يا بلاش ... الإنصاص دي متلزمناش

مش بقول لك ؟ عسسسسسسل يا بداره

العانس زى الفريك ........متحبش شريك .!!

و الله ما عارفه أبطل ضحك .... ربنا يسعد قلبك يا بدريه يا رب

الله لا يجعلنا من خرابين البيوت ....!!!

اللهم آمين .... ويجعل كلامنا خفيف على اللي منهم

قاعدة العانسانه .......ولا جوازة الندامة ( عنسانه يعنى عانس ......من تأليفي عشان القافية فقط)

يخرب بيت اللي يزعلك يا شيخه

اللى تقبل تكون ُضرة عمرها ماتعيش حره .

صح لسانك .. لإن اللي تقبل تكون ضُره ... لا عمرها كانت ... و لا عمرها هتكون حره في يوم من الأيام