شراء قطعة ارض في التجمع عند ابو الهول واحد

[ahmedkemo]

يا جماعة حد يعرف حاجة عن الفدادين المعروضة للبيع فى المستثمرين الشماليةودى ممكن تاثر على الاسعار فى القاهرة الجديدة

[محمد احمد]

وديه خرايط المنطقه س والمنطقه ق في ابو الهول 1 مفصلين بأرقام القطع

ارجو من الاخوة الاعضاء عرض لخريطة المنطقة ك في ابو الهول 2

[هشام عباس]

[هشام عباس]

بحاول انزل صورة الخريطه لكن مش عارف

[kimmmo]

يا جماعه ايه اخر اخبار مواعيد التسليم في ابو الهول 1

[هشام عباس]

اخر كلام سمعته وكان من حوالي 6 شهور ان معاد التسليم في شهر 6 يعني الشهر القادم بس لا اعتقد ان ده هيحصل لأنهم لسه مدخلوش المرافق

انما الطرق اترصفت والقطع اتقسمت وان شاء الله انا نازل مصر يوم 10/6 بأذن الله وهشوف الموضوع وابلغكم بيه ان شاء الله

[أشرف محمد]

بسم الله الرحمن الرحيم

الأخ الكريم / هشام عباس

تحية طيبة وبعد 000

على الرغم من أنه ليس لدي أي معلومات عن هذا الموضوع لكن طالما أن حضرتك بتقول إنه قد تم الإنتهاء من رصف الطرق يصبح في هذه الحالة الإنتهاء من إدخال المرافق أمر مؤكد لأنه ليس من المعقول تكسير ما تم رصفه لإدخال المرافق ثم إعادة الرصف مرة أخرى من جديد 0

مع تحياتي

مهندس / أشرف محمد

[هشام عباس]

العزيز م اشرف محمد

انا متابع حضرتك دايما سواء في سوق العقارات او مستشاك للبناء

ويسمع من بقك ربنا

طيب طالما المرافق دخلت يبقى ايه سبب التأخير في تسليم هذه الأراضي؟

عموما انا مشفتش الرصف بنفسي لأني خارج مصر لكن الي راح يشوف الأرض هو الي بلغني بكده!!!!!! وان شاء الله يطلع كلامه صحيح ونستلم بقى احسن الأرض ديه محجوزه من سنة 2005

يعني بقالها فتره كبيره جدا جدا والواحد امله الوحيد انه يستلم ويبني بقى

جزاك الله كل خير

والف مبروك على العمره المهداه واكيد من اهديت اليه يستحقها

[الحاج فوزى]

فيه حد يعرف الأسعار فى أبو الهول وصلت كام دلوقت ؟؟

[هشام عباس]

اخر حاجه سمعتها ان الأسعار نزلت شويه

يعني ممكن تلاقي في ابو الهول 3 بسعر 280 الف

بعد ما كانت الأسعار بتبدأ من 350 الف

لكن اعتقد انه بعد التسليم الأسعار هترتفع تاني وتساوي او تقارب اسعار منطقة المستثمرين الجنوبيه

الي وصلت الأسعار فيها ل550 الف

المهم نستلم ونبدأ البناء قبل ما اسعار الحديد ترجع تزيد تاني

[rere rere]

'df'df tn oطب انا عايز اعرف لو فى امكنيه اني اشوف خريطه لكول مجاوره او منطقه لوحدها

اقصد كل حرف لوحده لو حد عنده اتمنى انك تبعتها او تحطها على الصفحه ديه

[ahmed]

السلام عليكم,

اللينك ده فيه الخرائط التفصيلية لمناطق مختلفة في التجمع الخامس و منها أبو الهول. عشان تجيب خرائط التجمع اختار القاهرة الجديدة من الخريطة الرئيسية و بعدين اختار المنطقة من خريطة القاهرة الجديدة.

/http://www.meamargroup.com

[MABELGABRY]

استاذ هشام -- اخوان السلاح في ابوالهول

يا ترى فيه حد عنده اخبار عن ميعاد التسليم --- انا حاجز أرض في ابوالهول 3

المشكلة ان مافيش حد بيتكلم خالص عن المنطقة دي كأنهم نسوها

يا ريت اي حد عنده اخبار يطمني وجزاكم الله خيرا

[هشام عباس]

اخي الفاضل

اخر اخبار ابو الهول وذلك حسب رؤيتي انا

الماه والصرف تم الأنتهاء منهم تماما

الكهربا جاري توصيل الكابلات ووضع اعمدة الأناره

اما الرصف وسفلتة الطرق فلم يبدأوا فيها بعد

هذا ما رأيته بنفسي رؤى العين

واخر ما سمعته اننا هنستلم بأذن الله على شهر 4 القادم

عموما بلاش تقلق ان شاء الله ربنا مقدر لينا الخير واحسن علشان المستثمرين الجنوبيه تكون اكتملت من حيث البناء ويكون المكان عمران ونسكن فور الأنتهاء من البناء على طول

معلش طول بالك

وخلي املك في ربنا كبير تحياتي

[هشام عباس]

اخواني من حاجزي اراضي ابو الهول قرأت هذا الخبر في جريدة المصري اليوم واعتقد ان المقصودين بحاجزي الأراضي في القاهره الجديده هم نحن واليكم الخبر

كتب وفاء بكرى ١/ ١١/ ٢٠٠٩

وطمأن دمرداش أصحاب الأراضى فى المدن الجديدة، الذين لم يتسلموا أراضيهم حتى الآن منذ سنوات طويلة، خاصة فى ٦ أكتوبر، والقاهرة الجديدة، مؤكدا أنه سيتم الانتهاء من جميع مرافق هذه الأراضى نهاية هذا العام، ويتم تسليم الأراضى مباشرة، لافتا فى الوقت نفسه إلى أنه سيسمح لمن يريد استرداد أمواله، مع منحه الفوائد المستحقة طوال السنوات الماضية، وذلك فى حال تعذره البناء خلال المرحلة المقبلة، على أساس أن الوزارة ستقوم بتسليم الأراضى، وتحديد مدة معينة للبناء فى إطار خطة تنمية المدن الجديدة.

ازاي يعني يرجعوله الي دفعه؟ يعني الي حجز ابو الهول حجزها ب 15 الف وتمنها دلوقتي وصل لأكتر من 350 الف ؟؟؟؟؟؟؟

بجد كلام مستفز وغير منطقي بالمره

وهو الي متعذر في البناء ايه الي جابره يرجع الأرض للدوله ب 15 الف؟؟؟ ما يبعها ب 400 الف ؟!!!!!!!!!!!!!!!!! بجد جمله مستفزه

[hazemshehab]

ربنا يقدرك على البناء يا أخي والف مبروك

[morganahmed]

اخواني الاعزاء

شركاء الانتظار في منطقة ابوالهول

صحيح طال الانتظار (2003) ولكن يبقى الامل موجود واليكم هذا البيت

ألا أيها الليل الطويل الا انجلي ،،،،،،،، بصبح وما الاصباح منك بأمثل

[هشام عباس]

هانت فات الكتييييييييييييييييير وما بقى الا القليل ان شاء الله

عندي امل نستلم قبل شهر 6 الي جاي

هي اخر اخبار من الجهاز كانوا بيقولوا شهر 3 الي جاي

ربنا يسهل ونستلم بقى احسن الواحد قرب يفقد الأمل

[xpman]

هانت فات الكتييييييييييييييييير وما بقى الا القليل ان شاء الله

عندي امل نستلم قبل شهر 6 الي جاي

هي اخر اخبار من الجهاز كانوا بيقولوا شهر 3 الي جاي

ربنا يسهل ونستلم بقى احسن الواحد قرب يفقد الأمل

السلام عليكم ورحمة الله وبركاته

أ/ هشام لوعندك فكره عن الأسعار دلوقتي

وياريت توضحلي بالتفصيل

[هشام عباس]

وعليكم السلام والرحمه

بالنسبه لأخر ما سمعته عن اسعار ابو الهول الأن هو في حدود 400 الف ودول بيندفعوا كاش طبعا وبيكون فاضل عليك 10 الاف تدفعهم عند الأستلام لجهاز المدينه وبعد كده اقساط سنويه حوالي 14 الف لمدة 4 سنوات

ومساحة الأراضي بتبدأ من 260م وحتى 315م وافضل المناطق (من وجهة نظري طبعا) ابو الهول 1 المنطقه س ق

ولو تحب اي سؤال تاني انا تحت امرك

ولك تحياتي