شراء قطعة ارض في التجمع عند ابو الهول واحد

[طه بدر]

شكرا يا اخ هشام على مبادرتك بوضع الخرائط

ولى سوال بسيط اين الاسكان العائلى (المستثمرين وجنوب المستثمرين من هذه المنطقة)

فانا اتصور ان هذه هى منطقة جنوب المستثمرين وان ابو الهول فى الشمال منها

يعنى شمال شرق الغابة المتحجرة

فهل هذا صحيح ؟

تحياتى مرة اخرة

[هشام عباس]

الأسكان العائلي في المستثمرين الجنوبيه 2 و3 و4 وابو الهول هذه هي بكاملها اسكان عائلي والمستثمرين منقسمه الى قسمين شماليه وجنوبيه وتقع منطقة ابو الهول في جنوب المستثمرين الجنوبيه وايضا ابو الهول شرق الغابه المتحجره مباشرة ولو نظرت لخريطة ابو الهول المجمعه فستجد اعلاها شارع كبير وهذا الشارع هو الفاصل بين ابو الهول والمستثمرين الجنوبيه وفي يسارها مباشرة تقع الغابه المتحجره >>>>>>>> ارجو ان اكون اوضحت كلامي ولو لك سؤال انا تحت امرك>>>>>>>>>>

[مصري أصيل]

أستاذ هشام بعد أزنك سؤال

هل البناء علي كامل مساحة الأرض أم علي نسبة منها و ما هي النسبة

والف شكر

[هشام عباس]

اخي العزيز مصري اصيل............... البناء في ابو الهول على مساحة 60% للبدروم والأرضي و65% للأدوار الثلاثه الباقيه ومسحة الأراضي تتراوح ما بين 260م الى 315م وتحت امرك في اي سؤال

[مصري أصيل]

اخي العزيز مصري اصيل............... البناء في ابو الهول على مساحة 60% للبدروم والأرضي و65% للأدوار الثلاثه الباقيه ومسحة الأراضي تتراوح ما بين 260م الى 315م وتحت امرك في اي سؤال

الف شكر أستاذ هشام ربنا ما يحرمنا من زوق حضرتك

[طه بدر]

شكرا يا اخ هشام على الخرائط حقيقى مفيدة جدا

بس لو سمحت عايز اتاكد يعنى من كلامك ان ابو الهول هو جنوب المستثمرين والا ده حاجة ودى حاجة ثانية علشان انا مش فاهم الموضوع ده

تحياتى

[هشام عباس]

طيب يا سيدي انا هريحك وهبعتلك خريطة القاهره الجديده كلها علشان تعرف كل حاجه مكانها فين

[هشام عباس]

بس على فكره ابو الهول مش هي المنطقه الصغيره ديه وبس لأ........... امتدادها كمان يعني المستطيل الي تحت كلمة ابو الهول ده كله ابو الهول بس هم معلمين على ابو الهول 1 وبس ويمين ابو الهول ده على ارض الواقع ديه ارض لم تقسم بعد وحتى اسمها في الواقع مش المستثمرين ......... المستثمرين هي الشماليه والجنوبيه فقط على حد علمي ولو عندك اي استفسار لا تتردد

[sief]

الأخوه الأعزاء

علي حسب معلوماتي ان ابو الهول 1 اتسلمت و الناس بنت لما شبعت-- و ان ابو الهول 3 و2 لسه

و بانسبه للتوكيل لازم يكون اول واحد (يد) ويكون 1-عقد وكاله وليس مجرد توكيل

2 -توكيل خاص بالأداره والتعامل مع الجهاز

3 -عقد بيع ابتدائي

علي فكره لازم عمل الثلاثه معا و ذلك بعد السؤال عن صحه الأوراق بالجهاز

وربنا يوفقك

ياجماعة الخير انا محتاج لمشورتكم وياريت من لديه الخبرة في هذا الموضوع مايبخل علينا بخباراته ومعلوماته

جزاكم الله خير الجزاء

تمهيد : انا بفكر بجديه جدا في شراء قطعة ارض بأبو الهول 1 - التجمع الخامس

وبعد السؤال والتمحيص والتدقيق عرفت ان اسعار القطع هنا تتراوح مابين 350 الف الى 500 الف جنيه بخلاف الأقساط والمساحه مابين 260 م الى 314 متر ويختلف السعر على حسب مميزات كل قطعه - اذا كانت بحري - على ناصيه - على جنينه - وخلافه

وهذه الأرض لم تسلم بعد لسه باقي على التسليم يها سنه تقريبا ومهلة بناء بعد التسليم اربع سنوات . المهم والي انا عايز مشورتكم وخبرتكم فيه هو الأجابة على الأسئله الآتيه وارجو منكم المساعده :

اولا: الشراء هناك عن طريق التوكيل لأنه لا يحق لصاحب الأرض بيعها رسمي طبعا بعد اخذ الايصال وخطاب التخصيص من المالك الأصيل والتعهدات اللازمه . السؤال : هل هناك مخاطر من الشراء بهذه الطريقة ؟

ثانياً : هل فعلا منطقة ابو الهول هتكون مثل باقي المناطق زي النرجس والياسمين والمستثمرين بعد الأستلام لأن يقال ان هذه الأرض صخريه ولا تصلح للبناء فهل هذا الكلام حقيقي ام اشاعه ؟

ثالثاً : ماهي المناطق المميزه جدا في ابو الهول 1 - ياريت من عنده المعلومة لا يبخل علينا بيها ؟

رابعا : هل فعلا هذه الأسعار مناسبه لهذه المنطقه ؟؟

واخيراً : ياريت من عنده اي معلومة بخصوص هذا الموضوع لا يبخل عليه بها وله مني الدعاء والشكر

وفي النهاية اتقدم بجزيل الشكر والأحترام لهذا المنتدى القيم والقائمين عليه .

وشكرا

[هشام عباس]

اخي العزيز بالنسبه للثلاث اشياء التي زكرتها بخصوص عقد الوكاله والتوكيل والعقد الأبتدائي فهي صحيحه تماما اما عن استلام اراضي ابو الهول1 وان الناس كمان شبعت فيها بنا (يسمع من بقك ربنا) بس للأسف هذا الكلام غير صحيح بتاااااااااااااتا لأني املك قطعة ارض في ابو الهول 1 المنطقه ق قطعه رقم 15 وهي لم تسلم حتى الأااااااااااااااااااااااان ........... انما ما سلم هو اراضي المستثمرين وهي قريبه جدا من ابو الهول

يفصلهما شارع واحد عرضه 24م ولشدة قربها احتمال ان الموضوع اختلط عليك

[سكر]

ممكن استاذ هشام يقول متوسط الاسعار كام حاليا فى ابو الهول

تم تعديل 27 يوليو 2008 بواسطة ataamer

[هشام عباس]

الأسعار في ابو الهول 1 تختلف عنها في ابو الهول 2 وابو الهول 3 ..........يعني بتبدأ في ابو الهول 3 من حوالي 320 الف وتبدأ في ابو الهول 1 من 390 الف حتى 500 الف وذلك حسب تميز القطعه وموقعها وقربها من المستثمرين ومساحتها حيث تبدأ المساحات من 260م الى 300م

[jojojojo]

أستاذ هشام هل عندك خريطة المنطقة أ؟ هل ممكن تحميلها؟ أنا القطعة بتاعتي رقم 22 على الشارع الرئيسي الفاصل بين أ و ط. هل عندك فكرة سعرها كام دلوقتي؟ وهل تعتقد تسليمها بعيد باعتبار انها في منطقة 3؟ ولكم جزيل الشكر.

[هشام عباس]

أستاذ هشام هل عندك خريطة المنطقة أ؟ هل ممكن تحميلها؟ أنا القطعة بتاعتي رقم 22 على الشارع الرئيسي الفاصل بين أ و ط. هل عندك فكرة سعرها كام دلوقتي؟ وهل تعتقد تسليمها بعيد باعتبار انها في منطقة 3؟ ولكم جزيل الشكر.

انا فعلا كان عندي الخريطه لكن فقط الخريطه المجمعه لأبو الهول

اما موضوع التسليم فأنا سامع ان ابو الهول 3 هتتسلم الأول

بس المهم تتسلم بقى احسن المده طالت جدا وباخت على الأخر

[EgyGuy]

السلام عليكم جميعا

انا فعلا سعيد ان فيه ناس محترمه ممكن تعطى نصيحه للاخرين لوجه الله تعالى, و انا مدرك تماما ان التعقيب ليس فب محله لكن اعذرونى لانى لسه عضو جديد لاننج فى الفورم الجميل ده.

طبعا جميل بناسه و ياريت حد يقدر يفيدنى فى استفسارى الاتى

انا عندى شقه فى مشروع مبارك بالتجمع الثالث مساحه 100 متر, الشقه تم استلامها فى سنه 1999, و هى مشطبه بالكامل الى اخره, ربنا كرمنى بقرشين مش كتير بس بفكر انى اوسع شويه على نفسى و اولادى, و لمنى لست متاكد هل يحق لى البيع الان؟

انا اعلم تماما انه يوجد حظر بالبيع لمده 10 سنوات او سداد كامل القيمه و اعتقد اننى استوفيت كلا الشرطين, هل يوجد مانع قانونى فى البيع, و هل تم تسليم عقود التمليك للملاك ؟

و اذا كان فى معلومات عن حدود الاسعار , يبقى كتر خيركم, للاسف انا مقيم خارج مصر و لا علم عندى بحدود الاسعار

شكرا جزيلا

[سعيد]

هل يتكرم أحد الأصدقاء بتوفير خريطة بأرقام القطع فى أبوالهول 3ح ان كانت متاحا لديه مع جزيل الشكر و التقدير و هل هناك معلومات جديدة عن موعد الاستلام

[ziad]

بصراحه يا سعيد أنا كنت من أكبر المتحمسين لأبو الهول,لكن مع تأخير تسليم الأرض أصابنى فتور,بص على مدينة بدر,أسعارها لسه حنينه وممكن تستلم وتسجل أرضك حالا

عارف فرق المسافه ووضع التجمع المختلف عن باقى المدن لكن فرق السعر وجاهزية الأرض بيخلينى أفكر تانى وتالت

[هشام عباس]

الأخ الفاضل زيد

انا عندي قطعتين واحده في ابو الهول 1 وديه انا مشتريها وواحده في بدر وديه طلعتلي في القرعه

بالنسبه لأبو الهول سامعين ان التسليم هيكون على شهر 6 وهيبدأوا بتسليم ابو الهول 3 الأول يعني من تحت لفوق والأسعار هناك قلت كتير جدا في الركود الحاصل دلوقتي وانا متابع دايما وعرفت ان ممكن تحصل على قطعه في ابو الهول 3 ب260 الف بعد ما كان من الصعب تحصل على نفس القطعه من سنه فاتت ب350 الف

اما بدر فيارب تتعمر بسرعه والأسعار فيها ثابته بقالها سنتين وهي تتراوح من 140 الى 160 الف في الحي المميز فيلات

وانا طلعت التراخيص بتاعت بدر خلاص الحمدلله وربنا يسهل وابني مع اني لو استلمت الأرض بتاعت ابو الهول فعلا شهر 6 هضطر اني ابيع بدر علشان اقدر ابني انما لو مستلمتش وده الأرجح بما ان يوم الحكومه بسنه فأن شاء الله ناوي ابدأ البناء في بدر وربنا يقوينا كلنا وانا سامع ان البنا في بدر بدأ بالفعل بس مشفتش حاجه بعيني لأني خارج مصر وهنزل ان شاء الله شهر 6

دعواتكم

[ziad]

يا هشام باشا

قبل متبيع عرفنى الله يكرمك ,أنا شارى منك دلوقتى وبعدين

أرض بدر دلوقتى فرصه

[سعيد]

وديه خرايط المنطقه س والمنطقه ق في ابو الهول 1 مفصلين بأرقام القطع

هل لدى أحد الأصدقاء خريطة تفصيلية لمنطقة أبوالهول 3 ح أو أرقام القطع فيها شكرا