" جايلك يا مونتريااااال ، يا مدينة الخيااااال !!! "

[حسام يوسف]

اينشتين كويس والحمد لله

وهوة بيسلم على كل المنتدى

وهوة حاليا بيظبط فى موضوع شغل

ادعولة ربنا يوفقة

[حسام يوسف]

اينشتين كويس والحمد لله

وهوة بيسلم على كل المنتدى

وهوة حاليا بيظبط فى موضوع شغل

ادعولة ربنا يوفقة

[medopharm]

اينشتين كويس والحمد لله

وهوة بيسلم على كل المنتدى

وهوة حاليا بيظبط فى موضوع شغل

ادعولة ربنا يوفقة

كويس انك طمنتنا عليه يا حسام

وربنا معاه ويوفقه ان شاء الله

[bent misr]

شكرا يا حسام و ياريت تبلغ سلامنا لأينشتين

وربنا يوفقه في غربته و يسهله الي فيه الخير

[النجم الثاقب]

جزاك الله خير يا دكتور حسام .. ربنا يوفقه

[حسام يوسف]

الاخوة الاعزاء بنت مصر

ميدوفارم

النجم الثاقب

لاشكر على واجب

ادعوا لأخانا اينشتين ربنا يكرمة ويوفقة

[drbeso]

قولولي يا جماعه اعمل ايه ؟؟

تعالو نحسب حبه ارقام كده

انا بكالوريس صيدله حلو؟؟ كده بتاع 20 درجه

+لو هيبقى عندي خبره 4 سنين =21 درجه

+العمر بتاع 24 او 25 =10درجات

=51 درجه

فاضل على 67 بتاع 16 درجه انا مش مجوز

يبقى انا محتاج لو انا عايز اخش على كيبك اجيب

في الانترفيو 16 في الفرنش تفتكرو هل في طريقه احسن لاني لسه هبدا ازاكر فرنساوي من الصفر

سؤال اخر انا سمعت ان كيبك ميزتها الوحيده عن اي حته تانيه انك مش بتمتحن لا في الانجليزي ولا في الفرنساوي حقيقي الكلام ده؟؟؟؟؟

هو انا بقيت لوحدي كده ليه في الموضوع ده ..........؟

[Bustami]

لو مش حاتجوز

اعمل اختبار انجليزي واختبار فرنسي علشان تاخد درجات من الناحيتين

[Bustami]

لو مش حاتجوز

اعمل اختبار انجليزي واختبار فرنسي علشان تاخد درجات من الناحيتين

[samehelassad]

ياجماعة اينشتاين فين واخبارة اية. عاوز اتطمن علية فين اراضية ولا مونتريال مبقيتش مدينة الخيال. اللي يعرف حاجة يقولنا.

[mohamed omar]

ياجماعة اينشتاين فين واخبارة اية. عاوز اتطمن علية فين اراضية ولا مونتريال مبقيتش مدينة الخيال. اللي يعرف حاجة يقولنا.

:D اينشتاين في مونتريال و ياخد فلوس علشان يتعلم فرنسي 500 دولار و اللهي شهري..وماخفي كان اعظم..و سلملي علي الدقهلية..و ايلي مهاجر من السعودية..

[حسام يوسف]

الأخ العزيز د.سامح

اينشتين كويس والحمدلله

وكل يوم معلوماتة يتزيد عن البلد

وبيتعرف عليها أكتر

وبدأ يندمج فيها

ادعولة ربنا يكرمة

[samehelassad]

ربنا يكرمة ياحسام يارب ويوفقة ونحصلة جميعا.

انت اللي اخبارك اية لسة برضة مقدمتش ومرمتش اي حاجة في سفارة كندا.

[حسام يوسف]

باذن الله قبل اخر السنة

ربنايكرم

الف شكر لاهتمامك يا عم سامح

[Einstein]

وحشتوني وحشتوني وحشتوني :roseop:

تقريبا من اسبوعين وانا عاوز ادخل واسلم بس كل يوم اتشغل و اجل لكره

حتي النهاردة اتخارت لحد دلوقتي والمفروض انام لان عندي 3 انترفيو بكرة بس قلت لازمن وحتمن ادخل واسلم علي الجميع

وخاصة اللي سالو عليه في غيابي د.om reham و د. bent misr و د.medopharm وزميلنا الجديد في الرابطة د. drbeso و د. درش ، واخي العزيز النجم الثاقب ( عملت ايه مع خمسة ايميل :lol: ) واخي الكريم samehelassad وطبعا شكر خاص لحبيبي الغالي دكتور حسام اللي كان بيطمن عليه بالايميل.

مش عارف ابدأ منين ولا اقول ايه خاصة واللي عندي كتير

بس هضطر اكون مختصر واجيب المفيد

انا مش بشارك من فترة لاني بعد شهر العسل اللي قضيته مع مونتريال :wub: وبدأت في الشهر التاني ادور علي شغل علي الاقل كتجربة، فظهرت لي صورة اخري للحياة في كندا ، صورة تختلف كتير عن الصورة اللي بياخدها اللي بيزور كندا و يمشي ( سياحة ) او صورة اللي قاعد و مستقر من فترة وله شغل بروفشنال في اي مجال ، اقدر اوصفها في كلمتين ( كندا مش هيه النعيم ولا مصر هيه الجحيم )

الخلاصة من الاخر ، انا كنت قررت استقر في مونتريل لخمسة اسباب مختلفة ، مع الوقت لم استطيع تحقيق اي منهم

ولما لاقيت الابواب مقفلة قلت الم عزالي و اطلع علي تورنتوا

ومع اني لم اجمع اي معلومات عن تورنتوا من قبل ، لاني كنت مركز و ناوي اعيش في مونتريال ، بس حسيت بتسهيل ربنا من تاني يوم اوصل فيه تورنتو wst:

مش معني كده ان مونتريال وحشة ( ابدا مونتريال حلوة و زي العسل :wub: ) بس عاوزه اما واحد متجوز او واحد مستواه كويس في الفرنساوي وممكن يستني لحد ما ياخد الكورس بتاعهم اللي المفروض يبدأ معي الشهر الجاي ( علي ما جه دوري فات عليه 2 سيشن) او واحد بيشتغل في مجال نن ريجيولاتد ومش محتاج اوردر زي الاي تي.

مودي في مونتريال مكنش يسمح ابدا بقراءة المنتدي فضلا عن المشاركة فيه .

اما هنا فانا زي اللي لسه جاي وعامل لاندنج :lol: ، كل حاجة مختلفة عن اللي اتعودت عليه في مونتريال ، بس زي ما قلت حسيت بتيسر ربنا هنا كتير .

الشغل اللي ملقتوش في كيبك ( اكتر من 70 سي في اتبعتت محدش عبرني ) هنا لاقيت اربع فرص تاني يوم :lol: وبنفس السي في ( النسخة الانجليزي ) لدرجة انا بفكر واختار الشغل اللي يتناسب معي في المكان و المواعيد و قبلهم طبيعة العمل.

وبدات اطلع الكتب علشان ابدأ اذاكر للامتحان لاني مقرتش كلمة من يوم ما جيت ، ومعدتش فاضل غير يا دوب شهرين ( مش كفاية لان في ناس ذاكرت له اكتر من 6 شهور وكان صعب عليهم ) وسمعت ان امتحان المعادلة ( الايفاليواشن ) بتاع شهر سبعة اللي فات اتقدم له حوالي 1200 صيدلي نجح منهم تقريبا 300 بس ، ربنا يستر

الظروف دي هتحجم مشاركاتي جدا ، بس هحاول اكون في الصورة

سلامي للجميع

[pink floyd]

الاستا\ اينيشتين :

تحية طيبة ...............

ده كويس جدا - وربنا يوافق - كندا الدخله صعبه - بس عاوز اقولك ده حصل لكل المهاجرين - والصح انك متقلقش - و تعرف ان ده طبيعى - نصيحة - ابعد عن العرب و المصريين عامة -بس ده ما يمنعش ان فيهم ناس كويس جدا

ةاقرا وابحث بنفسك - الفاشل عاوزك فاشل زى - اصبر واجتهد مع نفسك - وانا نازل تورنتو قريب

اشوفك على ومتسمع الى نفسك فقط

[himmler]

الف حمديله ع السلامةيا دكتور اينشتين

ممكن اعرف ليه منتريال مينفعش يعيش فيها غير اللى ميجواز؟؟؟؟؟؟؟ صدك عشان الاعانات شاملة اعانت الاطفال ولا قصدك حاجة تانية

[hamdy farag]

الف حمديله ع السلامةيا دكتور اينشتين

ممكن اعرف ليه منتريال مينفعش يعيش فيها غير اللى ميجواز؟؟؟؟؟؟؟ صدك عشان الاعانات شاملة اعانت الاطفال ولا قصدك حاجة تانية

نعم..

[arora]

اخيييييييييييرا اينيشتين على المحاورات

عود حميد يا اينشتين

والحمد لله انك بخير

براءة ياسيدى الاشهر القادمة لغاية الامتحان وحتى ظهور النتيجة ونجاحك ان شاء الله

ونعد كده تقولنا ايه الاسئلة اللى جاتلك فى الامتحان

نتمناللك كل خير ونسمع عنك كل خير

[magedghonim]

الف حمدالله على سسلامتك

يا حبيب ألبي

كل حاجة في اولها صعب معلش

واديك بتاخد فكرة عن البلد

المهم تحاول تركز عشان الامتحان

عشان نفتتح بقى الرابطة رسمي ....

وربنا يوفقك

تم تعديل 24 أكتوبر 2008 بواسطة magedghonim