قيدوا الشموع و زينوا البساتين - مولود جديد لسين سين

[deemuck]

الف مبروك على المولود الجديد. الله يبارك فيه وفي اخوته وابويه ويجعله قرة عينك

لماذا لم تسميه

"عز الرجال"

[حسام يوسف]

السلام عليكم

اعتذر يا س س

عن تأخرى

المواصلات

حقك علية يا ابو ع

ربنايباركلك فية

والخروب والتمر الاسوانى علية انا

[مصري أصيل]

السلام عليكم

ألف ألف ألف مبروك يا س س على المولود الجديد يتربى في عزك إن شاء الله و تشوفه عريس

ربنا يبارك لك فيه و يرزقك بره و يجعله عون لك و لإخوته يا رب

الف مبروك

[se_ Elsyed]

شكراً مرة أخرى لإخوتي الكرام

وعقبال عندكو يارب

واللي ما اتجوزش يتجوز

واللي إتجوز يخلف

والي خلف يكبر ويسمن عياله ويجوزهم

وكده يعني ..

عبد الرحمن بيسلم عليكم وبيقولكم إنه بإذن الله هايبقى أصغر مُشرف في المنتديات جمعاء ... إشمعنى هو اللي مش هايورث المنصب يعني ... وناقشت الموضوع مع أ عادل .. ومبدئياً ممكن نمسكه باب السياسة الداخليه .. على أساس إنها حاجه سهله .. وشويه شويه لما عضمُه ينشف ممكن يدخل بصدر مفتوح ونزوده بابين أو باب وشباك حتى ...

حذروا فزروا جايب لكم معايا إيه في المداخلة دي ؟

واللي مالوش شنان وما يقدرش يقرقش ... طلبه موجود وأدي عصير الخروب من أجدع محلات الخروب بتاعت إسكندرية اللي كل ما أروح بأقعد طول النهار عندهم أقعد أشرب خروب لحد ما أتدرمغ

...

والعقيقة بقى .. من عيني وإنتو حبايبي كلكم من أيام الجيزة

شعارنا " كُل وبحلق بعنيك ... أكله وأتحسبت عليك "

[iloveegypt]

بورك فى الموهوب وشكرت الواهب وربنا يكرمه ويبارك فيه وعقبال علا وعلياء ويكونو كلهم ذرية صالحة وانا مش موافق على موضوع التوريث للمنتدى يعنى من الاخر هكون حركة كفاية بالمنتدى

[ابو محمود]

مبروك يا أستاذ .سين سين

ياترى باين على عبد الرحمن لعيب كورة قدم ولا كورة ماء ههههههههههههههههههههههه

انت بقى ممكن تخبرنا عمومآ مليون مبروك ويارب يكرمك ويهديهم لك ويجعلهم من الصالحين

[الحاج فوزى]

عزيزى س س ..

مبارك عليك ..

يتربى فى عزك ويزيد رزقك وتكون سنده وهو صغير ويكون سندك وهو كبير ..

تحياتى ..

[Farida]

الف مبروك يا س س انا عارفه ان كان نفسك فى بنت ان شاء الله المرة الجايه بقه ..........مبروك و يتربى فى عزك و يجعله قرة عين لك و لأمه

[مزاميزو]

العزيز سي السيد

ألف مليون مبروك لوصول السكرية...

آه لا مؤاخذة مبروك وصول سي عبده بالسلامة

[vipwithyou]

بسم الله ما شاء الله

ألف ألف مليون مبروك يا ريس

وعقبال لما تكمل باقى الفريق ان شاء الله حتى خماسية عين

انت عارف طبعا ً انى مش فى الرياض حاليا كنت جيت ريحتك شوية وشلتلك عبدالرحمن اصلى تخصص شيل اطفال فى سن الولادة

بس ملحوقة ان شاء الله راجع الرياض باذن الله قبل السبوع

علشان الحق نصيبى طبعا ً

واياك ما تعزمنيش

ألف مبروك مرة تانية يا باشا والله خبر حلو جدا ً من فترة ما فرحتش كدة

[المنصوراوى]

العزيز س س الف مليون م

على المولود ع

و الف س للمدام

و يتربى فى ع

م مبروك

ع عبد الرحمن

س سلامة

ع عزك

[فــيــروز]

ما شاء الله لا قوّة إلاّ بالله بورك فى الموهوب وشكرت الواهب

[bentmasria]

ربنا يبارك لكم وفيكم وفى ابنائكم جميعا ويجعلهم قرة عين لكم

ربنا يحفظكم ويحفظ كل حبايبكم الحلوين من كل شر باذن الله تعالى

الف الف مليون مبروك

[مهاجرة]

الف مليون مبروك المولود الجديد ويتربى بعزكم انت وامه وجعله ذرية صالحة ان شاء الله

[kokomen]

1000 مبروك

جعله الله قرة عين لوالديه

بورك في الموهوب وشكرت الواهب

ويتربى في عزك وعقبال المولود الرابع إن شاء الله

أظن كده نكون وفرنا عليك يا عم سين سين كل المعدات والذي منه

فاضل عليك العقيقة وتعزم الجميع في الخيمة الرئيسية للأمانة والبلديات اللي في شارع الستين في الملز

[Einstein]

الف الف الف مبروووك يا ابو عمر :lol:

معلشي بقي اتأخرت شوية و ما لحقتش العقيقة :)

بس قلت بقي الحق اهني قبل السبوع :wub:

تم تعديل 12 يونيو 2008 بواسطة Einstein

[se_ Elsyed]

ألف ألف شكر لكم جيمعاً وعلى تهنئتكم الرقيقة ومشاعركم الجميلة ( والنبي تلموا لي حاجه مع بعض أحسن اخوكو متظبط وبقى شيال الحمول )

وشكراً لجميع أعضاء منتدى الواحة بعد ما أُبلغت بإن هناك موضوع للتهنئة وجزاكم الله خيراً ...

بالمناسبة ... كنت بأعمل إمبارح سيرش على اغاني للمولود على موقع أبويا الحاج جوجل ...

أقسم بالله أنا جالي ذهول وكدت أُصدم عندما وجدت صورة للمولود الجديد " أبا عبد الرحمن إبن س س المُلقب بالفارس المغوار " ... مش طبق الأصل ... لأ ده هو بشحمه ولحمه وحتى الطقم اللي لابسه ....

ولولاش عارف إن إحنا ما صورنهوش لحد دلوقت لإن لسه عنده يومين .. كنت قلت ده هو بعينه

بس من الواضح إن الولد ده إسمه يوسف ... ربنا يخليه لمامته وباباه ويجعله ولد صالح هو وعبد الرحمن ... ويارب لما يكبر ما يلاقيش بابا مبارك ولا حد من ريحته ويجعل أيامه أحسن من أيامنا ..

وأدي طقم علب سبوع من اللي ناس بتاكل الملبس اللي جواها وبعدين تحط العلبة الفاضية في النيش بتاع السُفرة

الصورة دي جديدة ومبتكرة

[~Heba~]

الله هو عسوووووووووووول كده يا ربيييييييييييييي عايزة احضنه و ابوسه :lol:

[se_ Elsyed]

الله هو عسوووووووووووول كده

طبعاً يا بنتي .... زي أبوه ... لولاش بس عوامل التعرية والحاجات دي .. كنت فضلت بنفس المنظر ..

هيييييييييه .. ألا ليت تعود الطفولة .. من غير تسنين ولا تغيير كفولة ( من اشعاري ومُعلقاتي )

[زعلان]

:) سي السيد الف الف مبروك وان شاء الله يكون عونا لكم و يكون من عباد الله الصالحين

ربنا يبارك لكم فيه ويخليكم ليه :lol: :wub: