زاكيروني واوعوا تنسوني

[se_ Elsyed]

وأدي سكابالا راححححححححححححححححححح هو كمان وأترزع 6 شهور إيقاف من تاريخ 25/6/20208 ... يعني أكثر من نصف الموسم اللي جاي محلي وأفريقي .... وغرامة 990 ألف يورو يعني نقول مليون ... وده عشان الفهلوة والحداقة ...

وطبعاً زاكيروني راح ورسيت على هولمان ... واجوجو راح ... والولا التعبان بتاع وفاق سطيف " سيري دي " اللي جه مضى العقود وخلع وقال مش لاعب وهو أساساً ما كانوش هايستفيدوا به أفريقياً عشان لعب ما وفاق سطيف قبل ما يخرج .. حتى ده كمان راح هو ..

انا قلتها قبل كده " الزمالك نادي مالوش أصحاب " والكل بيشتغل عشان مصلحته .. والكل مشغول في الإنتخابات بتاعت يوم 25 الجاي والضرب تحت الحزام وفوق الحزام وبالحزام ... وإن شالله يولع النادي ... ويطلع مسئول إمبارح يقول لك : هانسدد الغرامة خلال شهر .... منين يا كوكو ... وإنت مين أساساً هل مرشح للرئاسة ولا رئيس ولا أنت مين ....

لك الله يا زمالك

[ابو محمود]

انا قلتها قبل كده " الزمالك نادي مالوش أصحاب " والكل بيشتغل عشان مصلحته .. والكل مشغول في الإنتخابات بتاعت يوم 25 الجاي والضرب تحت الحزام وفوق الحزام وبالحزام ... وإن شالله يولع النادي ... ويطلع مسئول إمبارح يقول لك : هانسدد الغرامة خلال شهر .... منين يا كوكو ... وإنت مين أساساً هل مرشح للرئاسة ولا رئيس ولا أنت مين ....

العزيز سين ..سين

مين كوكو دة اللى انت بتشير الية فى موضوعك؟؟؟؟

على فكرة يا باشا ... الذمالك بة رجال محترمين بس ياخسارة لا يستطيعون تغيير الوضع لان المشكلة

ليس فى تغيير الوجوة المشكلة فى القلوب ؟

كل من يدير ذالك النادى بدون قلوب ولا يفقهون شيء فى الأنتماء ولا الحب للمكان وهذة الكارثة تنتشر فى كل ميادين الرياضة ... الذمالك ليس فقسر بل غنى برجالاتة ولكنة غنى ايضآ بأنصاف الرجال الذين لا يستحقون حتى شرف التسمية بأنهم رموز او اعضاء او منتمين وبالنظر الى ما يحدث اليوم من تربيطات والاعيب قذرة فى مقدمتها من يملك المال ومن يملك البلطجة وانى اعتقد ان العقلاء ابتعدو حفاظآ على اسمائهم وشرف ما ينتمون الية الذى اصبح على المحك وربنا يستر فى الايام القادمة وما نشاهدة على الشاشات خير دليل

[EL SHABRAWY]

يا اخونا هو فيه ايه محسسين الناس زى مايكون النادى الاهلى قبل ما يدى عضوية لاى حد بيعملو كشف قلب و فشة و طحال و محاليل دم علشان يتاكدو من انه ملاك وانه مبدئ وروح والاهلى موجودة فيه وفى جدوده الممتدة حتى مينا موحد القطرين

الفرق الاساسى بين الناديين هو الالة الاعلامية اللى عند الاهلى و جيوش الصحفيين المسخرة لابراز الحلو هنا و الوحش عند الاندية التانية

يعنى كتير اوى الاقى خبر عن الاهلى يقول وقد صرح مصدر مسؤل بالنادى زى ما يكون الزعيم رقم صفر بتاع الشياطين ال13 لكن لو فىالزمالك مش هيكون الاسم بس لا دا اسم ابوه تاريخ عيلته

[حسام يوسف]

اهلا بيك يا شبراوى يا زملكاوى

يا الف مرحب بكل زملكاوى

[ابو محمود]

يا ناس ياهووووووة احنا مش ضد الزمالك واللةاحنا زعلانين علشانة

يا أخ شبراوى ممكن تشرح لنا مين بقى يسكن المركز التانى فى العام القادم

انا كأهلاوى أرفض واشجب وأدين كل ما تسول لة نفسة بأخذمركز الذمالك المفضل

على فكرة ياشبراوى يا أخويا المركزالتانى ليس عيبآ لانةيعنى ان صاحبة منافس للأول دائمآ

ودةمش تقليل من نادى عظيم مثل الذمالك ربنا يفك اسرة من بين أيدى الدخلاء والطماعين من أبناءة الغير

؟؟؟؟؟؟ بلاش النهاردة الجمعة

[ابو محمود]

الفاضل أيهاب

الصورة دى اكبر دليل على التشدد

الكلام اخف حدة منها انت كدة بتجدد المواجع

[EL SHABRAWY]

اهلا بيك يا شبراوى يا زملكاوى

يا الف مرحب بكل زملكاوى

الف شكر يا حسام باشا وربنا ينصرنا على اللى بالى بالك

[jamalpody]

قائد محنك ايه بس؟

ياناس حرام عليكم..الناس في مصر مش لاقية رغيف العيش

والله ال بيحصل دة ميرضيش ربنا ابدا

وهوة بيعمل ايه سي جوزيه دة..مهو جة في موسم 2001-2002 وفشل والاسماعيلي بمحسن صالح كسب منه الدوري

فلما رجع ولقي انه مدرب فاشل ومفلس قام قلهم هتولي لعيبة الاسماعيلي وانا أخدلكم بيهم الدوري(بركات-الشاطر-عبدالله-النحاس-فتحي-معوض) وأخد ابوتريكة من الترسانه واخد شوقي من المصري واخد السعيد وصديق من الزمالك

وهةو اصلا سياسته كدة لم احسن لعيبه تكسب طيب هوة بقة فايدته ايه....عجبي

[شاب مصري]

الجمهور في خدمة الأهلي

الحكام في خدمة الأهلي

اتحاد الكرة في خدمة الأهلي

الاعلام في خدمة الأهلي

الاسماعيلي في خدمة الأهلي

المحلة في خدمة الأهلي

فوز الأهلي واجب وطني

ويجعله عامر

grdy:

تم تعديل 11 ديسمبر 2008 بواسطة شاب مصري