زاكيروني واوعوا تنسوني

[حلواني]

نرجع للموضوع من اوله

اللي بيحصل في مصر دا سفه وعبط وسوء اداره من الدوله للرياضه

سواء في اسعار المدربيين العالميين او المحليين حتي. ارقام غير طبيعيه في دوله فقيييييييييييييييره

كمان اسعار اللاعبين المحليين والاجانب انا مش شايف مستوي يستحق ربع المبالغ دي

كل هذه الانديه مجتمعه ليست انديه خاصه (( طيب ليه الدوله اللي خصخصت طوب الارض مخصخصتش الانديه ))

ووقتها لوجابو مدربين ولاعبين بمليارات مش ملايين محدش هايقول حاجه

انا عاشق للاهلي وباحترم الزمالك

لكن مش مع ممدوح عباس في الورطه دي قبل ما ينجح في الانتخابات

تحياتي للجميع

تم تعديل 8 يونيو 2008 بواسطة حلواني

[حسام يوسف]

الاخ حلوانى

انا معاك 100%

اللى بيحصل فى الكرة المصرية

سفة

واهدار مال عام

شوف كام لاعب اجنبى ومدرب برضة اجنبى

جم مصر

كام فى المية منهم كانوا يستاهلوا؟

اما استاذ ممدوح

فبيتصرف وكأن نادى الزمالك عزبة

يجيب المدرب دة مع احترامى بمليون

واللاعيبة دول بمعرفش كام

اولا هو معين

ثانيا

ازاى يدير الانتحابات واحد مرشح لللرئاسة

وازاى تجيب ناس وتتفق على عقود وانت فى انتخابات بعد فترة بسيطة

وازاى تجيب الناس دى بدون استشارة لجنة كورة أو مجلس ادارة

قاعد ع الشط فى انجلترا

ويتكلم فى صفقات

حسبناالله ونعم الوكيل

[النسر المصري]

قرأت في أخبار كوره دوت نص كوم.....وفي أخبار الزمالك تو في .....ان اونكل زكركر جاي يتفرج عالنادي ومصر الأول.....

لوعجبوه.....هيبدأ يتناقش....لو ماجبهوش اي واحد فيهم...هيخلع ممن بره لبره.....

ويقال ان اونكل عبس غلط لما صرح انه جاي عشان يمضي...انما هو جاي يتفرج الاول ويتفاوض

وان غلطة عمره بالتصريح اللي قاله بالتعاقد...لانه لو مشي من غير مايمضي (على سبيل المثال ماعجبهوش النادي)....يبقى أكلها اونكل عبس !!

وياليله حوسه...يعني تصريحات مزوره..وفاكسات مزوره...وانتخابات مزوره.......وفلوس مزوره.....وعيش مزور..... وزيت مزور.......ياعم دي بلد مزوره!!!

[justtrying]

قرأت في أخبار كوره دوت نص كوم.....وفي أخبار الزمالك تو في .....ان اونكل زكركر جاي يتفرج عالنادي ومصر الأول.....

لوعجبوه.....هيبدأ يتناقش....لو ماجبهوش اي واحد فيهم...هيخلع ممن بره لبره.....

ويقال ان اونكل عبس غلط لما صرح انه جاي عشان يمضي...انما هو جاي يتفرج الاول ويتفاوض

وان غلطة عمره بالتصريح اللي قاله بالتعاقد...لانه لو مشي من غير مايمضي (على سبيل المثال ماعجبهوش النادي)....يبقى أكلها اونكل عبس !!

وياليله حوسه...يعني تصريحات مزوره..وفاكسات مزوره...وانتخابات مزوره.......وفلوس مزوره.....وعيش مزور..... وزيت مزور.......ياعم دي بلد مزوره!!!

الأخ كان مع الحج زاكروني وهوه بيتفرج على الزمالك وقالك بالحرف انا جاي اتفرج وراجع يعني ولا ايه مش فاهم ..

الأخ الاستاذ حسام الزملكاوي الوحيد في المنتدى الي عمال يتكلم مع عقلية جماهير الأهلي المتواجدة في المنتدى .. وللاسف كأغلب جماهير مصر ..

الي بيحصل هنا ده مش حوار ده اسمه تهريج وتطاول على علم من أعلام الرياضة في مصر .. الكلام الي بيحصل ده اسمه تسفيه والتقليل من حجم نادي الزمالك الكلام والتطاول على النادي بكلام ولا ليه أي معنى

الكلام الي بيحصل هنا صدقوني مثال بسيط جدا من أسباب وجود العصبية والكره بين الناديين لدرجة .. تجعل جماهير النادي الاهلي تفضل مصلحة الاهلي والاهلي فقط على المنتخب وباقية الفرق الأخرى المصرية .. وتدفع ببقية جماهير النوادي الأخرى مثل الزمالك والاسماعيلي إلى كره النادي الاهلي مش زي ما كنا بنشوف زمان لما كان الاهلي يلاعب أي فرقة افريقية وآخر مثال وده ابسط شيء .. ماتش النجم ..

وسلام عليكم ..

تم تعديل 10 يونيو 2008 بواسطة justtrying

[النسر المصري]

[quote name

الأخ كان مع الحج زاكروني وهوه بيتفرج على الزمالك وقالك بالحرف انا جاي اتفرج وراجع يعني ولا ايه مش فاهم ..

الأخ الاستاذ حسام الزملكاوي الوحيد في المنتدى الي عمال يتكلم مع عقلية جماهير الأهلي المتواجدة في المنتدى .. وللاسف كأغلب جماهير مصر ..

الي بيحصل هنا ده مش حوار ده اسمه تهريج وتطاول على علم من أعلام الرياضة في مصر .. الكلام الي بيحصل ده اسمه تسفيه والتقليل من حجم نادي الزمالك الكلام والتطاول على النادي بكلام ولا ليه أي معنى

الكلام الي بيحصل هنا صدقوني مثال بسيط جدا من أسباب وجود العصبية والكره بين الناديين لدرجة .. تجعل جماهير النادي الاهلي تفضل مصلحة الاهلي والاهلي فقط على المنتخب وباقية الفرق الأخرى المصرية .. وتدفع ببقية جماهير النوادي الأخرى مثل الزمالك والاسماعيلي إلى كره النادي الاهلي مش زي ما كنا بنشوف زمان لما كان الاهلي يلاعب أي فرقة افريقية وآخر مثال وده ابسط شيء .. ماتش النجم ..

وسلام عليكم ..

ليه بس كده ياجاست تراينج......ده انا جاي وجايب اخبار من مواقع زمالكاويه والأهرام كمان

وعموما انت ممكن تسأل الاستاذ حسام نفسه اذا كانت آرائي الرياضيه متعصبه ام لا!!

عموما الله يسامحك ياسيدي...وانا عن نفسي ياسيدي بمد ايدي ليك بردو...!!

[قائد المدفعيه الهولنديه]

الاخ حسام يوسف ..... فكره كويسه تعالى نبدأحمله لمحاربه التعصب .... يمكن مشاكل الكوره فى مصر تتحل لو بعدنا عن التعصب و ربنا يكرمنا و نوصل كاس العالم زى مانت قولت و زى مانا بقول و كل الناس

[م.سامح المصرى]

يا جماعة انتم معترضين على المرتب بتاعهم لية

هوا فعلا كبير جدا بالنسبة لينا بس دول ناس سعرهم كدا يعنى كنت بشوف فى برنامج تلفزيونى

مدرب برضو كانوا جايبينة كات مدحت شلبى بيتكلم علية بياخد باين 3 اضعاف جوزية ونفس امكانيات جوزية

احنا عايزين مدرب اجنبى يبقي نديلة الى بياخدة برة

بمعنى احنا عندنا مثلا مصنع فى مدير من البلد ومدير من بلد اجنبى

الى من البلد مرتبة كويس نسبياً لاكن مش خبرة دولية زى الى من البلد الاجنبى

يبقي لو جبنا المدرب الاجنبى نديلة مرتبة الى بياخدة فى مكانة هوا

انما حكاية التعصب والتقليل من اى فريق سواء زمالك او اهلى

الزمالك كسب الاهلى وخد منة بطولات والاهلى كذلك

وفى اى مباراة قابلة لاى فريق منهم يكسب التانى

لانهم فرقة كبيرة وقضيبي الكرة فى مصر

والله يسامحك يا استاذ justtrying

عقلية الاهلاوية كويسة مش وحشة لدرجة انك تتكبر وتقول لاستاذ حسام انه الزملكاوى الوحيد الى بيتحاور مع عقلية الاهلاوية

مع ان اهلاوى اثبت لحضرتك عقلية الاهلاوية بردة المهذب

على فكرة انا بحترم استاذ حسام واستاذ موديست واستاذ ابو حميد لانهم زملكاوية ما غلطوش فى اهلاوية او علقو على عقليتهم

استاذ justtrying انا ساكن فى ميت عقبة

يعنى فى مكان الزملكاوية نفسهم انا فعلا لو حكيت لحضرتك بعض من تصرفات زملكاوية هنا حضرتك هاتشمأز بس انا مقتنع ان مفيش اى حاجة كاملة

يعنى مش كل المشجعين زى بعض فى المتعصب جدا وفى الى بيشجع كورة فعلا وبيحب باقى الاندية حتى لو كانت منافسة

ودا بان من بعض الاهلاوية هنا

وهوا الموضوع مش لازمة العصبية

دا بس لقينا ان الاخ زكركر بياخد اكتر من مرتبنا بـ 500 يورو

احنا بس كنا بنعترض على الـ 500 يورو دول اتمنى تكون فهمتنى

سلامى إلك :waving: :roseop: :roseop:

ناس بتبقى بتشجع كورة فعلا وبتحترم

[حسام يوسف]

السلام عليكم

صحيح انى زملكاوى

وصحيح انى ارى الاهلى فى السنين الماضية عمل حاجات فى الاندية التانية

تجيب شلل اطفال

ورعاش

ونصفى

ورباعى

وكل انواع الشلل

وفرغ نادى الاسماعيلى من لاعبية

وبقى الاهلى فرع الاسماعيلى بالقاهرة

ومدرب مغرور فاكر انة جاب الديب من ديلة

وكلام اعلامى احمر متعصب غير نزية

وأغانى

وزمر وطبل

توم ترا ترا ترا تو

ابو تريكة

وحاجات كتير تضايق

وجماهير زاد نسبة المتعصبين فيها

وبقى الاهلى يلعب

يشجعوا الاهلى

والزمالك يلعب

يشجعوا المنافس

المنتخب يلعب

يشتموا الجول كيبر فى ماتش دولى فى تصفيات كاس عالم

بنروحها كل 70 سنة مرة

أو كل ما تتنظم فى ايطاليا

أيهما أبعد

على الجانب التانى

حبايبنا

الشل الاصلى

الزمالك

بيفرغ اندية مصر من اى لاعب انشالله نص لبة

من المحلة والمقاولين وغيرة

يعنى الصراعات الغير شريفة على المناصب

يعنى اتهامات فى الاعراض والذمم

يعنى سرقة

يعنى دوحة العنتبلى

اللى لمابيتكلم بحس انى مع واحد معاة اعدادية قديمة

وواحد معاة لستة اتهامات جاهزة لسب اى واحد بيعادية

أو بيفكر انة يعادية

ورئيس مجلس قومى للرياضة

بلاتاريخ

فشل فى انتخابات نادى

فاتكافا

ومسك منصب جهاز الرياضة

ونادى تالت عندة شجرة المواهب

رئيسة مش عارف امتى يبعت شيك

واجراءات تعاقد شكلها اية

ودورى مفيهوش منافسة

الا ع الهبوط

وكمان تكويس

وتفويت

واسألوا الاسمايلى والمقاولين

وبعد دة كلة نتعصب

لية؟

مش كل الاهلاوية متعصبين

وكذلك الزمالك

واناعارف ازمة السكن يا سموح

انما ربنايكرمك وتسيب ميت عقبة

ومصدقك فى اللى بتقولة

صدقونى

لازم نبطل شغل التعصب

اهلى

وزمالك

الكويس

يبقى هوة الكويس

وقبل الاتنين

نشجع منتخبنا

مصر

يعنى كاس عالم

الفرصة المرة دى قريبة

دول افريقية كتير مش فى حالتها

ومصر فريقها كويس

ولأول مرة عندنا لاعيبة فى الدورى الانجليزى

الللى كنا بس بنتفرج علية

عايزين نوقف التعصب

بحييك يا سامح

وكلى تقدير لدعوتك يا قائد المدفعية

ومعاك 100%

ويا اخى جست تراينج

فية زملكاوية كتير

مش انا بس اللى من نوعى

انت

موديست

ابوحميد وغيهم

اعتذر لو نسيت حد

وفية متعصبين ع الجانبين

يعنى مش معنى اننا زملكاوية اننا بنرفرف بجناحات الملايكة

ياريت كلنا ننسى الاهلى والزمالك

ادعوا لمصر ماتش مالاوى اللى جاى

اهلى وزمالك لية؟

مش الدورى والكاس خلصوا؟

تم تعديل 11 يونيو 2008 بواسطة حسام يوسف

[zamalkawi fe el kuwait]

الاخ حسام يوسف ..... فكره كويسه تعالى نبدأحمله لمحاربه التعصب .... يمكن مشاكل الكوره فى مصر تتحل لو بعدنا عن التعصب و ربنا يكرمنا و نوصل كاس العالم زى مانت قولت و زى مانا بقول و كل الناس

سيدى الفاضل لا داعى لهذة الحملة التى ستنتهى بالفشل.....

التعصب سيظل موجود بين الناديين ولن يزول ابدا ..................

سيظل جمهور الزمالك يكرة الاهلى وسيظل بالطبع جمهور الاهلى يكرة الزمالك.............. ابسط دليل هو الموضوع الذى تم فتحة بلا اى مبرر فهو يدل على ما تريد انت تنهية..............(مع احترامى الشديد لصاحب الموضوع)

[حسام يوسف]

بلاش تشاؤم

الاحلام ممكن تتحقق

تحياتى لكل المصريين فى الكويت

[قائد المدفعيه الهولنديه]

الاخ الفاضل( زملكاوى فى الكويت ) ..... شكرا على رأيك ..... لكن انا اول ما دخلت الموضوع كتب رد مستفز شويه للاخوه الزملكاويه بصفتى اهلاوى.... لكن رجعت و قريت المشاركات لقيت الاخوه الزملكاويه سايبين ردود كتير تستحق الاحترام و المناقشه ..... اعتذرت و ده حقهم عليا ...... و بكده يبقى انا قدرت اسيطر شويه على التعصب اللى جوايا انا شخصيا ..... و مره مع مره هينتهى ان شاء الله صدقنى الموضوع مش بعيد ...... عموما انا كأهلاوى اتمنى ربنا يرجع الاستقرار فى الاداره للزمالك تانى و يكرم الاسماعلاويه و المصراويه و الاسكندرانيه و كل الانديه الكبيره الجماهيريه بالدعم المالى علشان الدورى يكون ليه قيمه شويه انا عن نفسى من قبل البطوله ما تروح للاهلى رسميا و انا بطلت اتفرج يعنى من نص الدور الثانى تقريبا ..... لان الموضوع بقى عامل زى المسلسل البايخ او المحروق.... تمنياتى بالتوفق لكل الانديه المصريه بلا اى استثناءات

[حسام يوسف]

تقديرى واعزازى يا قائد المدفعية

احييك لروحك الرياضية

ونبذك للتعصب

لية طلب بس

ممكن اسمك تظبطة شوية

طويل وغريب قوى

انا بقعد اكتب فية كتير

تحياتى

وخالص تقديرى

[قائد المدفعيه الهولنديه]

الاخ العزيز حسام يوسف شكرا لزوقك..... بالنسبه للاسم هو ده بقى عنصر الاثاره و التشويق :huh: .... على العموم لو مضايقك قول اى اسم و انا هرف على طول ان انت تقصدنى انا :lol:

[حسام يوسف]

انا اسف مش اقصد اشايقك

بس بجد هو طويل شوية

ولا

يهمك

تقبل تحياتى

[قائد المدفعيه الهولنديه]

الاخ حسام يوسف ...... مفيش مضايقه ولا حاجه انا بهزر معاك

[se_ Elsyed]

هذا هو الفرق بين إدارة الأهلي وإدارة الزمالك

إدارة الأهلي ...

تعمل ثم لا تتكلم .... وأحياناً كثير جداً جداً تعمل في صمت ولا تسمع صوت لأحد ينسب الإنجازات لنفسه .. واتحدى أي شخص يجيب حديث صحفي أو إعلامي لحسن حمدي او الخطيب بصفتهم أرفع شخصيتين في السلم الإداري للنادي .. وذلك بعد تكرار الفوزر بالدوري العام لرابع سنة على التوالي او حتى عندما فازوا بالركز الثالث على مستوى اندية العالم العام قبل الماضي ...

إدارة الزمالك ... تتكلم وتملأ الدنيا كلاماً ... ثم تعمل أو لا تعمل .. ما بتفرقش كتير

عباس وصبري أبو علم والجوقة كلها ملؤا الدنيا كلام عن الخبير العالمي زاكراوني والذي سيقود سفينة فريق كرة القدم إلى العالمية ... وساقوا ناشيء النادي والعاملين به إلى مطار القاهرة وهما شايلين لافتات - مكتوب بالعربي على فكرة - ومكتوب عليها ( بنحبك يا زكريا ) ليستقبلوا الرجل والراجل مستغرب ومش عارف إيه اللي بيحصل وتلاقيه ما سمعش عصام الحضري وهو بيتكلم للتليفزوين السويسري وبيقولهم " جمهور سيون وحشني قوي " أصل كان في عشرة قديمة بينهم وكانوا مفترقين بقى لهم فترة ..

وهاتك يا تصوير ويا مؤتمرات وإفتكاسات ... وفي الاخر الراجل قالهم العواف وعقبال عندكم .. وخرج النهاردة صبري أبو رايه ليُعلن إن زاكروني بقى إسمه نسيوني ... وإنوا إداهم الصابونة ... بالرغم من إن المعكسر والتجمع بتاع الفريق هايبدأ بعد بكرة ... لكن عباس نازل شرا لعيبة بملايين ومنها اجوجو ( 40 مليون ... يا نهار مش فايت ) وأيمن عبد العزيز 16 مليون ( يا سواد السواد على صفقات من عينة بشير التابعي الدمياطي واخوانه ) وستف لعيبة يا عم والله أعلم هايكون رأي المدير الفني اللي لسه في علم الغيب وهاييجي هايكون رأيوا فيهم إيه ... وإزاي أبدا تجمع للفريق قبل ما أعين مدير فني المفروض إنه يضع لمساته على كل صغيرة وكبيرة في التجمع ده اللي هايستمر لمدة شهر حيث أول مباراة للفريق ف دور الثمانية لبطولة أفريقيا يوم 20/7 ؟!!!

حتى من هم في الظل ... زي هذا المجرم المُسمى مرتضى منصور .. يطلع من كام يوم على الفضائيات ليتهم ممدوح عباس صراحةً إنه رشى الحكم اليوناني اللي حكم نهائي كأس مصر عشان يهدي الكأس للزمالك ويُنسب لعباس هذا الإنجاز .... بالله عليكو دي شخصية كانت رئيس للنادي وكانت بتحارب ومازالت عشان يعود للكرسي تاني ؟

وقس على ذلك هذا العُرف المتوارث في الزمالك ..

الكل بيتكلم للصحافة والإعلام ... والكل يتعاقد مع لعيبة ومدربين وجامعي كور ..

وولا في تخصص ولا عمل من اجل النادي فقط مش من أجل مصالح شخصية أو ألعاب إنتخابية ...

[حسام يوسف]

اناكنت داخل الموضوع وعارف يا س س انك هترد عشان زاكيرونى موصلش لاتفاق مع الزمالك

ودة وارد ان اى مفاوضات ممكن متنجحش

لكن عندك حق ان عباس بيتكلم قبل مايعمل اى حاجة

لأن كل دة شو انتخابى

وبرضة معاك ان لا مرتضى يستحق الزمالك

ولا عباس

ومش شايف اى واحد محترم مترشح للرئاسة لنادى الزمالك

وهية دى ازمة الزمالك

اللى على العين فى المناصب

كلهم جايين عشان المناصب

والناس المخترمة

واخدة ركن ومش قادرة على المنافسية الغيرشريفة

لك الله يا زمالك

[se_ Elsyed]

الغريب إن نفس الوشوش اللي مترشحه هي هي اللي كانت موجودة وخربت النادي .قبل كده .

ممدوح عباس .. رجل اعمال ومالوش في البطيخ وإذا كان مُحب للنادي فعلى عيننا وراسنا من فوق لكن يخليه بعيد عن المناصب ... ما هو إبراهيم المعلم وياسين منصور من أكبر الداعمين الماديين للأهلي يعتبروا مليارديرات ومع ذلك مستحيل تسمعه بيتكلم عن تشكيل أو جهاز فني او ما إلى ذلك .. ولكنه يحب في صمت ويبذل في صمت بدون السعي وراء الكرسي .. لإنهم الرجال المحترمون هم من يضيفون للكرسي .. وليس الكرسي هو من يضيف لهم .

المندوة الحُسيني ... يعترف بعضمة لسانة إنه ستف ( 6000 ) عضوية لموظفينه في المدراس الخاصة بتاعته ولحبايبه وقرايبه عشان يبقوا ذخيرة تنفعه في وقت ذنقة الإنتخابات ... وبعدين ما هو كان موجود قبل كده وما عملش حاجه .

أسماعيل سليم ... سيم سيم صديج .. كان موجود وبرضوا ما عملش حاجه وكان فاضي لخناقته وشكواه إن مرتضى عض صباعه وخطف السندوتشات منه ..

إذاً كنت اتمنى وجود شخصيات جديدة ثقيلة في الإنتخابات سواء لمنصب الرئاسة او للعضوية ... ولكن خاب ظني .. حتى على الست كراس بتوع العضوية اللي بيتصارع عليهم 36 مُرشح ... برضوا هي هي نفس الوشوش ..

وما أتمناه اكثر هو وجود كيان وقوام إداري قوي يبقى هو مثل الـ back bone للنادي ... ويتغير مرتضى ييجي عباس يشيلوا ألدو يجيبوا شاهين .. مالناش دعوة النادي ماشي في طريقة ومالوش دعوة مين اللي بيحكم لإن هناك سياسة وشريط قطار النادي ماشي عليه للوصول إلى هدفه..

--------

وصدقني يا حسام ( وش زكي رستم ) ما كانتش هاتفرق إنك تجيب زاكروني او زكي قدره .. في ظل شللية واضحة وفي ظل لعيبة ما بتحبش بعض وبيبصوا لبعض في اللقمة .. وفي ظل مجلس إدارة ما عندوش لجنة كرة هي اللي بتدير أمور الفريق وتقول ده يقعد وده يمشي وده النادي ممن يشترية ويبقوا هما همزة الوصل بين من يجلسون على كرسي الحكم في النادي وبين المدير الفني ومعاونية اللي بيديروا العمليات الحربية ...

لكن زي ما قلت للأسف تلاقي اللي في مجلس الإدارة سواء كمال درويش أو مرتضى منصور أو مرسي عطالله أو بيسو حبيبي .. كانوا كتيرهم يتفرجوا على شوط واحد لكرة القدم وينهجوا ويتعبوا ... أما الممارسة فلم تمر عليهم تماماً ... وتخيل برضوا معظم أعضاء مجلس الإدارة تلاقيهم مالهمش في البطاطس هما كمان ... وده مش عيب لإن لو جبت واحد كفتجي عنده محل كباب وكفته وطرب بس راجل إدارجي تمام .. ممكن يدير مستشفى عملاق ..

لكن يبقى عيب والناس تاكل وشه لو إتدخل في الأمور الطبية وقال إحنا بدل ما نعمل للمريض عملية الزايدة .. ممكن أسهل نعمل له البواسير واهو منها وفرنا عليه ومنها ريحناه من التعب اللي ممكن يحصل له في المستقبل لو اكل حاجه مشطشطة ..

------------

مع تحيات واحد اهلاوي ومن وراءه 75 مليون أهلاوي منتشرين في ربوع المحروسة ..

[حسام يوسف]

السلام عليكم اخى س س

انا متقبل كل ماقاتة عن حال الزمالك الان

لأنة الحقيقة

وربنايفرجها علينا بواحد من عينة ابوالفتوح وزامورا

لكن اية بقى ان شاءالله حكاية 75مليون اهلاوى يا س س؟

هوة كل المديرين بيلعبوا فى الارقام ولا اية؟ :blink:

مديرين الشركات

مديرين العبد لله شخصيا

الحكام بتوع التسعات والاستفتاءات

حتى انت يا س س؟

ضحكتنى والله بموضوع ال 75 مليون

طب واحنا بنى زملك

مش معانا جنسية؟

وبنشرب من النيل بتلوثة برضة؟

وبندفع ضرايب

ونشجع المنتخب

محطيتناش خالص فى الكام مليون المصريين

طيب وخط القناة؟

مرة اتعرفت بزميل بورسعيدى ايام الكلية

ربنايمسية بالخير

بقولة وانت يا محمداهلاوى ولا زملكاوى؟

قالى انا

ANTI-AHLY

بس

خلاص :lol:

تحياتى يا اخى الاهلاوى اللدود

[ايهاب سالم]