أغاني كنا بنسمعها غلط

[ســيد مرزوق]

بعد كده تقول :

ألسعه... وأطفح .... وأساااااامح

حاجة صعبة أوي

قطيعة تقطع الحب وسنينه !!!!

[kfaya]

دى برضة مش أغنية , بس كانت محيرانى شوية و أنا صغير ...

أغنية محمد عبد المطلب .....

" ساكن فى حى السيدة و حبيبى ساكن فى الحسين .... و عشان أنول كل الرضى , يوماتى أروحله مرتين , من السيدة لسيدنا الحسين .."

كنت بفضل أقول لنفسى , ده يادوبك عقبال ما يوصل الحسين يروح راكب و راجع تانى على السيدة , عشان يلحق بعد شوية ينزل من السيدة يركب تانى و يروح على الحسين ......

و الحكاية دى كانت شاغلانى جدا ان الراجل مقضى عمره كله فى المواصلات و البهدلة .....

[hamo90]

من الاغاني الي كنت بسمعها غلط غصبن عني مقطع في أغنية " عايشة" للشاب خالد في الحتة الشجن الي في نص الاغنية قبل ما يقلب عربي

وبسبب أني أفهم في الفرنسية زي ما بأفهم في البطاطس بالظبط

كنت بسمعه بيقول " دماغه فوق دمااااااغوه "

الي جابلي تخلف بجد أني أستشرت أحد أصدقائي - عالم في البطاطس زي برده - وأكد لي موضوع الدماغ ده

hamo

[Farida]

انا كنت زمان باسمع أغنيه :

" سنتين و انا احايل فيك "

الى " سنتين و انا حامل فيك " bk:

و اختى الصغيرة كانت بتغنى اغنيه محمد رشدى :

" ما تبطل تمشى بحنيه لا يقوم زلزال"

الى " ما البطه بتمشى بحنيه لا يقوم زلزال"

و من الأغانى اللى كانت بتعكنن على مع انى باحب عبد المطلب جدا أغنية "

السبت فات و الأحد فات و بعد بكره يوم التلات ...معاد حبيبى" ازاى و احنا يوم الأتنين دلوقتى يعنى المفروض الغنوة تبقى "السبت فات و الأحد فات و بكرة يوم التلات "

[G.G]

كنت بسمعه بيقول " دماغه فوق دمااااااغوه "

الي جابلي تخلف بجد أني أستشرت أحد أصدقائي - عالم في البطاطس زي برده - وأكد لي موضوع الدماغ ده

أنا بيتهيالي عارفة الحتة اللي انت بتسأل عليها !! بيقول فيها " القيود هي القيود " و يكمل في الجملة التي تليها "حتى لو كانت من الذهب"..

Des barreaux sont des barreaux” ..و تنطق :debagho son debagho ....

و طبعا مع كثرة التداول و القيل و القال ممكن توصل "دماغوه فوق دماغوه" ... :blink:

بس اللوم مش عليك ... eey::

[Arabisc]

طب عارفين اغنية ايهاب توفيق (عدى الليل) ?

احد الاشخاص كان بيشرح معنى المقطع ده :

و عدى الليل على مهله

و قلبي ياعين من جهله

ندهلك قال و مستني

يشوف قلبك بيندهله

ان الليل معدي على مهله و قلبه من اللي جاله ( مين جه له)

prt: ups:

حزروا فزروا مين العبقري ده :D

ايهاب توفيق شخصيا في حوار في التيلفزيون شفته بعيني من كام سنة كده في مصر

زعيع العلم نورون

[المسروق]

أغنيه ناديه مصطفى

الصلح خير اول ما سمعتها كنت فى الجيش سمعتها الصول حسين لان كان مساعد تعليم الكتيبه اسمه الصول حسين

ولحد يومنا هذا مش راضيه تركب فى نافوخى الصلح خير وكنا بنغنيها كعساكر كا الاتى

الصول حسين قوم نتصالح الصول حسين

حبل الغسيل خليه واصل ما تعيدش وتقول مش غاسل

فم عليك وفم عليا كتر الغسيل هرا ايديا يا تغسل انت المرة دى وانا أغسل المرة الجايه

[homer]

انت فين والحب فين = بالموليف دايما معاك

[homer]

محمد فوزي = السعدى واعدني والليمي واعدني

وكنت اعقد ان السعدي والليمي شخصيات حقيقية حاجة كده زي بلكس والبرادعى

واخيرا تبين لىانه يقول "السعد- بالكسرة- واعدني واللي مواعدني"

[ســيد مرزوق]

طيب حد شاطر كده يقدر يقوللي إيه اللي بيقولوه الكورس في أغنية عاشق الروح للدكتور اللواء المطرب الكبير محمد عبد الوهاب :

بعد مابيقول هو :

قضيت هنايا معاه

؟؟؟؟؟؟؟؟؟؟؟؟؟؟؟؟؟؟؟؟؟؟؟

وهاعيش على ذكراه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا لسه فاهم إنهم بيردوا ويقولوا

إيال أليلا ليل

مش فاهم بيقولوا إيه ومحدش من أصحابي عرف يجاوب

ياريت حد فيكم يقدر يقوللي هم بيقولوا إيه بالظبط, هاتجنن وأعرف . rs:

[Bero]

انا على حد معلوماتي يا اخ سيد اني سمعتها

اسال علياااااا

والله اعلم

[bentmasria]

rs:

قضيت هنايا معاه

؟؟؟؟؟؟؟؟؟؟؟؟؟؟؟؟؟؟؟؟؟؟؟

وهاعيش على ذكراه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا الكلمة المفقودة

اشهد عليه يا ليل

ههههههههه عرفتها لوحدى محدش قاللى عليها يا استاذ سيد

ام محمد

[Cleo]

على مدد الشوووووووووووووووووووووووووق مبنى ومبنىىىىىىىى........

(ده كان قبل 11/9؟؟) pps:

[عبير يونس]

موضوع تحفة

و فطسني على روحي من الضحك

حبيت ابسط حضراتكم برفعه

[Salwa]

هذا الموضوع الجميل به ثلاثة من الأحباء فى رحاب الله.

د.رجب.

هومر.

بنت مصرية .

تغمدهم الله برحمته .

كنتم نسمة طيبة فى دنيانا ولن ننساكم ابداا.......انتم وآخرين اعزاء

الأفوكاتو....اخناتون....ابو حميد المصرى .

فى جنة الخلد ياأحباء .

انتم السابقون ونحن اللاحقون .
و..
الحياة تسير........

[Salwa]

عودة للموضوع الجميل.واستمرارا للحياة ..

من ضمن الأغانى اللى كنا بنسمعها غلط.....واحتمال يكون ما سمعناه ( برضه صح )

اغنية ام كلثوم....يامسهرنى .

مخطرتش على بالك يوم تسأل عنى ...,وعينيا مجافيها النوم يامسهرنى .((دى الكلمات الأصلية ))

لكنى كنت اسمعها واغنيها على اساس انها .

محضرتش على بال النوم تسأل عنى ....وعينيا ما جه فيها النوم يامسهرنى .

طبعااا لما كبرت وسمعت الأغنية كويس اكتشفت انى كنت اقول كلمة ( مجافيها ) ...ما جه فيها .

وقلت لنفسى ان المعنى متشابه برضه .
وقلت ابحث فى القاموس ( غلاسة يعنى ) واشوف معنى الكلمة بالظبط .....ده على اساس ان نتغاضى على

( محضرتش على بال النوم )

واكتشفت الآتى ..
-----------------

معنى مجافاة في معجم المعاني الجامع - معجم عربي عربي

1. مُجافاة: ( إسم )
   
   مصدر جَافَى
   أَظْهَرَ فِي تَعَامُلِهِ مُجَافَاةً : تَعَامُلٌ فِيهِ جَفَاءٌ وَعَدَاءٌ
2. مُجافاة: ( إسم )
   
   مُجافاة : مصدر جافَى
3. جافَى: ( فعل )
   
   جافى يجافي ، جافِ ، مُجافاةً ، فهو مُجافٍ ، والمفعول مُجافًى
   جَافَاهُ دُونَ سَبَبٍ : عَامَلَهُ بِجَفَاءٍ
   جَافَى صَاحِبَهُ : أَعْرَضَ عَنْهُ ، عَادَاهُ كَيْفَ أُجَافِي مَنْ لاَ يُجَافِينِي
   جافَى الشيءَ : أبعده
   جافى أخاه : ابتعد عنه ولم يصلْه ، أعرض عنه وهجره ، عكْسه آنسه تحسَّر على مجافاة والده ،

-----------------------------------------------

عاش الشعب المصرى العظيم بكل كلمة يقولها وكل كلمة ( يقولها برضه بدون قصد )

سلام.

[أبو محمد]

كنت وقتها فى إعدادى وأختى فى الجامعة

إصطحبتنى أختى إلى منزل صديقة لها لتذاكر معها

(النظام كان زمان كده .. البنت ما تنزلش من غير اخوها)

المهم صديقة أختى كانت بتدندن بأغنية جديدة لعبد المطلب

إسأل مرة علىَّ قوللى قساوتك ليه

بس هى كانت بتقول : "قوللى ياسوسن ليه"

ثار جدل بين أختى وصديقتها وارتفعت أصواتهما

فجاءت أم الصديقة وسألت : "إيه يابنات صوتكم عالى ليه؟"

فأختتى قالت لها : "تصورى يا طنط نوال بتقول إسأل مرة علىَّ قوللى ياسوسن ليه"

فانفجرت الأم فى الضحك وعندما تمالكت نفسها قالت لبنتها

يخرب عقلك يا نوال .. إيه اللى جاب سوسن لشوكت ؟

[التونسى]

عودة للموضوع الجميل.واستمرارا للحياة ..

من ضمن الأغانى اللى كنا بنسمعها غلط.....واحتمال يكون ما سمعناه ( برضه صح )

اغنية ام كلثوم....يامسهرنى .

مخطرتش على بالك يوم تسأل عنى ...,وعينيا مجافيها النوم يامسهرنى .((دى الكلمات الأصلية ))

لكنى كنت اسمعها واغنيها على اساس انها .

محضرتش على بال النوم تسأل عنى ....وعينيا ما جه فيها النوم يامسهرنى .

طبعااا لما كبرت وسمعت الأغنية كويس اكتشفت انى كنت اقول كلمة ( مجافيها ) ...ما جه فيها .

وقلت لنفسى ان المعنى متشابه برضه .

وقلت ابحث فى القاموس ( غلاسة يعنى ) واشوف معنى الكلمة بالظبط .....ده على اساس ان نتغاضى على

( محضرتش على بال النوم )

واكتشفت الآتى ..

-----------------

معنى مجافاة في معجم المعاني الجامع - معجم عربي عربي

• مُجافاة: ( إسم )

  مصدر جَافَى

  أَظْهَرَ فِي تَعَامُلِهِ مُجَافَاةً : تَعَامُلٌ فِيهِ جَفَاءٌ وَعَدَاءٌ

• مُجافاة: ( إسم )

  مُجافاة : مصدر جافَى

• جافَى: ( فعل )

  جافى يجافي ، جافِ ، مُجافاةً ، فهو مُجافٍ ، والمفعول مُجافًى

  جَافَاهُ دُونَ سَبَبٍ : عَامَلَهُ بِجَفَاءٍ

  جَافَى صَاحِبَهُ : أَعْرَضَ عَنْهُ ، عَادَاهُ كَيْفَ أُجَافِي مَنْ لاَ يُجَافِينِي

  جافَى الشيءَ : أبعده

  جافى أخاه : ابتعد عنه ولم يصلْه ، أعرض عنه وهجره ، عكْسه آنسه تحسَّر على مجافاة والده ،

-----------------------------------------------

عاش الشعب المصرى العظيم بكل كلمة يقولها وكل كلمة ( يقولها برضه بدون قصد )

سلام.

بس منطقيه جدا ((ما جا فيها النوم )) دى .. دا لو الشاعر كان قاصدها مكنش صاغها بالعبقريه دى

[Salwa]

بس منطقيه جدا ((ما جا فيها النوم )) دى .. دا لو الشاعر كان قاصدها مكنش صاغها بالعبقريه دى

اثلجت صدرى ياأخى الفاضل محمود.

مش عندى حق لما اقول ان الشعب المصرى عبقرى ؟

بصراحة يعنى كلنا على بعضنا بنثبت جزء من أغنية مشهورة ( الحب فى الأرض بعض من تخيلنا لو لم نجده عليها لأخترعناه )

بس احنا بقى بنخترع اى شئ ( استعصى علينا )

ههههههه

يعنى مش متأكدين من الكلمة ...!!!!(( ما يجراش ))....,على فكرة دى برضه كلمة اخترعناها ...

يعنى بنخترع الكلام ...,وننام مطمئنين جداااااا........اننا صح..

مساء الرضا.

[التونسى]

انا بقى عندى مشكله وراثيه فى حاسة السمع .. الى جانب ان خيالى جانح حبتين ..فطبعا كنت بسمع كنير من الاغانى على نحو خاطئ تماما .. مثلا كان فيه اغنيه وطنيه لهانى شاكر ومحمد ثروت .. فى اوائل التمانينان اسمها ((ان كان عالقلب )) كان فيه مقطع بسمعه كالاتى .. داجناحى مربى فى سماكى والقلب اتربى على خيرك .. طبعا كلمة مربى اصلها مرفرف هههههههههههههههههوتلاحظوا مربى واتربى نفس الوزن والسجع .. شاعر من يومى بقى هههههههههه .. وفى مقطع تانى فى نفس الاعنيه كنت بسمعه كالتالى .. وأملا الطوفى من النيل واشرب .. وكنت فاكر ان الطوفى ده هو الزلعه اللى بيملاها الفلاحين من النيل ههههههههههههههههههههه .. الكلمه أصلها كفوفى .. وفيه برده اغنيه تانيه لام كلثوم الاطلال .. كان فيه مفطع كنت بسمعه كالتالى .. وماشاين فى طريق مظلم .. انا هنا كنت فاهماها مشاين جمع ماشينه .. وماشينه دى كان اسم مكان والدى كان بيشتغل فيه اعتقد جايه من كلمة ماشين الانكليزيه يعنى أله .. وفى نفس الاغنيه كنت بسمع مقطع بيقول .. هل راى الحب سوجاره سوجااااااااااااره مثلنا هههههههههههههههههههه .. طبعا هى اصلها سكارى .. بس خيال عيال بقى

تم تعديل 2 مارس 2014 بواسطة محمود البصيلى