بص بقى يا جدعان اللي يعرف كويس في 6 اكتوبر يدخل بعد اذنكم

[morogermany]

دي اول مشاركة ليا في المنتدى بس انا لقيت فعلا ان المواضيع فعلا فيها اهتمام وموضوعات بجد فشوقني اني اعرف منكم انتم هنا معلومات عن حاجتين اول حاجه :

سعر شقة في مدينة حي الاشجار او دريم لاند او مايشابههم بس في محافظة 6 اكتوبر بس .. يا ريييييت

وياريت الشقة مثلا في حدود 150 متر يبقى سعرها حوالي كام ؟؟؟ وياريت سعر المقدم والتقسيط الشهري وهتبقى على كام شهر ..

تاني حاجه عايز اعرف لو حد يعرف سعر لمصنع ايجار على مساحة 700 متر مثلا يبقى برده سعر الايجار في الشهر والتأمين ..

بجد ابقى شاكر ليكم اوي ..

[العظمة لله]

شوف يا سيدي ، أنا لفيت لحد ما حواجبي وقعت !!!

ورحت الأشجار وحدائق المهندسين ودريم لاند وغيرهم لما جاللي هسهس ...

وبعد اللفة الكبيرة لقيت إن الكاش أغلى كثير من التقسيط ...

متر المتشطب فى 6 أمتوبر فى كمبوند بحوالي من 3200 جم إلى 3500 جم لكن فيه بعض الكمبوند"س بتبع ب 4500 وب 5000 المتر زى الندى علشان متقسمة حلو قوي... أنا شفت شقة في الأشجار بيقوللو إنها 209 متر بس هي صافي مش حتزيد عن 150 أو 160 متر بالكتير ، دور أول متشطبة كان مطلوب فيها 450 ألف جنيه من 3 أشهر ، المشكلة اللى حسيتها فى كمبوند الأشجار إن السقف واطي وبالتالي ما فيش مكان لبلاكارات عالية وبالتالي ما فيش مكان للتخزين ( ملايات ، لحفة ، كراكيب، إلخ)

فيه 2 كمبوند لمجموعة درة فى 6 أكتوبر أولهم حدائق المهندسين وثانيهم أعتقد زايد 200 بس مش متأكدة

بص على الإعلان ده http://www.sooqelaqarat.com/AD.php?i=17123

أنا رحت شفت شقة فى كمبوند لدرة كانت حوالي 250 متر وكان مطلوب 700000 جم بس كانت فيها عيوب والفيو مش حلو ،

أما بالنسبة لرأيي المتواضع فهو إن حضرتك تشتري من شركة محترمة بتبيع فى 6 أكتوبر وتقسط معاها ، فيه مشروع شقق دلوقت بيبيعه فيه لشركة palm hills developments حالياً بيبيعه المتر ب 4500 جم وفيه لاند سكيب حلو قوي وعندهم شقق على ما أذكر 145 متر ، السعر ده شامل التشطيب وهو أول ما فتح من 4 شهور تقريباً كان بيبيع ب 4150جم ، هما بيقسطوا على أربع سنين والسقف مرتفع بس ياريت حضرتك تتأكد من المعلومة دى تاني

وربنا يوفقك

[somayasaleh]

دي اول مشاركة ليا في المنتدى بس انا لقيت فعلا ان المواضيع فعلا فيها اهتمام وموضوعات بجد فشوقني اني اعرف منكم انتم هنا معلومات عن حاجتين اول حاجه :

سعر شقة في مدينة حي الاشجار او دريم لاند او مايشابههم بس في محافظة 6 اكتوبر بس .. يا ريييييت

وياريت الشقة مثلا في حدود 150 متر يبقى سعرها حوالي كام ؟؟؟ وياريت سعر المقدم والتقسيط الشهري وهتبقى على كام شهر ..

تاني حاجه عايز اعرف لو حد يعرف سعر لمصنع ايجار على مساحة 700 متر مثلا يبقى برده سعر الايجار في الشهر والتأمين ..

بجد ابقى شاكر ليكم اوي ..

انا بصفتي من ساكني اكتوبر اقول لك الاتي

حي الاشجار كله كاش دلوقتي لان اللي بيبيع عايز فلوسه علشان يضعها في سكن اخر

والاسعار كما اشار الاخ الفاضل( العظمة لله)

يعني الشقة 150 متر صافي 600 الف جنيه

اما دريم لاند فالاسعار اكتر من كده بكتير قوي قوي

الح ي التامن وده من الاحياء الجييدة نوعا ما ال 150 متر في حدود 350 الف جنيه

يوجد مشروع جديد وراء الحي الثامن اسمه ( فاميلي لاند)

وده شركة كبيرة مازال تحت الانشاء التسليم بعد سنتين والتقسيط علي اربع سنوات

ونصف تشطيب وفي كمبوند اقل مساحة 200 متر

المهم بقي هو سعر المتر 2500 جنيه والاسعار ده من يناير الماضي

اما بالنسبة للمصانع فلا اعرف شئ عنها