أستراليا أم كندا أنا في حيرة؟؟!!

[YaserK]

طيب ما حضرتك محسبتش ضرايب الولايات فى أستراليا,أنا كنت بتكلم عن الدخل الصافى بدون الضرايب المحليه وتكلفة التأمين الصحى وضريبة المبيعات وخلافه,أنا شكلى هبتدى أذاكر معادله كندى

أنا بتكلم على ضريبة الدخل Income Tax محدش جاب سيرة التأمين الصحي وضريبة المبيعات وغيره.. والموقعين ذكرو كل قواعد ضرايب الدخل في البلدين..

وعالعموم ضريبة المبيعات في كندا تتراوح بين 10 و 13% بينما في أستراليا 10% على معظم البضائع والمعاملات

تم تعديل 4 يونيو 2008 بواسطة YaserK

[ziad]

طيب أنت أخدت بالك 150 ألف بيدفع كام فى البلدين,كدخل عام بدون ضرايب الولايات والحبشتكانات التانيه ديه

أستراليا( 47,850 + 45c for each $1 over $150,000)

كندا حوالى 5 % أقل,العبره مش ببداية الشريحه,العبره بالنسبه المئويه للضريبه

[ziad]

طيب ما حضرتك محسبتش ضرايب الولايات فى أستراليا,أنا كنت بتكلم عن الدخل الصافى بدون الضرايب المحليه وتكلفة التأمين الصحى وضريبة المبيعات وخلافه,أنا شكلى هبتدى أذاكر معادله كندى

أنا بتكلم على ضريبة الدخل Income Tax محدش جاب سيرة التأمين الصحي وضريبة المبيعات وغيره.. والموقعين ذكرو كل قواعد ضرايب الدخل في البلدين..

لأ حضرتك ضريبة الولايات فى أستراليا الحكومه الفيدراليه ملهاش دعوه ومش بتتحسب على إنها من ضريبة الدخل أصلا ولا تذكر على موقع مكتب الضرايب الأسترالى لأنه فدرالى وملوش دخل بالولايات خالص

[YaserK]

طيب ما حضرتك محسبتش ضرايب الولايات فى أستراليا,أنا كنت بتكلم عن الدخل الصافى بدون الضرايب المحليه وتكلفة التأمين الصحى وضريبة المبيعات وخلافه,أنا شكلى هبتدى أذاكر معادله كندى

أنا بتكلم على ضريبة الدخل Income Tax محدش جاب سيرة التأمين الصحي وضريبة المبيعات وغيره.. والموقعين ذكرو كل قواعد ضرايب الدخل في البلدين..

لأ حضرتك ضريبة الولايات فى أستراليا الحكومه الفيدراليه ملهاش دعوه ومش بتتحسب على إنها من ضريبة الدخل أصلا ولا تذكر على موقع مكتب الضرايب الأسترالى لأنه فدرالى وملوش دخل بالولايات خالص

انت بنفسك بتقول ان ضريبة الولايات ملهاش علاقة بضريبة الدخل.. انا بحسب ضريبة الدخل.. يبقى مفيش مجال للنقاش على ضريبة الولايات الأسترالية..

[YaserK]

طيب أنت أخدت بالك 150 ألف بيدفع كام فى البلدين,كدخل عام بدون ضرايب الولايات والحبشتكانات التانيه ديه

أستراليا( 47,850 + 45c for each $1 over $150,000)

كندا حوالى 5 % أقل,العبره مش ببداية الشريحه,العبره بالنسبه المئويه للضريبه

دخل 150 ألف دولار ضرايبه في أستراليا 47,850 وفي أونتاريو حوالي 49 ألف وفي بريتيش كولومبيا 51,254 دولار وأعلى من كده في بقية المناطق

تم تعديل 4 يونيو 2008 بواسطة YaserK

[ziad]

بردو حسبت ضريبه الولايات فى كندا ومش عايز تحسبها فى أستراليا,براحتك بقى

[ziad]

http://www.taxtips.ca/tax_rates.htm#ProvincialTaxComparison

اللينك ديه فيها الأرقام ومقارنتها بكل ولايه,أتمنى تبوص عليها

[YaserK]

بردو حسبت ضريبه الولايات فى كندا ومش عايز تحسبها فى أستراليا,براحتك بقى

المنطقي اني لما أقارن حاجتين يبقى لازم الحاجتين دول يكونو من نفس النوع أو الهيئة.. يعني مينفعش مثلا أقول ان 50 كيلوجرام أكبر من 20 متر مربع..

ضريبة المناطق في كندا دي ضريبة دخل لكن في أستراليا دي مش ضريبة دخل فمفيش وجه للمقارنة بين الاتنين..

بصورة مبسطة أكتر هكتبهالك في معادلتين:

ضريبة الدخل في كندا = الضريبة الفيدرالية + ضريبة المناطق

ضريبة الدخل في أستراليا = الضريبة الفيدرالية فقط..

الولايات في أستراليا لا تطبق أي ضريبة على الدخل.. بمعنى آخر ضريبة الدخل في أستراليا موحدة على مستوى أستراليا كلها..

بردو لو عندك أي مصدر تاني بيتكلم عن ضريبة الدخل في الولايات الأسترالية ياريت تبعتهولنا..

[ziad]

أن شاء الله لما حضرتك تيجى هتشوف ال pay slip وهتفهم أنا قصدى إيه

[YaserK]

http://www.taxtips.ca/tax_rates.htm#ProvincialTaxComparison

اللينك ديه فيها الأرقام ومقارنتها بكل ولايه,أتمنى تبوص عليها

دخلت عليه وواضح انك مقريتش الصفحة للآخر..

يا ريت تدخل بأه على اللينك ده من نفس الموقع اللي انت باعته: http://www.taxtips.ca/marginaltaxrates.htm

وده الموقع الرسمي اللي عاملاه الحكومة الكندية: http://www.cra-arc.gc.ca/tax/individuals/faq/taxrates-e.html

[YaserK]

أن شاء الله لما حضرتك تيجى هتشوف ال pay slip وهتفهم أنا قصدى إيه

في الحالة دي هنضطر نجيب pay slip من كندا عشان نقدر نقارن..

[ziad]

يعنى بعد كل ده وكمان هتروح كندا,ربنا يكرمك مكان متروح

[YaserK]

السلام عليكم إخواني .... بداية القول هذا المنتدى الرائع جدير بالإحترام لكل من فيه و القائمين عليه ... ربنا يوفقكم جميعاً

سؤالي ممكن يكون مكرر فإذا كان هناك موضوعات لنفس الإستفسار أرجوا إرشادي إليها و لكم جزيل الشكر ..

لو تكرمتم أنا قررت و توكلت على الله في موضوع الهجرة و الموضوع بدأ بإني قررت الهجرة لكندا و سألت و إستفسرت عن كل شيء تقريباً و ما شاء الله لا غبار عليها كبلد لكن هناك ناس نصحوني بإستراليا و قرأت شويه عن أستراليا فأصبحت في حيرة أكثر أروح كندا ولا أروح أستراليا ؟؟!!

أنا عايش حالياً في دبي أنا و أسرتي ( زوجتي و بنتين ) و أعمل في مدينة دبي للإعلام و مش هكدب عليكم راتبي مش قليل ... لكن الراتب مش كل شيء ... فيه حياة فيه تطور الواحد بيطمح إليه ...

مش هطول عليكم أنا في حيرة و مش عايز أرجع في قراري إني يوم 7 يونيو يعني السبت اللي بعد القادم لازم بإذن الله أتوجه يا إما للسفارة الكندية أو القنصلية في دبي أو غتوجة لشركة تابعة للحكومة الإستراليا في أبو ظبي للإستفسار و التقديم ... أرجوا إنكم تساعدوني في قراري دي ..

أنا بشتغل أساسا كمصمم جرافيك .. إعلانات و غيرة ... أعمل على الأي بي غم و الماكنتوش على حد سواء و الأن اعمل كأبوريشت منجر في مجال الموبايل كونتنت ... المعلوامت دي علشان تكونوا معايا في الصورة ..:Exclam:)

أسف على الإطالة

و متشكر جداً

ملحوظة :

أنا قرأت مواضيع كثيييرة جداً في المنتدى عن كندا و خصوصاً من الأخ هشام ..

و قرأت أيضاً كل كلمة كتبها الأستاذ ( الأفوكاتو ) ربنا يكرمه عن أستراليا ... و ما زادني ذلك إلا حيرة ....مش عارف أهاجر فين و كل اللي في بالي حالياً ...

1- تقولولي أي بلد أحسن و ليه ؟؟

2- بالنسبة للمجتمعات سواء هنا او هنا أيهما أفضل للعيشه من زوجة و بنتين ... و ركزوا معايا على موضوع بنتين ده ... يعني تربيتهو هتكون أسهل فين في كندا ولا أستراليا لأن مما لا شك فيه المجتمع هيأثر عليهم ..و ربنا يسترها علينا جميعاُ

و شكراً جزيلاً لكم مقدماً

البلدين ميفرقوش كتير عن بعض..

أنا بصفة عامة أرشح أستراليا.. بس طبعا طبيعة شغلك والسن والراتب المتوقع في البلدين أكيد هيفرقو في قرارك.. أنصحك تشوف الأول فرص العمل في مجالك في البلدين ويكون هوه ده الفيصل في قرارك..

[YaserK]

يعنى بعد كل ده وكمان هتروح كندا,ربنا يكرمك مكان متروح

انت في مشاركة قبل كده قلت ان ضريبة الدخل في أستراليا 48% ومشفناش مصدر المعلومة دي ايه.. بعدين رجعت وقلت ان الضريبة في كندا أقل واتضح انك حاسب ضريبة الدخل الفيدرالية بس ومحسبتش الباقي.. بعدين قلت نحسب ضريبة الولايات الأسترالية اللي طلعت في الآخر ملهاش علاقة بضريبة الدخل (بناء على كلامك بردو).. بعدين رجعت وجبت موقع غير حكومي فيه جدول منقوص ومكملتش بقية الشرح في الموقع..

في الحالة دي رد فعلي هيكون بالظبط زي الأخ اللي تحت ده

:Exclam:

تم تعديل 4 يونيو 2008 بواسطة YaserK

[waelmoatamed]

يا أخ ياسر و يا أخ زياد .. الخلاف لا يفسد للود قضية بل على العكس و البحث اللي إنتوا عملتوه ده أفادني كثيراً و أفاد أي حد عايز يقارن بين البلدين و رغم حديثي مع صديقة لزوجتي في إستراليا و صديق لي يعيش في كندا لم أستفد زي ما إستفدت منكم هنا ... ربنا يكرمكم و يوفقكم في أي دوله ... و للأسف مش قادر أدخل في النقاش الحسابي ده لأني فعلاً لا أفهم مطلقاً في مسألة الحسابات دي و ضايع خالص فيها ...

طيب بالنسبة لإستراليا أنا وجدت من المواقع اللي أضفتوها حضارتكم إن فيه وظائف بيكون ليها أولويه الهجرة و كان من ضمنها مصممي الجرافيك و مديرين التشغيل و دي الوظيفه اللي أنا فيها دلوقتي .. لكن بالنسبة لكندا أنا عارف اوصل للوظائف اللي ليها اولويات الهجرة هل فيه موقع يحتوي على القائمة دي ...

حواركم شيق و اتمنى ألا ينتهي

شكراً

[afadly]

أنا مشيت فى الهجرة لكندا و إستراليا و فى الآخر هاجرت أمريكا

إستراليا أفضل بكثير من كندا, لكن كندا فيها ميزة كبيرة و هى إنك ممكن تأخذها طريق لأمريكا

أستراليا

الضرائب أقل

الدخل أفضل (إلا لو عايز تفتح بيزنس)

الجو أفضل بكثير

لكن

أستراليا الدين فيها أقل

بعيدة عن مصر

[محمد عيسى]

مناقشة لنفس الموضوع في موقع آخر

[alaashabana]

بسم الله الرحمن الرحيم

اولا يا جماعه اتمنى اكون صديق ليكم وخصوصا انى هنا فىالمنتدى من زمان وبتابعة يوميا بس قليل لما كنت بشارك برأيى

بس لما شوفت موضوع الاستاذ وائل ( مصمم الجرافيك ) حسيت انى عاوز اتكلم .

اولا اان اسمى علاء محاسب بالامارات بالشارقة وبلاش بجد افتكر البلد دى انى بكرها جدا رغم ان بقالى 8 شهور فيها بس بقيت بعد الايام علشان امشى منها بلا رجعة

بالنسبة لموضوع الهجرة لكندا ام استراليا انا بصراحة معرفش حاجة عن استراليا لكن اعرف الحمد لله كل حاجة عن كندا ودة طبعا بفضل الاخخوة الافاضل اللى فى المنتدى جزاهم الله خير وايضلا لانى بحثت كتير فى هذا الموضوع لانى اتمنى بجد اهاجر لكندا لكن لسة شوية علشان مكملتش 4 سنين خبرة

انا سنى لسة 23 سنة ويارب اتم 24 سنة علشان اعرف اقدم اوراقى

المهم انا قرات موضوعكم بس كلم ناسين نقطة مهمة اوى وهى العنصرية

انا اول حاجة جات فى بالى فى المقارنة بين كندا واستراليا ان عمرى ما سمعت فى كندا عن عنصرية او حصل اى مشاكل بس اللون او الدين .. لكن للاسف من كام شهر قرأت فى الجريدة ان فية مشاكل بين استرالين وشخصين من اصل عربى ( لبنانيين ) رغم ان معاهم الجنسية وحصلت معارك دموية وللاسف دخلوا المستشفى الاتنين اللبنانيين

ودى تانى مرة اسمع عن الموضوع دة علشان حصل من سنتين بردة فى شاطئ فى استراليا خلافات بين العرب او من الاصل العربى وبين الاستراليين

لكن كندا بجد فعلا جنة الله فى الارض مسمعتش عنها اى حاجة غير الساقعة والثلج وانا بموت فى الاتين دول

اتمنى اكون وضحت معلومة كانت غايبة علىالناس واتمنى يا استاذ وائل انك تصمم جرافيك لحياتك فى كندا وفى استراليا وانت هتشوف الفرق...

انا كمان بحاول اضبط مكتب هجرة صاحبة راجل هندى علشان اشتغل عندة فى الشركة منها علشان اقدم اوراقى ببلاش واكون متابعها ومنها اخد خبرة اكتر فى موضوع الهجرة .... متخافش ادعيلى انت بس انى اتقبل فى الاشركة وانا هخليك تقدم اوراقك فى كندا واستراليا ببلاش ... تحياتى للجميع

[waelmoatamed]

أخ علاء أهلاً بيك و منور المنتدى و منور الإمارات كلها .. ربنا يوفقك إن شاء الله و تحقق اللي بتتمناه

أنا عايز أقولك حاجه بالنسبة لموضوع العنصرية في إستراليا صدقني دي حاجات فردية و ليس للمجتمع صله بيها هشرحلك زي ايه يعني عندنا في مصر مثلاُ في ناس توب أوي و ناس في الأرض و دوول ليهم تعامل خاص و دوول ليهم تعامل خاص زي ما إنت فاهم طبعاً دي عنصرية مقنعه .. عنصرية ملفوفه في ورق سوليفان علشان ما تبانش ، و عندنا حركة كفاية زي ما في أستاليا حركة برضه إسمها أستراليا البيضاء لكن ده لا يعبر بشكل أو بأخر عن عموم النظام المتبع هناك السائد و اللي معروف هناك هو المساواه .. العنصرية بأه لما تروح مثلاُ للحكومة و يرفضوا يدولك إعادنة على أساس إنك عربي و ده ما بيحصلش لا في أستراليا ولا في كندا

أو تروح التأمين الطبي و يكروتوك و ده ما بيحصلش ...

و بكده تبقى المقارنة في إتجاهات أخر زي حجم الدولة و حجم العمل فيها و مدى الإستفاده و المناخ و الطبيعة و الضرائب و و .... فهمتني

أنا كلمت صديقة ليا في كندا عايشة هناك من زمان وواخده الجنسية هي و جوزها و إبنهم صغير مبسوطين و كله تمام

وكلمت أيضاً صديقة لزوجتي عايشه في أستراليا .. فقالتلي اللي فيه المفيد المصريين بيتأثروا بالجو جداً فبتقولك جو أستراليا شبيه جداً بالجو في مصر و عليه بتلاقي المصري شعلة نااار هناك و مش بيهمد و هاتك يا شغل

لكن في كندا الموضوع صعب شويه مع البروده رغم إن فيه دفايات و مش بتحس بحاجه زي ما إنت بالظبط في الشارقة و الدنيا مولعه نار بره بس ما بنحسش بحاجه لأنه كله مكيفات في الشغل و في السيارة ... يا ريت تكون فهمت قصدي .

البلدين متشابهيين جداً جداً جداً و تبقى الفروق البسيطة اللي تفرق مع كل شخص بيقدم .. يعني أنا كمثال فضلت أستراليا لأن زوجتي و بنتي طول السنه عندهم برد فتخيل اخدهم كندا بأه هههه ...

غير إن حلم حياتي إني أعيش في ملبورن البلد عمالة تاخد جوائز عالمية في السياحة و في النظافه و في نسبة التلوث و غيرة و غيرة

أنا قدمت يا علاء بالفعل مع شركة إسمها migration expert

http://www.migrationexpert.com

و متابع معاهم خطوة خطوة و ماشي في إجراءات كورس الأيلتس و كورسات أخرى علشان أزود النقاط بتاعتي

ميزة خطييييرة قطعت الشك باليقين و خلتني أقدم علطول على أستراليا :

التقديم لكندا لااااازم ياخد ثلاث سنين مقفلين و المده دي بالنسبالي كانت كبييرة جداًُ في حين أستراليا عشر شهور أو سنه على أقصى تقدير و أنا مش عايز اكتر من سنه و نص و بعدها أخلع:rolleyes:

ها كندا ولا أستراليا .))

ربنا يكرمك منين ما هتروح يا باشا

[ziad]

لو هتيجى أستراليا عشان تروح ملبورن عشان الجو يبقى روح كند أدفى وجوها أحسن,جو ملبورن هو تانى أسقع ولايه فى أستراليا لأنها قريبه جدا من القطب الجنوبى,الشتاء فى ملبورن بالليل قريب جدا من الصفر,1 و2 ليلا ده عادى,بالنهار آخرك 10 فى الصيف مفيش شمس لأن السحاب فيها طول السنه,أنصحك تروح بيرث,بريزبن أو داروين