الغازية لازم ترحل !!!

[حشيش]

الجدع اللى إسمه كلينتون ده مفيش عند أهله لا نخوة ولا مروة :aslam: ... يعنى مكفهوش عملته السودة مع البتشى مونيكا وفين !!! ... جوه البيت الأبيض الطاهر !!! ... لأ وسايب مراته كمان دايرة على حل شعرها ورايحة تسكر مع راجل غريب :bro: ... إسفخس على الرجالة :waf: ... ظلمناكم ياحكامنا يابررة ياولاد البررة :cry:

[se_ Elsyed]

بيفكروني بفيلم الحرافيش

لما كانوا بيدخلوا سباق لبعض في شُرب البوظه .. وكل واحد من دول ماسك قرعه البوظة وعمال يقربعها في نفس واحد ...

بس ده عادي عندهم يا حشيش ..

وطالما إنت في فرح يبقى لازم تجامل وكده يعني وتخليك سبور

طب ده صاحبك الرفيق يلتسين كان بيعمل كل مصيبة ومصيبة .. أفظع من أختها ..

تخيل يا حشحش إنهم كانوا دايماً ماشيين وراه بجردل مليان قهوة سادة عشان يفوقوه كل ما يتدرمغ

لدرجة إنه كان في زيارة لاحد الدول الاوروبية والطيارة وصلت المطار ورئيس الدولة كان ملطوع في أرضية المطار مستني الأفندي يفتح باب الطيارة وينزل ... ويمر الوقت ولا حس ولا خبر والناس قالوا السر الآلهي طلع

أتاريه كان طول الطريق عمال يشرب في سوكولانس ومنقوع براطيش لحد لما وصل وبقى طينه وما بقاش عارف راسه من رباط الجزمة

والطاقم المساعد له فضلوا يفوقوا فيه عشان يقدر يقف على رجله ويقابل المعازميم

طب هاتروح بعيد ليه .. طب ما هو المفكر والسياسي الدولي المُحنك .. صاحب أكبر قضية تزوير إستنخابات .. الدكتور العالمة مصطفى الفقي ... له حادثة مشهورة تحدثت عنها وسائل الإعلام ... بيقولك بدرون الفيلا بتاعته مليان إشي سوكولانس .. على منقوع ... على بوظه .... ولما اتهم واحد من اللي شغالين عنده إنه بيضرب مناقيع من وراه وبيسلك القزايز ... بيقولوا له وإيه جاب البلاوي والكمية دي كلها عندك ؟ .. فقال لهم : ده لزوم البروتوكولات السياسية

شوفت إزاي ؟

بس أنا حاسس إنك من الجمهوريين وإنك عايز تشوه سُمعة الست الطاهرة مرات الطاهر

بطل بقى ضرب تحت الحزام وخليك خصم سياسي شريف

مش هاتكمل القصة بتاعت الكُمسري اللي حمضت ؟

ولا حزين اللي مرمي في السجن على ذمة التحقيق في ضقية قتل حماده عزو ؟

الناس إبتدت تزهق منك ومش عايزة تشوفك

إلحق إعمل منظر

[حشيش]

الحقيقة يابو السيد أنا دمى إتحرق وأنا كل يوم أسمع فضايح أشكال وألوان عن هيلارى اللى ممكن تبقى رئيسة أمريكا بعد كام شهر :aslam: ... إحنا لازم نعمل عالفيس بوك مجموعة إسمها (الغازية لازم ترحل) ونلم لنا أد مليون توقيع كده علشان يفنشوا الترشيح بتاعها هناك :bro: ... بالنسبة لكصة الكمسرى فسوف أعود بقوة إن شاء الله وأعتذر عن التأخير فى الكتابة حيث أننى كنت أمضى فترة نقاهتى السنوية فى منتجع بهمان للأمراض النفسية كعادتى فى مثل هذا الوقت من كل عام :waf:

[se_ Elsyed]

الحقيقة يابو السيد أنا دمى إتحرق وأنا كل يوم أسمع فضايح أشكال وألوان عن هيلارى اللى ممكن تبقى رئيسة أمريكا بعد كام شهر :aslam: ... إحنا لازم نعمل عالفيس بوك مجموعة إسمها (الغازية لازم ترحل) ونلم لنا أد مليون توقيع كده علشان يفنشوا الترشيح بتاعها هناك :bro: ... بالنسبة لكصة الكمسرى فسوف أعود بقوة إن شاء الله وأعتذر عن التأخير فى الكتابة حيث أننى كنت أمضى فترة نقاهتى السنوية فى منتجع بهمان للأمراض النفسية كعادتى فى مثل هذا الوقت من كل عام :waf:

طب خلينا في الغوزاي اللي عندنا الأول يا عم ولما نخلصهم نبقى ندخل عالغوازي بتوع بره

وجمد الله عالسلامه .. وبالشفا إن شاء الله .. إن شالله تكون احسن دلوقت وقدروا يربطوا لك الصواميل المره دي كويس خلص بقى الاتوبيس عايز يطلع

إ

[~Heba~]

مش فاهمه اعتراض حضرتك على ايه يا استاذ حشيش

تصرفات هيلارى شئ طبيعى و متوقع من امرأة غربية

كونها مرشحة للرئاسة لا يتطلب منها ان تصبح ملاكا

الشعب الامريكى لا ينظر لهذه الامور لانه دى اشياء معتادة عندهم

و ان لم تكن كذلك بالتأكيد سيعذروها و يأخذوا افعالها على انها انتقام لكرامتها من تصرفات كلينتون

بالنسبة لقضية كلينتون انا كنت و مازلت اعتبرها تلفيق من اللوبى اليهودى لكلينتون بالرغم من انى لم اتابع تفاصيل القضية التى كانت مثارة فى حينها

لكن شئ منطقى فى نظرى ان اى مرشح امريكى للرئاسة لابد ان ينال الرضى من الاسياد حتى يتربع على عرش البيت الابيض

و ساعتها لو حاول يخرج عن الطوق فيه اسلحة للردع خفية و دنيئة لا يستخدمها غيرهم

تم تعديل 18 مايو 2008 بواسطة ~Heba~

[حشيش]

مش فاهمه اعتراض حضرتك على ايه يا استاذ حشيش

تصرفات هيلارى شئ طبيعى و متوقع من امرأة غربية

كونها مرشحة للرئاسة لا يتطلب منها ان تصبح ملاكا

الشعب الامريكى لا ينظر لهذه الامور لانه دى اشياء معتادة عندهم

و ان لم تكن كذلك بالتأكيد سيعذروها و يأخذوا افعالها على انها انتقام لكرامتها من تصرفات كلينتون

أيوه ياهبة يابنتى بس الجواز سُترة ومعندناش حاجة إسمها إن الست تسافر لوحدها وتسكر مع راجل غريب f((:

[حشيش]

طيب حتى لو مش خايفة على نفسها ... تخاف على اللى فى بطنها ! f((:

[~Heba~]

طيب حتى لو مش خايفة على نفسها ... تخاف على اللى فى بطنها ! jdw::

:egyflag:

اضحك الله سنك يا حشيش

يا راجل الولية عندها فوق الخمسين سنة

[ELSHAMY]

طيب حتى لو مش خايفة على نفسها ... تخاف على اللى فى بطنها ! jdw::

:egyflag:

اضحك الله سنك يا حشيش

يا راجل الولية عندها فوق الخمسين سنة

يا هندسة ليه تفكيرك راح لبعيد...؟؟ حشيش قصده على الويسكى اللى فى بطنها i*: ....صح يا حشيش؟

[Nonna]

بجد بجد بجد

أسلوبكم أكتر من رائع :egyflag:

ماشاء الله jdw::

[رمضان]

بجد بجد بجد

أسلوبكم أكتر من رائع :happy:

ماشاء الله :sad:

اي اسلوب تقصدي

الناس بتتكلم جد مش بتهزر ولا بتقول نكت

[~Heba~]

بجد بجد بجد

أسلوبكم أكتر من رائع :happy:

ماشاء الله :sad:

اي اسلوب تقصدي

الناس بتتكلم جد مش بتهزر ولا بتقول نكت

يا رمضان براحة على نونا هى عجبها اسلوب حشيش الساخر

و الاسلوب ده هو انسب اسلوب للموضوع ده

تصور الست دى ام حال سايب ممكن تبقى رئيسة لامريكا و لما تزور الشرق الاوسط الكبير الحكام العرب يقفوا لها يدوها تعظيم سلام :blink:

[أبو محمد]

سايب مين بس يا هبة ؟ :happy:

طب دى لو اتلايمت على المكتب البيضاوى واتكلمت عن الشرق الأوسط بتبريقتها دى وهى بتقربع شوب البيرة

حتلاقى ييجى 60 رُكْبة فى المنطقة سابت :blink: .. إنتى مش شايفة العزم والإصرار وهى ماسكة الشوب ؟ .. قال سايب قال :sad:

[~Heba~]

اى و الله يا استاذ صدقت دى تبلع الشرق الاوسط الكبير كله فى بوء واحد :happy: