حل مشكلة الفقر و البطالة في الأعلام

[جويرية]

السلام عليكم ورحمة الله وبركاته

الأفلام المصرية طبعا بشارك برأيها و بحلولها النيرة لحل مشكلة البطالة و الفقر

و من وجهة نظر مؤلفين و مخرجين الأفلام دي أن السرقة هيا أحسن دوا للمشكلة دي

يعني كيفوا حياتكم بالشكل ده و أسرقوا من بعض

يعني البطل بيطلع حرامي و مع ذلك هوه طيب و الظروف اضطرته لكدة

و احنا بنسرق من الأغنيا و الفلوس دي الفتافيت بتاعتهم

الكلام ده بقي هو القالب بتاع أفلام كتير الأيام دي

أغنية في واحد من الأفلام بتقول

في ناس بتداس في طريقها

وناس السكينة بتسرقها

وناس مضطرة تمشي في اي طريق

يعني البطل الحرامي أنسان كويس و ظروفه دفعته لكدة

وطبعا البطلة الجميلة قدامه في الفلم معجبه بيه و هو حرامي وعادي برده

أسمع عن واحدة خطيبها طلع حرامي المهم صدقت الأفلام و مردتش تسيبه و أستنته 3 سنين لغاية ما طلع من السجن و قالها ان هوه تاب وكدة

وبعد الجواز بعد فترة بسيطة باع عفشها و دهبها والمهم اطلقت منه بالعافية

السؤال دلوقتي

لو واحد راح يسرق بيت و اتمسك حيعملوا فيه أيه

اكيد حيشبعوه ضرب و كل اللي يعدي يجامل بقلمين تلاتة

و لا حيعملوا زي الأفلام

ويقولولوه أنت معذور

و كل واحد فيه الخير و الشر و معلش محدش بيختار نصيبه

شكرا لكم

[koji]

في ناس بتداس في طريقها

وناس السكينة بتسرقها

وناس مضطرة تمشي في اي طريق

انا بحب الاغنية دى اوى

بس هي مش شرط تعبر عن السرقة

ممكن تعبر مثلا عن الشاب اللى اتخرج من الكلية وملقاش شغل بشهادته فقام راح يشتغل سباك

هو كده برضه مضطر يمشى فى اي طريق

بس انا مشفتش الفيلم

وانا اشك اصلا انها ذُكرت فى الفيلم

الاعلام فى حاجات كتير غلط وفيه حاجات صح برضه

[جويرية]

انا بحب الاغنية دى اوى

بس هي مش شرط تعبر عن السرقة

ممكن تعبر مثلا عن الشاب اللى اتخرج من الكلية وملقاش شغل بشهادته فقام راح يشتغل سباك

هو كده برضه مضطر يمشى فى اي طريق

بس انا مشفتش الفيلم

وانا اشك اصلا انها ذُكرت فى الفيلم

الاعلام فى حاجات كتير غلط وفيه حاجات صح برضه

متهيألي الأغنية بتعبر عن اي حاجة بيعملها الواحد وهو مضطر او وهو مش مقتنع بيها

بالنسبة للسباكة مفروض الكليات تبقي مرتبطة بسوق العمل مش الواحد يطلع عينه في مذاكرة حاجات مش حتنفعه

نتمني كلنا ان الأعلام يفيد الناس بدل ما يضرهم

[Sherief AbdelWahab]

انا لا أعتبر أن الفنون "إعلام" إلا في حالات معينة تكون فيها أجهزة الإعلام هي المنتج سواء أكان ذلك إعلاماً مملوكاً للدولة أو إعلاماً خاصاً..

وهذا لا يمنع أن الفنون توصل رسالات للناس سواء أكانت تلك رسالات إيجابية أم سلبية.. تستحق هذه الرسالات النقاش والفهم والتحليل..

نقل بمعرفتي إلى المناقشات العامة..

خلص الكلام

[جويرية]

انا لا أعتبر أن الفنون "إعلام" إلا في حالات معينة تكون فيها أجهزة الإعلام هي المنتج سواء أكان ذلك إعلاماً مملوكاً للدولة أو إعلاماً خاصاً..

اللي اعرفه ان الشعر كان هوه الأعلام زمان

متهألي العمل الفني في فترة الأعداد له هوه فن بس

لكن لما فيلم يشوفوه 10 مليون 20 مليون شخص

يا تري هوه بالشكل ده بقي أعلام و لا لأ

وهذا لا يمنع أن الفنون توصل رسالات للناس سواء أكانت تلك رسالات إيجابية أم سلبية.. تستحق هذه الرسالات النقاش والفهم والتحليل

ما هوه الموضوع ده عشان نناقش رأي الفن في حل مشكلة زي البطالة مثلا

يعني مشفتش فلم أتكلم علي ان الحل مثلا ممكن يكون أن الواحد يدرس حاجة جديدة السوق محتاجها

أو اي حل معقول غير الأساليب اللي مش مشروعة دي

[magedghonim]

لما الاعلام يكون هدفه الاول والاخير والنهائي

هو الربح ثم الربح

ايه المتوقع منه

؟

وايه المتوقع من الناس الي على الساحة حاليا

بامكانياتهم وثقافاتهم المحدودة جدااااا

معتقدش انهم ممكن يقدمو اكتر من الافلام الاستهلاكية

وثقافة الكوميديا المشبعة والمدعومة جنسيا

طبعا في استثناءات ولكنها نادرررررررةجداااااااا

تم تعديل 15 مايو 2008 بواسطة magedghonim

[جويرية]

لما الاعلام يكون هدفه الاول والاخير والنهائي

هو الربح ثم الربح

ايه المتوقع منه

؟

وايه المتوقع من الناس الي على الساحة حاليا

بامكانياتهم وثقافاتهم المحدودة جدااااا

معتقدش انهم ممكن يقدمو اكتر من الافلام الاستهلاكية

وثقافة الكوميديا المشبعة والمدعومة جنسيا

طبعا في استثناءات ولكنها نادرررررررةجداااااااا

ما هوه الأعلام من يومه هدفه الربح و تجاري

بس زمان كان فيه كسوف شوية

يعني دايما يطلع البطل طيب و أمين و بيحب الخير و يطلع واحد شرير في الفلم زي محمود المليجي

لكن دلوقتي بيبقي البطل نفسه بيسرق و يقتل

يا تري هوه ده النموذج اللي عايزين يقدموه للشباب عشان يبقي قدوة ليهم