أخدت التأشيره *** ياريت حد يوصلني للسعوديه بقى ***

[kingsabry]

بسم الله ...

الحمد لله ........ لسه دلوقتي واصلني الخبر دلوقتي

أخيرا أخدت التأشيره ( بعد معاناه ) والحمد لله على كل شئ ..

.............................................

الوظيفه ( سمكري مركبات ) واحد قريبي جابها ليا من كفيل يعرفوا وهيسيبني أدور أنا على شغل

وأنا مؤهلي بكالوريوس تجاره . يعني تعتبر نوعا ما ( حره ) ..والمكان هو القريه العليا في طريق الدمام ( وانت رايح ع الدمام كده ) يعني قريبه من الكويت .. بس أنا نفسي ألاقي شغل في جده ..

ياريت يا جماعه تدلوني على الطريق ..

ايه أنسب شغل ؟ وهل جده تعتبر كويسه ولا لأ ؟

وهل الوظيفه ممكن أعمل عليها استقدام ولا لازم أغيرها ؟؟

وهل تغييرها فيها مخاطر ؟؟ ياريت تدلوني يا جماعه ؟؟

أخوكم //// محمد صبري من المنصوره

ويارب ماأكون تقلت عليكم ..

تم تعديل 5 مايو 2008 بواسطة kingsabry

[capitshino]

يعنى ايه تعتير حرة يا كنج . انا طالع على شغل اقصد على كفيل ومكان معين ولا اشتريت الفيزا بفلوس وهتدور على شغل هنا؟

بالنسبة للشغل فى جدة فهو كتير بس الاحسن لو ليك اصحاب او اقارب فى السعودية انزل قريب من الاول احسن وبعد كده انطلق فى الصحراء بين المدن - بس عامة جدة كويسة وفيها شغل

بالنسبة لتغير المهنة فمش عارف الوضع بالنسبة للمحاسبين لان هنا فى محاسبيين كتير ومش بيعملو فيزا محاسبين ويقولك سعود (بفتح السين وضم الواو تقريبا)

[kingsabry]

شكرا يا كابتشينو على ردك السريع

أنا عملت تحرير للموضوع ووضحت فيه كل حاجه

بس أنا كنت عاوز أعرف ..

هل ممكن ألاقي وظيفه محترمه في مكان محترم .. زي شركه مثلا أو بنك

ولو فيه دورات مطلوبه أوشئ ممكن نلخق نعملها .. وهل مطلوب خبره ( مع العلم أنا دفعة 2007 )

تقبلوا تحياتي ....

[capitshino]

شكرا يا كابتشينو على ردك السريع

أنا عملت تحرير للموضوع ووضحت فيه كل حاجه

بس أنا كنت عاوز أعرف ..

هل ممكن ألاقي وظيفه محترمه في مكان محترم .. زي شركه مثلا أو بنك

ولو فيه دورات مطلوبه أوشئ ممكن نلخق نعملها .. وهل مطلوب خبره ( مع العلم أنا دفعة 2007 )

تقبلوا تحياتي ....

برده ما فهمتنيش. الفيزا حرة ولا رايح على كفولة (على رائ زميلنا العضو)

[kingsabry]

شكرا يا كابتشينو على ردك السريع

أنا عملت تحرير للموضوع ووضحت فيه كل حاجه

بس أنا كنت عاوز أعرف ..

هل ممكن ألاقي وظيفه محترمه في مكان محترم .. زي شركه مثلا أو بنك

ولو فيه دورات مطلوبه أوشئ ممكن نلخق نعملها .. وهل مطلوب خبره ( مع العلم أنا دفعة 2007 )

تقبلوا تحياتي ....

برده ما فهمتنيش. الفيزا حرة ولا رايح على كفولة (على رائ زميلنا العضو)

لأ رايح على كفولة (على رائ زميلنا العضو) ...

بس هنعمل ايه أهو ده اللي موجود ويعتبر مفيش فرق برده ولا ايه رأي حضرتك

أنا كنت خايف بس .. أصل اليوم بيجيب شهر والشهر بتجيب سنه وحضرتك عارف الظروف

[capitshino]

طيب ما يا عم الريس كده هتشتغل فى المكان اللى الكفيل يقولك عليه - بتسئل عالمدن ليه بقى-

[kingsabry]

طيب ما يا عم الريس كده هتشتغل فى المكان اللى الكفيل يقولك عليه - بتسئل عالمدن ليه بقى-

يعني ايه مش فاهم ..

دي أول مره أسمع الجمله دي ..

يعني لو المكان بتاع الفيزا في الدمام يبقى مش هخرج من هناك على الرغم من ان الكفيل مش هيمانع اني أمشي وأسيبه وأروح أشتغل في مكان تاني ..

ياريت توضح ..

[capitshino]

مادام الكفيل مش هيمانع يبقى ممكن تشتغل مع اى حد وفى اى مدينة -

[kingsabry]

شكرا يا كابتشينو على التوضيح والرد

وكده ان شاء الله اطمنت شويه

[kingsabry]

يا جماعه عاوز أعرف ايه الأحسن ؟