استفتاء حول اختيار افضل 10نكت لعام 2008 .!!!

[badroora]

اخوانى اعضاء الموسوعة اقترح على مسئول رفيع المستوى رفض ذكر اسمة لظروف أمنية ان نعمل استفتاء حول افضل

نكته ...... وانا ارى اننا ممكن نختار من

النكت بتاعتنا ونشوف انهى تصلح افضل 10 نكت لعام 2008 حتى يتثنى لنا دخول موسوعة جينيس بهم .......

وانا بما انى المنفذة للفكرة وليست صاحبتها الاساسية للامانه مش هختار غير فى الاخر ... وفى انتظار تفاعلكم حتى نختار

نكتة رقم (1)

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله

باردون؟ قال الراجل لا سوخنوه

نكته رقم (2)

2- الموساد قرر أنه يشغل جاسوس صعيدى عنده بعد طول بحث أستقروا على هريدى

راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه

كدة جاهز للمهمة بتاعته

هريدى : يعنى حارجع مصر

مدرب الموساد : أيوة .. تروح و تنفذ كل التعليمات اللى قلنالك عليها

هريدى : طب ازاى حاتصل بيكم

مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب

يقوللك ازايك و ازاى امك .. تعرف أنه تبعنا .. ماشى يا هريدى

هريدى : تحت أمرك يا فندم

و بالفعل رجع هريدى مصر .. و بعد شهرين أحس الموساد انه لازم يتصل بهريدى ..

فراحوا باعتينله مندوب

المندوب لبواب العمارة بتاعت هريدى : هو هريدى ساكن فى أنهى شقة

البواب : أنهى هريدى يا بيه .. العمارة فيها 4 هريدى

المندوب خاف لحسن العملية تنكشف : قولى شقة أى واحد فيهم

البواب : عندك واحد ساكن فى الدور الأول

طلع المندوب و خبط على الشقة اللى فى الدور الأول

المندوب : أنت هريدى .. ازايك و ازاى أمك

هريدى : أنت عايز هريدى الجاسوس .. هو ساكن فى الدور الرابع

نكتة رقم (3)

مسطول ماشي ف الشارع الدوريه وقفت و قالولوا اتفضل معانا .......قال لهم معلش البيت قريب.

نكتة رقم (4)

اندلعت النار في بيت مواطن .

فهرب بسرعة.. وشاهد الناس قد التموا ، ثم تذكر أن عائلته في الداخل، فدخل مغامراً بنفسه وخرج حاملا ابنه.

ثم دخل ثانية وخرج حاملا ابنته .

ثم دخل ثالثة وخرج حاملا زوجته وسط تصفيق الواقفين .

ثم دخل رابعة وخرج وليس معه شيئ .

وتنفس الصعداء وعاد خامسة وخرج من النار وليس معه شيئ ..

وهكذا دواليك.

فسأله الناس وقد شكوا انه اصيب بنوع من الجنون: انت ايه حكايتك يا راجل انت ، داخل طالع وممعاكشي حاجة ؟

أجابهم وهو يلهث: حماتي جو ا.. وعمّال بقلبها ..!

نكته رقم (5)

واحد ابنة تاة مش لاقية

جاب عربية ومكرفون ومشى ينادى عيل تاية لابس تيشرت احمر وبنطلون كحلى ومعاة 100 جنية من يجدة

يتكرم بتسليم المبلغ لأقرب قسم شرطة

نكته رقم (6)

مذيع تليفزيوني عمل برنامج مسابقات و استضاف 3 صعايدة فسأل الاول .. مين اللى انتصر فى الحرب

العالمية التانية الحلفاء ولا المانيا النازية؟

فأجاب الحلفاء طبعا ..

فسأل التاني مين اللي كسب فى اخر ماتش الاهلي ولا الزمالك؟

فقالة الاهلي طبعا ..

فسأل التالت فهمت اية من اجابة السؤالين اللي فاتو ؟

قالة فهمت ان المانيا حتلاعب الزمالك على التالت والرابع

نكته رقم (7)

واحد يروح للمطاعم وياكل وعند الحساب يدخل صرصار في الاكل فيسامحونة من الحساب ففية يوم

راح للمطعم واخذ صرصار معه في جيبه فطلب عشاء واكل حتى شبع وبعدها هرب الصرصار من جيبه

واجا العامل طلب الحساب فوضع يده في جيبه فلم يجد الصرصار فاتصل على زميله قال الحقني انا تعشيت

وما معي فلوس والصرصار ضاع من جيبي فاعطيني فلوس فقال له انا ما معي الا نملة جالس اشرب بها

شاي

نكته رقم (8)

واحد صعيدي فى الجيش الرئيس بتاعهم قلهم فى شخصية مهمة كبيرة اوى فاول متشفوه اضربوا 20 طلقة

نارية فى الهوا

رد الصعيدي قاله يا بيه يا بيه لو جة من اول طلقة اكمل

رقم (9)

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت

الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي

هنه حشوف مين

رقم (10)

محشش سألوه تعرف بيتهوفن قال انا خل اعرف هوفن عشان اعرف بيته

رقم (11)

بخيل واقف فى البلكونة ابنه جاى من بعيد يقول له بابا بابا بابا بابا بابا قاله يا ابن الكلب بابه واحده كفاية

رقم (12)

بيقولك طياره هتقع وفيها ثلاث راكبات مصريه/لبنانيه/سودانيه فبيسألوهم هتعملوا ايه علشان الغطاسين

ينقذوقوا الاول

ردت المصريه وقالت انا هلبس كل دهبي علشان الدهب يلعلط في الميه فيشوفوا الغطاس فينقزني بسرعه

سالوا البنانيه قالت لهم اني هلبس احلى لبس يعريني علشان اغري الغطاس ينقذني

سألوا السودانيه قالت انا هقلع ملابسي ... قالوا لها ليه قالت علشان يفتكروني الصندوق الاسود

رقم 13

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

رقم 14

واحد بيطلع فى الروح ومراته قاعدة جنبه

قال لها: تعرفى يا عيشة افتكرت حاجات غريبة

عيشة: خير يا فوزى

فوزى: طول عمرك جنبى و ما تخلتيش عنى...فاكرة لما ما كنتش لاقى شغل...كنتى جنبى....ولما كنت مديون

لشوشتى...كنتى جنبى...ولما اترفدت من الشغل...برضه كنتى جنبى...وانا دلوقت بأموت و انتى لسه جنبى....

انتى باين عليكى ولية نحس

رقم 15

بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة

مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : و أحسن من الكيلوبترا

رقم 16

واحد بيغنى صوتة وحش قوى بعد ماغنى بيقول لصديقة صوتى هوة الثروة الوحيدة اللى ادهالى ربنا ..

قالة والله انا شايف ان الفقر مش عيب

رقم 17

واحد امريكى قاعد مع واحد صعيدي . الأمريكى بيتكلم عن تقدم بلدة فقال أحنا اول ناس طلعنا القمر فالصعيدي سألة ولقيتة

اية هناك؟ قالة رمل و زلط وحجارة . فرد الصعيدى قالة احنا اللى مطلعينهم

رقم 18

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل

يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا

عمو عندك قلم رصاص يقوله ايوة يقوله طيب ادينى قلم جاف. لما

الراجل زهق يا عينى و طلعت عينه فقرر يشتكى لابو الولد. لما ابو الولد جه

حكى

له الحكايه قام قال للبقال "لا لا ميصحش الكلام دة ابدا اسمع انت معاك عصايه

البقال قاله ايوة قاله

خلاص اضربه قلمين

رقم 19

قردين واحد حظه حلو و التانى حظه وحش قاعدين مع بعض فى الغابه وجعانين أوى

فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد تعالى نروح ناكل منها قاله ماشى..

لما وصلوا فاللى حظه حلو قال للى حظه وحش

استنا انت هنا انا هاطلع اهزلك الشجره من فوق وانت لم الموز ماشى ,ماشى

و طلع هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه راح ماسكه رازعه حتة علقه

وهربوا..

جم تانى يوم هايموتوا من الجوع قالوا

مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول موزه جه صاحب المزرعه

راح ماسكه مبهدله وهربوا

جه تالت يوم قاعين موحوحين قالوا ياروح مابعدك روح راحوا عالشجره فالمره دى اللى حظه وحش قال للى حظه حلو

استنا انت هنا النهارده وانا هاطلع فوق ماشى,ماشى وطلع فعلا وجه صاحب المزرعة هو وابنه فابنه مسك اللى حظه حلو

فابوه قاله لأ سيبه دانا ضربه يومين ورا بعض هاتلى ابن اللذين اللى فوق ده................

رقم 20

عالم بلدياتنا يقوم بتجربة هامة في كلية العلوم قسم الحيوان علي الضفادع

جاب ضفدعة سليمة و قالي فطي فنطت الضفدعة بقوة

فقطع رجلها الامامية و قال لها فطي فنطت الضفدعة بقوة

فقطع رجلها الامامية الثانية و قال لها فطي فنطت الضفدعة بقوة اقل

فقطع رجلها الخلفية و قال لها فطي فنطت الضفدعة بصعوبة

فقطع رجلها الخلفية الثانية و قال لها فطي فلم تتحرك الضفدعة

فصرخ بصوت اعلي و قال لها فطي فلم تتحرك الضفدعة

هنا ارتسمت علي عالمنا ابتسامة الضا و النصر وكتب نتيجة التجربة بكل ثقة :

بعد قطع الرجل الرابعة للضفدعة تفقد حاسة السمع

الدعوة عامة للجميع بالمشاركة

تحياتى القلبية

بدرية

تم تعديل 2 مايو 2008 بواسطة Badria Mekkawy

[nash]

أنا أختارت رقم 6 بجد عجبتني جدا......بالإضافه لاخر واحده.....

الحقيقه من الاخر أغلب النكات حلوة ..وعايزة أعرف مين أختار ايه :blink:

لو يعني مافيهاش غلاسه........ياربنا علي الفضول

[النجم الثاقب]

ايه ده .... مفيش ولا نكته من اللى انا كتبتهم موجوده فى الاستفتاء bngn:: انا مضرب عن التصويت :sad:

انا بهرج على فكره انا صوت خلاص بس ربنا يستر و ميكونش صوتى عالى :blink:

فكره جديده يا أخت بدريه .. بس ياترى مين وراها smk:

استودعكم الله

ماشى يا اخت ناش امرى لله اقولك ... انا اخترت رقم 15 ... أى خدعه

تم تعديل 2 مايو 2008 بواسطة النجم الثاقب

[nash]

انتوا فهمتوني غلط.....ده أنا بس كنت عايزة أتعرف علي النكت كلها...

رقم 15 فعلا حلوة.....وبعدين معقول بعد المجهود الرائع اللي عملته في النكت..وماتنزلش ولا نكته منهم في الإستفتاء؟؟؟

لو أنا كنت زعلت جدن جدن.... :blink:

[قائد المدفعيه الهولنديه]

اخت بدريه معلش عندك رقم 2 كويسه بس الباقى كله اوت [وسط][/وسط]

[badroora]

انا نسيت وصوت كنت عاوزة استنى للاخر بس نسيت

مش عرفه هو ليه الاسامي مش بتظهر مين اختار ايه عاوزة اعرف مين اللى حسه عالى ومتزوق نكت :blink:

يا ريت حد يفيدنا موضوع ظهور اسامى المصوتين بليز bngn::

قائد القوات الهولاندية ..... اهلا وسهلا بك فى بلد الثانى مصر ان شاء الله تنبسط وتقولنا اخبار هولاندا ايه ........

شكرا لتصويتك وان شاء الله فى الاخر هنشوف مين اللى هياخدوا اصوات اكتر

النجم الثاقب

انا اخترت تقريبا نكتة او اتنين من عندك ركز كويس

ناش منورة والله ........ :sad:

[~Heba~]

تنتخبوا مين.....دبانة مايو و حبيبكم مين.....دبانة مايو

لم اصوت و لن اصوت لكن حزعق بس و اقول دبانة مايو

دبانة وقعت فى ازازة وسكى طلعت تقول اوعى النسر

[النجم الثاقب]

اخت بدريه معلش عندك رقم 2 كويسه بس الباقى كله اوت [وسط][/وسط]

ايه يا عم القائد هوه حكم قراقوش :lol: الحق اجرى قبل مايدينى دانه تقصف عمرى wst::

رقم 15 فعلا حلوة.....وبعدين معقول بعد المجهود الرائع اللي عملته في النكت..وماتنزلش ولا نكته منهم في الإستفتاء؟؟؟

لو أنا كنت زعلت جدن جدن.... :wub:

واضح انك بتهدى النفوس wst::

انا نسيت وصوت كنت عاوزة استنى للاخر بس نسيت

النجم الثاقب

انا اخترت تقريبا نكتة او اتنين من عندك ركز كويس

gra:-

انا آسف مخدتش بالى :sad: انا شكلى هنجت ولا ايه wst::

[Einstein]

اي ده بقييييييييي ؟؟! :aslam:

انا فهمت اني اختار عشر نكات من المعروض

بس لاقيت كل واحد اختار نكتة واحدة بس

انا اخترت افضل عشرة نكات من المعروضين

[badroora]

انا اخترت اكثر من نكته مش واحدة بس :110: اعتقد هو كدا مش نكته بس :aslam:

[النجم الثاقب]

اي ده بقييييييييي ؟؟! :110:

انا فهمت اني اختار عشر نكات من المعروض

بس لاقيت كل واحد اختار نكتة واحدة بس

انا اخترت افضل عشرة نكات من المعروضين

اخى اينشتين منور و الله :aslam:

اللى انا فهمته ان كل واحد يختار نكته و بعدين النكت تتصنف حسب نتيجة التصويت و يتم اختيار عشر نكت منهم .. مش كده ولا ايه يا أخت بدريه ؟

[النجم الثاقب]

انا اخترت اكثر من نكته مش واحدة بس :110: اعتقد هو كدا مش نكته بس :aslam:

كده بقى التصويت باظ و فيه كوسه و تقفيل صناديق و قلق جامد ... و انا عامل اضراب :110:

[badroora]

لاااااااااا عيب والله انا اونست جدا بس تقريبا معرفتش اشرح الفكرة كويس فكرتكم قريين دماغى :aslam:

[badroora]

الاخوة والاخوات .......... مساء الخير عليكم جميعا .!!!

يسعدنى اليوم ان اعلن نتيجة الاستفتاء بالنكت الفائزة .....لعام 2008

المركز الاول

نكته رقم 2

نكته رقم 16 ........مكرر

المركز الثانى

نكته رقم 4

المركز الثالث

نكته رقم 11

نكته رقم 13 مكرر

نكته رقم 15 مكرر

نكته رقم 17

نكته رقم 18

المركز الرابع

نكته رقم 1

نكته رقم 5 مكرر

نكته رقم 6 مكرر

نكته رقم 8 مكرر

نكته رقم 9 مكرر

نكته رقم 12 مكرر

نكته رقم 20 مكرر

المركز الخامس

نكته رقم 10

نكته رقم رقم 14 مكرر

نكته رقم 19 مكرر

المركز السادس

لا يوجد :happy:

المركز السابع

لا يوجد :blink:

المركز الثامن

لا يوجد

المركز التاسع

لا يوجد :wub:

المركز العاشر

لا يوجد ;)

يا جماعة مش نافع كدا لازم نشد حيلنا شوية ونختار بقيت العشرة عشان نعلن النتيجة .

ويا ريت من النكت التى تم اختيارها مكررة نحدد احسنهم عشان نقفل الاستفتاء بقي ونروح بيوتنا ...... :lol:

يا مسهل فى انتظار المساهمة والتفاعل عشان نحدد ال10 الاوائل قبل المدارس ما تقفل mf(

تم تعديل 7 مايو 2008 بواسطة Badria Mekkawy

[أشرف حسين]

شئ من بعيييد نداني..

و لأسباب قهريه غير اراديه اخترت .. نمره 4

حاسس انها بـ تناسب توجهاتي العاطفيه

و سمعني...ست الحبايب يا حبيبه

تم تعديل 9 مايو 2008 بواسطة أشرف حسين

[حلواني]

انا اخترت رقم 15

واحد غلس اوي عرف رقم موبايل ابليس كل 10 دقائق يبعتله رساله عوذبالله من الشيطان الرجيم

[galaxy]

ولو ان مفيش ولا نكته من نكتي.....بس انا عجباني موت رقم 19 بتاعه القردين واخترتها....

بس برضه رقم اربع حلوة.

.واعتقد الاتنين للعالم الجليل..اينشتاين.....شكرا بدور.........تحياتي

[عصام أبوالفتح]

شكرا على النكت الجميلة ولو ان معظمهم قديم

اخترت 4 لانها اكتر واحدة ضحكتنى انا والمدام !!!!!!!!!

[اسكندرية تانى]

الاختيار صعب لان فيه كذا واحدة حلوة

شكرا على الموضوع

[badroora]

الاختيار صعب لان فيه كذا واحدة حلوة

شكرا على الموضوع

لا تقدر تختار اكتر من واحدة يعنى كل واحد يرشح العشرة الاوائل مش نكتة واحدة بس ..........يلا بقي ادخل واختار اللى عجبوك ........ :rolleyes: