ماتدفعش رشوة

[أسد]

كن إيجابياً ..

الإجماع الشعبي يؤثر ..

الإتحاد قوة ..

الضغط الشعبي يفعل ...

وليكن ..

إعتباراً من أول مايو 2008

ماتدفعش رشوة ..

ماتدفش رشوة لأي حد ..

ماتدفعش رشوة تحت أي ضغط ..

ماتدفعش رشوة تحت أي مسمى ...

بقشيش ..

قهوة ..

شاي ..

إكرامية ..

وفر فلوسك لعيالك .. وماتدفعش للحرامي رشوة ..

وفر فلوسك لنفسك .. وماتدفعش رشوة...

إرفض أن تدفع رشوة لأي شخص ..

أنت من حقك إنهاء أي إجراء في أي مصلحة حكومية .. من دون أن تدفع رشوة ..

إذا كان ورقك سليم ..

إستنى لبكرة ..

طالب بحقك ..

إدخل للمدير ..

علي صوتك ..

طالب بحقك ..

بس ماتدفعش رشوة ..

ماتدفعش رشوة علشان ربنا قال كده ..

ماتدفعش رشوة .. علشان هو مش من حقه ياخد منك رشوة ..

ماتدفعش رشوة طالما أنت على حق ..

ماتدفعش رشوة .. علشان إبنك مايشوفكش .. ويسألك وماتعرفش ترد عليه ..

ماتدفعش رشوة علشان مستقبل إبنك .. وبنتك ..

ماتدفعش رشوة علشان ربنا يرضى عنك ..

إبدأ بنفسك ..

وانشر الدعوة ..

بعد نجاح الدعوات الإحتجاجية ..

من حقنا أن نرفع صوتنا .. ونقول ..

مش حندفع رشوة خلاص ..

[MZohairy]

والله يا أسد بعد اللي شفته في مصر الاسبوعين اللي فاتوا

و بتطبيق النداء بتاعك ده

يبقى محدش حيقضي اي مصلحه

[AMEIR]

رشوة دي اما لقلة الدخل وجشع الانسان وكلتا الحاليتين هي رشوة وانا لا لااحب الرشورة ولا الواسطة كلاهما ضارين جدا يالناس :)

[Handasah]

يأسد الموظفين الغلابة مبيكملوش بقية الشهر غير ب منطق الاكرامية او اجرة زائدة للعمل ومش فى دماغهم موضوع الؤشوة دة خالص عشان يكملو الشهر بتاعهم وميشحتوش

[أسد]

يأسد الموظفين الغلابة مبيكملوش بقية الشهر غير ب منطق الاكرامية او اجرة زائدة للعمل ومش فى دماغهم موضوع الؤشوة دة خالص عشان يكملو الشهر بتاعهم وميشحتوش

خلي الموظفين الغلابة دول يشاركوا في الإضراب وياخدو حقوقهم بالحلال

بدل مايكملوا الشهر بفلوس حرام علشان مايشحتوش

[أسد]

والله يا أسد بعد اللي شفته في مصر الاسبوعين اللي فاتوا

و بتطبيق النداء بتاعك ده

يبقى محدش حيقضي اي مصلحه

والله حتقضي أي مصلحة بدون رشوة ..

صحيح بتاخد وقت .. وعذاب ..

لكن ممكن تخلصها بدون أي دفع ..

جرب بس انت ..

أنا شخصياً لا أدفع أي رشوة إلا في أضيق أضيق الحدود .. وبمنطق ان الموظف ده غلبان ..

لكن في الغالب لا أدفع رشوة ..

وباخد حقي تالت ومتلت ..

صحيح باتأخر ..

لكن مش مهم ..

إتأخر إنت كمان يومين ولا تلاتة ..

إشتكي .. وروح للمدير ..

بلغ النيابة الإدارية..

إعمل أي حاجة من دي

[Scorpion]

و علي نفس السياق

ما تقبلش رشوة

[MZohairy]

و علي نفس السياق

ما تقبلش رشوة

ماتفقناش على كده :)

[ziad]

عشان أكون حقانى,لو موظف تنح معايا بعلى صوتى وأزعق وأعمل مشاكل عشان حاجتى تخلص,لكن لو الموظف عمل المطلوب وعاملنى بالعدل بعد ما طلبى يخلص ومصلحتى تقضى خالص بديهم إكراميه ومش من باب الرشوه ولكن من باب الأحساس ب السعاده عشان حاجتى خلصت بدون وش

[ابتسامة رضا]

باذن الله سوف أبدا في استخراج تراخيص بناء قطعة أرض في مدينة جديدة

تعرفنا علي عامل بسيط فيها أبدي استعداده للقيام بهذه المهمة مع مهندسين جهاز المدينة

هيعملو التصميم ويخلصوا الرخصة وهياخدو تقريبا نفس المبلغ اللي هياخدو أي مكتب هندسي هيقوم بهذا العمل وطبعا مع التسهيل والاسراع في الوقت ما رأيكم أدام الله فضلكم

[se_ Elsyed]

باذن الله سوف أبدا في استخراج تراخيص بناء قطعة أرض في مدينة جديدة

تعرفنا علي عامل بسيط فيها أبدي استعداده للقيام بهذه المهمة مع مهندسين جهاز المدينة

هيعملو التصميم ويخلصوا الرخصة وهياخدو تقريبا نفس المبلغ اللي هياخدو أي مكتب هندسي هيقوم بهذا العمل وطبعا مع التسهيل والاسراع في الوقت ما رأيكم أدام الله فضلكم

غلط طالع عُمرك طبعاً

لإن أجهزة المدن الجديدة والشهادة لله تختلف عن باقي المحليات وعندهم 1 + 1 = 2 ...

وبعدين حضرتك جايه بعد ما أتفقتي مع العامل وتاخدي رأينا ؟

ما هو كده ممكن يحوطكو في دماغه لو أستعنتوا بمكتب خارجي وبما إنه عامل بسيط بس من الواضح إن له نفوذ يبقى ممكن يغلس عليكو

بس ولا يهمك

خليكي مع مكتب هندسي احسن .. واعطي العيش لخبازه

وخلي بالك لما تبدئي البناء الفعلي .. هاتتضح أمامك أفكار كثيرة أحسن في البناء .. لذا فهاتحتاجي المكتب كتير بعد ذلك ... يعني الموضوع لا ينتهي عند التصميم الهندسي فقط .

أسف للخروج عن الموضوع

وبأعلن إنضمامي للحملة التي يقودها أخونا أسد ...

وخلينا نترجم الشعارات لخطوات إيجابية .

[muslim4ever]

والله يا أسد بعد اللي شفته في مصر الاسبوعين اللي فاتوا

و بتطبيق النداء بتاعك ده

يبقى محدش حيقضي اي مصلحه

بهذا التفكير والمنطق تزداد الرشوة وتكون معول هدم ومشارك معهم

علم الله لا ادفع اكثر مما هو مطلوب ولم اقابل كثيراً ممن يطلب الرشوة او الاكرامية او الشاى كثيراً

ولكن عند مقابلتهم باتبع طريقة الاخ زياد بيكون نهارة اسود وصوتى بيعلى ولو زاد بدخل لمديرة .. يعنى من الاخر مبيطلوش منى مليم

لية به انا بعمل كدة

لانى متاكد انى سليم

وورقى مظبوط مش مضروب

وبطالب بحقى مش حق غيرى

ومش عايز اهبر حاجة زيادة عن بقية الناس

فى اعتقادى ان تجراء الموظفين على طلب المال هو سلوك المواطنين المعوج وسياسة حلق حوش واللى يجى منهم احسن منهم

[رمضان]

والله يا جماعة ياريت ننفذ الكلام ده وما ندفعش رشوة .

بس لما يكون فاضل لك يوم على السفر والموظف علشان يخلصك في نفس اليوم لازم له رشوة تعمل ايه ؟؟؟؟؟؟؟

انا عارف ان الرشوة حرام بس بدفعها .

بس لو عايزين الحقيقة احنا اللي زرعنا حكاية الرشوة لاننا طماعين وكل واحد عاوز يمشي قبل التاني وبيدفع للموظف علشان ياخد حق مش حقه وبالتالي اصبحت الرشوة حق مكتسب للموظف . مش كده ولا ايه

[أسد]

و علي نفس السياق

ما تقبلش رشوة

طبعاً ..

ودي عايزة كلام ..

بس أنا حابب ؤكد على الجميع هنا ..

ماتدفعش رشوة أرجوك ..

[ابتسامة رضا]

باذن الله سوف أبدا في استخراج تراخيص بناء قطعة أرض في مدينة جديدة

تعرفنا علي عامل بسيط فيها أبدي استعداده للقيام بهذه المهمة مع مهندسين جهاز المدينة

هيعملو التصميم ويخلصوا الرخصة وهياخدو تقريبا نفس المبلغ اللي هياخدو أي مكتب هندسي هيقوم بهذا العمل وطبعا مع التسهيل والاسراع في الوقت ما رأيكم أدام الله فضلكم

غلط طالع عُمرك طبعاً

لإن أجهزة المدن الجديدة والشهادة لله تختلف عن باقي المحليات وعندهم 1 + 1 = 2 ...

وبعدين حضرتك جايه بعد ما أتفقتي مع العامل وتاخدي رأينا ؟

ما هو كده ممكن يحوطكو في دماغه لو أستعنتوا بمكتب خارجي وبما إنه عامل بسيط بس من الواضح إن له نفوذ يبقى ممكن يغلس عليكو

بس ولا يهمك

خليكي مع مكتب هندسي احسن .. واعطي العيش لخبازه

وخلي بالك لما تبدئي البناء الفعلي .. هاتتضح أمامك أفكار كثيرة أحسن في البناء .. لذا فهاتحتاجي المكتب كتير بعد ذلك ... يعني الموضوع لا ينتهي عند التصميم الهندسي فقط .

أسف للخروج عن الموضوع

وبأعلن إنضمامي للحملة التي يقودها أخونا أسد ...

وخلينا نترجم الشعارات لخطوات إيجابية .

السلام علينا وعلي عباد الله الصالحين

الاستاذ/سي السيد الي الان لم يتم أي اتفاق مع العامل هو مجرد عرض من أحد المعارف ـ المشكلة اننا نجهل أي اجراءات

ما رأيك في المرور واللي بييحصل فيه الرشوة هناك عيني عينك ومنغير حيا ولا كسوف واذا كان مبلغ الرشوة ميملاش عينه بسقط العربية ويدوخك السبع دوخات ـ كلنا ضد الرشوة ولا نقبلها ولكن أحيانا نضطر الي دفعها لانجاز مصالحناـ ناس بتسميها اكرامية وناس بتسميها أتعاب ربنا يعافينا

[british pharaoh]

يا جماعه المشكله مش في الرشوه فقط المشكله توغلت و تفاقمت الي اخلاقيات الناس وطريقه معامله بعضهم البعض الكل يريد مصلحته وبس و كيفيه التربح من وراءك سواء ماديا و معنويا عن طريق مبداء "ظبطني اظبطك" كواسطه.

وعشان نمحي هذه الظاهرة القبيحه التي ظهرت وانتشرت في سنوات معدوده هناخد وقت طويل جدا ولكن اول الغيث قطره.

السؤال الذي يدور في ذهني حاليا اين ذهب الاحترام بدئا من احترام النفس والدين و المجتمع مرورا باحترام الكبير و احترام القوانين?

لماذا تعالت بعض فئات المجتمع علي البعض الاخر بدون وجه حق?

من اين ظهرت كلمت "انت عارف انت بتكلم مين"?

لماذا.........

لماذا.........

موضوع يستحق وقفه و تفكير عميق...

ولن يتغير حال المجتمع الي ان يغيروا انفسهم و اظن ان هذا شئ صعب و لكن مش مستحيل.......

تم تعديل 5 مايو 2008 بواسطة british pharaoh

[british pharaoh]

والله يا جماعة ياريت ننفذ الكلام ده وما ندفعش رشوة .

بس لما يكون فاضل لك يوم على السفر والموظف علشان يخلصك في نفس اليوم لازم له رشوة تعمل ايه ؟؟؟؟؟؟؟

انا عارف ان الرشوة حرام بس بدفعها .

معلهش يا استاذ رمضان لي تعقيب بسيط علي النقط دي وحضرتك متخلصش ورقك بدري ليه اصل حضرتك بتقول سفر والسفر لا ياءتي بغتة.

من اراد اعذار فالاعذار كثيره ولكن حاول ان تقول هذه الاعذار للخالق يوم الحساب. بهذا المنطق يجب ان نفكر

[رمضان]

والله يا جماعة ياريت ننفذ الكلام ده وما ندفعش رشوة .

بس لما يكون فاضل لك يوم على السفر والموظف علشان يخلصك في نفس اليوم لازم له رشوة تعمل ايه ؟؟؟؟؟؟؟

انا عارف ان الرشوة حرام بس بدفعها .

معلهش يا استاذ رمضان لي تعقيب بسيط علي النقط دي وحضرتك متخلصش ورقك بدري ليه اصل حضرتك بتقول سفر والسفر لا ياءتي بغتة.

من اراد اعذار فالاعذار كثيره ولكن حاول ان تقول هذه الاعذار للخالق يوم الحساب. بهذا المنطق يجب ان نفكر

ياريت يا باشا لو كنت اقتبست كلامي للاخر هتلاقي دي فيه

[ABOU OMAR]

ما رأيك في المرور واللي بييحصل فيه الرشوة هناك عيني عينك ومنغير حيا ولا كسوف واذا كان مبلغ الرشوة ميملاش عينه بسقط العربية ويدوخك السبع دوخات

طيب أحكيلكم حكاية لسة واحد قايلهالي امبارح ....

واحد صاحبه راح اشتري عربية من المنصورة و خلّص ورقها و نقل الملكية و الذي منه و كل حاجة و بعدين راح مرور فيصل عشان يرخصها الموظف بص في الورق شوية و بعدين قاله : بس إنت كده هاتضطر ترجع المنصورة تاني ... طبعاً إستغرب خصوصاً إن ورقه كامل و سليم فقاله : ليه !!!! البيه رد و قال : أصل التوقيع على الورقة دي مش باين !!!!!!!!!!!!!!

طبعاً المواطن فهم البيه عايز إيه ... و قاله: طيب أديك أجرة المنصورة أسهل .. قام المرتشي رد عليه بكل بجاحة خلقها ربنا و قاله: أهو كده إنت فتّحت - بتشديد التاء - مخك معايا .. ده حتى التوقيع بأه واضح أهوه ..!!!!!!!!!!!

حسبي الله و نعم الوكيل ...

أنا متضامن مع الدعوة تماماً ... فوالله مهما كانت الأعذار فأين نذهب من وعيد الله على لسان نبيه صلى الله عليه و سلم : لعن الله الراشي و المرتشي ...

و اللعنة هي الدعاء بالخروج من رحمة الله .... فمن منا يقدر على الخروج من رحمة الله.. و لا حول و لا قوة إلا بالله

[واثق الخطوة]

بصراحة الموضوع مشكلة !

انا ضميري بيتألم كل مرة اضطر فيها لدفع رشوة ومش عارف فعلا أعمل ايه ؟

لكن اعتقد ان على المرء ان تيبع الطرق الشرعية أولا حتى تقفل في وجهه تماما ..

على شرط أن يكون الأمر حق من حقوقه وليس اعتداء على حق يمنعه القانون أو الشرع ..

وساعتها اكون مضطر لدفع الرشوة ...

لكن ضميري لا يكون في كل الاحوال مستريح ..

منهم لله