مغامرة نسائية فى الصحراء الحبشية !!!!

[nash]

كدة يا نوشة حتى فى المشاعر بتحاولى تبينى انك بخيلة معايا ليه يا ام ياسر كدة

:)

احنا كلنا فى مركب واحدة يعنى ينعيش كلنا يا نغرق كلنا ولا ايه؟ بلاش الحساسية الزايدة دى اكيد هننجو من الازمة

يادي صيغه الجمع اللي بتعملي حساسيه دي..... ;)

بدرية تفتكرى لو الموقف ده بصحيح كنت هتهرب واقول اه ياااااااااااروكبى

انا أعملها عادي wst::

......................................................................

سمسمه العسوله .....هانت كلها شهر وتتحولي إلي طالبه جامعيه أد الدنيا....

شدي حيلك كده علشان ترفعي رقبتنا ..... :lol: wst::

[badroora]

الغالية جويرية ..... سورى يا قمر على دورك البسيط ....... والله دورك حلو ومش غبي ولا حاجة

ولو انتى شوفيته كدا يبقي انا اسفة ....... هاظبطك فى الاخر ...اطلعك انتى البطلة .....ست كوكا ماشي

...جلاكسي ...... اصيلة والله wst:: فعلا تصدقى هاديكي بطولة مطلقة فى قصتى القادمة عشان اصلتك دي بس

ناش .......... هتشوفى اياااام سودة فى القصة دي بسبب كلامك دا .........

هبة .......... ارحمى نفسك كلي على قد نفسك بس انتى هتعملى زى الجمل هتخرنى الاكل فى معدة احتياطي .

سمسمة ......... معلش روحى ذكرى انتى وفى وقت فراغك ابقي تعالى بصي بصة او فى المسامحة الكبيرة ماشي .

امانى حبيبة قلبي .......... انتى اصيلة والله وصدقينى هترتاحى فى المغامرة دي وهتطلعى معانا عمره ببلاش مكافأءة

[galaxy]

ساعتها الاجر هيرتفع يابدور عشان هتبقي تاني بطوله مطلقه..................وش نجمه شباك

[nash]

ناش .......... هتشوفى اياااام سودة فى القصة دي بسبب كلامك دا .........

ده يعني علي اساس أنك مشوفانا ايام بيضا؟ :sad:

قال قال.....طب أيه رايك أن أنا موافقه...أهو تغيير .....نجرب ايام سودا جديده غير الأيام السودا القديمه.....ده أحنا خلاص قولنا.. :sos:

علي رأي جويريه...هو مافيش جنينه ورد؟؟؟ bngn::

...جلاكسي ...... اصيلة والله فعلا تصدقى هاديكي بطولة مطلقة فى قصتى القادمة عشان اصلتك دي بس

يا خوفي يا بدران..... :blink:

انتى اصيلة والله وصدقينى هترتاحى فى المغامرة دي وهتطلعى معانا عمره ببلاش مكافأءة

إن شاء الله علي حساب مين؟؟؟ smk: برضه أحب أطمن

حسيت الأسمايلي ده بيعبر عن جلاكسي بعد ما نجفه أكتشفتها.....مبروك يا شوكولا

تم تعديل 2 مايو 2008 بواسطة nash

[badroora]

شيكولا بقي انا هاديكي بطولة فى قصة تانية مجاملة تقوليلي .......... الاجر هيزيد .......... :blink:

ناش ......... انا لو فى السعودية كان كل البشر دول عزمتوهم على عمره .......اخاف اعملها فى السعودية اجرح احساسك

وخصوصا اننا فى منطئتك

[badroora]

تابع ----------) بحر الرمال المتحركة .........

الارض تهتز من أسفل الجميع والكل اصاب بالهلع والخوف الشديد ........ واصبح الجميع متساويين الكل غريق فى بحر الرمال

المتحركة ...... ولكن القدر جعلهم على شكل دايرة على اساس يونسو بعض وميخفوش ....

نجفة ...... تفيق من غيبوبتها ... ونظرت حولها وترى الجميع نصهم مدفون فى الرمال ....... وتصيبها هيسترية ضحك

ناش ....... نجفة اتجننت من الصدمة يا بنات وللاسف مش هنقدر نلحقها كلنا ف الهوا سوا

زيزيتا ......... نجفة مالك فيكي ايه .......

نجفة ..........ها ها ها ها ها ها ها ها ها

الجميع ....... انهالوا بالضحك وهما مش عارفين بيضحكوا ليه ........ وفى الاخر انتهى الضحك ببكاء .

نجفة ......... متيعيطوش يا بنات من رحمة ربنا بنا ان الاب توب والموبايل مندفنوش .

أمانى ......... وطول ممعانا الاب توب والموبايل يبقي مافيش خوف .

فولانه ........طب شوفى فى نت الاول

نجفة .........ايوة بيشتغل ع الظاطا لايت

جويرية .........طب افتحى كدا وشوفلنا مخرج .

نجفة ........ طيب اشوف المسنجر بتاعى عليه مين اونلاين يمكن يقدر يساعدنا

جلاكسي .......... فكرة جميلة والله

هبة ........ طب والنبي ممكن بعد متخلصي تشوفيلي من عندي اونلاين

الجميع .......فى صوت واحد احنا فى ايه ولا فى ايه .

نجفة ......... يا دين النبي .....اللسته بتاعتى كلها اوف لاين دى مقصودة .

سهيلة ..........بلاش ظنون جايز يكونوا مش موجوودين بالفعل لظروف معينه

نجفة ......... انا لستتى مابتخلاش

نينيا .........طيب ممكن اديكي اميلي واكيد هتلاقي حد

نجفة .....ماشي .....هاتى

قرنفلة ........ سمي يا نجفة خلى ربنا يفتحها فى وشك ووشنا يا ختى .

نجفة .......... وانا يعنى لازم اسمعك وانا باسمي :wub:

نينا .......... ها فتح

نجفة ........... مافيش حد ........يلا يا بنات كل واحد تقول على اميلها خلينا نجرب .

أمانى .......ها لاقيتى حد

نجفة ......... دى مؤامرة ... ومقصودة يا ترى مين اللى وراها .

هبة ............وبعدين هنموت كدا فطيس

شهد ........ شوفى المحاورات كدا

زهرة ........ صح لسانك يا شهد فكرة جيدة

نجفة ...........الموقع ساقط .

هبة .........ادخلى عن طريق بروكسي

أمانى ........... روكسي مين يا ختى هو فيه روكسي كمان ع النت ههههههه الله يحظك يا هبة

جويرية ............ بروكسي دى غير روكسي خالص يا امانى ....دى منطئه ودى منطئه تانية

امانى ............ والنبي يا ختى دا العلام حلو

نجفة ....... دخلت الموقع .

فولانه ......... شوفى مين اونلاين

هبة .......... والنبي والنبي ادخلى على الملف بتاعى شوفي مين بص على بروفايلي :sad:

ناش .......... حد رد فى موضعى اخر موضوع عملته

جلاكسي ......... والنبي قوليلي ..كام رد فى موضوع الشنط ..ها

زهرة .........فى حد من الجماعة بتوعى اونلاين

شهد ........ ايه يا جماعة انتوا فى ايه ولا فى ايه

سهيلة .........بسرعة نسيتوا المحنه اللى انتم فيها

نجفة ..........حاجة غريبة ...جدا جدا ...دى مؤامرة بجد .

زيزيتا ..........خير فى ايه

نينيا ........... وقعتى قلبنا

نجفة ............. شوفى يا ستى الاحصائية بتقول ايه

230 ............عضو متخفيين

1........ بس عضو جديد واكيد خاصية الرسائل موش شغالة عنده .

ناش ......... غريبة متخفيين ليه هو فى بلدية مرائبة المكان ولا ايه .

هبة .......... مع ان اللى بيدخلوا متخفيين ع المحاورات معروفين بتاع حوالى 6 او 7 عضو فقط ...غريبة بجد

جلاكسي .......... بلاش ظن ... طيب هنعمل ايه ...عاوزين نعرف مين اونلاين وهيقدر يساعدنا ولا لأ.

أمانى ........... ما تكتبي للادارة ..مش احنا مسؤلين منهم بردوا .

جويرية .......... مسئولين عندك داخل المنتدى لكن خارجة لاااااااااااااااا

سهيلة .... طيب والحل

فولانه ..... هى الامور بتتعقد ليه .

سمسمة...........بصي هاتى السهم تحت ع الاسامي الموجودة هيظهرلك الاسم واخر وقت نشط

نينيا ........ وبكدا هنعرف مين الموجود ونبعتله

امانى .......... يا ما كان نفسي ابوسك ع الفكرة دي يا سمسمة بس العين قصيرة والرجل مغروزة ياختى .

نجفة ............. شيت الخاصية متعطلة ومبلغين عنها بقالهم شهرين الصيانه .

سهيلة ......... وبعدين لو فضلنا كدا فى الشمس ... جلدنا هيتحرق

فولانه .......... جلاكسي ..مترشي علينا رشة صن بلوك يكرمك ربنا .

جلاكسي ... طيب هنفتح عبوة وكل اللى تستخدمها تحكم غلقها وتحدفها للبعدها اوك

ناش ......... ماشي ليمينى .

زيزيتا ....... نجفة احنا كدا هنضيع

نجفة .......... طول ما فيه جي بي اس ولابتوب يبقي مش هنضيع .

جويرية .......... طيب ايه الفايدة مانتى مش عارفه توصلي لحد اهو .

نجفة ........... جاتلى فكرة .... احنا نعمل موضوع عنوانه مستفزة هتلاقي الكل داخل يتكعبل ورى بعضة

وبعدين هنعرف مين الموجود من خلال الردود .

فولانه .......... برافوا .فعلا الرجال عندنا فضولهم بيقتلهوم وخصوصا لو موضوع حريمي ممنوع دخول الرجال.

ناش .......... طيب هتختارى عنوان ايه

سهيلة ......... خلينا نفكر سوى ...

أمانى .............اكتبي نساء فى المطبخ ... ممنوع دخول الرجال

هبة ........... يسلام وايه الجديد ... المطبخ دا مكانكم الطبيعيى دانتم لو خرجتم براه تبقي دى الغريبة .

ناش ....... تقصدي ايه يا هبة بالكلام دا .

قرنفلة .......... تقصد ان الست ملهاش غير مطبخها وعيالها

زيزيتا .......... آه بحسب

نجفة .......... وجدتها

الجميع ...........فى صوت واحد ايه ...

نجفة ... ... عنوان الموضوع ....

الجميع ........... قولى

نجفة ............ المراءة لا تعترف باهمية الرجل فى حياتها !!!

الجميع ........... وهتكتبي محتوى الموضوع ايه

نجفة هاكتب الاتى

العنوان ........... المراءة لا تعترف باهمية الرجل فى حياتها ............

المحتوى

ان المراءة فى ظل التقدم الذي وصلت اليه والمكانة التى استهلكت من وقتها وجهدها تطلب منك اليوم معشر الرجال .

والنبي يا جماعة .. انا نجفة الضب اختكم ومعايا كل بنات المنتدى وتاهين فى الصحراء وغرقانين فى رمال متحركة ..ممكن

ايغاثة ... والنبي والنبي

اختكم فى الله

الغريقة فى الرمال المتحركة

نجفة الضب . wst::

ناش ........ توكلى على الله ودزيها .

فولانه ......... ها ايه الاخبار

نجفة ........... ماشاء الله

عدد الزائرين .....340

وعدد القراء ... المتخفيين ...250

الظاهرين ... 0

أمانى ......... حتى العضو الوحيد اللى ظاهر مدخلش

سمسمة ......... منه لله

هبة ... اهو دا بقي دخل بلاك ليست يوم عيد ميلاده مش ههنيه .

زيزيتا .......... حد رد فى الموضوع

نجفة .......... ايوة فى 4 ردود

ناش .......... مين اللى رد

نجفة .......... دى اسامي غريبة معرفهاش

سهيلة طب ردوا قالوا ايه

الرد الاول ...

ان المراءة التى تنادي بهذا الكلام .... امراءة لا تعى ماذا تقول ... ان الله جعل الذكر والانثي لاهميتهم فى الحياة ولا يجوز

ان تبقي الانثي بمفردها .. والرجل بمفرده

نينيا ............ دا بقي قرأ العنوان ومقراش المحتوى

فولانه ..... فعلا المشكلة دى بنقابلها كتير تلاقي واحد بيكتب ومش عارف بيقول ايه .

ناش والرد التانى ... بيقول ايه

بيقول يا سيتى ..........

المراءة قديما كانت ست محترمة عرفه قيمة جوزها وبتقدره ... لكن بنات الايام دي يستهلوا الدفن فى الرمال المتحركة ........

نجفة ........... طلبتها ونولتها يا خويا gra:-

جلاكسي ... فى ردود تانية

نجفة .......... ايوة استنى

واحد داخل يفتى ... ومغير اسمه

بيقول ..........

اصلا مافيش رمال متحركة ....... ومش بسهولة حد يغرق فيها .......هى كل واحدة تقرالها قصة وتحلم لها حلم تجى تكتبه

وتصدق نفسها وتقول انه حقيقة

انا لا اعتربف بهذه الكلام ..........

نجفة ............ اقطع دراعى ..ان ماكان داهو .... ومغير اسمه

رد ... جديد اهو

البنت زى الولد ماهيش كمالة عدد ... سواء شئتم ام ابيتم .

ناش ......... دا واحد بيهدي النفوس ... يبقي مين

جلاكسي .... اعتقد من خلال كل رد هتقدرى تتعرفي على صاحبة وتبعتيله وممكن ينقذنا .

نجفة ............ مش نافع ... انا هاتصل بكبير المسئولين هو يتصرف .

آلو ألو .........حضرتك انا نجفة ... حضرتك سمعنى .

كبير المسئولين .... ايوة يا نجفة

نجفة ... حضرتك احنا بنغرق فى الرمال المتحركة ومش عارفين نعمل ايه

كبير المسئولين .... وانتى ايه اللى وداكى هناك

نجفة .... كنت بادور على جنسية عنترة بنن شداد

كبير المسئولين ......... مافات كان استهلالا .. لابد منه

نجفة ........... والله الامور كانت ماشية كويس بس معرفش ايه اللى حصل .

نجفة ........ آلو آلو آلوووووووووو wst::

الجميع فى صوت واحد ........ آلووووووووووووووو wst::

الخط قطع ............ :lol:

فاصل ونواصل

[~Heba~]

حدش يقرب عند البروفايل بتاعى.....ممنوع الدخول لغير العاملين :wub:

[badroora]

خط التليفون فصل ......... وكل محاولا الاتصال بائت بالفشل ..........

ودخل الليل........ والجميع استسلم للموت القدر المحتوم .........

القمر منور فى السماء وكأن الصحراء مضائه بمصابيح .

نجفة ........... والله يا بنات الجو شاعري قوى .

هبة .......... نجفة تفتكري هنموت هنا

جويرية .......... لو مكتوب لنا نموت هنموت محدش بيهرب من قدره .

أمانى ....... متيجوا يا بنات نفتح قلبنا لبعض ونحكى .

فولانه .......... وماله والله فكرة نتعرف على بعض اكتر

نينا ........ الحقوا الحقوا .راجل جاى من بعيد ..

البنات ........ اترعبوا .........مين انت

انا عفريت الصحراء........ وجاى انفذ مطالبكم

البنات .......... يا فرج الله يا فرج الله

العفريت ......... كل واحدة فيكم ليها طلبين لو خلصوا ملهاش طلبات تانية

نجفة .......... انا هبدا ...

العفريت .......... شوبيكي لوبيكي عبدك وملك اديكي ليكي امنيتين

نجفة ........... عنترة بن شداد جنسيته ايه .

البنات ........ استنى يا عم العفريت عنتر ايه وزفت ايه مضيعين الامنيتين بتوعك على سؤال تافه

نجفة ......... طيب طيب

العفريت .......... اخلصي متئرفيناش

نينا ......... ايه العفريت البيئه دا

نجفة ......... اممممممم نفسي اكتب مشاركة واحدة فى المحاورات بدون غلطة املائية او كلمة تحرير فى كل مشاركة

العفريت .......... انا قدراتى ..محدودة ..ودى فوق قدرتى ... جنسسية عنترة اسهل

نجفة ............ طيب نفسي اشوف بنت اختى وابوسها

العفريت ................اتفضلي وبسرعه عشان ارجعها لمامتها .

نجفة ........... الامنية التانية ... اجيب عربية هامر .

العفريت ........... جبتهالك ومستنياكي فى البحرين قدام البيت

نجفة .........طب ومجبتهاش هنا ليه محتاجها هنا اكتر

العفريت ........... 2 دينار رسوم كبري الملك فهد خارج الاتفاق

امانى ......... نفسي عيالى يكونوا احسن ناس فى الدنيا

العفريت ............ عيالك احسن ناس فى الدنيا .

امانى ......... اشوف الورشة بتاعتى اكبر ورشة مشهورة

العفريت ......... بقت اشهر ورشة

هبة ......... نفسي اتجوز واجيب توام

العفريت ........ العريس مستنيكي بالعيال فى بيتكم

هبة ........اشتغل فى اكبر شركة

العفريت .... عقد باكبر شركة مستنيكي فى مصر

جويرية .......... نفسي اشتغل مدرسة فى مدرسة كبيرة .. واسافر برا

العفريت .,,كدا كدا انتى برا والمدرسة بعد ما ترجعى .

زهرة ... نفسي ابقي اديبة كبيرة وعندي دار نشر

العفريت ......... طلباتك مجابة

شهد........ اكبر موسوعه للاطفال ومجلة كبيرة

العفريت .........مبروك

زيزيتا ........... ابقي اغنى واحدة فى الدنيا .. وعندي طيارة ملك

العفريت ........ مبروك طلبك اتحقق

فولانه .......... عيالى يكونوا احسن ناس فى الدنيا وافرح بيهم

سمسمة ......... انجح واتخرج وادخل كلية كويس

العفريت .......... شهادة اسانس متسنياكي لما تروحى

قرنفلة ......... ارجع مصر واعيش هناك على طول

العفريت .....اخلصي من هنا الاول وبعدين تستقري فى مصر

جلاكسي ....... صيدلية كبيرة ومشهور

العفريت مبروك

سهيلة .......... مستشفي كبيرة ومشهورة

العفريت مبروك

ناش ........ اشوف ياسر ظابط مرور قد الدنيا و ورشة السيراميك بتاعتى ابيعها بيجيى 500 جنية

العفريت ......... مبروك طلباتك مجابة

العفريت ............ يلا تاشو

البنات ..........رايح فين مش هطلعنا

العفريت......... كل امنياتكم خلصت ومحدش فيكم فكر فى الخروج من المحنه دي

واختفى العفريت

وطلع الصباح عليهم واذا بقافلة جمال معدية .........

البنات يا قووووووووووووم يا قووووووووووم

تم تعديل 3 مايو 2008 بواسطة Badria Mekkawy

[امانى]

لا حول ولا قوة الا بالله

شفتى يا نجفة السيناريو المرة دى فيه موعظة كبيرة بس اللى يعرف بقى

كلنا فى اذمة وبنموت ولما جه لحد عندنا اللى ينقذنا كل واحد فكر فى نفسه وبس ونشى المشكلة الرئيسية ساب الكل وفكر فى الانا

وده حالنا علشان كدة مبنتقدمش وواقفين محلك سر . يلا بقى خلى الامنيات تنفعنا بقى بعد ما الرمال تبلعنا

على الله نلاقى مخرج مع قافلة الجمال اللى جاية قبل الشمس ما تحرقنا كمان النهاردة والكريمات تخلص

بالنسبة لنوشة انسى انها ممكن حتى تشارك بالكلام فى عمرة حد فينا يا نجفة هى حتى جابت معاها اى حاجة للطريق غير كيس

اللب اللى ادتنا كل واحد منه لبيتين ومخبية الباقى ولو مكنش جو الصحراء السخن مكنتش وزعت الايس كريم اللى كان معاها علينا

تقوليلى ممكن تطلعنا كلنا عمرة على حسابها ؟ اسكتى اسكتى دانتى متفائلة اوى كدة ليه انسى

امانى

[badroora]

النهاية .........

القوافل جت بالقرب من البنات .........

شيخ القافله ......... من انتم .. وماجاء بكم الى هنا .

أمانى ......... شبة عنترة يا ختى ميكنش هوا

هبة .......امانى قيطيعة تقطع عنترة اللى بهدلنا كدا .

ناش ......... نحن قافلة مِصرية جئنا الى الصحراء لاخذ حمام شمس .

نجفة ......... واذا بنا غرقنا فى الصحراء لاننا لا نعوم بحرفنه ...عوم كلابي يعنى

شيخ القافلة ........هيا يا رجال انصبوا الحبال لجل سحبهم .

جويرية .......... يسحبك ربنا من النار للجنه قادر يا كريم .

تم سحب البنات جميعا من الرمال ... ومش قادرين يقفوا ....

نجفة ........ احنا اتشلينا ولا ايه .

شيخ القبيلة ........لاء يا فتاه فانتم ظللتن فى الرمال اكثر من يومين والجسم تسمم من الجرعات الزائدة من الحمام

فولانه ......... والعمل ؟

شيخ القبيلة ....سوف نأخذكم الى الخيمة الطبية لاعطائكم المصل لمقاومة السمم من اجسادكن

البنات .......... سموم يا سنه سوووووووخه :wub:

الخيمة الطبية ..........

الشيخ ........... سيستر ثوراقة ....ستسر ثوراقه

سستر ثوراقة .........من المنادي

الشيخ .... انا شيخ القبيلة نريد مساعدة

ستسر ثوراقة .... اجل سيدي ماذا بغيت

الشيخ ........ معى نساء من المحروسة ظلوا فى الصحراء يومين ولن يستطيعوا الوقوف

ستسر ثوراقة ......... انا معى المصل ولكنى لا اعرف طريقة اعطائة

الشيخ ......... والعمل فهن ليس امامهن غير بضع ساعات والسم سوف ينتشر فى كل اجزاء الجسم .

ثوراقة ........ ليس بوسعى فعل شيء يا شيخ حنظلة

الشيخ ......... هل احداكن تعرف تعطى حقن

نجفة .......... اجل يا سيد حنظلة

الشيخ ......... هلا اسرعى

ثوراقة ......... هل تجدين فن التمريض

نجفة .... اجل سيدتى فانا ممرضة مسجلة

ثوراقة .......... كم عددكن

نجفة .....13

ثوراقة ........ فانا لدي فقط 12 ما العمل

نجفة ........ لا بأس سيدتى اعطينى المصل وانا سوف اتدبر الامر .

ثوراقة .......... تفضلي واعدك سوف امدك بالمصل الناقص حين يحضر

نجفة ........ لا بأس ثانكس سو ماتش

الشيخ .........شكرا ثوراقة

ثوراقة ........ يور ويلكم سير

الشيخ ....... هيا يا بنات شوف اخذكن الى بيتى هناك خيمة سوف اعطيها لكم .

البنات ........ فى صوت واحد يعطيك العافية .

الشيخ .......... ها هى الخيمة تبعد عن خيمتى بحوالى 20 كم زحفا على الرمال لو احتاجتن اى شيء لا تترددن

فى السؤال .

البنات .......... والله لو هنموت مانزحف 20 كم لطلب اى شيء

الشبخ ........ العفو

نجفة ......... يلا يا ينات انا هاديكم المصل عشان تخفم وتبقوا كويسين .

واحدة واحدة تجيليى .......خالوا باكلم هتدروخوا شوية بعد المصل وبعدين هتنامو وتصحوا تبقوا زى الفل

امانى ......... طب مين هيديكى الحقنه بتاعتك يا نجفة

جلاكسي ..... انا ممكن اديهالك .. تعالى يلا

نجفة .......... لا ثوراقة ادتنى الحقنه بتاعتى خلاص قبلكم كلكم .

قرنفلة ........ مش قولتلكم نجفة انانية لحقت نفسها قبل السم ما يسيل فى جسمها .

البنات ......... لو دروخنا مين هياخد بالوا مننا

نجفة .......... انا هاخد بالى منكم

ناش ........ ازاى مانتى اخدتى المصل زينا واكيد هتدروخى

نجفة ......لا انا متعودة على كدا ملكوش دعوة

البنات .......ناموا ونجفة ساهرة طول الليل تلاحظهم

وعددت ساعات الليل الطويلة و فى الصباح الباكر الجميع استيقظوا من النوم ولن يجدوا نجفة

الجميع ......... نجفة باعتنا وهربت معقولة كدا

جويرية ........ ليه نجفة تعمل كدا

امانى .... اكيد فى ظروف ..

فولانه ........ الشيخ حنظلة قادم مع ثوراقة

الشيخ ......... هلا يا بنات كيف حالكن

البنات ....... الحمدلله خفينا بس صديقة لنا هربت وسابتنا

الشيخ ........ من هى

البنات ........ تُدعى نجفة

ثوراقة ......... نجفة لا تستطيع الهروب

نينيا ........ولما لا

سمسمة ........نجفة معاها ج بي اس ولا تبوب وجوجل ايرث محتاجة ايه تانى

ثوراقة .......... نجفة لا تستطيع الهروب

ناش ......... طيب مالك متاكده كدا ما تطمنينا

ثوراقة ......... لقد اتيت اليوم لكى اعطيها المصل حتى تكون قادرة مثلكن على مقاومة السم فى جسدها .

البنات ......... صمتوا صمت رهيب .. ونظرات ذهول

قرنفلة..... مقاطعة الصمت بصوت مخنوق ... نجفة قالت انك اعطيتيها المصل

ثوراقة ......... لا انا قولت لها انى امتلك 12 حقنه فقط وانتم 13 ووعدتها انى ساعطيها الحقنه الناقصة حين احصل

عليها .. وها انا الحين اتيت لكى اعطيعا لها

البنات ......... فى سيل من الدموع ..اذن اين هى اين هى

الشيخ ........ هيا نبحث عليها

الجميع ......... نجف نجف نجف ... لا صوت

صوت رجل من بعيد ......... يا شيخ حنظلة يا شيخ حنظلة احضر

الشيخ ........ هيا نرى ماذا يريد .

الرجل ......... يا شيخ لقد اتت فتاه فى الصباح الباكر وطلبت منى الذهاب الى قبر عنترة واخذتها الى هنا .

وسالتى عن جنسية عنترة ........ وقلت لها انه مصري سعودي حبشي ... فرحت كثيرا وبعد ذلك ظهرت عليها علامات

الاعياء الشديد والحمى ... وطلبت منى ان اساعدها فى كتابة رسالة وتوصيلها لصحباتها

البنات .......... اين هى

الرجل ............ لقد فارقت الحياة .. وطلبت منى ان ادفنها بجانب قبر عنترة لو ماتت حتى لا تتعبكن فى حملها اثناء العودة .

البنات .............. من اثر الصدمة والزهول مش متملكين انفسهن

الرجل .......... هى تركت لكم هذه الاشياء والرسالة دي .

البنات ......... فى صمت وحزن .......فتحوا الرسالة عشان يقروها .

اخواتى الاعزاء ... انا بحبكم كلكم ... واستمتعت جدا بصحبتكم ... واتمنى ان تسمحونى وتغفروا لى لو اسأت لاحداكن طوال

الرحلة .........اخواتى .. انا تركتكن فى الصباح الباكر بعدما تاكدت انكم بخير وعلامات الخطر زالت والحمدلله

انا اكتشفت ان السم سبب لى مرض معدي يسمي استبحث الصحراء فلذلك ظللت طوال الليل خارج الخيمة حتى لا اعديكن

ولكنى كنت اراقبكن وانتم نائمين كالملائكة .

انا عرفت حقيقة عنترة ........ وكتبت ورقه بجنسيته .. عشان تشتهروا بها وتحققوا الحلم بتاعنا اللى خاطرنا من اجلة

عنترة مصري واتمسك معاه 3 باسبورات مضروبين واحد مصري الاصل

والباسبورت الثانى .....كان مهاجر هجرة غير شرعية للشيشان

والثالث للسعودية .. واتمسك هنا ومات واندفن

انا تركت لكل واحدة منكم رسالة

اول شيء رسالة لامى ......... امى الحبيبة بحبك اوى ووحشتينى كتير وندى كمان وحشتنى وبحبها اوى

رسالة امانى ........ امانى اابقي خدى الابتوب بس امسحى كل شيء يخصنى من عليه

رسالة ........ فولانه .. بحبك اوى

رسالة نينيا ........... ان شاء الله تبقي صحفية مشهور ه

رسالة قرنفله ....... بعينك موبايلى

قرنفله . بتخاطب نفسها .......... حتى رزلة وانتى ميته

ناش....... عربيتى الكورولا ... ليكي وابقي سددى اقساطها

جلاكسي ....... فاتورة تليفونى ابقي ادفعيها

زيزيتا .......... مواضيعى فى المحاورات احذفيها كلها f((:

سمسمة........ قومى ذاكرى

هبة ......... صورتى ليكي هدية

سهيلة .........فى قرشين فى البوسطة ابقي كملى عليهم واعمليلي منتدى باسمى الشهيدة نجفة الضب :sad: .

جويرية ......... انا عاملة جمعية ابقي سددى بقيتها لانى قبضتها فى الاول :wub:

بحبكم اوى ووعوا تنسونى

الفقيدة نجفة الصب حسين :sad:

على فكرة انا عملت اتصالاتى وفى هيلوكوبتر هتيجي تاخدكم دلوقتى وتوصل كل واحدة فيكم لبيتها

متزعلوش يا بنات انا متعودة على كدا كتير من عيلتى ماتوا شهداء فى 67 و73 .. فى دور الكوليرا اللى كان منتشر اوى

وقتها وراح ضحياها كتير فالشهداء مش جديد على عيلتنا

الجميع .. جالسين فى الطائرة مسهمين وشريط الرحلة بيدور فى خيالهم وكلمات نجفة وقفشتها معلقة فى اذنهم

وتوته خلصت الحدودة

شكرا لمتابعتكم

الشهيدة

نجفة الضب :sad:

تم تعديل 3 مايو 2008 بواسطة Badria Mekkawy

[galaxy]

الي جنه الخلد ياغاليه...................................... f((:

وهكذا رحلت عنا عروس السماء............مثال للتضحيه والايثاروالوفاء........الفقيده نجفه و............

.الحي ابقي من الميت..........ومحدش بيموت ناقص عمر :sad:

[badroora]

العزيزة الغالية امانى .....

تحليلك صح ودا بيسموه فى علم الانثربولوجي ... قصة وعبرة :blush2: ...

تحليلك ممتاز وفى انتظار ردك على نهاية القصة

وحمدالله ع السلامة .... وديري بالك ع الابتوب بتاعى دانا دافعه فيه دم قلبي wst:: wst::

[badroora]

الي جنه الخلد ياغاليه...................................... wst:: wst:: :cry:

وهكذا رحلت عنا عروس السماء............مثال للتضحيه والايثاروالوفاء........الفقيده نجفه و............

.الحي ابقي من الميت..........ومحدش بيموت ناقص عمر smk:

شيكولا........ اصيلة

بقي بعد ماحرمت نفسي من العشا عشان تستعشي والغطا عشان تستغطى تبعينى كدا

دورك فى القصة الجاية ..... كومبرس غير متكلم :blush2:

[galaxy]

بقي بعد ماحرمت نفسي من العشا عشان تستعشي والغطا عشان تستغطى تبعينى كدا

اللي زيك مش لازم يعيش ليوم التلات.......................ولا الاربع

دورك فى القصة الجاية ..... كومبرس غير متكلم

صدقيني انتي الخسرانه.......................ربنا بقي يستر علي ايرادات الفيلم. :blush2:

[badroora]

كل يوم بتسودى حته فى قلبي يا جلاكسي ......... بتفكرينى باغنية هانى شاكر لما اكتشف واحده وعملها نجمة اعلانات وبعد كدا

سابته ومعبرتهوش .... وغنلها ......... تخسري وحدى مش هاخسر كتير ....... بكرة هاتتشحورى واللى هتشوفيه قليل

آآآآآآآآآآآآه آآآآآآآآ تخسري

واكتب السطر الاخير ...... تررلاله

[امانى]

يا خبر يا بدرية على دى نهاية مكنتش اتوقعها وان كنت شكيت انك تعملى سيناريو بينا واحنا بنوزع ال12 حقنه علينا ونشوف هل

ممكن واحد يضحى من اجل الكل ولا كل واحد هيقول انا وبعدى الطوفان . سبقتينا وطلعتى الواحد ده اللى ضحى من اجل الكل

بس نهاية مأسوية اوى . كنتى خليها زى الافلام العربى نهاية سعيدة . ازاى نرجع من غيرك يا نجفة كان مالنا ومال جنسية عنترة

اللى خلتنا نرجع من غيرك دى ( الف بعد الشر عليكى ) وبعدين لاب توب ايه ده اللى ادور عليه بعدك

النهاية رسالة تانيه بتقول لازم كلنا نكون ايد واحدة ولازم نكون متحابين لدرجة الايثار ومنقلش يلا نفسى ونكون بنخاف على بعض

زى خوفنا على نفسنا . بعد الشر عليكى من النهاية دى وفى انتظار القصة الجديدة

امانى

[badroora]

العزيزة الغالية حبيبة قلبي أمانى ...... كلماتك الحنينة دي دغدغت قلبي وهتكت مشاعرى ........ :cry: من وقع تاثيرها على

الواحد من ساعة ما بعد عن امه مسمعتش كلمة حنينه غير منك :D انتى يا غالية يا اصيلة :D

شوفى يا قمر ..... انا لن اقول على نفسي كاتبه محترفه ........ ولكن ممكن اقول انى كاتبه حاسه كل كلمة بتكتبها .

. تصورى وانا باكتب القصة كأنى كنت عايشة

احداثها فى الواقع .. وتخيلت كل حوار فيها وعشته باحساسي

. اللى عاوزة اقوله يا امانى ان نهاية القصة كانت نتيجة مشاعر سلبية انتابتنى فى تلك الفترة التى كتبت

فيها النهاية بل عجلت بها كي انتهى منها بسرعة .

لان من الصعب على كانسانه ان اتحمل نوعين من المشاعر متناقضين .. صدقينى احساس متعب جدا .....

قصتى قصة كوميدية النهاية كانت المفروض النهاية تكون كوميدية ايضا ..

ا. ولكن حيث اننا لا نملك السعادة والمرح غير فى لحظتها فقط , وليس بمقدورنا استمرارها

او ادخارها ليوم لا يوجد فيه بسمة . فلذلك كانت النهاية كما رايتيها

فاعتذر عن النهاية التى عكست حالتى وقتها ..... وكنت بحاجة الى البكاء .. وبكيت فعلا عند موت الفاضلة نجفة :D

وكمان لا تنسي يا امونه انى ملاك رحمة ........ والشمعة التى تحترك (تحترق ) من اجل الجميع..... :wub:

الى اللقاء عزيزتى وعلى موعد اخر فى مغامرة تانية ان شاء الله

شكرا على كلماتك الرقيقة مثلك ...دائما ...... :lol:

بدرية

تم تعديل 6 مايو 2008 بواسطة Badria Mekkawy

[جويرية]

بعد الشر عليكي يا دودي إن شاءالله يكرهك

مالنا بعنتر و عبلة دول اللي يخلونا نخسر صاحبتنا

لو سمحتيللي أعدل النهاية

( سعاد حسني الله يرحمها في فلم بعد ما اتعرض في السنيما و كانت بتموت فيه طلبت النهاية تتعدل و فعلا

صورت مشاهد جديدة و اتعدلت نهاية الفلم )

فطبعا مش حتعدي علي ملكة الأبداع الأخت بدرية بس ممكن تعتبريها وجهة نظر من مؤلفة مبتدئة حتعمل النهاية بشكل مختلف

النهاية .........

شيخ القافلة لزوجتة : شوفتي يا ام محمد واحدة من البنات شفتي ازاي كانت سبب في انقاذ حياة اصحابها

ام محمد : أيوة صحيح يا حاج حنظلة عشان كدة يستاهلوا يتقال عليهم ملائكة الرحمة

شيخ القافلة : أيه رأيك يا ام الأولاد نجوزها لأبننا أبو الخير

ام محمد : يا ريت يا حاج حنظلة ده أسعد يوم لما افرح بأبني أبو الخير

شيخ القافة : خلاص نروح نكلمها

ام محمد : توكلنا علي الله

( شيخ القافلة و زوجته يتجهوا الي خيمة البنات و يكلموا نجفة و يعرضوا عليها الموضوع

نجفة : ( مندهشة و مش عارفة تقول أيه )

( الشيخ حنظلة بيكمل كلامه و يقولها أصل أبني أبو الخير

نجفة : أنت قولت أسم أبنك أيه يا شيخ حنظلة

الشيخ حنظلة : أسم ابني ابو الخير

نجفة : تسرح بخيالها يا تري انا سمعت اسم ابو الخير ده فين

( ايوة افتكرت ده الحلم اللي حلمته ..

انا نفسي فى بيت وسط غيطان وحواليا جيران على بعد كام فدان

اصحى الصبح بدرى على صياح الديك والفجر يشقق والشمس تطلع وتعلن يوم جديد .

نفسى فى حياة هادية بعيدة عن الاضراب ولا حكومة قاسية مايملى عنيها الا التراب .

نفسي فى بيت من طين وسقفة خشب زان وازوقه بايدي واعيش فى راحة بال .

مش عوزاة سيارة اتوه وانا فيها وابعد عن طريق نفسي المسة برجلى

مش عاوز زوج غنى ولا يلعب 3 ورقات نفسي فى فلاح مكافح ينام ويصحي من سكات يا سيدي

بس ابو الخير كان فلاح معلش أهو برده أبو الخير ده بدوي يعني بدل ما يبقي يزرع حيبقي بيرعي و بدل ما يبقي عنده جاموسة حيبقي عنده جمل

و افتكرت البيت اللي نفسها تسكن فيه

و الفراخ اللي نفسها يكونوا عندها

شيخ القافلة : ( بيكلم نجفة و هيا سرحانة )

ها يا نجفة يا بنتي قلتي أيه

نجفة : خلاص انا موافقة يا اونكل حنظلة ومقدرش ازعلك انتا و طنط ام محمد

أم محمد : زغرودة كبيرة في الخيمة

يتجمع البنات حوالين نجفة

و فرح وزغاريد و تهاني

و تقام الأفراح ثلاثة أيام

وزفة محصلتش لقائدة الرحلة المبجلة و عريسها ابو الخير

ودي صور من الزفة

و ازف الرحيل

و البنات بيستعدوا و يجمعوا حاجتهم

و بيسلموا علي نجوفة و العريس

و انتهت الرحلة السعيدة

رحلة البحث عن عنتر و عبلة

لأ رحلة جواز نجفة و أبو الخير

تم تعديل 7 مايو 2008 بواسطة جويرية

[badroora]

والله استاذة يا جويرية ونهاية جميلة مش عشان جوزتيني حبيب القلب الفاضل ابو الخير لاء

طريقتك رائعه فى ربط حلم نجفة مع محاولة جميلة منك لتغير نهاية القصة الى نهاية سعيدة

مع ان النهايتين مفرقوش عن بعض كتير جواز = موت بس بطيء

بس انتوا مالكم كدا لا تكلمتوا فى شبكة ولا مهر وعديتوا الموضوع كدا كأن ابو الخبر وخدنى خلاصة حق وعامل فيا معروف ....

ومالى كدا وافقت بسهولة دون تفكير وتدليل .......... :happy:

بس بجد برافوا عليكي احنا شكلنا كدا هنطلع كلنا مواهب

ويلا بقي شيدي حيلك واعملنا مغامرة على زوئك

تحياتى ليكي يا قمر .......... :lol:

تم تعديل 7 مايو 2008 بواسطة Badria Mekkawy

[جويرية]

مع ان النهايتين مفرقوش عن بعض كتير جواز = موت بس بطيء

أزاي العيشة فيه الصحرا موت بطئ دي هيا الحياة منك للسما و القمر و النجوم و لا زحمة و لا دوشة

و لا تليفزيون و لا نت و لا حسابات و لا أرقام

دي عيشة ملوكي

بس انتوا مالكم كدا لا تكلمتوا فى شبكة ولا مهر وعديتوا الموضوع كدا كأن ابو الخبر وخدنى خلاصة حق وعامل فيا معروف ....

ومالى كدا وافقت بسهولة دون تفكير وتدليل ..........

بصراحة مردتش أطول في القصة اطول من كدة عشان متبانش مهارتي الجامدة جدا في الكتابة و قلت أختصر الموضوع عشان متبانش مواهبي

بس بجد برافوا عليكي احنا شكلنا كدا هنطلع كلنا مواهب

ويلا بقي شيدي حيلك واعملنا مغامرة على زوئك

تحياتى ليكي يا قمر

لأ دي حاجة بسيطة جنب اعمال الأديبة الروائية الحاصلة علي جائزة نوبل للمحاورات الأستاذة بدرية

شكرررررررررررررا لكي

و إلي اللقاء في مغامرات أخري

و دي كانت نهاية مغامرة الأخوات في الصحراء الحبشية :lol: