..... عايز أرقام مُحددة .....

[حشيش]

الأخوة والأخوات الأعزاء :wub:

حدخل فى الموضوع على طول علشان أقطع عرق وأسيح دمه :unsure: ... كم يلزم أن يكون معك من المال فى مصر الأن حتى تصنف من الأغنياء فى أيامنا هذه وبالأسعار الحالية ؟ mfb: ... يعنى علشان تنزل مصر بعد سنوات طويلة من الغربة يلزم يكون معاك كام جنيه مصرى بصرف النظر عن الإعتبارات الإجتماعية والسياسية والمرورية والتعليمية ووووووووو فى مصر ؟ ... عايز أرقام محددة من فضلكم B)

ملحوظة هامة: برجاء عدم كتابة ردود مثل (الغنى غنى النفس) و (يابخت من بات جعان ولا بات شبعان) و (يقينى بالله يقينى) لأنها معلومة بالضرورة وشكراً :blink:

[shawshank]

10 مليون جنيه مصري .

[حشيش]

10 مليون جنيه مصري .

لالالالالالالالالالالالالالالالالالالالالالالالالالالا :unsure: :blink: :wub:

[هشام عباس]

شوف يا عم حشيش علشان تصنف من الأغنياء ؟؟؟؟؟؟؟

تعالى ناخدها حته حته وبعدين نبقى نجمعهم على بعض

علشان تبقى غني يبقى تكون ساكن في فيلا او في شقه مساحتها كبيره وفي مكان راقي صح؟

وعلشان تكون غني لازم تكون عندك عربيه نقول مثلا مش اقل من تويوتا كرولا مثلا يعني

وعلشان تكون غني لازم تقدر تدخل ولادك مدارس لغات الي مش اقل من 5000ج في السنه للطفل الواحد(الصغير)

وكمان يكون عندك دخل شهري مش اقل من 6000 او 7000جنيه!!!!!!!!!!!!!!!!

اسيبك انت بقى تحسبهم وتشوف

ولو معرفتش نبقى برضه نشوف

[Handasah]

10 مليون جنيه مصري .

لالالالالالالالالالالالالالالالالالالالالالالالالالالا :wub: mfb: B)

يبقى انت ياعم حشيش ياما مستقلهم ياما كتير وانا اشك فى الاختيار التانى .......

انا اعتقد 2 مليون كفاية قوى :unsure: :blink:

[se_ Elsyed]

والله ما حد هايقدر يجاوبك يا حشحش

لان كلمة غنى دي كلمة نسبيه جداً

يعني لو قلنا 5 مليون

فهاتعمل بهم إيه ؟

عدد واحد فيلا بمدينتي ... لا يقل عن 3 مليون

عدد واحد عربية لسعادتك .... 250000

ونقول عدد واحد عربية للمدام 150000

وغير بقى مصاريف سجايرك المالبورو ... والمصاريف التشغيلية للفيلا .. خدم وحشم وسواق وجنايني .. وبنزين 80 للعربيتين

وبعد ده كله سيادتك هاتعمل ايه ؟

هل ناوي تقعد من غير شغل وتحط لك قرشين في البنك تعيش من ريعهم ؟

حقيقي سؤال صعب يا حشيش بك

لكن اقدر اقولك بكل فخر انك من اغنى الناس يا حشيش يابني

فمن في المحاروات لا يحب حشيش ؟

ومن لن يحب حشيش لما ندرمغ الدنيا بالكتاب بتاعنا

إذاً حب الناس هو من اعظم الثروات لدى الانسان والذي لا يقدر بمال

انت من الحرار يا حيشو

[semsema]

ملحوظة هامة: برجاء عدم كتابة ردود مثل (الغنى غنى النفس) و (يابخت من بات جعان ولا بات شبعان) و (يقينى بالله يقينى) لأنها معلومة بالضرورة وشكراً :unsure:

طيب تنفع دي....

ياقلبي يا كتاكت يااماانت شايل وساكت :blink:

[semsema]

عدد واحد عربية لسعادتك .... 250 الف

ونقول عدد واحد عربية للمدام 150000

طيب وايه فايدة الواحد عربية لسعادتك

كفاية واحد عربية للمدام :unsure:

[!! Lidooooo !!]

[se_ Elsyed]

شوف يا عم حشيش علشان تصنف من الأغنياء ؟؟؟؟؟؟؟

تعالى ناخدها حته حته وبعدين نبقى نجمعهم على بعض

علشان تبقى غني يبقى تكون ساكن في فيلا او في شقه مساحتها كبيره وفي مكان راقي صح؟

وعلشان تكون غني لازم تكون عندك عربيه نقول مثلا مش اقل من تويوتا كرولا مثلا يعني

وعلشان تكون غني لازم تقدر تدخل ولادك مدارس لغات الي مش اقل من 5000ج في السنه للطفل الواحد(الصغير)

وكمان يكون عندك دخل شهري مش اقل من 6000 او 7000جنيه!!!!!!!!!!!!!!!!

اسيبك انت بقى تحسبهم وتشوف

ولو معرفتش نبقى برضه نشوف

هشام

انت عايش في مصر ؟

مش باتتريق والله

لان معايا ناس متغربين وبيلعنوا الظروف عارف ليه ؟

لإن مصاريف بيتهم النثرية في مصر لا تقل عن 6000 ج شهرياً والله وبنحسبها مع بعض بالورقة والقلم

وبعدين 5000 ج مصاريف مدرسة يا راجل يا طيب !!!!

طب من غير حلفان ده بيصرفهم اللي عند ابن في مدارس حكومية وبيدرس في ثانوي

يا هشام بك .. ده في كمية مدارس في مصر مصروفتها بالدولار والاسترليني وبتعدي الخمسين باكو .. يعني حط صفر قدام الرقم بتاعك

انت بتتكلم عن انسان يمكن يكون اعلى من المتوسط بشوية

انما حشيش بيتكلم عن واحد مثل " غازي بيه الشريجي " ابن الكــ در ... الراجل اللي بيدفع 5000 ملطوش شهري للبودي جارد بتاع الننوس ابنه

ممكن اخدك على قد عقلك يا حيشو واقولك مشيها بلدي يا معلم ... قصدي مشيها 10 ارانب ( عشان خاطرك والله )

3 تعمل لك بهم مشروع محندق

و 2 تخليهم في البنك يجيبوا لك قد 8 بواكي فايدة في الشهر ثابتين

وارنوب تديه لاخوك س س يلعب لك فيه بالبورصة ويضمن لك بإذن الله 25 % ربح صافي سنوي ... بس انت ابقى راضي الرجالة وما تنساش اخوك في الكفاح وفي الاصلاحية .. ده احنا ياما اكلنا مع بعض عيش وعدس

و 4 تروش بهم نفسك انت واولادك .. شقة نضيفة ( انسى الفيلا .. لانك بملغ زي ده مش هاتقدر تفرشها ولا حتى تلاحق على مصاريف تشغيلها " يبقى مشيها شقة 250 م في حته نضيفة مع عربيتين نضاف عالزيرو او استعمال طبيب .

لكن لو مالحقتش نفسك وعملت مشروع يدر دخل نضيف .. يبقى تأكد انك هاتبيع العربية والبيت ويمكن الفلنه ام حمالات قريب

[se_ Elsyed]

عدد واحد عربية لسعادتك .... 250000

ونقول عدد واحد عربية للمدام 150000

طيب وايه فايدة الواحد عربية لسعادتك

كفاية واحد عربية للمدام :unsure:

يا سلام

يعني ابقى مليونير وفي نفس الوقت بأقضيها ميكروباصات اول فيصل ؟

[حشيش]

ياخوانا إنتم عقدتم أهلى بصراحة :blink: ... كفاية كده mfb: ... وياريت إدارة المنتدى تحذف الموضوع كمان :wub: ... مين قال 600000 :unsure:

[se_ Elsyed]

ياخوانا إنتم عقدتم أهلى بصراحة :blink: ... كفاية كده mfb: ... وياريت إدارة المنتدى تحذف الموضوع كمان :wub: ... مين قال 600000 :unsure:

600 الف ؟!!!!

يبقى انت زبوني النهاردة يا استاذ

امشي يابني روح هات لك بهم شوكولاته

او اتنين كيلو كبد وقوانص من بتاع البط اللي فلانه كلمتنا عنه

او حته جاتوه من بعض محلات الحلويات في مصر اللي بقت تتباع الحته الواحده باكتر من 100 ج

( فاكر يا حشيش الدستة ام 15 جنيه اللي كنت بتاخدها في كل مره رايح تخطب فيها "

قال 600 الف قال

ده انت كده ولا واحد عايش في الدويقة يابني

[shawshank]

هشام

انت عايش في مصر ؟ ...

انت بتتكلم عن انسان يمكن يكون اعلى من المتوسط بشوية ...

كنت هقوله والله انت بتتكلم عن واحد مستور ، أو أعلى من المستور بشوية .

[shawshank]

أنا رأيي إن الشغل مبيعملش فلوس ولا هو الطريق للغنى . الشغل ممكن يكون طريق للستر ، لكن الغنى لأ .

العادي إن التجارة والـ business هم الطريق للفلوس .

في مصر ، أنا مش شايف أي طريق حلال للغنى :unsure: سواء شغل أو business .

[حشيش]

حتى لو كان عندى شقة كبيرة إستنفذت جزء كبير من مدخراتى ومعايا 600000 عداً ونقداً برده حفضل غير مُصنف !!! :unsure:

عقلى الباطن: حاسس إن سى السيد بيكسر مقاديفى وهوه فنلته مقطعة وجزمته مخرومة :blink:

[هشام عباس]

انا فعلا مش عايش في مصر انا بقالي عنا في عمان اكتر من عشر سنين

وبعدين كلامكم صح

دانا لما بنزل اجازه مصر بصرف في الشهرين مش اقل من 17 او 18 الف

وده وانا عايش في الأجازه عند امي وحماتي يعني المبلغ ده من غير اكل وشرب ونوم :unsure:

معلش معلش

يظهر اني لسه بتكلم عن الجنيه الجبس

[سهران]

على الجانب الآخر يا أخواننا ................................. احنا متغربين السنين دي كلها علشان نقدر نعيش فقط لا غير و نغطي احتياجاتنا الأساسية ... أكل و شرب و تعليم ...... طب ما أهالينا كانوا موظفين و برضه أكلونا و شربونا و علمونا ............. التعليقات كلها رغم أنها معروفة سلفا ألا أنها صادمة جدا جدا .............

هو الواحد ( في المتوسط يعني ) المفروض يحوش كام سنويا ..... و اللا ننزل ما هي كدة محصلة بعضيها ....خليك في الكصص يا عم حشيش .... قلبت علينا المواجع

[kokomen]

أهم حاجة يبقى معاك فلوس تكفيك تشتري خبز لمدة 10 سنوات

حتى لا يصاب الإنسان بالجوع والقحط wst::

[badroora]

الأخوة والأخوات الأعزاء

حدخل فى الموضوع على طول علشان أقطع عرق وأسيح دمه ... كم يلزم أن يكون معك من المال فى مصر الأن حتى تصنف من الأغنياء فى أيامنا هذه وبالأسعار الحالية ؟ ... يعنى علشان تنزل مصر بعد سنوات طويلة من الغربة يلزم يكون معاك كام جنيه مصرى بصرف النظر عن الإعتبارات الإجتماعية والسياسية والمرورية والتعليمية ووووووووو فى مصر ؟ ... عايز أرقام محددة من فضلكم

:)

نقول مثلا بعد منبقض الجمعية ...

ونبيع السارة

ونبيع شوية الحُلى والالماظات wst::

والزملاء يلموا مبلغ كدا على اساس هدية نهاية الخدمة

على مكافة نهاية الخدمة

على مرتب شهرين

يبقي عند النزول نهائي

يبقي معانا بتاع 3000 جنيه

يعنى بتاع 4000 او 5000 تلاف بالكتير wst::

وتبقي ملك زمانك فى مصر :ninja:

نتكلم جد بقي :happy:

الغنى على حسب المنطئة اللى هتطقن فيها

ومقارنه بالمستويات اللى فى المنطئة تقدر تنصنف على قد اللى معاك هتبقي من انهى طبئة

على الرغم ان فى زمنا دا الغنى بقي فيه الاغنى منه

واللى يملك قوت يومه ويوم عياله ويقدر يؤمن لهم المسكن والمأكل والعلاج ....... يبقي غنى انت بس رسينى ع الفولة

وقولى معاك كام وهتسكن فين وانا اصنفك على حسب المنطئه :blink:

ملحوظة هامة: برجاء عدم كتابة ردود مثل (الغنى غنى النفس) و (يابخت من بات جعان ولا بات شبعان) و (يقينى بالله يقينى) لأنها معلومة بالضرورة وشكراً

الغنى الحقيقي هو القناااااااااااااعة باللى بيقسمه الله من اقوال المرحومة خالتى :lol: