احترس من النشالين

[galaxy]

في اي فيلم فيه مشهد لمولد مثلا .........لازم تلاقي اللي بيجري ويقول احترس من النشالين . :lol: ............من النشالين احترس......اللي بيكون هو هو في نفس ذات الوقت النشال بذات نفسه............ :cry:

تعريف النشال بقي....هو الشخص اللي بيمد ايده في جيبك وياخد اي شيئ يخصك من غير ما تحس........... :cry:

في افلام الابيض واسود دايما كان يسرق موظف غلبان......يسرق الماهيه .......والموظف يصرخ ع المرتب اللي ضاع ومعاه كل امله وامل عيلته في تكمله باقي الشهر ..دا ان كمل يعني ......بصورة تحفظ الوجه.... :cry: ......دا زمان يعني........كانت احلامه في الكام جنيه بس اللي في المحفظه اللي اتنشلت.

لو سلمنا ان المولد دا هو الدنيا اللي احنا عايشين فيها..................هنلاقي انماط كتير من النشالين...........بس دلوقتي بقي محدش بيحذر ولا يقول احترس من النشالين...........عشان اللي بيتسرق دلوقتي اكبر من محفظه فيها كام جنيه.............. :sad:

دلوقتي بقي النشال دا بيسرق حلمك وسعادتك.....يسرق حاجه حاسسها هتسعدك وتفرحك..........يسرق بالاصح فرحتك.

الاصعب بقي انك تقابل اللي بيسرق حلمك ........قبل ما تحققه بمجرد بس ما تصرح بيه ............وممكن بعد كمان ما تحققه .....مفيش مشكله....يعني يسرق تعبك ومجهودك......فكرتك........عيني عينك كدا...... :cry1:

ممكن النشال دا ميكونش شخص بعينه.......ممكن يكون غربتك.......ممكن تسرق حلم او حتي عمر بحاله.........اعرف ناس الغربه سرقت حلمهم.......واستقرارهم وعمرهم.........لا عرفوا يعيشوا في الغربه ولا استمتعوا بنتيجه غربيتهم في بلدهم........بس فضلوا برضه في المولد.

عارفين بقي الاصعب ايه........انك تبقي عارف اللي نشلك وما تقدرش ترجع اللي اخده منك..........عشان الامور تمشي ....او عشان تعيش ........او يكون اللي سرق منك ونشلك هو الوقت......ساعتها هتاخد حقك ازاي بقي ؟؟؟؟؟؟؟؟؟

فكرت اذا كنت اتنشلت ولا لأ.......... عرفت مين نشلك لو كنت اتنشلت يعني ؟؟؟؟؟؟؟؟؟

ولا انت حذر اوي ولسه ما اتنشلتش..؟؟؟؟؟....الموضوع مش محتاج حذر عشان اصلا انت ممكن تتنشل او تتسرق وانت مش واخد بالك........مهما قالولك.......................................احترس من النشالين..........من النشالين احترس wst::

تم تعديل 26 أبريل 2008 بواسطة galaxy

[badroora]

يسلام عليكي يا شيكولا .الواحد كدا يبقي صاحى من النوم وداخل عليه دور غم كدا بدون سبب ويلاقي موضوع زى دا يقلب

عليه المواجع :closedeyes: .....تسلمى يا الغالية :lol:

خالى بالك لما بكون داخل على دور اكتئاب باتقمس دور العقلاء والفلاسفة .....فاستحملينيى شوية .......اختك بردوا :wub:

النشالين ........

كتير اوى ........

الموت ........ اخد منى جدى حبيبي اللى كان ابويا وصديقي وباتكلم معاه وبحكيله ومخفش ولا انكسفش منه ...اتسرق منى

وانا بعيدة ,اخر مرة كنت باودعه وعدنى اننا هنتقابل تانى عشان لسه في بينا كلام مانتهاش .......اتسرق بدون سابق انذار .

الظروف .........سرقت منى احلامى وطموحاتى.

الزمن ..........سرق منى اصحابي وسابني وحيدة عايشه ع الذكرى .

الغربة .........سرقت منى الاهل والاصحاب وراحة البال .

الطمع ........فرق بينى وبين ناس كنت باحبهم .

المصلحة .........سرقة منى ناس كنت متونسه بيهم كاصحاب

الطموح ...............سرقنى من نفسي

المحاورات .........سرقتنى من مذاكرتى

موضوعك يا شيكولا ........سرقنى من موعد الغدا :sad: :wub: .

تم تعديل 25 أبريل 2008 بواسطة Badria Mekkawy

[galaxy]

يا خبر يابدور..............انا جايه ازعلك بقي ولا ايه...........؟؟؟؟؟ :wub:

الاول بالهنا والشفا............. :wub:

كل الحاجات الجميله اللي في حياتنا بجد في اللي بيسرقها ......لكن الموت دا حق علينا كلنا ...............الفراق هو اللي صعب.

المشكله في الطمع والمصلحه زي ما قلتي واللي بيخسرك ناس كنتي بتعتبريهم اعز الناس...ساعتها الجرح بيكون صعب بجد....... :sad:

الغربه كمان بتسرق عشان مفيش اسرع من الايام...........عشان كدا الغربه بتسرق كتير ولا بنحس... :closedeyes:

بالنسبه للمذكرات بقي ......................دي لازم تكمليها عشان هنستناها :lol:.............تحياتي

تم تعديل 25 أبريل 2008 بواسطة galaxy

[امانى]

اهلا جلاكسى واهلا بمواضيعك التى تثير احساسنا ونلاقى نفسنا جايين جرى نفضفض

النشالين كتير اوى فيهم من ينشلنا بمزاجنا وفيهم من ينشلنا دون علمنا

ابدا باول النشالين وهو الزمن الزمن سرق منى عمرى مر سريعا دون ان ادرى وكم كانت لى طموحات لم استطع تنفيذها

المرض سرق منى فرحتى وسعادتى

الغدر افقدنى اعز صديقاتى او من افتكرتها اعز صديقاتى

الطمع عند البعض خلانا نخسر ناس كتير

الكدب والنفاق اكبر نشالين لاحلامنا

الظروف نشلت منى شغلى

اسرتى نشلت كل اهتمامى حتى نسيت نفسى

الغربه داخل الوطن سارقه مننا الامان والخوف من بكرة

موضوعك جميل جلاكسى زيك وفى انتظار مواضيع اخرى جميلة :) :lol:

امانى

[galaxy]

اهلا جلاكسى واهلا بمواضيعك التى تثير احساسنا ونلاقى نفسنا جايين جرى نفضفض

النشالين كتير اوى فيهم من ينشلنا بمزاجنا وفيهم من ينشلنا دون علمنا

ابدا باول النشالين وهو الزمن الزمن سرق منى عمرى مر سريعا دون ان ادرى وكم كانت لى طموحات لم استطع تنفيذها

المرض سرق منى فرحتى وسعادتى

الغدر افقدنى اعز صديقاتى او من افتكرتها اعز صديقاتى

الطمع عند البعض خلانا نخسر ناس كتير

الكدب والنفاق اكبر نشالين لاحلامنا

الظروف نشلت منى شغلى

اسرتى نشلت كل اهتمامى حتى نسيت نفسى

الغربه داخل الوطن سارقه مننا الامان والخوف من بكرة

موضوعك جميل جلاكسى زيك وفى انتظار مواضيع اخرى جميلة :lol: :) :blink:

امانى

يااااااااه يا اماني :wub: ................كلامك في الصميم بجد.

العمر او الزمن من اسوأ وامهر النشالين...................بيسرقنا بجد من غير ما ناخد بالنا.................ومع ذلك بمزاجنا..............كلنا عارفين انه بيسرقنا وبرضه بنسكت ونسيبه يسرقنا................المشكله بقي يا اماني انه بيسرق احلي حاجه فينا ........الحلم............ولا بيخلي لنا الا التحسر علي الحلم........ mfb:

الغدر دا بقي لو كانت صديقتك غدرت بيكي يبقي الغدر خدمك والله انه بين لك حقيقتها...........حتي لو كان الدرس صعب...........بس برضه بنتعلم ............ومحدش بيتعلم ببلاش للاسف.............وبرضه محدش بياخد برأي حد الا لما يجرب بنفسه.

الظروف دي بقي اسوأ شيئ لان ساعات بجد دائرة الحياه بتخلي لا حيله لنا في هذه الظروف. :closedeyes:

المرض يا اماني قضاء من الله واختبار .............علي قد ما بيكون صعب ...........علي قد ما بيكون مجزي في جزاءة عند ربنا........وساعتها يلزمنا فقط الايمان والصبر والاحتساب.

بس بجد يا اماني انا بحس انك شخصيه قويه وكتير متصالحه مع نفسك كمان. smk:

...........او بتقدري تروضيها ودي بجد ميزة كبيرة مش اي حد بيقدر يعملها..........ودا ادعي انك تكوني قويه ودا اللي انا بحسه من كلامك بجد وردك بالقوة والوضوح دا................تحياتي لمشاركتك...........ولقوة شخصك.........وبرضه احترسي من النشالين. :beee:

[nash]

الغربه اكبر لص نشال محترف.....

سرقت مني فرحتي بأبناء اخواتي...فجأة كبروا...واولادي كبروا ايضا.....لم يستمتعون مع بعض....ولم استمتع بهم....

سرقت مني فرحه العيد وتكبيراته ورمضان ولمته ومناسبات أعياد الميلاد وهداياها والعيديه و......و......في وسط الاهل والحبايب

حاجات كثيرة صغيرة في نظر البعض..لكن بالنسبه لي كبيرة جدا.....الأخ والاخت مفهومهم كبير جدا بالنسبه لي..وقيمه كبيرة بحياتي.....تربينا علي ذلك...مثل الكثيرين غيري...

الغدر ...وغيرها من الصفات الدنيئه....تخيلوا لم تؤثر في؟؟...والله العظيم لا اكذب فقط دقائق من الالم والحزن...يعقبها ركعتين لله ....وإحتساب الاجر ...والرمي خلف ظهري....ومعانقه القادم من الايام الحلوة....لكن ببساطه لا اترك حقي يضيع ابدا.....

يعطيكي العافيه يا شوكولا.... :closedeyes:

تم تعديل 27 أبريل 2008 بواسطة nash

[galaxy]

الغربه اكبر لص نشال محترف.....

سرقت مني فرحتي بأبناء اخواتي...فجأة كبروا...واولادي كبروا ايضا.....لم يستمتعون مع بعض....ولم استمتع بهم....

سرقت مني فرحه العيد وتكبيراته ورمضان ولمته ومناسبات أعياد الميلاد وهداياها والعيديه و......و......في وسط الاهل والحبايب

حاجات كثيرة صغيرة في نظر البعض..لكن بالنسبه لي كبيرة جدا.....الأخ والاخت مفهومهم كبير جدا بالنسبه لي..وقيمه كبيرة بحياتي.....تربينا علي ذلك...مثل الكثيرين غيري...

الغدر ...وغيرها من الصفات الدنيئه....تخيلوا لم تؤثر في؟؟...والله العظيم لا اكذب فقط دقائق من الالم والحزن...يعقبها ركعتين لله ....وإحتساب الاجر ...والرمي خلف ظهري....ومعانقه القادم من الايام الحلوة....لكن ببساطه لا اترك حقي يضيع ابدا.....

يعطيكي العافيه يا شوكولا....

الغربه..... :lol: ... وما ادراك ما الغربه..........وخصوصا لما تستمر سنين وتبعدك عن كل ما اعتدته في حياتك .......بجد كل الحاجات اللي قولتيها دي ليها طعم بس في بلدنا............وصعب تحسي بنفس المشاعر في اي مكان بره............ودا مش كلامي ولا كلامك لوحدك.............بس كل من سافر بره افتقد الجو الاسري والاحتفال الفطري باعيادنا ومناسباتنا وخصوصا الدينيه.......... :) ........رمضان والفوانيس ..........التعاليق والزينه........صلاة العيد واللمه وخصوصا اول يوم...................ليه بس بتفكريني يا نيشو :sad: .

احيي فيك كمان قوة شخصيك اللي فعلا مش بيأثر فيها الغدر ولا الخيانه وبتقدر تتماسك علي طول.........مش كل الناس بتقدر فعلا.....ناس كتير بتتكسر ..........وساعات مش بتقدر تقوم والتجربه بتأثر عليها طول حياتها..... لكن احتساب كل ذلك علي الله وحده .هو اللي بيقوي بالفعل و يخلينا نقدر نتحمل.............

النشالين كتروا اوي ........وبقوا بيسرقونا بمزاجنا .............. :blink:

وللاسف مش بنقدر نعمل لهم حاجه لاننا برضه وللاسف راضيين عشان نعيش ونكمل والامور تمشي.......بس علي قد ما نقدر نحاول نحذر و............... ونحترس من النشالين :unsure:

[Einstein]

اختي العزيزة جالاكسي :closedeyes:

موضوع جميل جدا و رائع

افتكرت موضوعك لما سالني احد الاصدقاء : انت عامل ايه في تخطيطك لحياة الاسرية في كندا

ساعتها خدت نفس عميق ( نفس هوا طبعا مش حاجة تانية :blush2: )

وبعين طلعت زفير قصير ( تنهيدة حارة )

وقلت للاسف ان طموحي سرق مني استقراري و حياتي الاسرية

مش عارف ده كان صح ولا غلط

يعني في ناس قالت ان بناء المستقبل ممكن يمشي مع الجواز و الاستقرار

وفي ناس تانية ( وانا كنت منهم ) قالو انك تتجوز مستريح تعيش مستريح و تموت مستريح

علشان كده اخدتني الغربة الاولي ( الخليج )و قولت بكون نفسي

وبعيدن خدتني الغربة التانية ( كندا ) و بقول لنفسي لسه هبدا هناك من الاول

وما ينفعشي ارتبط بوحدة تتبهدل معايا هناك

الخلاصة ان طموحي و شغلي سرقوا مني استقراري و حياتي

( تنهيدة حارة تاني )

يا رب نلحق نعوض اللي فات

تم تعديل 20 مايو 2008 بواسطة Einstein

[galaxy]

الاخ الفاضل اينشتاين.................. :angry:

قد يري فعلا البعض ان في طريق تكوين مستقبله..رؤيا جاده....كل شيئ ممكن ان يسير بمنظومه متوازيه ...الطموح العلمي والاستقرار الاسري...ودفاعهم في ذلك هو ان الصعوبات من الممكن ان تهون بوجود استقرار اسري وعامل تحفيز ودعم الطرف الاخر ومساعدته .

ورأي الجانب الذي تنتمي اليه رؤيا اخري جاده ايضا...........من دأب ومثابرة للوصول لما يصبوا اليه من طموحات.......وتاجيل الاستقرار الاسري فترة..........ودفاعهم ايضا اعتقد يندرج تحت بند الحياه الصعبه اللي بنعيشها وظروف المعيشه وغيرها.

كلا الامرين يتساوي .....الاهم اقتناعك بان ما كان هو الخير ولو كان هناك ماهو اكثر فائده او خيرا لكتبه الله لك...........ولو عاد بك الزمان فلن يحدث سوي ما حدث..........فهي اقدار مقدرة .

اما الان فالوقت والتجربه تؤهلك لاتخاذ القرار الصحيح في شتي اتجاهات حياتك...........اما ما فات فلو كان هناك ماهو خير منه لجاء من عند الله........ولم تخسر شيئا ولم يضيع منك شيئا بعد.....اترك ما فات للماضي........وخطط بعدتوفيق الله طبعا....فيما هو ات.........ادعو الله ان يرزقك ما تصبو اليه من طموحات.............تحياتي لمشاركتك الكريمه ty:)

[مصري جدا]

الأخت جالاكسي

اليوم دخلت علي الموضوع ..وخلاني أفكر في حاجات كتيره

حسيت أن أهتمامي بتكوين أسره سرق مني تحقيق أي طموح شخصي

كمان الغربه سرقت مني كتير ...أصدقاء وأهل ووطن.وعمر...بس هي اللي سرقت ولا أنا اللي ضيعت مش عارف

المهم نحافظ علي اللي معانا علشان محدش يسرقنا تاني

**

أيام الغربة تقيله يادوب بتمر

نحايلها لجل تعدي ..يوم حلو ويوم مر

وتعدي…..ونشوفها علينا بتضحك

……. ماهي سرقت منا العمر…

وعجبي

[فتافيت]

:angry: ty:) clp:: الاخت العزيزة جالاكسي اعجبني جدا جدا موضوعك وفعلا معاكي حق النشالين كتير واولهم الغربة فهي سرقت مني شغلي ووظيفتي اللتي لم اتمكن نم استلامها سرقت مني احلامي بان اكون معيدة ودكتورة في تخصصي وكمان كمات يالزمن سرق مني الاول ابني وبعدان والدي اللي ما لحقتوش قبل ما يموت فعلا اتنشلنا كتير ومن الاهل اللي حسدونا علي الغربة وهما احسن مننا في الوطن واتنشلنا من الاصحاب اللي بعدوا بحكم الزمن وعجبني جدا جدا كلام الاخ مصري جدا فعلا عجبببببببببببببببببببببببببببببببببببي علي الزمن وعلي الدنيا وربنا يرحمنا من النشالين وناش كمان ابعت لها احلي تحية clp::

[فتافيت]

نست اقول لبدرية مودك مش عاجبني مالك وبسال سوال للي عارفين الاجابة ازاي احط صورة واعمل ها متحركة زيكوا كدة معلش اصلي لسة بتعلم ty:) :angry:

[nash]

منورانا يا فتافيت..تسلمي علي تحيتك يارب...

واضح أنك كمان مغتربه....وبالتالي أحاسيسنا أيضا مشتركه

................................................................................

............

طيب أحيانا أتسائل..لو أننا في الوطن ونعيش بين الأهل...ياتري من سيكون النشال هنا؟؟

هل هو الموت الذي سيكون مصير كل واحد فينا في النهايه؟؟ أم التقلبات السريعه والعنيفه التي تشهدها مصر حاليا والتي اصابت الكثيرين بالتغيير السلبي أم غيرها من المنغصات التي لم نعتركها نتيجه الغربه؟؟

حينما كنت أجلس مع شقيقاتي وفي عز الفرح والضحك والقفشات الجميله ...( طبعا كمغتربه نكديه ) اسأل سؤال خاطف..ياتري من منا ستكون الاولي في مقابله وجه رب كريم...

فيرنوا الصمت فورا ويتغير المود ونبدأ بتوصيه احدانا علي الأخري بأبناءنا ...

لذلك كل يري النشال من واقع تجربته في الحياة.....وأكاد أجزم أن الغربه اصعب تجربه...والاقسي عندما تكون غربه وسط الاهل والاصحاب في الوطن..

................................................................................

.........................

أخي العزيز مصري جدا...

المهم نحافظ علي اللي معانا علشان محدش يسرقنا تاني

هذا هو الكلام الصح.....وربنا يقدرنا ويعطينا القوة لمواجهه اي نشال أو لص اخر....

تسلمي يا شوكولا مرة ثانيه علي موضوعك الجميل.....وربي يحفظك من اي نشال او لص....

ويسعد عمرك كله

[Einstein]

الاخ الفاضل اينشتاين..................

قد يري فعلا البعض ان في طريق تكوين مستقبله..رؤيا جاده....كل شيئ ممكن ان يسير بمنظومه متوازيه ...الطموح العلمي والاستقرار الاسري...ودفاعهم في ذلك هو ان الصعوبات من الممكن ان تهون بوجود استقرار اسري وعامل تحفيز ودعم الطرف الاخر ومساعدته .

ورأي الجانب الذي تنتمي اليه رؤيا اخري جاده ايضا...........من دأب ومثابرة للوصول لما يصبوا اليه من طموحات.......وتاجيل الاستقرار الاسري فترة..........ودفاعهم ايضا اعتقد يندرج تحت بند الحياه الصعبه اللي بنعيشها وظروف المعيشه وغيرها.

كلا الامرين يتساوي .....الاهم اقتناعك بان ما كان هو الخير ولو كان هناك ماهو اكثر فائده او خيرا لكتبه الله لك...........ولو عاد بك الزمان فلن يحدث سوي ما حدث..........فهي اقدار مقدرة .

اما الان فالوقت والتجربه تؤهلك لاتخاذ القرار الصحيح في شتي اتجاهات حياتك...........اما ما فات فلو كان هناك ماهو خير منه لجاء من عند الله........ولم تخسر شيئا ولم يضيع منك شيئا بعد.....اترك ما فات للماضي........وخطط بعدتوفيق الله طبعا....فيما هو ات.........ادعو الله ان يرزقك ما تصبو اليه من طموحات.............تحياتي لمشاركتك الكريمه

الاخت العزيزة جالاكسي

في البداية اوضح ان الحمد لله انا مقتنع تماما ان كل اللي حصلي كان افضل خيار ليه لاه خلاص انتهي و بقي ماضي ومن الحماقة البكاء علي اللبن المسكوب

ولكن النظرة ايضا لأخطاء الماضي تعيننا علي تلافي وقوع هذه الاخطاء في الحاضر و المستقبل

فانا مثلا اهون علي ان اتاخر في تكوين الاسرة الف مرة علي ان ابدأ في تجربة فاشلة

ولقد شاركت هنا كي احذر مما وقعت فيه ممكن ده يكون سبب في ان واحد يعيد التفكير في الموضوع ده

واخر مرة كنت بكلم واحد زميل لسه متخرج وعاوز يمشي في موضوع الهجرة قلت له اوعي تنسي نفسك و ما ترتبطشي قبل ما تسافر

وكل ما اتمناه الا اكرر الخطأ مرة اخري ، لان غربتي الثانية علي الابواب وجايز تسرق مني سنة ولا سنتين كمان

والله المستعان

[badroora]

نست اقول لبدرية مودك مش عاجبني مالك وبسال سوال للي عارفين الاجابة ازاي احط صورة واعمل ها متحركة زيكوا كدة معلش اصلي لسة بتعلم wst:: :sad:

العزيزة الغالية فتوفوتة ..........انا كويسة اطمئنى ومودى عال العال الحمدلله النهاردة وقت ما كتبت المشاركة بتاعتى بس كنت منفسنه شوية

وانتى بقي عارفه لما الواحد يكون منفسن اه صحيح منفسن يعنى مأير او مضايق :wub: تلاقي موده ينعكس على كتاباته لكن انا الحمدلله معظم وقتى سعيدة

ومبسوطة .........شكرا على سؤال يا قومر

بخصوص الصورة

شوفى يا ست الكل

هتلاقي فوق لما تدخلى لوحة التحكم ...........وبعدين هتفتح ..........اختارى تعديل الصورة الرمزية ...........هتفتح

وبعدي هتلاقي browse . لو عندك صورة على الكمبيوتر وعارفه مكانها حدديه واختاريها وبعدين اوبن وبعدين اضغطى على تحديث

لو صورة عجبتك من ع النت افتح الصورة و كليك يمين واختارى properties او الاعدات وبعدين اختار عنوان الصورة اللى بيدا http:ww

وينتهى jpg وبعدين دقى على تحديث وابقي طمنيني

اى خدمة يا قومر .............

[galaxy]

أيام الغربة تقيله يادوب بتمر

نحايلها لجل تعدي ..يوم حلو ويوم مر

وتعدي…..ونشوفها علينا بتضحك

……. ماهي سرقت منا العمر…

وعجبي

الاخ الفاضل.........مصري جدا :blush2:

اسوأ نشال ممكن يسرق منك كل شيئ للاسف هو الغربه................لانه بيعتمد علي سرقه الوقت ..........وهو مالا يمكن استعادته او تعويضه.

جميله جدا الابيات ...............تحياتي لاختيارك و مشاركتك الجميله.............وحفظك من النشالين :blush2: :blink:

[galaxy]

:blush2: :sofa: :lol: الاخت العزيزة جالاكسي اعجبني جدا جدا موضوعك وفعلا معاكي حق النشالين كتير واولهم الغربة فهي سرقت مني شغلي ووظيفتي اللتي لم اتمكن نم استلامها سرقت مني احلامي بان اكون معيدة ودكتورة في تخصصي وكمان كمات يالزمن سرق مني الاول ابني وبعدان والدي اللي ما لحقتوش قبل ما يموت فعلا اتنشلنا كتير ومن الاهل اللي حسدونا علي الغربة وهما احسن مننا في الوطن واتنشلنا من الاصحاب اللي بعدوا بحكم الزمن وعجبني جدا جدا كلام الاخ مصري جدا فعلا عجبببببببببببببببببببببببببببببببببببي علي الزمن وعلي الدنيا وربنا يرحمنا من النشالين وناش كمان ابعت لها احلي تحية :wub:

اهلا ياختي العزيزة فتافيت ...........منوراني بجد....... :blush2: :blink:

الغربه اولا وثانيا وثالثا و....................هي بتسرق الزمن والزمن اسوأ انواع النشالين قاطبة.

عزائي لك اولا............واحترامي لمشاركتك الكريمه الرائعه............تحياتي :sofa: :blink: