منحة للدراسات العليا في معهد "مصدر" في أبي ظبي

[shawshank]

أنشئ معهد مصدر (MASDAR) في أبي ظبي في إبريل 2006 بالتعاون مع MIT .

المعهد لدراسة العلوم والهندسة ، وأتصور أنه يركز على الطاقة البديلة والمتجددة .

المعهد عامل منحة للمتميزين لدراسة الماجستير (والدكتوراه على سنة 2011) شاملة كل حاجة : مصاريف الدراسة ، سكن ، مرتب شهري ، بدل كتب ، بدل كمبيوتر محمول ، مصاريف السفر ، مصاريف امتحان TOEFL و GRE .

الموقع هنــــــا

[مغتربة]

جزاك الله خيرا و لو عندك اخبار عن منح اخرى لمجالات اخرى ارجو منك تزويدنا بها

[mohamed gouda]

لو عندك منح بعد الدكتوراه ياريت تذودنا بها و لك جذيل الشكر

د. محمد جوده

[أحمد سيف]

أنا قدمت على المنحة أمس، ربنا يسهل وتطلعلي رغم إني متوقع المنافسة تكون قوية لإنهم هاياخذوا 100 طالب بس في أول سنة

[أحمد سيف]

الحمد لله وصلني خطاب القبول و المنحة اليوم وكمان فوقهم عرض للعمل كمساعد بحث لمدة 9 شهور قبل بدء الدراسة

الحقيقة ناس محترمين بجد :sad:

[حسام يوسف]

الف الف مبروك أخى العزيز

ربنايكرمك دايما

والى الامام

تحياتى من مصر

[أحمد سيف]

شكرا على التهنئة الرقيقة يا دكتور حسام :sad:

وربنا يوفق الجميع ويحقق كل واحد مراده

[msrawya]

ممكن تقلولى اخر ميعاد للتقديم امتى .. يا ريت ضرورى

[أحمد سيف]

التقديم مفتوح طوال العام Rolling

ممكن تدخل على موقع المعهد وهاتلاقي كل المعلومات هناك

www.masdar.ac.ae

[kind man]

السلام عليكم و رحمة الله و بركاته

ممكن لو حد يعرف الدراسة و الشغل فى المعهد بتكون

Full time or part time

و لو حد عنده فكره عن قيمة المرتب ؟

[أحمد سيف]

شوف يا سيدي ... في عندك خيارين

إما إنك تقدم كطالب دراسات عليا وبس، وفي الحالة دي هاتيجي أبوظبي في يوليو 2009

هايدولك سكن وتذكرة سفر وبدل معيشة وشوية بدلات أخرى للكتب واللاب توب وخلافه

والدراسة فل تايم لمدة سنتين (بما إنهم هايدوك منحه فهما مفترضين إنك مش هاتكون محتاج تشتغل في مكان ثاني)

الخيار الثاني تعمل زي حالاتي وتقدم على مساعد بحث، وفي هذه الحالة لازم تبدأ معاهم من أكتوبر 2008، وطبعا الوظيفة هاتكون فل تايم أيضا

هاتاخذ برده جميع مميزات الطالب لكن المرتب بيكون أعلى شوية، والوظيفة هاتكون لمدة 9 شهور فقط وبعد كدا هاترجع طالب عادي في يوليو 2009

بخصوص المرتب ممكن تتصل بيهم على الإيميل المذكور في الموقع، على واحد إسمه Stephen Lee ، وهو شخص محترم ومتعاون جدا

أنا عرفت المرتب كام وهو حاجة معقولة جدا (يعني تكفيك تعيش مستريح و ممكن تحوش كمان)، لكن الجماعة طلبوا إن تفاصيل العرض المقدم تفضل سرية وأي معلومات لأطراف أخرى تكون عن طريقهم

علشان تزيد فرصتك في القبول لازم تكون عامل TOEFL و GRE وجايب فيهم سكور كويس أوي، وتكتب Statement of Objectives محترمة، ويكون تقديرك عالي في البكالوريوس

وتمنياتي لك بالتوفيق

[msrawya]

طيب معلش انا هتقل عليك هو لازم ال TOEFL و ال GRE

لان معظم المؤسسات بعد ما بتقبلك بتخليك تاخد ال TOEFL وال GRE براحتك

كمان لية سؤال هو البرنامج هو الماستر دة بيبقى معترف بية دوليا .. اقصد فى الدول الاجنبية ؟

[أحمد سيف]

الأخ الكريم،

السؤال ده موجود ومتجاوب عليه على السايت بتاعهم.

أنا قلت " علشان تزيد فرصتك في القبول " وما كنتش باتكلم على الحد الأدنى لمتطلبات القبول.

مافيش حاجه اسمها اعتراف دولي بمؤهل، ومعظم الدول الأجنبية ماعندهاش جهة موحدة بتقيم شهادات الجامعات وبتقول ده ينفع وده ماينفعش. في أمريكا أكثر من 3000 جامعة، بعضهم مستواه عالي جدا وبعضهم مستواه زي الثانوية العامة المصرية، وفيه جامعات في أمريكا ما بتعترفش بمؤهلات جامعات أمريكية زيها.

هناك هيئات مستقلة بتعمل حاجة اسمها اعتماد أكاديمي ... يعني بتقول إن المواد اللي بتدرسها في برنامج معين بتغطي مجموعة من المعارف والكفايات التعليمية المحددة عندهم، وعادة ده بيكون لبرامج البكالوريوس والدبلوم. وهي بالمناسبة لا تضمن لك أن يتم الاعتراف بشهادتك في سوق العمل أو لدى الجامعات المحترمة (وهو ده المهم في الآخر)

أما الماجستير والدكتوراه فمعيار التقييم فيهم هي جودة الرسالة والأبحاث، وسمعة الدكاترة اللي بيشرفوا عليك، ومعظم الدكاترة في المعهد إما متخرجين أو بيعملوا أبحاث مشتركة مع دكاترة من الـ MIT (ودي من أحسن جامعات أمريكا والعالم)، وفي النهاية الموضوع بيتوقف على مجهودك وحماسك ونوعية الأبحاث اللي هاتنشرها

أنا كنت باشتغل معيد في الجامعة، وكنت باشوف ناس بتخلص ماجستير و بعديها بشهرين بتطلع على أحسن جامعات في العالم ، وناس ثانية بتقعد 3-4 سنين بعد الماجستير على ما يجيلهم عرض لدراسة الدكتوراه من جامعة درجة ثالثة، والجميع متخرج من قسم واحد.

نصيحتي إذا كنت جاد في موضوع الدراسة بالمعهد قدم طلب للاتحاق، الموضوع مش هايكلفك حاجة ومش هاياخذ منك ساعة زمن، ولما يجيلك عرض منهم إبقى فكر في الموضوع براحتك واطرح كل الأسئلة اللى على بالك.

[Alrefaey]

الأخ الكريم،

السؤال ده موجود ومتجاوب عليه على السايت بتاعهم.

أنا قلت " علشان تزيد فرصتك في القبول " وما كنتش باتكلم على الحد الأدنى لمتطلبات القبول.

مافيش حاجه اسمها اعتراف دولي بمؤهل، ومعظم الدول الأجنبية ماعندهاش جهة موحدة بتقيم شهادات الجامعات وبتقول ده ينفع وده ماينفعش. في أمريكا أكثر من 3000 جامعة، بعضهم مستواه عالي جدا وبعضهم مستواه زي الثانوية العامة المصرية، وفيه جامعات في أمريكا ما بتعترفش بمؤهلات جامعات أمريكية زيها.

هناك هيئات مستقلة بتعمل حاجة اسمها اعتماد أكاديمي ... يعني بتقول إن المواد اللي بتدرسها في برنامج معين بتغطي مجموعة من المعارف والكفايات التعليمية المحددة عندهم، وعادة ده بيكون لبرامج البكالوريوس والدبلوم. وهي بالمناسبة لا تضمن لك أن يتم الاعتراف بشهادتك في سوق العمل أو لدى الجامعات المحترمة (وهو ده المهم في الآخر)

أما الماجستير والدكتوراه فمعيار التقييم فيهم هي جودة الرسالة والأبحاث، وسمعة الدكاترة اللي بيشرفوا عليك، ومعظم الدكاترة في المعهد إما متخرجين أو بيعملوا أبحاث مشتركة مع دكاترة من الـ MIT (ودي من أحسن جامعات أمريكا والعالم)، وفي النهاية الموضوع بيتوقف على مجهودك وحماسك ونوعية الأبحاث اللي هاتنشرها

أنا كنت باشتغل معيد في الجامعة، وكنت باشوف ناس بتخلص ماجستير و بعديها بشهرين بتطلع على أحسن جامعات في العالم ، وناس ثانية بتقعد 3-4 سنين بعد الماجستير على ما يجيلهم عرض لدراسة الدكتوراه من جامعة درجة ثالثة، والجميع متخرج من قسم واحد.

نصيحتي إذا كنت جاد في موضوع الدراسة بالمعهد قدم طلب للاتحاق، الموضوع مش هايكلفك حاجة ومش هاياخذ منك ساعة زمن، ولما يجيلك عرض منهم إبقى فكر في الموضوع براحتك واطرح كل الأسئلة اللى على بالك.

بشكرك اخى الكريم على تلك المعلومات القيمة التى بطرحك لها فى المنتدى بيعود النفع الى كل الاخوة المشتركين

ولى سؤال لحضرتك هل معهد مصدر بيشترط الحصول على بكالوريوس فى تخصص معين بمعنى تخصص صيدلة مثلا ينفع يقدم وعلوم كيمياء

مع خالص الشكر

[msrawya]

مشكور اخ ansaif على ردك و مساعدتك

وانا بفكر فعلا فى التقديم وهاخد بنصيحتك

انا عارفة انك زهقت منى لكن لية سؤال اخير

انا دلوقتى قدامى Application Form و Apply Online

املى الاون لاين ولا ال Application form لانها pdf ومش مسموح بالكتابة فيها

[أحمد سيف]

وانا بفكر فعلا فى التقديم وهاخد بنصيحتك

انا عارفة انك زهقت منى لكن لية سؤال اخير

لأ أنا تحت أمرك في أي سؤال

انا دلوقتى قدامى Application Form و Apply Online

املى الاون لاين ولا ال Application form لانها pdf ومش مسموح بالكتابة فيها

الأحسن تقدمي أون لاين... ده هايكون أسرع وأسهل

هل معهد مصدر بيشترط الحصول على بكالوريوس فى تخصص معين بمعنى تخصص صيدلة مثلا ينفع يقدم وعلوم كيمياء

هما حسب ما أنا فهمت مش محددين تخصصات معينة بس المنطقي إن التخصص اللي مقدم عليه يكون له علاقة بدراستك السابقة أو بخبرتك العملية أو باهتماماتك وطموحاتك المستقبلية علشان تعرف تمشي فيه ويقدروا هما كمان يستفيدوا من شغلك

أحسن طريقة علشان تعرف إجابة السؤال هيا إنك تتصل بيهم مباشرة على الإيميل الموجود في السايت ... أو تقدم على طول وتشوف النتيجة في خلال كام يوم

[msrawya]

شكرا اخ ansaif

ربنا يكرمك ويوفقك ويجازيك كل خير

[msrawya]

ممكن اخ ansaif تفهمنى الجزئية دى فى ال personal statement

the issues or problems you want to address during your studies at the Masdar Institute and the setting in which you eventually see yourself working professionally

هل مقصود بيها عنوان رسالة الماجستير او الموضوع اللى هناقشة فى رسالة الماجستير .. ولا مجرد الحاجات اللى انا عايزة ادرسها ومهتمة انى ادرسها .. يا ريت تقولى

لو المقصود بيها موضوع رسالة الماجستير .. معنى كدا انى لازم اكون محضرة موضوع ومفكرة فية وعاملة فية بحث ولا اية .. معلش فهمنى عشان فهمى على ادى

[أحمد سيف]

الـ Statement of Objective عادة تتضمن الآتي:

1- هدفك من استكمال دراستك العليا في هذا المجال ولماذا اخترت هذه الجامعة بالذات

2- وصف مختصر لدراستك وخبراتك السابقة سواء في الموضوع المراد دراسته أو في مجال الأبحاث، وكيف سيساعدك ذلك على التميز في مجال دراستك

3- أهدافك العامة في الحياة وطموحاتك المستقبلية (شايفه نفسك فين بعد استكمال دراستك)

4- وصف عام للمجال الذي ترغبين في دراسته وإجراء أبحاثك فيه (لا يلزم تحديد النقطة بالتفصيل ولكن الموضوع بصورة عامة ، على سبيل المثال استخدام خلايا الهيدروجين في محركات السيارات، تطوير أساليب العزل الحراري للوحدات السكنية ... الخ)

5- كيف تتوقعين أن تفيد أبحاثك الجامعة والشركة التي تمول دراستك (وهي هنا شركة مصدر) والمجتمع

6- ممكن لو في مجال تتكلمي شوية عن مهاراتك واهتماماتك في سطرين ثلاثة بالكثير

ال SoO بتكون عادة من صفحة لصفحتين بخط 12 وبمسافة مناسبة بين السطور (1.5-2) والأفضل تراجعيها أكثر من مرة قبل إرسالها للتأكد من خلوها من الأخطاء لإن دي أهم حاجة في متطلبات القبول وهي اللي بتفرق متقدم عن الثاني

[أحمد سيف]

يا جماعه أنا حاليا في معهد مصدر والفرصة دي ممتازه بجد ... بس للأسف مافيش غير 2 مصريين بين 24 طالب ماجستير والباقي شوام وآسيويين وأمريكان... مش عارف ايه السبب ... القبول أسهل ونسبة الطلاب للدكاترة أقل والفلوس أحسن من أي جامعة ثانية في أوروبا أو أمريكا ... معظم الدكاتره هنا من خريجي هارفارد وفرجينيا تك و MIT و جورج واشنطن ووترلوو والطلبة في منهم خريجين برينستون وكورنيل.

يا ريت اللي يعرف حد خريج هندسة أو علوم بتقدير عالي وعاوز يكمل دراسات عليا يقوله على الفرصه دي. المعهد وصلته آلاف الطلبات وهاياخذوا 100 طالب بس السنه الجايه، عايزين يكون من بينهم أكبر عدد من المصريين ... بجد حرام يبقى فيه قدام أي حد فرصه زي دي ويضيعها.