galaxy بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 (معدل) للاسف فعلاالصيادلة عزيز قوم ذل من كام يوم كنت بكلم واحدة زميلتي أخوها صيدلي الظاهر انى شيلتها الهم بعد المكالمة ولا ايه :sad: بس أنا مالي انا قلت اللي حاصل و اللي للاسف راسخ في عقول الناس مثلا مثلا معروف عند الشعب المصري_معظمه _ و للاسف اغلبية المعظم ده متعلمين و مثقفين وصف معين عن الصيادلة الا وهو _بياااع محترم_ مافيناش من زعل :blush2: و الظاهر كمان ان اللي بيعمله بعض الصيادلة في الصيدليات بيزود الفكرة عندهم بصراحة انا شفت بأم عيني صيدلي بكالوريوس صيدلة لابس شبشب باصبع ورايح جاي في الصيدلية بيه و ساعات يشمر رجل البنطلون لدرجة انى اندهشت و سالته حضرتك صيدلي ؟ بكالوريوس صيدلةيعني؟!! حاجة كمان للاسف الفرص في الشغل بقت غريبة قوي يعني مثال مندوبي الادوية med.rep. وده على الرغم من ان مكسبها حلو قوي _ماهو لازم يكون حلو مش بيطلع عين الصيدلي في اللف و المشاوير_ الا انه بيقسم لغير الصيدلي تلاقي كتير من الشركات تقبل على غير الصيادلة للمهنة ده من خريجي العلوم و الطب البيطري!!!! لان تكلفتهم هتكون اقل طبعا من الصيدلي الاصلي :D و بفرض انه الصيدلي اشتغل كمندوب لشكة ادوية اتفرج علىمعاملة الطبيب في العيادات او المستشفيات له _مش كل الدكاترة طبعا_ اللي بيتنكر منه او بيعمل مشغول او حتى ينهره وللاسف شفت موقف من طبيبة انها اتكلمت مع صيدلي بطريقة يعني فيها عجرفة و غطرسة في حين اني متعجبة على حال الزمن صيدلة واخدة مجموع اعلى بمراحل من طب !!! حاجة كمان وده بقى للاسف مش عارفة ايه سببها الا هي ايه؟ تلاقي الصيدلية بتبيع حاجات يصح ايوة نقول انها chemicals زي زيوت الشعر و الكريمات و مستحضرات التجميل مانيكير و روج و كحل وخلافه انا شايفة ان ده خلط و غلط يعني مستحضرات التجميل لها منافذ بيعها و الادوية لها منافذ بيعها مهما اتفقوا في ان اساسهم واحد كميا و تركيبات يعني مثلا _ومعلش في المقارنة طبعا لا أقصد منها التقليل من شأن الصيادلة خالص والهي_ هل يصح ان اللي بيبع العيش البلدي يبيع جاتوه لا يمكن طبعا على الرغم من ان الاتنين أساسهم دقيق بصراحة شديدة أنا ببقى مستغربة لما أروح اشتري دوا معين والاقي واحدة جنبي تسال انهي أحسن؟!! فيراند لافلي العادي ولا اللي بالاعشاب!!! اقول ايه ربنا يكون في عونكم و عون كل اللي في القطاع الطبي أنا قلت كام للاسف في البوست ده؟!! :D عزيزتي نونه...................تحياتي :D للاسف النظرة دي مسئول عنها الصيادله نفسهم.............لانهم هما اللي حصروا نفسهم في القالب دا بالفعل وبصوا للامور من الجانب التجاري فقط ...........واقول فقط ...........لان الجانب التجاري مطلوب ايضا بجانب الجانب الادبي ايضا.............لكن هذا لا يمنع ان فيه ناس بتحترم مهنتها بتحترم نفسها قبل مهنتها كمان ............لكن النماذج دي موجودة برضه للاسف........ :D انا شخصيا المفروض ان دراستي الصيدله الاكلنيكيه....ودي والحمدلله انتشرت في اكثر من كليه صيدله في مصر......يعني المفروض عملنا في المستشفيات وبنشترك مع الاطباء والممرضين في ال Health care team والفريق كله بيعمل لمصلحه المريض ...........ودا اللي بيتم في الدول الاوربيه وبعض دول الخليج في المستشفيات زي مستشفيات الاورام مثلا............بيقوم الطبيب بالتشخيص ويقوم الصيدلي بترجيح الدواء مع الاخذ في الاعتبار تفاعلات الادويه وديناميكيه الدواء في الجسم ...........ويقوم بتركيبه اذا لزم تركيبه.......زي محاليل العلاج الكيميائي مثلا.........ولكن دا للاسف مش بيحصل.......... :D كمان المفروض ان التفاعلات الدوائيه دي شغلتنا او ما يسمي بdrug interaction الا ان الاطباء في مصر لا يتقبلوا مثل هذه الامور..........وكم بالفعل من روشتات بتعدي علينا فيها كم من التفاعلات المضرة .........لو بلغتي بيها الدكتور طبعا لا يستجيب معللا انك شغلتك بس انك تصرفي..........يعني حتي نظرة المثقفين وزملاء القطاع الطبي كمان سيئه للاسف. :sad: تم تعديل 21 أبريل 2008 بواسطة galaxy املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حسام يوسف بتاريخ: 21 أبريل 2008 كاتب الموضوع تقديم بلاغ مشاركة بتاريخ: 21 أبريل 2008 (معدل) السلام عليكم انا تعبان نفسيا من ساعة ما كتبت الموضوع ده وواضح ان فيه زملاء من المهنة زعلوا انى كتبت الموضوع انا كتبت الموضوع حزنا على مهنتى اولا وحزنا على مهنة كانت محترمة ثانيا والحمد لله انا احسن من غيرى لكنها الغيرة على المهنة انا اسف لو كنت زعلت حد من اصدقائى انا مش جاى المنتدى عشان اضايق حد الف شكر تم تعديل 21 أبريل 2008 بواسطة حسام يوسف رابط هذا التعليق شارك المزيد من خيارات المشاركة
Alshiekh بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 ممكن الخص المشكلة من وجهة نظرى الافتقاد الى التخطيط عموما داخل البلد لا أتكلم عن مسئولية الحكومة ، فالحكومة لم تجبر طالب على دراسة الطب او الصيدلة او الهندسة. نحن من اخترنا بدون تخطيط اقتداءا بحكومتنا التى لاتخطط ايضا. وطبعا انا لاأقلل من قيمة التعليم وبالذات كليات القمة ، ولكن اقول وجهة نظرى فى طريقة اختيارنا لنوع الدراسة بدون ان ننظر حولنا لنعرف احتياجات سوق العمل. عموما انا اعرف ان امريكا لديها عجز فى الصيادلة. جرب حظك. ويا أخى الكريم مازالت مهنتك محترمة ، وكل المهن ايضا محترمة ، اى كان نوع المهنة أو الصنعة ، وقلة الأجر لاتقلل من قيمة العمل ابدا ، فالطبيب اجره فى الحكومة لايساوى ربع اجر صبى سمكرى سيارات. -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
galaxy بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 السلام عليكمانا تعبان نفسيا من ساعة ما كتبت الموضوع ده وواضح ان فيه زملاء من المهنة زعلوا انى كتبت الموضوع انا كتبت الموضوع حزنا على مهنتى اولا وحزنا على مهنة كانت محترمة ثانيا والحمد لله انا احسن من غيرى لكنها الغيرة على المهنة انا اسف لو كنت زعلت حد من اصدقائى انا مش جاى المنتدى عشان اضايق حد الف شكر مش لوحدك يا دكتور حسام والله......................وبعدين زملاء المهنه مش زعلانين ولا حاجه والله....................انا كل تعلقاتي عن مرتبي وغيرة ليس الا تهكم علي الوضع والله.........................وقلت في مداخلاتي نفس الكلام والله من تدني المستوي وعدم وجود اي نوع من التطور اقتداء بسيلسيه بلادنا في عدم التطور وبالتالي ليه اساسا نتطور.....................وماقلته من رواتب خارج مصر سمعته من غيري.............ورأيته ايضا...............الا انها حالات فرديه للاسف...............واوردت ايضا ان العديد من زملاء المهنه حصلوا بجدارة علي تأشيرات خروج نهائي من بعض الدول الخليجيه لتدني المستوي والاجور وسوء المعامله.......................وتكلمت كمان عن ان هذا المستوي لا يصلح لشاب في مقتبل حياته او صاحب مسئوليات..............................الموضوع مش عايز اسف يا دكتور حسام والله ...............بس للاسف ليس لدي حلول بس بحاول احسن من نفسي بالمعادله مثلا .................وانا برضه افضل من غيري....................لكن والله بشهاده الجميع الشهاده العاليه الوحيده اللي مش واخده حقها ادبيا وماديا في دول الخليج او سوق العمل في الخارج هي الصيدله.............................رفقا بنفسك يا دكتور واسفه ان كنت فهمت كلامي بصورة خاطئه............تحياتي وجزيل تقديري لغيرتك المشروعه علي مهنتنا العزيزة............................مع وافر تحياتي واعتذاري :lol: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
vipwithyou بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 دكتور حسام .. ايه رأيك تشترك انت واتنين ثلاثة زمايلك وتعملوا مخزن ادوية وتسيبك من الغربة اذا كانت مش جايبه هما وأنا مستعد أدخل معاكم شريك يا عم ايه رأيك أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
magedghonim بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 للاسف الشديد موضوع محزن جدااا وواقعي خالي من المبالغات ووحقيقي المهنة نوعا ما مستواها قل جدا جدا جدااااا انا مش قادر اوصل لسبب رئيس في الموضوع دة بس حلي هو: انك لو عايز تشتغل صيدلي بجد تبقى سافر للمكان الي بيقدر مكانة الصيدلاني وبيقدر علمه ومش بيتعامل معاه انه بياع وبس........ غير كدة كلام خيالي وسفسطة مش هتقدر توعي الناس بدور الصيدلي الخطير في الرعاية الصحية لمجتمعه بحكم موقعه الاقرب للناس ومش هتقدر توعي الصيادلة نفسهم لان الاعباء المادية عليهم بتقتلهم ودخلاء المهنة كتيييييييير مش هتقدر تمنع دخول عدد كبير للكليات ولا هتقفل الجامعات الي بتخرج وتغرق السوق انت ممكن تفتح مكان خاص بيك وتتميز فيه ودة محتاج امكانيات كبيرة مش مع شاب لسة متخرج في اول حياته والله المستعان رابط هذا التعليق شارك المزيد من خيارات المشاركة
حسام يوسف بتاريخ: 21 أبريل 2008 كاتب الموضوع تقديم بلاغ مشاركة بتاريخ: 21 أبريل 2008 (معدل) السلام عليكم أختى وزميلة مهنتى العزيزة جالاكسى (العزيزة صفة لحضرتك مش للمهنة لأنها لا بقت عزيزة ولا فتكات) :blink: انا كنت مخنوق وزعلان على حالنا ولما قلت واضح ان الزملا زعلوا من الموضوع ماكنتش اقصد حضرتك وماتلعبيش لعبة النفى والاستبعاد عشان تعرفى مين مش هقولك المهم النهاردة اختلفنا فى وجهات النظر انا والبيه ال GM جنرال مانجر يعنى وكنا بنتكلم فى التليفون ولا غلطت فية ولا حاجة اختلفنا فى نقطة فى الشغل قاللى يا دكتور حسام انت OFF :blink: :happy: :unsure: md2: كنت مذهول وواضح انى بعد ماكتبت عن زمايل مهنتى والشباب الخريجين الجداد انضميت لطابور الصيادلة فى الارض مع الاعتذار لدكتور (مش صيدلى)طة حسين لله الأمر من قبل ومن بعد والحمد لله رب العالمين وانشاء الله وربنا ييسر نتقابل فى كندا يا دكتور ماجد يارب ومعلهش يا عم تامر انا بشكرك على ثقتك فية لكن معزتك عندى كبيرة لدرجة انى أخاف على فلوسك وتعبك وشقاك فى الغربة يحصلهم حاجة والحمد لله رب العالمين تم تعديل 21 أبريل 2008 بواسطة حسام يوسف رابط هذا التعليق شارك المزيد من خيارات المشاركة
galaxy بتاريخ: 22 أبريل 2008 تقديم بلاغ مشاركة بتاريخ: 22 أبريل 2008 (معدل) لا حول ولا قوة الا بالله ................. اخي العزيز الدكتور حسام............تقبل اسفي .........وتفاءل خيرا تجده ان شاء الله اري ان وجهه نظر الزميل ماجد مثمرة .........وانا سبق وذكرت ان بعض الدول بالخارج وبعض دول الخليج لديها مجالات مهنيه للصيدله متناسبه لما سبق ودرسناه.....وحافظه لكرامه المهنه ايضا..............ومجزيه الي حدما......وخصوصا لشباب الصيادله اكثر لسهوله سفرهم وحركتهم..... لا تقلق يا دكتور حسام .........انشاء الله خير ............واذا كان لديك عرض بالفعل فأبدأبالاستخارة وتوكل ان كنت مرتاحا له.........وربنا يهيئلك كل خير بأذن الله تعالي......وياريت تطمنا علي جديدك اللي هيكون خير بأذن الله . ماتسيبناش قلقانين . تم تعديل 22 أبريل 2008 بواسطة galaxy املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حسام يوسف بتاريخ: 22 أبريل 2008 كاتب الموضوع تقديم بلاغ مشاركة بتاريخ: 22 أبريل 2008 السلام عليكم حتى لا يكون الكلام أقرب للولولة واللطم والتعديد لو جينا نتكلم عن السبب الرئيسى فى مشكلتنا لما جت أو ائل التسعينيات والدفعة المقبولة زادت بدلا من 200 واحد فى كليات الصيدلة بالاقاليم ووصلت 1000 يعنى الزيادة 400 % بسم الله ماشاء الله ساعتها الدولة فوجئت برفض كبير من د.حمدى السيد ان الاعداد المقبولة فى كليات الطب تزيد الزيادة الفظيعة دى لكن مجلس نقابة الصيادلة المحترم والذى يسيطر علية الاخوان المسلمين بقيادة د.زكريا جاد ماكانش عندة مشكلة تعرفوا يا جماعة ساعتها النشاط الاول لنقابة الصيادلة المحترمة كان ايه؟ تبرعوا لأخوانكم فى البوسنة والهرسك أمة تذبح وشعب يباد انا مسلم ومع ان نقف بجانب اخوتنا وحتى لو لم تكن البوسنة مسلمة يجب ان نقف مع المظلوم لكن هل هذا هو الهدف ذو الاولوية الاولى لنقابة الصيادلة؟ يفترض ان الهدف الرئيسى لاى نقابة ان تدافع عن مصالح المهنة 400% زيادة فى اعداد المقبولين يا هو؟ وييجوا بهوات نقابتنا يتكلموا عن اصلاح مهنة الصيدلة ولا حول ولاقوة الا بالله يعيش الاخوان المسلمين ومش مهم احنا رابط هذا التعليق شارك المزيد من خيارات المشاركة
galaxy بتاريخ: 22 أبريل 2008 تقديم بلاغ مشاركة بتاريخ: 22 أبريل 2008 معلومه زياده الاعداد دي حقيقيه............لاني كنت انوي دخول كليه في مدينه اخري...............وبعد لما قررت احول لكليه اقرب نسبيا................كان رقمي بعد قبول التحويل 1218 ولا انسي الرقم لاني فوجئت بالعدد الكبير للدفعه :blink: .........اللي تحول بعد الفلترة والرسوب والتحويل في الفرقه الرابيعه الي اكثر من 950 طالب :ninja: .............من كليه واحده..........ما بالك بباقي الكليات في الجامعات الاخري...............والله يا دكتور حسام لسه والداتي من يومين قايلالي ........الصيدله دي طلعت مقلب. wst:: .........وبصراحه عندها حق.............بس مش بحب اقولها عشان ما ازعلش اكتر. :sad: ................وبجد شكرا لغير تك علي المهنه ومستقبلها.......تحياتي :wub: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حسام يوسف بتاريخ: 22 أبريل 2008 كاتب الموضوع تقديم بلاغ مشاركة بتاريخ: 22 أبريل 2008 السلام عليكم ماقلته سابقا حول خطيئة مجلس الاخوان المسلمين بحق اجيال من الصيادلة بالسكوت على الجريمة الحكومية بحقنا ضاع صيادلة مصر زيهم زى مصر ماضاعت بين الحكومة والاخوان ولاحول ولاقوة الابالله رابط هذا التعليق شارك المزيد من خيارات المشاركة
حسام يوسف بتاريخ: 22 أبريل 2008 كاتب الموضوع تقديم بلاغ مشاركة بتاريخ: 22 أبريل 2008 (معدل) السلام عليكم النقطة الثانية التى اذتنا كصيادلة هى التعليم الصيدلى ومعلهش لو كان الكلام متخصص شوية لكن انا بكتب رأيى وبحاول احلل المشكلة عشان نعرف نحلها بسم الله ماشاء الله على التعليم الصيدلى المصرى احنا بناخد كمية مواد بتتكلم عن النباتات الطبية بدرجة تجنن وتحسسك اننا فى كلية علوم نبات مش صيدلة والكلام كل شوية يتكرر كل سنة الكلام الحمضان بتاع anomocytic stomata و beaded anti clinal wall و striated cuticle يانهار أسود ياجدعان كل سنة هما شوية النعناع والعرق سوس والزعتر وتقعد تلحس وتشم عشان الامتحان ولا مواد التحليل الطيفى المشهور عند الفرنجة باسم spectroscopy CHO GP بتدى فى ال UV عند ايه ومعرفش COOH بتدى بال IR عند ايه مرة روحت لدوكتور من الاخوة الاساتذة اللى فاكرين نفسهم علماء وسألته سؤال برئ: ليه احفظ أرقام المجموعات دى؟ ده من كترها انا ماعدتش شايف قدامى وحاسس ان دماغى بقت عاملة زى دليل التليفونات بتاع القاهرة الكبرى وربنا ماخلقليش دماغى وكرمنى بنعمة العقل عشان الارقام دى الناس برة ممكن تحط CHART على باب المعمل فيها القيم دى ولا المشكلة مافيش باب؟ فايه الداعى انى احفظ العدد الذرى والعدد الكتلى وارقام الطيف اللى وريتنى الوان الطيف بصلى حتة دين بصة بصة انسان عاقل متقدم لسة جاى من امريكا دلوقتى اهة ولسة شايف واحد من قبايل الومبيزى الافريقية المتخلفة وقاللى كلمة واحدة: امشى ايه لازمة المواد الحقيرة اللى ادوهالنا فى الكلية كام سنة ويدونا مادة الفارماكولوجى -علم الدواء يعنى اللى هية بالمصادفة البحتة اهم مادة فى الكلية لمدة سنة واحدة بس؟ زيها زى المواد التافهة اللى مش مهمة للصيدلى انا بتريق طبعا زى السموم مثلا والكيمياء الحيوية والصحة العامة يعنى بالبلدى ايه لازمة أول 3 سنين فى الكلية؟ مايدونا المواد المفيدة طول ال 5 سنين ولو بتوسع أكبر أهى هتفيدنا يا اما يحولوا الكلية من نظام ال 5سنوات الى نظام الصنايع سنتين؟ معلهش لو كنت بهرتل تم تعديل 22 أبريل 2008 بواسطة حسام يوسف رابط هذا التعليق شارك المزيد من خيارات المشاركة
om marawan بتاريخ: 22 أبريل 2008 تقديم بلاغ مشاركة بتاريخ: 22 أبريل 2008 الاخت العزيزة جالاكسى الشهيرة ب شيكوليت أنا طبعا كنت باهزر على موضوع محافظتكم ايه وعارفة ان الرواتب بتختلف وبرضه بتختلف فى الحكومة وطبعا المرتب مش يتقاس بس على صيدلانية بنت لكن يتقاس على شاب عاوز يبدأ حياته احنا كان معانا زمايل من بنها بعد التخرج سافروا القاهرة وكانوا بيشتغلوا طول اليوم شيفت نهار وشيفت ليلى عشان يعرفوا يتجوزوا لن زى ماقلتى القاهرة مختلفة فى اجر الساعة وطبعا مشكلة الشغل من زمان ..ان من يوم ما تتخرج لحد ماتبطل شغل هو نفس مستوى الرواتب يعنى لو واحد عنده 50 سنة وبيشتغل مدير فى صيدلية هياخد نفس مرتب اى مدير متخرج من سنتين انا بس كنت عاوزة أسأل على حاجة تانية دلوقتى انا دفعة قديمة شوية ....... احم احم ماكانش على ايامى موضوع الصيدلة الاكلينيكى غير يادوب كورس اسبوعين حسب الى عاوز اعمل ايه دلوقتى عشان أدرس التخصص ده لأنى كمان حاليا خارج مصر وحاولت ادور فى موضوع الدراسة اون لاين مع اى جامعة اوروبية او امريكية لقيت مافيش حاجة اسمها كلينيكال من غير حضور عشان العملى طبعا أعمل ايه ؟؟؟؟؟؟؟؟؟؟؟؟؟؟؟ الادكتور الفاضل حسام ماعتقدش حد زعل من كلام حضرتك ... دى كلها حقيقة اللى زعل مننا زعل على حاله انا بقالى مدىة باقول لجوزى كلمة واحدة تعليقا على موضوع مواد الدراسة ياخسارة التعب والسنين اللى راحت من عمرنا وفكرتنى بايام الكلية ولا النقطة بتاعة عملى الكيميا الصيدلية اللى كانت بتطير نص درجة العملى وساعات الدرجة كلها والله ياما نس خدت اصفار عشان البايبت كانت بتسرب :happy: يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
galaxy بتاريخ: 22 أبريل 2008 تقديم بلاغ مشاركة بتاريخ: 22 أبريل 2008 ونسيتوا ترم اول اعدادي بتاع علوم...........اللي عايز كله ضرب النار................ هما فعلا كانوا كام ماده كدا مهمه والباقي لزوم الحشو...........لازم يكملوا النصاب القانوني........ ..8 مواد الترم...... ..........الله لا يعيدها ايام. :happy: والله يا ام مروان انا مش عارفه ...عموما الكلينكال مش بيفرق كتير زيه زي غيرة بس ممكن يفرق بره مصر في مجالات معينه.....بس فيه نظام الدبلومه في جامعه القاهرة بس تقريبا بتبدأ من شهر يناير.........وفي كمان الفارم دي بتاعه صيدله طنطا.............بس اي حاجه في صيدله طنطا ما انصحكيش............كتير صعبه :blink: عموما موضوع الدبلومه بتاع صيدله القاهرة لا تتعدي معلوماتي فيه ان احدي صديقاتي التحقت بيها واخدتها.....وكان موضوعها صيدله مستشفيات................بس ممكن تسألي هناك اكتر .........او حد من صيدله القاهرة يفيدنا اكتر..........انا فكرت فيها بس ظروف الشغل كانت مش مناسبه كمان لقيتها مش فارقه بصراحه................وربنا يسهل ان شاء الله املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
Einstein بتاريخ: 23 أبريل 2008 تقديم بلاغ مشاركة بتاريخ: 23 أبريل 2008 (معدل) كلامك جميل جدا يا دكتور حسام ولا غبار عليه وايضا مشاركات الزملاء منطقية و واقعية وانا اتفق مع الزميلة الفاضلة ام مروان عندما قالت ماعتقدش حد زعل من كلام حضرتك ... دى كلها حقيقةاللى زعل مننا زعل على حاله انا بقالى مدىة باقول لجوزى كلمة واحدة تعليقا على موضوع مواد الدراسة ياخسارة التعب والسنين اللى راحت من عمرنا وفعلا انا اتفق معاك ان حرام اوي الدراسة المكثفة اللي اخدناها لما ملاقيش لها واقع عملي هنا في الدول العربية علي الاقل والاهتمام الاكبر بالكمياء و النبات علي حساب الفارما و الميكرو بتهيالي كان ممكن نخلي في تخصص من البداية لصيادلة البحث العلمي ، وصيادلة العمل الميداني في المستشفيات و الصيدليات بحيث انه يتم التركيز بالنسبة لصيادلة البحث العلمي و الشركات علي مواد الكمياء و التحليل و النبات و الطبية وفي الجانب المقابل يتم التركيز علي الفارما و الميكرو و الباثولوجي والطبية لصيالة الميدان الزميلة الغالية جالاكسي قرأت في معادلة الصيدلة بامريكا انهم لا يعترفون بكلية صيدلة اقل من خمس سنوات ولكن توجد معاهد صيدلة لمدة سنتين تخرج مساعد صيدلي المشكلة ليست في عدد سنوات الدراسة و لكن في محتوي الدراسة و الفقر الشديد للجانب العملي في الدراسة يعني لو افتكر معامل الكلية الاقي معامل الاولاد بتوع الاعدادي في امريكا افضل كمان فيه نقطة اعداد القبول للكلية غير متناسبة مع سوق العمل وكان من المفروض انه يكون فيه تحكم في اعداد المقبولين حتي تلائم الحاجة الفعلية لسوق العمل واخر نقطة احب اناقشها هي التفتيش الصيدلي لو ان باقي المحافظات التزمت بالتفتيش الصيدلي وانه لابد ان يتواجد الصيدلي المدير في فترته الصباحية و في المساء لابد ان يتواجد صيدلي مرخص مثل القاهرة و الجيزة سيتم تشغيل اعداد كبيرة من الخريجين و زيادة الاسعار تباعا تم تعديل 23 أبريل 2008 بواسطة Einstein يا باب أيا مقفول .. امتى الدخول؟ صبرت ياما واللى يصبر ينــــول دقيت سنين والرد يرجعلى : مين؟؟ لو كنت عارف مين أنا؟ ... كنت أقول عجبي!!!!!!!! رابط هذا التعليق شارك المزيد من خيارات المشاركة
حسام يوسف بتاريخ: 23 أبريل 2008 كاتب الموضوع تقديم بلاغ مشاركة بتاريخ: 23 أبريل 2008 السلام عليكم يا جماعة والله مش قصدى اضايقكم لكن مجلس زكريا جاد الاخوانجى ودونا فى داهية وشحتونا والا انتوا مش شايفين كدة؟ رابط هذا التعليق شارك المزيد من خيارات المشاركة
galaxy بتاريخ: 23 أبريل 2008 تقديم بلاغ مشاركة بتاريخ: 23 أبريل 2008 (معدل) الاخ العزيز اينشتاين.............تحياتي انا اقصد ان المفروض زي ما قال اخي الفاضل حسام ان استغلال هذه الفترة فيما يفيد كان افضل لنا من دراسه شيئ مش هينفعنا في حياتنا العمليه.او زي ما بتقول في اقتراحك بعمل تخصصات اعتقد كان هيكون افضل. بالنسبه لمساعدي الصيادله منتشرين جدا في الخليج وخصوصا الهنود. :P اللي اعرفه فعلا ان النجاح في معادله الصيادله هنا في الامارات بيكون عن طريق حساب اعداد المطلوبين طبقا لحاله السوق وعلي اساسها اعداد الناجحين في الامتحان. كان المفروض فعلا يكون دا النظام في القبول وزي ماقلت مرة ان صديقه تونسيه لوالدتي سبق وقالت ان كليه الصيدله هناك قفلت باب القبول لخمس سنوات لعدم تناسب الاعداد المتخرجه مع سوق العمل. لكني اعتقد بالفعل ان تقدير المهنه افضل في الدول الاوربيه. :) تم تعديل 23 أبريل 2008 بواسطة galaxy املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
galaxy بتاريخ: 23 أبريل 2008 تقديم بلاغ مشاركة بتاريخ: 23 أبريل 2008 السلام عليكميا جماعة والله مش قصدى اضايقكم لكن مجلس زكريا جاد الاخوانجى ودونا فى داهية وشحتونا والا انتوا مش شايفين كدة؟ والله يا دكتور حسام شايفين وكمان لمسينه بنفسنا...........والله كمان احنا مش متضايقين بس زعلنا علي حالنا اكتر......... :P فضفض براحتك والله الحال واحد وكلنا اخواتك وزمايل مهنتك ال.....عزيزة :) بس طمنا الاول اخبار الشغل ايه.........في جديد؟؟؟......يارب خير املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
Einstein بتاريخ: 23 أبريل 2008 تقديم بلاغ مشاركة بتاريخ: 23 أبريل 2008 الاخ العزيز اينشتاين.............تحياتي انا اقصد ان المفروض زي ما قال اخي الفاضل حسام ان استغلال هذه الفترة فيما يفيد كان افضل لنا من دراسه شيئ مش هينفعنا في حياتنا العمليه.او زي ما بتقول في اقتراحك بعمل تخصصات اعتقد كان هيكون افضل. بالنسبه لمساعدي الصيادله منتشرين جدا في الخليج وخصوصا الهنود. اللي اعرفه فعلا ان النجاح في معادله الصيادله هنا في الامارات بيكون عن طريق حساب اعداد المطلوبين طبقا لحاله السوق وعلي اساسها اعداد الناجحين في الامتحان. لكني اعتقد بالفعل ان تقدير المهنه افضل في الدول الاوربيه. دكتورة جالاكسي بالنسبة لتقدير المهنة ماديا في الخليج فاعتقد انها مسالة عرض وطلب والحكومة ممكن يكون لها دور بالتعاون مع النقابة في فرض حد ادني للراتب و لسعات العمل لان الكفيل الخليجي لما بيشوف الخريج الجديد مستعد للسفر باي ثمن وهوه عنده خريج قديمبياخد الشيء الفلاني يقوم يقرفه شوية لحد ما يمشي علشان يجيب ناس من الجداد اما التقدير المعنوي فكل مهنة فيها الكويس وفيها الوحش واحنا في الصيدليات ياما بنشوف و نسمع من الناس والحمد لله بالتعامل مع الناس بتكون فيه ثقة كبيرة جدا حتي في اختيار الطبيب المعالج بس المشكلة الحقيقة ان احترام الانسان و قدره مش يرتبط بمهنته ودي اجمل حاجة في الغرب فالمبدع و المتفوق في اي مجال له وضعه و احترامه انما احنا في العالم العربي للاسف لسه بنبص بالطبقية ، الدكاترة و المهندسين و المحاسبين و الفنين ...... يا باب أيا مقفول .. امتى الدخول؟ صبرت ياما واللى يصبر ينــــول دقيت سنين والرد يرجعلى : مين؟؟ لو كنت عارف مين أنا؟ ... كنت أقول عجبي!!!!!!!! رابط هذا التعليق شارك المزيد من خيارات المشاركة
حسام يوسف بتاريخ: 23 أبريل 2008 كاتب الموضوع تقديم بلاغ مشاركة بتاريخ: 23 أبريل 2008 السلام عليكم تفتكروا فيه حل؟ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان