"تبارك الذي إن شاء جعل لك خيرا من ذلك جنت تجري من تحتها الأنهر ويجعل لك قصورا"

[~Heba~]

السلام عليكم

الاخوة اللى عايشين فى جدة يمكن يكونوا شافوا هذا الفندق..فندق قصر الشرق ذو السبع نجوم

وهو أول قصر فندقي في المملكة. و يتألف القصر من تسعة طوابق، ويقع قبالة كورنيش جدة الرئيس بشكله المثلث من الجرانيت.

عند الدخول إلى البهو يلفت الانتباه التصميم الذي يأخذ الطابع العربي الإسلامي، وهو لا يعبر عن بهو فندق، بل بهو قصر ملكي فاخر من خلال مداخله التي زينت بالزخارف والنقوش، بالإضافة إلى 60 كيلوجراماً من أوراق الذهب، استخدمت في ديكور أسقف البهو، واستغرق تركيبها ستة أشهر على يد أمهر الصناع، بالإضافة إلى كسوة أرضيات القصر ومداخله التي تعبر عن التاريخ العربي بأفخر أنواع الرخام المنتقاة من البرازيل وعدد من دول العالم، وتشكل لوحة رائعة من الموزاييك النفيس.

الدور التاسع من المبنى يضم جناحيّ "قصر الشرق" اللذين يغطي كل جناح منهما نصف طابق، ويتألف من غرفتي نوم رئيستين كبيرتين، وغرفة جلوس خاصة، ومجلس ضخم، وغرفة كبيرة لتناول وجبات الطعام، بالإضافة إلى مطبخ وناد صحي خاص، يضم صالة للرشاقة وغرفة للساونا وجاكوزي.

رؤساء دول

يحتضن القصر 8 أجنحة ملكية، و12 جناحاً لكبار الشخصيات، و24 جناحاً فخماً "جونيور سويتس"، وجميع الأجنحة مزودة بأحدث ما توصلت إليه التقنيات السمعية- البصرية، مع خدمة الاتصال اللاسلكي السريع بالإنترنت "WiFi"، وأنظمة متطورة للتحكم بالإضاءة والستائر والحرارة أتوماتيكياً.

يقول مدير العلاقات العامة في الشركة الممثلة لهيلتون في المملكة صهيب الوزير "قصر الشرق شيد في السعودية لتلبية رغبات الشخصيات الكبرى، مشيراً إلى أن الفكرة هي أن ينتقل الشخص من قصره مثلاً في الرياض إلى قصره في جدة، دون أن يشعر بفرق، مضيفاً أن قصر الشرق استقبل العديد من رؤساء الدول ورؤساء الوزراء والوزراء والأمراء والشيوخ من الخليج العربي.

ولا يمانعك أحد إذا أردت خوض تجربة التجول داخل القصر الذي يشبه القصر الحقيقي، وليس الفندق بمعناه المعروف. إذ شوهد عدد من الأسر من ذوي الدخول المحدودة يتجولون في القصر، ويتناولون بعض الوجبات في مطعمه.

رولز رويس فارهة

يبدأ استقبال ضيف قصر الشرق في المطار عن طريق سائق خاص يقود سيارة الرولز رويس الفارهة، وبعد وصول الضيف كما يحب أن يطلق عليه العاملون في القصر لا يقف عند الاستقبال، لأنه لا يوجد في القصر استقبال، فالضيف يصعد مباشرة إلى جناحه المخصص لإقامته.

كل جناح يقف أمامه خادم خاص يقوم على خدمة الضيف، وتم تدريب فريق مؤلف من 17 خادماً على تلبية كافة الاحتياجات الشخصية لكل ضيف في القصر، وعلى مدار الساعة.

أثناء التجول داخل القصر ستلتقط أنفاسك رائحة الورود التي تغطي المكان بـ 1200 مزهرية منسقة بأكثر من 25 تصميماً إيطالياً مختلفاً، وبعض أنواع الورود تصل أسبوعيا من هولندا إلى القصر.

ملاءات فخمة وأطباق فرساتشي

زينت الأسرّة بملاءات قطنية فائقة الفخامة (600 خيط/ إنش)، مصممة في مدينة البندقية بإيطاليا، وبتركيبة شبيهة بقماش الساتان، مطرزة بخيوط ذهبية، ومصممة خصيصاً لمحاكاة الديكور الفخم للغرف، فضلاً عن الأغطية المحشوة بريش النعام، والتي تم تطريز كل واحد منها بأكثر من مليون خيط ذهبي، واختيرت تجهيزات الحمامات من أشهر العلامات التجارية العالمية.

خلال الجولة في قصر الشرق يلفت انتباهك أيضا "مطعم الشرق" و المطعم الإيطالي الشهير BICE المشهور عالميا ً ويلاحظ أن الأطباق المستخدمة في تقديم الأكل في قصر الشرق صنعت خصيصاً للقصر بإمضاء فرزاتشي.

المياه المعدنية تقدم في قصر الشرق بعد استيرادها من اسكتلندا وجبال الألب في سويسرا، وهذا يكفي لأن تدفع للكوب الواحد 40 ريالاً، فضلاً عن 50 ريالا لكوب الشاي، ويوفر القصر للضيف جميع أنواع الشاي في العالم.

جناح لمدخني السيجار

في الدور الأول من القصر خصص جناح خاص لمدخني "السيجار" حيث يعرض أفضل أنواع السيجار وتبدأ قيمة السيجار الواحد من 200 ريال وتصل إلى 2000 ريال للسيجار الواحد.

بقي أن نعرف الأسعار التي يطرحها قصر الشرق، فالغرفة بمساحة 45 متراً بـ 5 آلاف لليلة الواحد، والجناح التنفيذي بمساحة 85 متراً بـ 10 آلاف ريال لليلة الواحدة، أما الجناح الملكي الذي تقدر مساحته بـ 450 متراً فالليلة الواحدة للسكن فيه بـ 26 ألف ريال، وجناح الشرق الذي تقدر مساحته بـ 1000 متر فتكلفته 60 ألف ريال للسكن ليلة واحدة فقط.

اترككم مع الصور

موقع الفندق

بصراحة الموضوع :blink:

و اكثر شئ عجبنى فيه التعليقات عليه اللى كان اغلبها

يا الله قصور الجنة....يا الله الجنة

طبعا احنا مش محتاجين نناقش البذخ و الاسراف ...لكن

الفندق ده مستهدف به فئة الاغنياء ..من العرب على اساس انه العرب بينهم اغنياء كتير :rolleyes:

بالله لو حد شاف الفندق ده على الطبيعه يقولنا و يجيب لنا حاجة من ريحته :unsure:

تم تعديل 19 أبريل 2008 بواسطة ENG.Heba

[badroora]

هبة بجد بجد هو دا مكان الناس بتسكن فيه وناس ناس زينا من لحم وعضم ولا بس دا للفُرجه :blink:

بس على فكرة يا هبة الناس اللى بتسكن فى دا اختاروا الدنيا اما اللى زينا اختاروا الجنة الحقيقية قولى امين :rolleyes:

تم تعديل 19 أبريل 2008 بواسطة Badria Mekkawy

[~Heba~]

هبة بجد بجد هو دا مكان الناس بتسكن فيه وناس ناس زينا من لحم وعضم ولا بس دا للفرجه :blink:

يمكن يا بدرية ناس مطليين بالدهب :rolleyes:

[حسام يوسف]

السلام عليكم

لو مسكت البلد دى

هأممها :blink:

[nash]

أخدتي بالك يا هوبا من الورد المنثور علي سلالم المغطس؟؟ :unsure:

بالله لو حد شاف الفندق ده على الطبيعه يقولنا و يجيب لنا حاجة من ريحته

أأمريني بس......إن شاء الله قريب سأذهب للعمرة ..والتمتع بالأجازة السنويه في جناحي الشخصي....

طبعا بعد ما أكون صفيت نيتي ..وعقدت العزم ...

هادعيلك يا هوبا.... :rolleyes: :lol:

ومبروك علي التوقيع الجديد...والله نشفتي ريقنا....بس بجد يستاهل الصبر.....اللي صبرناه علي دوبانه مايو يعني :blink:

[~Heba~]

السلام عليكم

لو مسكت البلد دى

هأممها :lol:

شد حيلك و ابقى ادينى حتة من السقف عشان تبقى شبكتى bv:-

أخدتي بالك يا هوبا من الورد المنثور علي سلالم المغطس؟؟ :lol:

بالله لو حد شاف الفندق ده على الطبيعه يقولنا و يجيب لنا حاجة من ريحته

أأمريني بس......إن شاء الله قريب سأذهب للعمرة ..والتمتع بالأجازة السنويه في جناحي الشخصي....

طبعا بعد ما أكون صفيت نيتي ..وعقدت العزم ...

هادعيلك يا هوبا.... :rolleyes: :lol:

ومبروك علي التوقيع الجديد...والله نشفتي ريقنا....بس بجد يستاهل الصبر.....اللي صبرناه علي دوبانه مايو يعني :blink:

تذهبى للعمرة فين يا ناش الفندق فى جدة !!!!!!!!!!

اما التوقيع فده مجرد مقددمة ...ترقبوا المفاجأة ...تغيير الاسم...خلاص مبقاش مفاجأة :unsure:

[جويرية]

بيستوردوا الميه !!!! :)

[nash]

هاروح بالطيارة بتاعتي يا هوبا.....

هابأة أجيبلك صورها....علشان يبأة القصر والطيارة.....وتتأكدي اني مش بضحك عليكي...وبعدين يا قلبي بين مكه وجده حوالي نص ساعه...

هاااااا مش عايزاني أدعيلك؟؟؟

أكتب طلباتك وأحجزي الأول.... :)

[~Heba~]

بيستوردوا الميه !!!! i*:

دا كان زمان يا جويرية دلوقتى بعد التقدم العلمى بقوا بيحلوا مياه البحر و ده بيكلف تكاليف مش هينة

هاروح بالطيارة بتاعتي يا هوبا.....

هابأة أجيبلك صورها....علشان يبأة القصر والطيارة.....وتتأكدي اني مش بضحك عليكي...وبعدين يا قلبي بين مكه وجده حوالي نص ساعه...

هاااااا مش عايزاني أدعيلك؟؟؟

أكتب طلباتك وأحجزي الأول.... :lol:

:closedeyes: طب اسألك على حاجة...ممكن

هيا الطيارة مطلية بالدهب..لوكده يبقى هاتى صورها لومش كده بلاش آآآآآه امال ايه احنا بتوع الدهب :lol:

:)

طبعا عايزاكى تدعيلى بان ربنا يدينى زى اللى فى الصورة الرمزية بتاعتى شايفاها :unsure:

[badroora]

هاروح بالطيارة بتاعتي يا هوبا.....

.... :closedeyes:

وادى طيارة ناش اهيه عشان يكون كلمنا مصدق وموثق اشتريتها وانا كنت معاها

طيارة فيت 747 ملاكي سوهاج :)

[~Heba~]

وادى طيارة ناش اهيه عشان يكون كلمنا مصدق وموثق اشتريتها وانا كنت معاها

طيارة فيت 747 ملاكي سوهاج :)

ايه دا يا بنتى لأ لأ مش معقول ايه الزلامكة دى ...هو يعنى ايه زلامكة ...عديها

لأ فعلا ناش مقامها اكبر من كده..دى طيارة مقصوفة الرقبة..قصدى مقصوفة الديل :closedeyes:

انما لو الطيارة من جوة مطلية دهب يبقى خلاص مش مشكلة :unsure:

[جويرية]

دا كان زمان يا جويرية دلوقتى بعد التقدم العلمى بقوا بيحلوا مياه البحر و ده بيكلف تكاليف مش هينة

المياه المعدنية تقدم في قصر الشرق بعد استيرادها من اسكتلندا وجبال الألب في سويسرا، وهذا يكفي لأن تدفع للكوب الواحد 40 ريالاً،

لأ أهو بيستوردوا الميه و مالها مية الحنفية :)

[~Heba~]

المياه المعدنية تقدم في قصر الشرق بعد استيرادها من اسكتلندا وجبال الألب في سويسرا، وهذا يكفي لأن تدفع للكوب الواحد 40 ريالاً،

لأ أهو بيستوردوا الميه و مالها مية الحنفية :closedeyes:

طبيعى الفنادق بتكون فيها مية معدنيه للشرب بس دى نوع فاخر من جبال الالب

طبعا فيه مية حنفيه...اللى فى المغطس :)

[Handasah]

مش هقول غير انا لله وانا الية راجعون.............

[التونسى]

بمناسبة تلك الصور .. تذكرت أيتين من القران الكريم ..من سورة الكهف .. نحتاج حقيقة ان نتأمل قيهما ... سأوردهما وسأورد تفسير لهما

بسم الله الرحمن الرحيم

إِنَّا جَعَلْنَا مَا عَلَى الأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلاً (7)

إنَّا جعلنا ما على وجه الأرض من المخلوقات جَمالا لها، ومنفعة لأهلها؛ لنختبرهم: أيُّهم أحسن عملا بطاعتنا، وأيهم أسوأ عملا بالمعاصي، ونجزي كلا بما يستحق.

وَإِنَّا لَجَاعِلُونَ مَا عَلَيْهَا صَعِيداً جُرُزاً (8)

وإنَّا لجاعلون ما على الأرض من تلك الزينة عند انقضاء الدنيا ترابًا، لا نبات فيه.

صدق الله العظيم

شكرا لكى اختى الكريمه على الصور :)

[nash]

واضح يا هوبا أنك مش مصدقانا أنا وبدريه :unsure:

لعلمك أنا لسه بدفع تقسيطها لغايه دلوقتي.....حتي كتبت علي الديل....الحلوة دي من سوهاج....وماتبصليش بعين رضيه شوف المدفوع فيه.. :)

وأدي الصور من جوة الطيارة....

وأتخانقنا أنا وبدريه مين ياخد الجناح الشرقي ومين الجناح الغربي...بس في الاخر اتفقنا الحمد لله وعملنا قورعه....قولي باة بنكذب :lol:

................................................................

هادعيلك إن شاء الله وإن شاء الله ربنا يوفقك في كل ماتتمنينه لنفسك وأفضل....وأحلي ...واروع :closedeyes:

[النجم الثاقب]

اللهم احشرنى فى زمرة الفقراء و المساكين

الف شكر على هبه على المجهود :)

[badroora]

القناعة كنزا لا يفنى .. wst::

انا اخترت الاخرة وهاصبر للفوز بجنة الفردوس

اللهم ابعدنى عن كل مفتنات الحياة والهمنى القناعة والصبر

يا تو ك توك الهنا قنوعة بك انا :sad:

تم تعديل 20 أبريل 2008 بواسطة Badria Mekkawy

[حشيش]

بالله لو حد شاف الفندق ده على الطبيعه يقولنا و يجيب لنا حاجة من ريحته

يعنى بذمتك ياهبة دى خلقت واحد راح القصر ده قبل كده وشاف فيه إيه !!! ... ليه الغلط ده ياأبله ؟! :sad:

[~Heba~]

بالله لو حد شاف الفندق ده على الطبيعه يقولنا و يجيب لنا حاجة من ريحته

يعنى بذمتك ياهبة دى خلقت واحد راح القصر ده قبل كده وشاف فيه إيه !!! ... ليه الغلط ده ياأبله ؟! wst::

معلش يا مستر حشيش...الفندق ده فيه كل حاجة ..ميه معدنيه على سيجار انما حشيش ..مظنش :sad: