كيف أعرف أن مياه الصنبور صالحة للشرب والاستعمالات الآدمية؟

[محمد عبدالعزيز]

وجدت هذا الموضوع المهم من وجهة نظرى والذى يتحدث عن أنواع الفلاتر وطريقة عملها ومدى أهميتها وأحببت أن أشارككم فيه:

فلاتر صحية ونظيفة لتنقية مياه الشرب

من أهم المعلومات الواردة فى هذا الموضوع هو التحذير من شراء فلتر من النوع ( R-O )؛ لأنه يزيل جميع الأملاح الذائبة في المياه والتي يحتاجها جسم الإنسان؛ وذلك طبقا لتقارير منظمة الصحة العالمية، والتي أقرتها بـ 1000 ملليجرام لكل لتر، كحد أقصى للأملاح الذائبة في مياه الشرب. وهذا التحذير سارى داخل مصر لأن الغالبية العظمى من مياه الشرب فى مصر مطابقة للمواصفات الصحية طبقاً لما ورد فى الموضوع.

[عنبو]

اولا السلام عليكم ورحمة الله وبركاته طالما بتتكلموا فى المياه يبقى وجب علينا ان احنا نتكلم

اولا بالنسبه للفلاتر اللى بتتخلص من كل الاملاح الذائبه فى المياه فدى صبعا مصيبه لانه الجسم محتاج لهذه الاملاح والعجب انى لاقيت بعض الشركات بتفتخر ان جهازهم يعطيك نتيجة tds zero طبعا دى مشكله وكارثه

فيه مواصفات قياسيه للمياه الصالحه للاستعمال الادامى وانصحك مش تثق فى اى شركه الا لما تجرى تحليل للمياه اللى انتجها الفلتر

وطبعا نسبة الاملاح الذائبه الكليه او "" TDS" فدى ليها حد معين الحد الاعلى بتاعها هو 1000 وطبعا المفروض مش تنزل عن 100 لكن الاحسن والافضل هو 120 لكن 1000 صالح للاستعمال الادامى بس بشروط يعنى من باب الضرورات مش اكتر

نيجى بقى على موضوع عسر الماء المسؤل الاول والاخير عن عسر الماء هو املاح الكالسيوم والماغنسيوم بس ده بالنسبه للعسر المؤقت لكن فى حالة العسر الدائم فده بجابب وجود املاح الكالسيوم والماغنسيوم يوجد ايضا املاح السليكات والكبريتات

اما بالنسبه للعسر المؤقت فيتم التخلص منه عن طريق غلى الماء اما بالنسبه للعسر الدائم فيتم التخلص منه كيميائيا

طيب فيه جهاز يمكنه التخلص من عسر الماء اذا كان الماء لا يرغى حيث يقوم باستبدال ايونات الكالسيوم والماغنسيوم ب ايونات الصوديوم وبهذا يكون قد تخلص من العسر لكن تبقى المشكله حيث ان ارتفاع ايونات الصوديوم فى الماء تؤدى طبعا الى ارتفاع الضغط لذا يجب عمل كنترول معين على الماء وخصوصا اذا هنستعمله للشرب اما لو للغسيل يبقى لا بأس

طيب ايه الحل ممكن نستعمل فلتر بس نعمل تحليل للماء المنتج منه عن طريق اى معمل وبالتالى هنقدر نحكم اذا كان الفلتر ده صالح للاستعمال او لا ولا توجد طريق اخرى للكشف عن صالحية المياه الا التحليل لها ومش تثق فى كلام اى شركه الا لما تعمل تحليل بنفسك وزى لما قلت مش تفرح ان نسبة الاملاح صفر وفيه حاجات اخرى مش عاوز اخوض فيها ...

وبعدين فيه ناس غير متخصصين يجبوا محطة تحلية مياه بتشتغل بالكهرباء ويلفوا على البيوت ويبعوا المياه طبعا المياه دى مش صالحه لانها تقريبا مش موجود بيها املاح اساسا ؟؟ فمن الواجب ان احنا طالما مافيش رقابه يبقى احنا هنعمل ايه هنراقب احنا بانفسنا

طيب ايه مواصفات المياه اللى الواحد يستعملها

TDS max 1000 نسبة الاملاح الذائبه

PH 6.5 _8.5 الاس الهيدروجنى

water hardness 500 عسر الماء

حديد 0.3

رصاص 0.05

منجنيز 0.1

الصوديوم 200

الكلور 250

الفلوريد 1.5

الكبريتات 400

ممنوع تواجد اى بكتريا فى الماء طبعا ياجماعه فيه حاجات تانيه كتير يلا ربنا يصبرنا على اللى احنا فيه لان المفروض اللى يعمل الحاجات دى يكون واحد متخصص لان الموضوع له ابعاد تانيه بس ده اقل تبسيط وانا تحت امركم فى استفسار

طبعا فى كذا طريق لتحلية المياه

من بينهم ro دى معناها reversr osmosis اى الاسموزيه العكسيه ودى تقريبا اكثر انتشارا لقله تكلفة تشغيلها بالمقارنه بالوحدات الاخرى التى تشتغل بنظام الغليان او m s f "" multi stage falshing "" اوا او الخ

وبالنسبه لموضوع الفلتر اللى بيحول اللون دى طبعا خدعه كبيره اقوى وسلام

[زعلان]

يعني يا فلونة مية الحنفية المعالجة بالفلتر احسن ولا المية المعدنية !